Genesis Exod. Leviticus Numbers Deuteron. Yešua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Zechariah 1-14
Zechariah 1
1. Bahodeš hašemini, bišnat šetajim ledarejaveš hajah devar-Jehovah el-zeharjah ben berehjah, ben idov hanavi lemor.
2 .Kasaf Jehovah al-avovteihem kasef.
3. Veamarta alehem koh amar Jehovah sevaot, šuvu elai, neum Jehovah sevaovt veašuv aleihem, amar Jehovah sevaovt.
4 .Al-tihju havoteihem ašer kareu aleihem haneviim harišonim lemor koh amar Jehovah sevaot, šuvu na midarheihem haraim, umalileihem humaleihem kharaim velo šameu velo hikšivu elai neum-Jehovah.
5. Avovteihem aijeh hem vehaneviim, halovlam jihju.
6. Ah devarai vehukai ašer siviti et-avadai haneviim, halov hisigu avoteihem vaijašuvu vaijomeru kašer zamam Jehovah sevaovt la-asot lanu, kidraheinu uhemalaleinu, ken asah itanu.
7 .Bejom esrim vearbah leaštei asar hodeš hu-hodeš ševat, bišnat šetajim ledarejaveš hajah devar Jehovah el-zeharjah ben berehjahu, ben idov hanavi lemor.
8. Raiti halajlah vehineh-iš rohev al-sus adom, vehu omed, bein hahadasim ašer bamesulah veaharav susim adumim, serukim ulevanim.
9. Vaomar mah eleh adoni vaijomer elai hamalah hadover bi, ani areka mah hemah eleh.
10 .Vaijan haiš haomed bein hahadasim vaijomar eleh ašer šalah Jehovah, lehithaleh ba-arec.
11. Vaijanu et-malah Jehovah haomed bein hahadasim, vaijomeru hithalahnu va-arec vehineh hol ha-arec joševet vešokatet.
12. Vaijan malah Jehovah vaijomar Jehovah sebaovt, ad-matai atah lo terahem et-jerušalim, ve-et arei jehudah ašer zamtah, zeh šivim šanah.
13. Vaijan Jehovah et-hamalah hadover bi devarim tovim devarim nihumim.
14 .Vaijomer elai hamalah hadover bi, kera lemor, koh amar Jehovah sebaovt kineti lirušalim ulesijon kinah gedovlah.
15. Vekesef gadovl ani kosef, al-hagovjim haša ananim ašer ani kasafti meat, vehemah azeru lerah.
16. Lahen koh-amar Jehovah šavti lirušalim berahamim, beiti jibaneh bah, neum Jehovah sevaovt vekavah hvekav kjinateh al-jerušalim.
17. Ovd kera lemor koh amar Jehovah sebaovt, ovd tefuseinah arai mitov veniham Jehovah ovd et-sijovn, uvahar ovd birušalim.
18. Vaesa et-einai vaere vehineh arba keranovt.
19 .Vaomar el-hamalah hadover bi mah eleh vaijomer elai, eleh hakeranot ašer zeru et-jehudah, et-jizrael virušalam.
20. Vaijareni Jehovah, arbah harašim.
21. Vaomar mah eleh vaim la-asot vaijomer lemor eleh hakeranot ašer zeru et-jehudah kefi-iš lo-nasa rošov, vaijavou eleh lehahrid otam, lejadovt et karnot hagovjim hanoseim keren el erec jehudah lezarovtah.
Zechariah 2
1. Vaesa einai vaere vehineh-iš uvejadov hevel midah.
2. Vaomar anah atah holeh vaijomer elai lamod et-jerušalim, lirot kamah rahebah vehamah arekah.
3 .Vehineh hamalah hadover bi jose umalah aher, jose likratov.
4 .Vaijomer elav, rus daber el-hanar halaz lemor perazot tešev jerušalim, merov adam uvehemah betovhah.
5. Va-ani ehjeh lah neum- Jehovah, hovmat eš saviv ulehavod ehjeh vetovhah.
6 .Hovj hovj venusu me-erec safon neum Jehovah ki kearba ruhovt hašamajim perasti ethem neum Jehovah.
7. Hovj sijon himaleti jovševet bat bavel.
8. Ki hoh amar Jehovah sevaovt ahar kavod, šelahani el-hagovjim hašolelim ethem ki hanogea bahem, nogea bevavat einov.
9 .Ki hini menif et-jadi aleihem, vehaiu šalal leavdeihem vidatem ki- Jehovah sevaot šelahani.
10. Rani vesimhi batš sijon ki hini-va vešahanti vetovheh neum-Jehovah.
11 .Venilvu govjim rabim el-Jehovah baijovm hahu, vehaiu li leam vešahanti vetovheh, vejadate ki-Jehovah sevaot šelahani elajih.
12 .Venahal Jehovah et-jehudah helkov, al admat hakodeš uvahar ovd birušalim.
13. Has kol basar mipenei Jehovah ki neovr mimeovn kadešov.
Zechariah 3
1. Vaijareni et-jehovšua hakohen hagadovl, omed lifnei malah Jehovah vehasatan omed al-jeminov lesitnov.
2. Vaijomer Jehovah el-hasatan jigar Jehovah beha hasatan, vejigar Jehovah beha, haboher birušalim halov zehud musal me-eš.
3 .Vihovšua hajah lavuš begadim sovim veomed lifnei hamalah.
4. Vaijan vaijomer el-haomedim lefanav lemor, hasiru habegadim hasoim mealav vaijomer elav reh hevarti mealeiha avoneha, vehalbeš oteha mahalasot.
5. Vaomar jasimu sanif tahovr al-rošov vaijasimu hasanif hatahovr al-rošov vaijalbišuhu begadim, umalah Jehovah omed.
6 .Vaijad malah Jehovah, bihovšua lemor.
7. Koh-amar Jehovah sebaovt im bidrahai teleh veim et-mišmarti tišmor, vegam atah tadin et-beiti, vegam tišmor et-haserai venatati leha mahlehim, bein haomedim haeleh.
8. Šema-na jehovšua hakohen hagadovl atah vereiha haijoševim lefaneiha, ki-anšei movfet hemah ki-hini mevi et-avdi semah.
9. Ki hineh haeven ašer natati lifnei jehovshua, al-even ahat šivah einajim hini mefateah pituhah neum Jehovah sevaovt, umašti et-avon ha-arec hahi bejovm ehad.
10. Baijom hahu neum Jehovah sebaovt, tikreu iš lerehu el-tahat gefen ve-el tahat tenah.
Zechariah 4
1. Vaijašav hamalah hadover bi vajireni keiš ašer-jeovr mišenatov.
2 .Vaijomer elai, mah atah roeh vaijomerh vaomark raiti vehineh menovrat zahav kulah vegulah al-rošah vešivah neroteiha aleiha, šivah vešivah musakot, lanerovt ašer al-rošah.
3. Ušenajim zeitim aleiha ehad mimin hagulah, ve-ehad al semolah.
4 .Va-an vaomar, el-hamalah hadover bi lemor mah eleh adoni.
5. Vaijan hamalah hadover bi vaijomer elai, halov jadata mah hemah eleh vaomar lo adoni.
6 .Vaijan vaijomer elai lemor, zeh devar-Jehovah, el-zerubavel lemor lo vehajil velo vehoah, ki im-beruhi, amar Jehovah sevaot.
7 .Mi-atah har hagadovl lifnei zerubavel lemišor vehovsi et-haeven harošah, tešuovt hen hen lah.
8 .Vajhi devar-Jehovah elai lemor.
9 .Jedei zerubavel jisedu habajit hazeh vejadav tevasanah vejadata, ki-Jehovah sevaot šelahani aleihem.
10 .Ki mi vaz lejom ketanot vesamehu verau et-haeven habedil bejad zerubavel šivah eleh einei Jehovah, hemah mešovtim behol ha-arec.
11. Va-an vaomar elav mah šenei hazeitim haeleh, al-jemin hamenovrah veal semovlah.
12 .Va-an šenit, vaomar elav mah šetei šibalei hazeitim ašer bejad šenei santerot hazahav, hamrikim mealeihem hazahav.
13. Vaijomer elai lemor, halov jadata mah eleh vaomar lo adoni.
14. Vaijomer eleh šenei venei haijišar haomedim al-adovn kol ha-arec.
Zechariah 5
1. Va-ašuv vaesa einai vaereh vehineh megilah afah.
2. Vaijomer elai, mah atah roeh vaomar ani roeh megilah afah, arekah esrim ba-amah, verahebah eser ba-amah.
3. Vaijomer elai, zot ha-alah, haijovset al-penei hol ha-arec ki hol hagonev mizeh kamovha nikah, vehol hanišba, mizeh kamovha nikah.
4 .Hovsetiha neum Jehovah sevaot, uvah el-beit haganav, ve-el beit hanišba bišmi lašaker velaneh betovh beitov, vehilatu ve-et esav ve-et avanav.
5 .Vaijese hamalah hadover bi vaijomer elai, sana eineiha ureh, mah haijovset hazot.
6 .Vaomar mah hi vaijomer zot haeifah haijovset, vaijomer zot einam behol ha-arec.
7 .Vehineh kikar oferet niset vezot išah ahat, jovševet betovh haeifah.
8 .Vaijomer zot harišah, vaijašleh otah el-tovh haeifah vaijašleh et-even haoferet el piha.
9. Vaesa einai vaerec vehineh šetajim našim jovsot veruah behanfeihem, velahenah henafajim kehanfei hahasidah vatisenah et-haeifah, bein ha-arec uvein hašamajim.
10 .Vaomar el-hamalah hadover bi anah hemah movlihovt et-haeifah.
11. Vaijomer elai, livnovt lah vajit be-erec šinar vehuhan vehunihah šam al-mehunatah.
Zechariah 6
1. Va-ašuv vaesa einai vaereh, vehineh arba markavot joseot, mibein šenei heharim veheharim harei nehošet.
2 .Bamerkavah harišonah susim adumim uvamerkavah hašenit susim šehorim.
3 .Uvamerkavah hašelišit susim levanim uvamerkavah hareviit, susim berudim amusim.
4 .Va-an vaomar, el-hamalah hadover bi mah eleh adoni.
5 .Vaijan hamalah vaijomer elai eleh arba ruhovt hašamajim, jovsovt mehitjasev al adovn kol ha-arec.
6. Ašer-bah hasim hašehorim joseim el-erec safovn, vehalevanim, jaseu el-ahareihem vehaberudim, jaseu el-erec hateiman.
7. Veha amusim jaseu vajvakšu lalehet lehithaleh ba-arec, vaijomer lehu hithalehu va-arec vatit halahnah ba-arec.
8. Vaijazek oti, vajdaber elai lemor reh haijovsim el-erec safovn, henihu et ruhi be-erec safovn.
9. Vajhi devar-Jehovah elai lemor.
10. Lakovah met hagovlah, meheldai ume-et tovijah umet jedajah uvata atah baijovm hahu, uvata beit jošijah ven sefanjah, ašer bau mibavel.
11 .Velakahta hesef vezahav veasita atarovt vesamta beroš jehovšua ben-jehovsadak hakohen hagadovl.
12. Veamarta elav lemor, koh amar Jehovah sevaot lemor hineh-iš semah šemov umitahtav jismah, uvanah et-heihal Jehovah.
13 .Vehu jivneh et-heihal Jehovah vehu-jisa hovd, vejašav umašal al kisov vehajah hohen al kisov, va-asat šalovm, tihjeh bein šeneihem.
14 .Vehatarot tihjeh lehelem uletovijah velidajah, ulehen ben sefanjah lezikarovn beheihal Jehovah.
15 .Urehovkim javou uvanu beheihal Jehovah, vidatem ki-Jehovah sevaot šelahani aleihem vehajah im šamova tišmeun, bekovl Jehovah eloheihem.
Zechariah 7
1 .Vajhi bišnat arba, ledarejaveš hameleh hajah devar- Jehovah el zeharjah bearbah lahodeš hatešii behislev.
2. Vaijišlah beit el, sar eser veregem meleh va-anašav lehalovt et-penei Jehovah.
3 .Lemor el-hakohanim ašer leveit-Jehovah sevaovt, ve-el haneviim lemor haevkeh bahodeš hahamiši, hinazer kašer asiti, zeh kameh šanim.
4. Vajhi devar- Jehovah sevaot elai lemor.
5. Emor el kol am ha-arec, ve-el hakohanim lemor ki samtem vesafovd bahamiši uvaševi vezeh šivim šanah, hasovm samtuni ani.
6 .Vehi tohelu vehi tištu halov atem haohelim, veatem hašotim.
7 .Halov et-hadevarim ašer kara Jehovah bejad haneviim harišonim, bihjovt jerušalim joševet ušelevah, veareiha sevivoteiha vehanegev vehašefelah jošev.
8 .Vajhi devar- Jehovah, el zeharjah lemor.
9 .Koh amar Jehovah sebaovt lemor mišpat emet šefotu, vehesed verahamim, asu iš et-ahiv.
10 .Vealmanah vejatovm ger veani al-tašoku verat iš ahiv, al-tahševu bilvavhem.
11 Vajmanu lehakšiv, vaijitenu hatef soraret veazeneihem hihbidu mišemova
12 .Velibam samu šamir mišemova et hatovrah ve-et hadevarim ašer šalah Jehovah sevaot beruhov, bejad hanevim harišonim vajhi kesef gadovl, me-et Jehovah sevaot.
13. Vajhi ha-ašer kara velo šameu ken jikreu velo ešma, amar Jehovah sevaot.
14 .Ve-esarem al kol hagovjim ašer lo-jedaum, veha arec našamah ahareihem, meover umišav vaijasimu erec hemdah lešamah
Zechariah 8
1. Vajhi devar-Jehovah sevaovt lemor.
2. Koh amar Jehovah sevaovt, kineti lesijon kinah gedovlah vehemah gedovlah kineti lah.
3. Koh amar Jehovah, veti el-sijovn, vešahanti betovh jerušalim venikreah jerušalim ir-haemet, vehar- Jehovah sevaovt har hakodeš.
4. Koh amar Jehovah sevaovt, od ješevu zekenim uzekenovt, birhovot jerušalim veiš mišantov bejadov merov jamim.
5. Urehovot hair jimmaleu, jeladim viladovt mesahakim birhovoteiha.
6. Koh amar Jehovah sevaovt, ki jipale be-einei šerit ham hazeh, baijamim hahem gam be-einai jipale, neum Jehovah sevaot.
7. Koh amar Jehovah sevaovt, hini movšia et ami me-erec mizrah ume-erec mevov hašameš.
8 .Veheveti otam, vešahenu betovh jerušalim vehaiu-li leam vani ehjeh lahem lelohim, be-emet uvisdakah.
9. Koh amar Jehovah sevaovt tehezaknah jedeihem, hašomeim baijamim haeleh, et hadevarim haeleh mipi hanevim, ašer bejovm jusad beit-Jehovah sevaot haheihol lehibanovt.
10 .Ki lifnei haijamim hahem, sehar ha-adam lo nihjah, usehar habehemah einenah velaijovse velaba ein šalom min hasar, va-ašalah et kol ha-adam iš berehu.
11. Veatah lo haijamim harišonim ani, lišerit ham hazeh neum Jehovah sevaovt.
12 .Ki-zera hashalom hagefen titen pirjah veha-arec titen et-jevulah, vehašamajim jitenu talam vehinhalti et-šerit ham hazeh et-kol eleh.
13 .Vehajah kašer hejitem kelalah bagojim beit jehudah uveit jizrael, ken ovšia ethem, vihjitem berahah al-tirau tehezaknah jedeihem.
14. Ki hoh amar Jehovah sevaot kašer zamamti lehara lahem behaktzif avoteihem oti, amar Jehovah sevaovt velo nihameti.
15. Ken šavti zamamti baijamim haeleh, leheitiv et-jerušalim ve-et beit jehudah al-tirau.
16. Eleh hadevarim ašer tasu daberu emet iš et-rehu, emet umišpat šalovm, šiftu bešareihem.
17. Veiš et-rat rehu al-tahševu bilvavhem, uševuat šeker al tehavu ki et-kol eleh ašer saneti neum-Jehovah.
18 .Vajhi devar-Jehovah sevaovt elai lemor.
19 .Koh-amar Jehovah sevaovt sovm harevi vesovm hahamiši vesovm haševii vesom ha-asiri jihjeh leveit-jehudah lesason ulesimhah, ulemoadim tovim vehaemet vehašalom ehavu.
20.Koh amar Jehovah sevaot od ašer javou amim, vejoševei arim rabovt.
21 .Vehalehu joševei ahat el-ahat lemor nelehah halovh lehalovt et-penei Jehovah, ulevakeš et-Jehovah sevaot elehah gam-ani.
22 .Uvau amim rabim vegovjim asumim, levakeš et- Jehovah sevaovt birušalim ulehalovt et-penei Jehovah.
23. Koh amar Jehovah sebaot baijamim hahemah, ašer jahaziku asarah anašim, mikol lešonovt hagovjim veheheziku bihnaf iš Jehudi lemor nelehah imahem, ki šamanu elohim imahem.
Zechariah 9
1. Masa devar Jehovah be-erec hadrah, vedamesek menuhatov ki laJehovah ein adam, vehol šivtei jizrael.
2. Vegam hamat tigbal bah sor vesidovn, ki hahemah meod.
3. Vativen sor masor lah vatisbar kesef keafar, veharus ketit husovt.
4. Hineh adonai jovrišenah, vehikah vaijam heilah vehi baeš teahel.
5 .Tere aškelovn vetira veazah vetahil meod, ve ekron ki-hoviš mebatah veavad meleh meazah, veaškelovn lo tešev.
6. Vejašav mamzer beašdovd vehihrati geovn pelištim.
7.Vahasiroti damav mipiv vešikusav mibein šinav, venišar gam-hu leloheinu vehajah kealuf bihudah, vekrovn kivusi.
8 .Vehaniti leveiti misavah meover umišav, velo javor aleihem ovd noges ki atah raiti ve einai.
9 .Gili meod bat sijon hari bat Jerušalim, hineh malkeh javov lah, sadik venovša hu ani verohev al-hamor, veal ajir ben-atonot
10. Vehihratirehev me efrajim vesus mirušalim, venihretah kešet milhamah, vediber šalovm lagovjim umašelov mijam ad-jam, uminahar ad-afsei arec.
11 .Gam-ate bedam beriteh šilahti asirajih mibovr, ein majim bov.
12. Uvu levisarovn, asirei hatikvah gam haijovm magid mišneh ašiv lah.
13. Ki-darahti li jehudah kešet mileti efrajim, veovrarti vanajih sijon, al-banajih javan vesamtih keherev gibor.
14. Vašem aleihem jeraeh, vejasa habarak hisov vadonai Jehovah bašovfar jitka, vehalah besarovt teiman.
15 .Jehovah sevaovt jagen aleihem veahelu vehavešu avnei kela, vešatu hamu kemov-jajin umaleu kamizrak, kezavijovt mizbeah.
16 .Vehovšiam Jehovah eloheihem baijovm hahu keson amov ki avnei nezer, mitnovsot al-admatov.
17. Ki mah tuvov umah jafejov dagan bahurim, vetirovš jenovev betulovt.
Zechariah 10
1. Ša-alu meJehovah matar be-et malkovš, Jehovah oseh hazizim umetar gešem jitten lahem, leiš esev basadeh.
2 .Ki haterafim diberu aven vehakovsmim hazu šeker, vahalomot hašav jedaberu, hevel jenahemun al ken naseu hemov son, janu ki ein roeh.
3. Al-haroim harah api, veal hatudim efkovd ki-fakad Jehovah sevaovt et-edrov et beit jehudah, vesam ovtam, kesus hovdov bamilhamah.
4. Mimenu finah mimenu jated, mimenu kešet milhamah mimenu jese hol novges jahdav.
5. Vehaiu hegiborim bovsim betit husovt bamilhamah, venilhamu, ki Jehovah imam vehovišu rohevei susim.
6. Vegibarti et beit jehudah ve-et beit josef ovšia, vehovšvotim ki rihamtim, vehaiu ka-ašer lo zenahtim ki ani Jehovah eloheihem ve-enem.
7. Vehaiu hegibor efrajim, vesamah libam kemov jajin uveneihem jiru vesamehu, jagel libam bašem.
8. Ešrekah lahem va-akabesem ki feditim veravu kemov ravu.
9 .Ve-ezraem ba-amim, uvamerhakim jizkeruni vehaiu et-beneihem vašavu.
10 .Vahašivotim me-erec mitzrajim, umeašur akabetzem ve-el erec gilad ulevanovn aviem, velo jimase lahem.
11. Veavar baijam sarah vehikah vaijam galim, vehovišu kol mesulovt jeor vehurad geovn ašur, veševet misrajim jasur.
12. Vegibartim baJehovah, uvišmov jithalahu neum Jehovah.
Zechariah 11
1. Petah levanovn delateiha vetohal eš ba-arazeiha.
2. Heilel berovš ki nafal erec, ašer adirim šudadu heililu alovnei vašan, ki jarad jar habatzurh habasir.
3 .Kol jilat haroim, ki šudedah adartam kol šagat kefirim, ki šudad geovn haijarden.
4 .Koh amar Jehovah elohai reh et-son haharegah.
5. Ašer koneihen jahargun velo ješamu, umohereihen jomar, baruh Jehovah vašir veroeihem, lo jahmovl aleihen.
6 .Ki lo ehmovl ovd al-joševei ha-arec neum Jehovah vehineh anohi mamsi et ha-adam iš bejad-rehu uvejad malkov, vehitetu et ha-arec, velo asil mijadam.
7 .Vaereh et-son haharegah, lahen anijei hason vaekah-li šenei maklovt leahad karati noam uleahad karati hovelim, vaereh et-hason.
8 .Va-ahid et šelošet haroim bejerah ehad vatiksar nafši bahem, vegam-nafšam bahalah vi
9 .Vaomar lo ereh ethem hametah tamut vehanihhedet tikahed, vehanisharovt, tohalnah išah et-besar reutah.
10 .Vaekah et-makli et-noam, vaegda otov lehafeir et-beriti, ašer karati et kol ha-amim.
11. Vatufar baijom hahu vaijedeu hen anijei hason hashomerim oti, ki devar-Jehovah hu.
12 .Vaomar aleihem im tov be-eineihem havu sehari veim-lo hadalu vaijishkelu et-sehari šeloshim kasef.
13. Vaijomer Jehovah elai hašlihehu el haijovser, eder hajkar, ašer jakarti mealeihem vaekhah šelošim hakesef, va-ašlih otov beit Jehovah el haijovser.
14. Vaegda et-makli hašeni, et hahovelim lehafer et ha-ahavah, bein jehudah uvein jizrael.
15 .Vaijomer Jehovah elai ovd kah-leha, keli roeh evili.
16 .Ki hineh-anohi mekim roeh ba-arec hanihadovt lo-jifkod hanar lo-jevakeš, vehanišberet lo jerape hanisavah lo jehalkel, uvesar haberiah johal, ufarseihen jefarek.
17. Hovj roi haelil ozevi hason, herev al-zerovov veal ein jeminov zerov javoš tivaš, ve-ein jeminov kahoh tiheh.
Zechariah 12
1. Masa devar Jehovah al jizrael neum-Jehovah noteh šamajim vejosed arec, vejoser ruah adam bekirbov.
2. Hineh anohi sam et-jerušalim saf ral lehol ha-amim saviv vegam al-jehudah jihjeh vamasovr al-jerušalim.
3. Vehajah vaijovm-hahu asim et-jerušalim even mamasah lehol-hamim, kol-omeseiha sarovt jisaretu venesfu aleiha, kol govjei ha-aretz.
4. Baijovm hahu neum-Jehovah akeh hol-sus batimahovn, verohevov bašigaovn veal beit jehudah efkah et-einai, vehol sus hamim, akeh baivarovn.
5 Veameru alufei jehudah belibam amsah li joševei jerušalim, baJehovah sevaot eloheihem.
6. Baijom hahu asim et-alufei jehudah kehijovr eš be-esim uhelapid eš beamir, veahelu al-jamin veal semovl et-kol hamim saviv vejaševah jerušalim ovd tahteiha birušalim.
7. Vehovšia Jehovah et-aholei jehudah barišonah leman lo-tigdal tiferet beit David vetiferet jošev jerušalim al-jehudah.
8. Baijovm hahu jagen Jehovah bead jovšev jerušalim, vehajah hanihšal bahem baijom hahu kedavid uveit david kelohim, kemalah Jehovah lifneihem.
9. Vehajah baijom hahu avakeš lehašmid et-kol hagovjim, habaim al-jerušalim.
10. Vesšafahti al-beit david veal jovšev jerušalim ruah hen vetahanunim, vehibitu elai et ašer dakaru vesafedu alav kemisped al-haijahid, vehamer alav kehamer al-habehor.
11. Baijom hahu jigdal hamisped birušalim, kemispad hadad-rimon bevikat megidon.
12. Vesafedah
ha-arec, mišpahot mišpahot levad mišpahat beit-david levad unešeihem levad, mišpahat beit natan levad, unešeihem levad.
13. Mišpahat beit levi levad, unešeihem levad mišpahat hašimi levad, unešeihem levad.
14. Kol hamišpahot hanišarovt, mišpahot mišpahot levad unešeihem levad.
Zechariah 13
1. Baijovm hahu jihjeh makovr niftah, leveit david ulejoševei jerušalim lehatat ulenidah.
2. Vehajah vaijovm hahu neum Jehovah cevaovt ahrit et-šemovt ha-asabim min ha-arec, velo jizaheru ovd vegam et-haneviim ve-et ruah hatumah avir min ha-arec.
3. Vehajah ki-jinave iš ovd veameru elav aviv veimov joledav lo tihjeh, ki šeker dibarta bešem Jehovah udekaruhu avihu veimov joledav behinaveov.
4. Vehajah baijovm hahu jevošu hanevim iš mehezjonov behinaveotov velo jilbešu aderet sear leman kaheš.
5 .Veamar lo navi anohi iš-oved adamah anohi, ki adam hiknani mineurai.
6 .Veamar elav, mah hamakovt haeleh bein jadeiha veamar ašer hukeiti beit meahavai.
7. Herev uri al-roi veal gever amiti, neum Jehovah sebaovt hah et-haroeh utefuseina hason, vahašivoti jadi al-hasoarim.
8. Vehajah vehol ha-arec neum-Jehovah, pi-šenajim bah, jikaretu jigvau vehašelišit jivater bah.
9. Veheveti et-hašelišit baeš, useraftim kisrof et-hakesef, uvehantim kivhon et-hazahav hu jikra višmi va-ani eneh otov, amarti ami hu, vehu jomar Jehovah elohai.
Zechariah 14
1. Hineh jovm ba laJehovah vehulak šelaleh bekirbeh.
2. Veasafti et-kol hagovjim el-jerušalim lamilhamah venilkedah hair venašasu habatim, vehanašim tišagalnah htišahavnah kvejasa hasi hair bagovlah, vejeter ham, lo jikaret min-hair.
3. Vejasa Jehovah, venilham bagovjim hahem kejovm hilahamov bejovm kerav.
4. Veamedu raglav baijom hahu al-har hazetim ašer al-penei Jerušalim mikedem venivka har hazeitim mehesjov mizrahah vajamah, gei gedovlah meod umaš hasi hahar safovnah vehesjov negbah.
5. Venastem gei harai ki-jagia gei harim el-asal venastem kašer nastem mipenei haraš, bimei uzijah meleh jehudah uva Jehovah elohai, kol kedošim imah.
6. Vehajah baijom hahu lo-jihjeh ovr, jekarot jikpeun hvekipaon.
7. Vehajah jovm ehad hu jivada laJehovah lo jovm velo lajelah vehajah le-et erev jihjeh ovr.
8. Vehajah baijom hahu jeseu majim haijim mirušalim, hesjam el-haijam hakadmovni, vehesjam el haijam ha-ahrovn bakajis uvahoref jihjeh.
9. Vehajah Jehovah lemeleh al kol ha-arec baijovm hahu jihjeh Jehovah ehad ušemov ehad.
10. Jisov kol ha-arec karavah migeva lerimon, negev jerušalim veramah vejaševah tahteiha lemišar binjamin ad-mekovm šar harišovn ad-šar hapinim, umigdal hananel, ad jikvei hameleh.
11. Vejaševu vah, veherem lo jihjeh-ovd vejaševah jerušalim lavetah.
12. Vezot tihjeh hamagefah ašer jigof Jehovah et kol ha-amim, ašer saveu al-jerušalim hamek besarov vehu omed al-raglav, ve-einav timaknah vehoreihen, ulešovnov timak befihem.
13. Vehajah baijovm hahu, tihjeh mehumat Jehovah rabah bahem veheheziku iš jad rehu, vealetah jadov al-jad rehu.
14. Vegam jehudah, tilahem birušalim veusaf heil kol hagovjim saviv zahav vahesef uvegadim larov meod.
15. Vehen tihjeh magefat hasus hapered hagamal vehahamor, vehol habehemah, ašer jihjeh bamahanot hahemah kamagefah hazot.
16. Vehajah kol hanovtar hagovjim, habaim al-jerušalim vealu midei šanah vešanah lehištahavot lemeleh Jehovah sevaot, velahog et-hag hasukot.
17. Vehajah ašer lo jaleh me-et mišpehovt ha-arec el-jerušalim, lehištahavot, lemeleh Jehovah sebaovt velo aleihem jihjeh hagašem.
18 .Veim mišpahat misrajim lo taleh velo vah velo aleihem tihjeh hamagefah ašer jigof Jehovah et-hagovjim, ašer lo jalu, lahog et-hag hasukot.
19. Zot tihjeh hatat misrajim vehatat kol hagovjim, ašer lo jalu, lahog et-hag hasukovt.
20. Baijovm hahu jihjeh al-mesilovt hasus, kodeš laJehovah vehajah hasirovt beveit Jehovah, kamizrakim lifnei hamizbeah.
21. Vehajah kol-sir birušalim uvihudah kodeš laJehovah sebaovt, uvau kol hazovehim, velakehu mehem uvishelu vahem velo jihjeh henani ovd beveit-Jehovah sevaovt baijovm hahu.
זכריה א
1 בַּחֹדֶשׁ הַשְּׁמִינִי בִּשְׁנַת שְׁתַּיִם לְדָרְיָוֶשׁ הָיָה דְבַר־יְהֹוָה אֶל־זְכַרְיָה בֶּן־בֶּרֶכְיָה בֶּן־עִדּוֹ הַנָּבִיא לֵאמֹֽר׃
2 קָצַף יְהֹוָה עַל־אֲבֽוֹתֵיכֶם קָֽצֶף׃
3 וְאָמַרְתָּ אֲלֵהֶם כֹּה אָמַר יְהֹוָה צְבָאוֹת שׁוּבוּ אֵלַי נְאֻם יְהֹוָה צְבָאוֹת וְאָשׁוּב אֲלֵיכֶם אָמַר יְהֹוָה צְבָאֽוֹת׃
4 אַל־תִּהְיוּ כַאֲבֹֽתֵיכֶם אֲשֶׁר קָרְאֽוּ־אֲלֵיהֶם הַנְּבִיאִים הָרִֽאשֹׁנִים לֵאמֹר כֹּה אָמַר יְהֹוָה צְבָאוֹת שׁוּבוּ נָא מִדַּרְכֵיכֶם הָרָעִים ומעליליכם וּמַֽעַלְלֵיכֶם הָֽרָעִים וְלֹא שָׁמְעוּ וְלֹֽא־הִקְשִׁיבוּ אֵלַי נְאֻם־יְהֹוָֽה׃
5 אֲבֽוֹתֵיכֶם אַיֵּה־הֵם וְהַנְּבִאִים הַלְעוֹלָם יִֽחְיֽוּ׃
6 אַךְ ׀ דְּבָרַי וְחֻקַּי אֲשֶׁר צִוִּיתִי אֶת־עֲבָדַי הַנְּבִיאִים הֲלוֹא הִשִּׂיגוּ אֲבֹתֵיכֶם וַיָּשׁוּבוּ וַיֹּאמְרוּ כַּאֲשֶׁר זָמַם יְהֹוָה צְבָאוֹת לַעֲשׂוֹת לָנוּ כִּדְרָכֵינוּ וּכְמַעֲלָלֵינוּ כֵּן עָשָׂה אִתָּֽנוּ׃
7 בְּיוֹם עֶשְׂרִים וְאַרְבָּעָה לְעַשְׁתֵּֽי־עָשָׂר חֹדֶשׁ הוּא־חֹדֶשׁ שְׁבָט בִּשְׁנַת שְׁתַּיִם לְדָרְיָוֶשׁ הָיָה דְבַר־יְהֹוָה אֶל־זְכַרְיָה בֶּן־בֶּרֶכְיָהוּ בֶּן־עִדּוֹא הַנָּבִיא לֵאמֹֽר׃
8 רָאִיתִי ׀ הַלַּיְלָה וְהִנֵּה־אִישׁ רֹכֵב עַל־סוּס אָדֹם וְהוּא עֹמֵד בֵּין הַהֲדַסִּים אֲשֶׁר בַּמְּצֻלָה וְאַחֲרָיו סוּסִים אֲדֻמִּים שְׂרֻקִּים וּלְבָנִֽים׃
9 וָאֹמַר מָה־אֵלֶּה אֲדֹנִי וַיֹּאמֶר אֵלַי הַמַּלְאָךְ הַדֹּבֵר בִּי אֲנִי אַרְאֶךָּ מָה־הֵמָּה אֵֽלֶּה׃
10 וַיַּעַן הָאִישׁ הָעֹמֵד בֵּין־הַהֲדַסִּים וַיֹּאמַר אֵלֶּה אֲשֶׁר שָׁלַח יְהֹוָה לְהִתְהַלֵּךְ בָּאָֽרֶץ׃
11 וַֽיַּעֲנוּ אֶת־מַלְאַךְ יְהֹוָה הָֽעֹמֵד בֵּין הַהֲדַסִּים וַיֹּאמְרוּ הִתְהַלַּכְנוּ בָאָרֶץ וְהִנֵּה כׇל־הָאָרֶץ יֹשֶׁבֶת וְשֹׁקָֽטֶת׃
12 וַיַּעַן מַלְאַךְ־יְהֹוָה וַיֹּאמַר יְהֹוָה צְבָאוֹת עַד־מָתַי אַתָּה לֹֽא־תְרַחֵם אֶת־יְרוּשָׁלִַם וְאֵת עָרֵי יְהוּדָה אֲשֶׁר זָעַמְתָּה זֶה שִׁבְעִים שָׁנָֽה׃
13 וַיַּעַן יְהֹוָה אֶת־הַמַּלְאָךְ הַדֹּבֵר בִּי דְּבָרִים טוֹבִים דְּבָרִים נִחֻמִֽים׃
14 וַיֹּאמֶר אֵלַי הַמַּלְאָךְ הַדֹּבֵר בִּי קְרָא לֵאמֹר כֹּה אָמַר יְהֹוָה צְבָאוֹת קִנֵּאתִי לִירוּשָׁלִַם וּלְצִיּוֹן קִנְאָה גְדוֹלָֽה׃
15 וְקֶצֶף גָּדוֹל אֲנִי קֹצֵף עַל־הַגּוֹיִם הַשַּֽׁאֲנַנִּים אֲשֶׁר אֲנִי קָצַפְתִּי מְּעָט וְהֵמָּה עָזְרוּ לְרָעָֽה׃
16 לָכֵן כֹּֽה־אָמַר יְהֹוָה שַׁבְתִּי לִירוּשָׁלִַם בְּֽרַחֲמִים בֵּיתִי יִבָּנֶה בָּהּ נְאֻם יְהֹוָה צְבָאוֹת וקוה וְקָו יִנָּטֶה עַל־יְרוּשָׁלִׇֽם׃
17 עוֹד ׀ קְרָא לֵאמֹר כֹּה אָמַר יְהֹוָה צְבָאוֹת עוֹד תְּפוּצֶנָה עָרַי מִטּוֹב וְנִחַם יְהֹוָה עוֹד אֶת־צִיּוֹן וּבָחַר עוֹד בִּירוּשָׁלִָֽם׃
.
Zechariah זכריה ב
1 וָאֶשָּׂא אֶת־עֵינַי וָאֵרֶא וְהִנֵּה אַרְבַּע קְרָנֽוֹת׃
2 וָאֹמַר אֶל־הַמַּלְאָךְ הַדֹּבֵר בִּי מָה־אֵלֶּה וַיֹּאמֶר אֵלַי אֵלֶּה הַקְּרָנוֹת אֲשֶׁר זֵרוּ אֶת־יְהוּדָה אֶת־יִשְׂרָאֵל וִירוּשָׁלִָֽם׃
3 וַיַּרְאֵנִי יְהֹוָה אַרְבָּעָה חָרָשִֽׁים׃
4 וָאֹמַר מָה אֵלֶּה בָאִים לַֽעֲשׂוֹת וַיֹּאמֶר לֵאמֹר אֵלֶּה הַקְּרָנוֹת אֲשֶׁר־זֵרוּ אֶת־יְהוּדָה כְּפִי־אִישׁ לֹא־נָשָׂא רֹאשׁוֹ וַיָּבֹאוּ אֵלֶּה לְהַחֲרִיד אֹתָם לְיַדּוֹת אֶת־קַרְנוֹת הַגּוֹיִם הַנֹּשְׂאִים קֶרֶן אֶל־אֶרֶץ יְהוּדָה לְזָרוֹתָֽהּ׃
5 וָאֶשָּׂא עֵינַי וָאֵרֶא וְהִנֵּה־אִישׁ וּבְיָדוֹ חֶבֶל מִדָּֽה׃
6 וָאֹמַר אָנָה אַתָּה הֹלֵךְ וַיֹּאמֶר אֵלַי לָמֹד אֶת־יְרוּשָׁלִַם לִרְאוֹת כַּמָּֽה־רׇחְבָּהּ וְכַמָּה אׇרְכָּֽהּ׃
7 וְהִנֵּה הַמַּלְאָךְ הַדֹּבֵר בִּי יֹצֵא וּמַלְאָךְ אַחֵר יֹצֵא לִקְרָאתֽוֹ׃
8 וַיֹּאמֶר אֵלָו רֻץ דַּבֵּר אֶל־הַנַּעַר הַלָּז לֵאמֹר פְּרָזוֹת תֵּשֵׁב יְרוּשָׁלִַם מֵרֹב אָדָם וּבְהֵמָה בְּתוֹכָֽהּ׃
9 וַאֲנִי אֶֽהְיֶה־לָּהּ נְאֻם־יְהֹוָה חוֹמַת אֵשׁ סָבִיב וּלְכָבוֹד אֶֽהְיֶה בְתוֹכָֽהּ׃
10 הוֹי הוֹי וְנֻסוּ מֵאֶרֶץ צָפוֹן נְאֻם־יְהֹוָה כִּי כְּאַרְבַּע רוּחוֹת הַשָּׁמַיִם פֵּרַשְׂתִּי אֶתְכֶם נְאֻם־יְהֹוָֽה׃
11 הוֹי צִיּוֹן הִמָּלְטִי יוֹשֶׁבֶת בַּת־בָּבֶֽל׃
12 כִּי כֹה אָמַר יְהֹוָה צְבָאוֹת אַחַר כָּבוֹד שְׁלָחַנִי אֶל־הַגּוֹיִם הַשֹּׁלְלִים אֶתְכֶם כִּי הַנֹּגֵעַ בָּכֶם נֹגֵעַ בְּבָבַת עֵינֽוֹ׃
13 כִּי הִנְנִי מֵנִיף אֶת־יָדִי עֲלֵיהֶם וְהָיוּ שָׁלָל לְעַבְדֵיהֶם וִֽידַעְתֶּם כִּֽי־יְהֹוָה צְבָאוֹת שְׁלָחָֽנִי׃
14 רָנִּי וְשִׂמְחִי בַּת־צִיּוֹן כִּי הִנְנִי־בָא וְשָׁכַנְתִּי בְתוֹכֵךְ נְאֻם־יְהֹוָֽה׃
15 וְנִלְווּ גוֹיִם רַבִּים אֶל־יְהֹוָה בַּיּוֹם הַהוּא וְהָיוּ לִי לְעָם וְשָׁכַנְתִּי בְתוֹכֵךְ וְיָדַעַתְּ כִּי־יְהֹוָה צְבָאוֹת שְׁלָחַנִי אֵלָֽיִךְ׃
16 וְנָחַל יְהֹוָה אֶת־יְהוּדָה חֶלְקוֹ עַל אַדְמַת הַקֹּדֶשׁ וּבָחַר עוֹד בִּירוּשָׁלִָֽם׃
17 הַס כׇּל־בָּשָׂר מִפְּנֵי יְהֹוָה כִּי נֵעוֹר מִמְּעוֹן קׇדְשֽׁוֹ׃
.
Zechariah זכריה ג
1 וַיַּרְאֵנִי אֶת־יְהוֹשֻׁעַ הַכֹּהֵן הַגָּדוֹל עֹמֵד לִפְנֵי מַלְאַךְ יְהֹוָה וְהַשָּׂטָן עֹמֵד עַל־יְמִינוֹ לְשִׂטְנֽוֹ׃
2 וַיֹּאמֶר יְהֹוָה אֶל־הַשָּׂטָן יִגְעַר יְהֹוָה בְּךָ הַשָּׂטָן וְיִגְעַר יְהֹוָה בְּךָ הַבֹּחֵר בִּירֽוּשָׁלִָם הֲלוֹא זֶה אוּד מֻצָּל מֵאֵֽשׁ׃
3 וִיהוֹשֻׁעַ הָיָה לָבֻשׁ בְּגָדִים צוֹאִים וְעֹמֵד לִפְנֵי הַמַּלְאָֽךְ׃
4 וַיַּעַן וַיֹּאמֶר אֶל־הָעֹמְדִים לְפָנָיו לֵאמֹר הָסִירוּ הַבְּגָדִים הַצֹּאִים מֵעָלָיו וַיֹּאמֶר אֵלָיו רְאֵה הֶעֱבַרְתִּי מֵעָלֶיךָ עֲוֺנֶךָ וְהַלְבֵּשׁ אֹתְךָ מַחֲלָצֽוֹת׃
5 וָאֹמַר יָשִׂימוּ צָנִיף טָהוֹר עַל־רֹאשׁוֹ וַיָּשִׂימוּ הַצָּנִיף הַטָּהוֹר עַל־רֹאשׁוֹ וַיַּלְבִּשֻׁהוּ בְּגָדִים וּמַלְאַךְ יְהֹוָה עֹמֵֽד׃
6 וַיָּעַד מַלְאַךְ יְהֹוָה בִּיהוֹשֻׁעַ לֵאמֹֽר׃
7 כֹּה־אָמַר יְהֹוָה צְבָאוֹת אִם־בִּדְרָכַי תֵּלֵךְ וְאִם אֶת־מִשְׁמַרְתִּי תִשְׁמֹר וְגַם־אַתָּה תָּדִין אֶת־בֵּיתִי וְגַם תִּשְׁמֹר אֶת־חֲצֵרָי וְנָתַתִּי לְךָ מַהְלְכִים בֵּין הָעֹמְדִים הָאֵֽלֶּה׃
8 שְֽׁמַֽע־נָא יְהוֹשֻׁעַ ׀ הַכֹּהֵן הַגָּדוֹל אַתָּה וְרֵעֶיךָ הַיֹּשְׁבִים לְפָנֶיךָ כִּֽי־אַנְשֵׁי מוֹפֵת הֵמָּה כִּֽי־הִנְנִי מֵבִיא אֶת־עַבְדִּי צֶֽמַח׃
9 כִּי ׀ הִנֵּה הָאֶבֶן אֲשֶׁר נָתַתִּי לִפְנֵי יְהוֹשֻׁעַ עַל־אֶבֶן אַחַת שִׁבְעָה עֵינָיִם הִנְנִי מְפַתֵּחַ פִּתֻּחָהּ נְאֻם יְהֹוָה צְבָאוֹת וּמַשְׁתִּי אֶת־עֲוֺן הָאָֽרֶץ־הַהִיא בְּיוֹם אֶחָֽד׃
10 בַּיּוֹם הַהוּא נְאֻם יְהֹוָה צְבָאוֹת תִּקְרְאוּ אִישׁ לְרֵעֵהוּ אֶל־תַּחַת גֶּפֶן וְאֶל־תַּחַת תְּאֵנָֽה׃
Zechariah Sacharja 4
1 וַיָּשׇׁב הַמַּלְאָךְ הַדֹּבֵר בִּי וַיְעִירֵנִי כְּאִישׁ אֲשֶׁר־יֵעוֹר מִשְּׁנָתֽוֹ׃
2 וַיֹּאמֶר אֵלַי מָה אַתָּה רֹאֶה ויאמר וָאֹמַר רָאִיתִי ׀ וְהִנֵּה מְנוֹרַת זָהָב כֻּלָּהּ וְגֻלָּהּ עַל־רֹאשָׁהּ וְשִׁבְעָה נֵרֹתֶיהָ עָלֶיהָ שִׁבְעָה וְשִׁבְעָה מֽוּצָקוֹת לַנֵּרוֹת אֲשֶׁר עַל־רֹאשָֽׁהּ׃
3 וּשְׁנַיִם זֵיתִים עָלֶיהָ אֶחָד מִימִין הַגֻּלָּה וְאֶחָד עַל־שְׂמֹאלָֽהּ׃
4 וָאַעַן וָֽאֹמַר אֶל־הַמַּלְאָךְ הַדֹּבֵר בִּי לֵאמֹר מָה־אֵלֶּה אֲדֹנִֽי׃
5 וַיַּעַן הַמַּלְאָךְ הַדֹּבֵר בִּי וַיֹּאמֶר אֵלַי הֲלוֹא יָדַעְתָּ מָה־הֵמָּה אֵלֶּה וָאֹמַר לֹא אֲדֹנִֽי׃
6 וַיַּעַן וַיֹּאמֶר אֵלַי לֵאמֹר זֶה דְּבַר־יְהֹוָה אֶל־זְרֻבָּבֶל לֵאמֹר לֹא בְחַיִל וְלֹא בְכֹחַ כִּי אִם־בְּרוּחִי אָמַר יְהֹוָה צְבָאֽוֹת׃
7 מִֽי־אַתָּה הַֽר־הַגָּדוֹל לִפְנֵי זְרֻבָּבֶל לְמִישֹׁר וְהוֹצִיא אֶת־הָאֶבֶן הָרֹאשָׁה תְּשֻׁאוֹת חֵן חֵן לָֽהּ׃
8 וַיְהִי דְבַר־יְהֹוָה אֵלַי לֵאמֹֽר׃
9 יְדֵי זְרֻבָּבֶל יִסְּדוּ הַבַּיִת הַזֶּה וְיָדָיו תְּבַצַּעְנָה וְיָדַעְתָּ כִּֽי־יְהֹוָה צְבָאוֹת שְׁלָחַנִי אֲלֵיכֶֽם׃
10 כִּי מִי בַז לְיוֹם קְטַנּוֹת וְשָׂמְחוּ וְרָאוּ אֶת־הָאֶבֶן הַבְּדִיל בְּיַד זְרֻבָּבֶל שִׁבְעָה־אֵלֶּה עֵינֵי יְהֹוָה הֵמָּה מְשׁוֹטְטִים בְּכׇל־הָאָֽרֶץ׃
11 וָאַעַן וָאֹמַר אֵלָיו מַה־שְּׁנֵי הַזֵּיתִים הָאֵלֶּה עַל־יְמִין הַמְּנוֹרָה וְעַל־שְׂמֹאולָֽהּ׃
12 וָאַעַן שֵׁנִית וָאֹמַר אֵלָיו מַה־שְׁתֵּי שִׁבְּלֵי הַזֵּיתִים אֲשֶׁר בְּיַד שְׁנֵי צַנְתְּרוֹת הַזָּהָב הַֽמְרִיקִים מֵעֲלֵיהֶם הַזָּהָֽב׃
13 וַיֹּאמֶר אֵלַי לֵאמֹר הֲלוֹא יָדַעְתָּ מָה־אֵלֶּה וָאֹמַר לֹא אֲדֹנִֽי׃
14 וַיֹּאמֶר אֵלֶּה שְׁנֵי בְנֵֽי־הַיִּצְהָר הָעֹמְדִים עַל־אֲדוֹן כׇּל־הָאָֽרֶץ׃
Zechariah Sacharja 5
1 וָאָשׁוּב וָאֶשָּׂא עֵינַי וָֽאֶרְאֶה וְהִנֵּה מְגִלָּה עָפָֽה׃
2 וַיֹּאמֶר אֵלַי מָה אַתָּה רֹאֶה וָאֹמַר אֲנִי רֹאֶה מְגִלָּה עָפָה אׇרְכָּהּ עֶשְׂרִים בָּֽאַמָּה וְרׇחְבָּהּ עֶשֶׂר בָּאַמָּֽה׃
3 וַיֹּאמֶר אֵלַי זֹאת הָֽאָלָה הַיּוֹצֵאת עַל־פְּנֵי כׇל־הָאָרֶץ כִּי כׇל־הַגֹּנֵב מִזֶּה כָּמוֹהָ נִקָּה וְכָל־הַנִּשְׁבָּע מִזֶּה כָּמוֹהָ נִקָּֽה׃
4 הוֹצֵאתִיהָ נְאֻם יְהֹוָה צְבָאוֹת וּבָאָה אֶל־בֵּית הַגַּנָּב וְאֶל־בֵּית הַנִּשְׁבָּע בִּשְׁמִי לַשָּׁקֶר וְלָנֶה בְּתוֹךְ בֵּיתוֹ וְכִלַּתּוּ וְאֶת־עֵצָיו וְאֶת־אֲבָנָֽיו׃
5 וַיֵּצֵא הַמַּלְאָךְ הַדֹּבֵר בִּי וַיֹּאמֶר אֵלַי שָׂא נָא עֵינֶיךָ וּרְאֵה מָה הַיּוֹצֵאת הַזֹּֽאת׃
6 וָאֹמַר מַה־הִיא וַיֹּאמֶר זֹאת הָֽאֵיפָה הַיּוֹצֵאת וַיֹּאמֶר זֹאת עֵינָם בְּכׇל־הָאָֽרֶץ׃
7 וְהִנֵּה כִּכַּר עֹפֶרֶת נִשֵּׂאת וְזֹאת אִשָּׁה אַחַת יוֹשֶׁבֶת בְּתוֹךְ הָאֵיפָֽה׃
8 וַיֹּאמֶר זֹאת הָרִשְׁעָה וַיַּשְׁלֵךְ אֹתָהּ אֶל־תּוֹךְ הָֽאֵיפָה וַיַּשְׁלֵךְ אֶת־אֶבֶן הָעוֹפֶרֶת אֶל־פִּֽיהָ׃
9 וָאֶשָּׂא עֵינַי וָאֵרֶא וְהִנֵּה שְׁתַּיִם נָשִׁים יֽוֹצְאוֹת וְרוּחַ בְּכַנְפֵיהֶם וְלָהֵנָּה כְנָפַיִם כְּכַנְפֵי הַחֲסִידָה וַתִּשֶּׂאנָה אֶת־הָאֵיפָה בֵּין הָאָרֶץ וּבֵין הַשָּׁמָֽיִם׃
10 וָאֹמַר אֶל־הַמַּלְאָךְ הַדֹּבֵר בִּי אָנָה הֵמָּה מֽוֹלִכוֹת אֶת־הָאֵיפָֽה׃
11 וַיֹּאמֶר אֵלַי לִבְנֽוֹת־לָהֿ בַיִת בְּאֶרֶץ שִׁנְעָר וְהוּכַן וְהֻנִּיחָה שָּׁם עַל־מְכֻנָתָֽהּ׃
Zechariah Sacharja 6
1 וָאָשֻׁב וָאֶשָּׂא עֵינַי וָֽאֶרְאֶה וְהִנֵּה אַרְבַּע מַרְכָּבוֹת יֹֽצְאוֹת מִבֵּין שְׁנֵי הֶֽהָרִים וְהֶהָרִים הָרֵי נְחֹֽשֶׁת׃
2 בַּמֶּרְכָּבָה הָרִֽאשֹׁנָה סוּסִים אֲדֻמִּים וּבַמֶּרְכָּבָה הַשֵּׁנִית סוּסִים שְׁחֹרִֽים׃
3 וּבַמֶּרְכָּבָה הַשְּׁלִשִׁית סוּסִים לְבָנִים וּבַמֶּרְכָּבָה הָרְבִעִית סוּסִים בְּרֻדִּים אֲמֻצִּֽים׃
4 וָאַעַן וָֽאֹמַר אֶל־הַמַּלְאָךְ הַדֹּבֵר בִּי מָה־אֵלֶּה אֲדֹנִֽי׃
5 וַיַּעַן הַמַּלְאָךְ וַיֹּאמֶר אֵלָי אֵלֶּה אַרְבַּע רוּחוֹת הַשָּׁמַיִם יוֹצְאוֹת מֵֽהִתְיַצֵּב עַל־אֲדוֹן כׇּל־הָאָֽרֶץ׃
6 אֲשֶׁר־בָּהּ הַסּוּסִים הַשְּׁחֹרִים יֹֽצְאִים אֶל־אֶרֶץ צָפוֹן וְהַלְּבָנִים יָצְאוּ אֶל־אַֽחֲרֵיהֶם וְהַבְּרֻדִּים יָצְאוּ אֶל־אֶרֶץ הַתֵּימָֽן׃
7 וְהָאֲמֻצִּים יָצְאוּ וַיְבַקְשׁוּ לָלֶכֶת לְהִתְהַלֵּךְ בָּאָרֶץ וַיֹּאמֶר לְכוּ הִתְהַלְּכוּ בָאָרֶץ וַתִּתְהַלַּכְנָה בָּאָֽרֶץ׃
8 וַיַּזְעֵק אֹתִי וַיְדַבֵּר אֵלַי לֵאמֹר רְאֵה הַיּֽוֹצְאִים אֶל־אֶרֶץ צָפוֹן הֵנִיחוּ אֶת־רוּחִי בְּאֶרֶץ צָפֽוֹן׃
9 וַיְהִי דְבַר־יְהֹוָה אֵלַי לֵאמֹֽר׃
10 לָקוֹחַ מֵאֵת הַגּוֹלָה מֵחֶלְדַּי וּמֵאֵת טוֹבִיָּה וּמֵאֵת יְדַֽעְיָה וּבָאתָ אַתָּה בַּיּוֹם הַהוּא וּבָאתָ בֵּית יֹאשִׁיָּה בֶן־צְפַנְיָה אֲשֶׁר־בָּאוּ מִבָּבֶֽל׃
11 וְלָקַחְתָּ כֶֽסֶף־וְזָהָב וְעָשִׂיתָ עֲטָרוֹת וְשַׂמְתָּ בְּרֹאשׁ יְהוֹשֻׁעַ בֶּן־יְהוֹצָדָק הַכֹּהֵן הַגָּדֽוֹל׃
12 וְאָמַרְתָּ אֵלָיו לֵאמֹר כֹּה אָמַר יְהֹוָה צְבָאוֹת לֵאמֹר הִנֵּה־אִישׁ צֶמַח שְׁמוֹ וּמִתַּחְתָּיו יִצְמָח וּבָנָה אֶת־הֵיכַל יְהֹוָֽה׃
13 וְהוּא יִבְנֶה אֶת־הֵיכַל יְהֹוָה וְהֽוּא־יִשָּׂא הוֹד וְיָשַׁב וּמָשַׁל עַל־כִּסְאוֹ וְהָיָה כֹהֵן עַל־כִּסְאוֹ וַעֲצַת שָׁלוֹם תִּהְיֶה בֵּין שְׁנֵיהֶֽם׃
14 וְהָעֲטָרֹת תִּֽהְיֶה לְחֵלֶם וּלְטוֹבִיָּה וְלִידַֽעְיָה וּלְחֵן בֶּן־צְפַנְיָה לְזִכָּרוֹן בְּהֵיכַל יְהֹוָֽה׃
15 וּרְחוֹקִים ׀ יָבֹאוּ וּבָנוּ בְּהֵיכַל יְהֹוָה וִידַעְתֶּם כִּֽי־יְהֹוָה צְבָאוֹת שְׁלָחַנִי אֲלֵיכֶם וְהָיָה אִם־שָׁמוֹעַ תִּשְׁמְעוּן בְּקוֹל יְהֹוָה אֱלֹהֵיכֶֽם׃
Zechariah Sacharja 7
1 וַֽיְהִי בִּשְׁנַת אַרְבַּע לְדָרְיָוֶשׁ הַמֶּלֶךְ הָיָה דְבַר־יְהֹוָה אֶל־זְכַרְיָה בְּאַרְבָּעָה לַחֹדֶשׁ הַתְּשִׁעִי בְּכִסְלֵֽו׃
2 וַיִּשְׁלַח בֵּֽית־אֵל שַׂר־אֶצֶר וְרֶגֶם מֶלֶךְ וַֽאֲנָשָׁיו לְחַלּוֹת אֶת־פְּנֵי יְהֹוָֽה׃
3 לֵאמֹר אֶל־הַכֹּֽהֲנִים אֲשֶׁר לְבֵית־יְהֹוָה צְבָאוֹת וְאֶל־הַנְּבִיאִים לֵאמֹר הַֽאֶבְכֶּה בַּחֹדֶשׁ הַחֲמִשִׁי הִנָּזֵר כַּאֲשֶׁר עָשִׂיתִי זֶה כַּמֶּה שָׁנִֽים׃
4 וַיְהִי דְּבַר־יְהֹוָה צְבָאוֹת אֵלַי לֵאמֹֽר׃
5 אֱמֹר אֶל־כׇּל־עַם הָאָרֶץ וְאֶל־הַכֹּהֲנִים לֵאמֹר כִּֽי־צַמְתֶּם וְסָפוֹד בַּחֲמִישִׁי וּבַשְּׁבִיעִי וְזֶה שִׁבְעִים שָׁנָה הֲצוֹם צַמְתֻּנִי אָֽנִי׃
6 וְכִי תֹאכְלוּ וְכִי תִשְׁתּוּ הֲלוֹא אַתֶּם הָאֹכְלִים וְאַתֶּם הַשֹּׁתִֽים׃
7 הֲלוֹא אֶת־הַדְּבָרִים אֲשֶׁר קָרָא יְהֹוָה בְּיַד הַנְּבִיאִים הָרִֽאשֹׁנִים בִּהְיוֹת יְרוּשָׁלִַם יֹשֶׁבֶת וּשְׁלֵוָה וְעָרֶיהָ סְבִיבֹתֶיהָ וְהַנֶּגֶב וְהַשְּׁפֵלָה יֹשֵֽׁב׃
8 וַֽיְהִי דְּבַר־יְהֹוָה אֶל־זְכַרְיָה לֵאמֹֽר׃
9 כֹּה אָמַר יְהֹוָה צְבָאוֹת לֵאמֹר מִשְׁפַּט אֱמֶת שְׁפֹטוּ וְחֶסֶד וְרַֽחֲמִים עֲשׂוּ אִישׁ אֶת־אָחִֽיו׃
10 וְאַלְמָנָה וְיָתוֹם גֵּר וְעָנִי אַֽל־תַּעֲשֹׁקוּ וְרָעַת אִישׁ אָחִיו אַֽל־תַּחְשְׁבוּ בִּלְבַבְכֶֽם׃
11 וַיְמָאֲנוּ לְהַקְשִׁיב וַיִּתְּנוּ כָתֵף סֹרָרֶת וְאׇזְנֵיהֶם הִכְבִּידוּ מִשְּׁמֽוֹעַ׃
12 וְלִבָּם שָׂמוּ שָׁמִיר מִשְּׁמוֹעַ אֶת־הַתּוֹרָה וְאֶת־הַדְּבָרִים אֲשֶׁר שָׁלַח יְהֹוָה צְבָאוֹת בְּרוּחוֹ בְּיַד הַנְּבִיאִים הָרִֽאשֹׁנִים וַֽיְהִי קֶצֶף גָּדוֹל מֵאֵת יְהֹוָה צְבָאֽוֹת׃
13 וַיְהִי כַאֲשֶׁר־קָרָא וְלֹא שָׁמֵעוּ כֵּן יִקְרְאוּ וְלֹא אֶשְׁמָע אָמַר יְהֹוָה צְבָאֽוֹת׃
14 וְאֵסָעֲרֵם עַל כׇּל־הַגּוֹיִם אֲשֶׁר לֹֽא־יְדָעוּם וְהָאָרֶץ נָשַׁמָּה אַֽחֲרֵיהֶם מֵֽעֹבֵר וּמִשָּׁב וַיָּשִׂימוּ אֶֽרֶץ־חֶמְדָּה לְשַׁמָּֽה׃
Zechariah Sacharja 8
1 וַיְהִי דְּבַר־יְהֹוָה צְבָאוֹת לֵאמֹֽר׃
2 כֹּה אָמַר יְהֹוָה צְבָאוֹת קִנֵּאתִי לְצִיּוֹן קִנְאָה גְדוֹלָה וְחֵמָה גְדוֹלָה קִנֵּאתִי לָֽהּ׃
3 כֹּה אָמַר יְהֹוָה שַׁבְתִּי אֶל־צִיּוֹן וְשָׁכַנְתִּי בְּתוֹךְ יְרֽוּשָׁלִָם וְנִקְרְאָה יְרוּשָׁלִַם עִיר הָֽאֱמֶת וְהַר־יְהֹוָה צְבָאוֹת הַר הַקֹּֽדֶשׁ׃
4 כֹּה אָמַר יְהֹוָה צְבָאוֹת עֹד יֵֽשְׁבוּ זְקֵנִים וּזְקֵנוֹת בִּרְחֹבוֹת יְרוּשָׁלִָם וְאִישׁ מִשְׁעַנְתּוֹ בְּיָדוֹ מֵרֹב יָמִֽים׃
5 וּרְחֹבוֹת הָעִיר יִמָּלְאוּ יְלָדִים וִֽילָדוֹת מְשַׂחֲקִים בִּרְחֹֽבֹתֶֽיהָ׃
6 כֹּה אָמַר יְהֹוָה צְבָאוֹת כִּי יִפָּלֵא בְּעֵינֵי שְׁאֵרִית הָעָם הַזֶּה בַּיָּמִים הָהֵם גַּם־בְּעֵינַי יִפָּלֵא נְאֻם יְהֹוָה צְבָאֽוֹת׃
7 כֹּה אָמַר יְהֹוָה צְבָאוֹת הִנְנִי מוֹשִׁיעַ אֶת־עַמִּי מֵאֶרֶץ מִזְרָח וּמֵאֶרֶץ מְבוֹא הַשָּֽׁמֶשׁ׃
8 וְהֵבֵאתִי אֹתָם וְשָׁכְנוּ בְּתוֹךְ יְרוּשָׁלִָם וְהָיוּ־לִי לְעָם וַֽאֲנִי אֶהְיֶה לָהֶם לֵֽאלֹהִים בֶּאֱמֶת וּבִצְדָקָֽה׃
9 כֹּֽה־אָמַר יְהֹוָה צְבָאוֹת תֶּחֱזַקְנָה יְדֵיכֶם הַשֹּֽׁמְעִים בַּיָּמִים הָאֵלֶּה אֵת הַדְּבָרִים הָאֵלֶּה מִפִּי הַנְּבִיאִים אֲשֶׁר בְּיוֹם יֻסַּד בֵּית־יְהֹוָה צְבָאוֹת הַהֵיכָל לְהִבָּנֽוֹת׃
10 כִּי לִפְנֵי הַיָּמִים הָהֵם שְׂכַר הָֽאָדָם לֹא נִֽהְיָה וּשְׂכַר הַבְּהֵמָה אֵינֶנָּה וְלַיּוֹצֵא וְלַבָּא אֵין־שָׁלוֹם מִן־הַצָּר וַאֲשַׁלַּח אֶת־כׇּל־הָאָדָם אִישׁ בְּרֵעֵֽהוּ׃
11 וְעַתָּה לֹא כַיָּמִים הָרִֽאשֹׁנִים אֲנִי לִשְׁאֵרִית הָעָם הַזֶּה נְאֻם יְהֹוָה צְבָאֽוֹת׃
12 כִּֽי־זֶרַע הַשָּׁלוֹם הַגֶּפֶן תִּתֵּן פִּרְיָהּ וְהָאָרֶץ תִּתֵּן אֶת־יְבוּלָהּ וְהַשָּׁמַיִם יִתְּנוּ טַלָּם וְהִנְחַלְתִּי אֶת־שְׁאֵרִית הָעָם הַזֶּה אֶת־כׇּל־אֵֽלֶּה׃
13 וְהָיָה כַּאֲשֶׁר הֱיִיתֶם קְלָלָה בַּגּוֹיִם בֵּית יְהוּדָה וּבֵית יִשְׂרָאֵל כֵּן אוֹשִׁיעַ אֶתְכֶם וִהְיִיתֶם בְּרָכָה אַל־תִּירָאוּ תֶּחֱזַקְנָה יְדֵיכֶֽם׃
14 כִּי כֹה אָמַר יְהֹוָה צְבָאוֹת כַּאֲשֶׁר זָמַמְתִּי לְהָרַע לָכֶם בְּהַקְצִיף אֲבֹֽתֵיכֶם אֹתִי אָמַר יְהֹוָה צְבָאוֹת וְלֹא נִחָֽמְתִּי׃
15 כֵּן שַׁבְתִּי זָמַמְתִּי בַּיָּמִים הָאֵלֶּה לְהֵיטִיב אֶת־יְרוּשָׁלִַם וְאֶת־בֵּית יְהוּדָה אַל־תִּירָֽאוּ׃
16 אֵלֶּה הַדְּבָרִים אֲשֶׁר תַּֽעֲשׂוּ דַּבְּרוּ אֱמֶת אִישׁ אֶת־רֵעֵהוּ אֱמֶת וּמִשְׁפַּט שָׁלוֹם שִׁפְטוּ בְּשַׁעֲרֵיכֶֽם׃
17 וְאִישׁ ׀ אֶת־רָעַת רֵעֵהוּ אַֽל־תַּחְשְׁבוּ בִּלְבַבְכֶם וּשְׁבֻעַת שֶׁקֶר אַֽל־תֶּאֱהָבוּ כִּי אֶת־כׇּל־אֵלֶּה אֲשֶׁר שָׂנֵאתִי נְאֻם־יְהֹוָֽה׃
18 וַיְהִי דְּבַר־יְהֹוָה צְבָאוֹת אֵלַי לֵאמֹֽר׃
19 כֹּֽה־אָמַר יְהֹוָה צְבָאוֹת צוֹם הָרְבִיעִי וְצוֹם הַחֲמִישִׁי וְצוֹם הַשְּׁבִיעִי וְצוֹם הָעֲשִׂירִי יִהְיֶה לְבֵית־יְהוּדָה לְשָׂשׂוֹן וּלְשִׂמְחָה וּֽלְמֹעֲדִים טוֹבִים וְהָאֱמֶת וְהַשָּׁלוֹם אֱהָֽבוּ׃
20 כֹּה אָמַר יְהֹוָה צְבָאוֹת עֹד אֲשֶׁר יָבֹאוּ עַמִּים וְיֹשְׁבֵי עָרִים רַבּֽוֹת׃
21 וְֽהָלְכוּ יוֹשְׁבֵי אַחַת אֶל־אַחַת לֵאמֹר נֵלְכָה הָלוֹךְ לְחַלּוֹת אֶת־פְּנֵי יְהֹוָה וּלְבַקֵּשׁ אֶת־יְהֹוָה צְבָאוֹת אֵלְכָה גַּם־אָֽנִי׃
22 וּבָאוּ עַמִּים רַבִּים וְגוֹיִם עֲצוּמִים לְבַקֵּשׁ אֶת־יְהֹוָה צְבָאוֹת בִּירוּשָׁלִָם וּלְחַלּוֹת אֶת־פְּנֵי יְהֹוָֽה׃
23 כֹּֽה־אָמַר יְהֹוָה צְבָאוֹת בַּיָּמִים הָהֵמָּה אֲשֶׁר יַחֲזִיקוּ עֲשָׂרָה אֲנָשִׁים מִכֹּל לְשֹׁנוֹת הַגּוֹיִם וְֽהֶחֱזִיקוּ בִּכְנַף אִישׁ יְהוּדִי לֵאמֹר נֵֽלְכָה עִמָּכֶם כִּי שָׁמַעְנוּ אֱלֹהִים עִמָּכֶֽם׃
Zechariah Sacharja 9
1 מַשָּׂא דְבַר־יְהֹוָה בְּאֶרֶץ חַדְרָךְ וְדַמֶּשֶׂק מְנֻחָתוֹ כִּי לַֽיהֹוָה עֵין אָדָם וְכֹל שִׁבְטֵי יִשְׂרָאֵֽל׃
2 וְגַם־חֲמָת תִּגְבׇּל־בָּהּ צֹר וְצִידוֹן כִּי חָֽכְמָה מְאֹֽד׃
3 וַתִּבֶן צֹר מָצוֹר לָהּ וַתִּצְבׇּר־כֶּסֶף כֶּֽעָפָר וְחָרוּץ כְּטִיט חוּצֽוֹת׃
4 הִנֵּה אֲדֹנָי יֽוֹרִשֶׁנָּה וְהִכָּה בַיָּם חֵילָהּ וְהִיא בָּאֵשׁ תֵּאָכֵֽל׃
5 תֵּרֶא אַשְׁקְלוֹן וְתִירָא וְעַזָּה וְתָחִיל מְאֹד וְעֶקְרוֹן כִּֽי־הֹבִישׁ מֶבָּטָהּ וְאָבַד מֶלֶךְ מֵֽעַזָּה וְאַשְׁקְלוֹן לֹא תֵשֵֽׁב׃
6 וְיָשַׁב מַמְזֵר בְּאַשְׁדּוֹד וְהִכְרַתִּי גְּאוֹן פְּלִשְׁתִּֽים׃
7 וַהֲסִרֹתִי דָמָיו מִפִּיו וְשִׁקֻּצָיו מִבֵּין שִׁנָּיו וְנִשְׁאַר גַּם־הוּא לֵֽאלֹהֵינוּ וְהָיָה כְּאַלֻּף בִּֽיהוּדָה וְעֶקְרוֹן כִּיבוּסִֽי׃
8 וְחָנִיתִי לְבֵיתִי מִצָּבָה מֵעֹבֵר וּמִשָּׁב וְלֹֽא־יַעֲבֹר עֲלֵיהֶם עוֹד נֹגֵשׂ כִּי עַתָּה רָאִיתִי בְעֵינָֽי׃
9 גִּילִי מְאֹד בַּת־צִיּוֹן הָרִיעִי בַּת יְרוּשָׁלִַם הִנֵּה מַלְכֵּךְ יָבוֹא לָךְ צַדִּיק וְנוֹשָׁע הוּא עָנִי וְרֹכֵב עַל־חֲמוֹר וְעַל־עַיִר בֶּן־אֲתֹנֽוֹת׃
10 וְהִכְרַתִּי־רֶכֶב מֵאֶפְרַיִם וְסוּס מִירוּשָׁלִַם וְנִכְרְתָה קֶשֶׁת מִלְחָמָה וְדִבֶּר שָׁלוֹם לַגּוֹיִם וּמָשְׁלוֹ מִיָּם עַד־יָם וּמִנָּהָר עַד־אַפְסֵי־אָֽרֶץ׃
11 גַּם־אַתְּ בְּדַם־בְּרִיתֵךְ שִׁלַּחְתִּי אֲסִירַיִךְ מִבּוֹר אֵין מַיִם בּֽוֹ׃
12 שׁוּבוּ לְבִצָּרוֹן אֲסִירֵי הַתִּקְוָה גַּם־הַיּוֹם מַגִּיד מִשְׁנֶה אָשִׁיב לָֽךְ׃
13 כִּֽי־דָרַכְתִּי לִי יְהוּדָה קֶשֶׁת מִלֵּאתִי אֶפְרַיִם וְעוֹרַרְתִּי בָנַיִךְ צִיּוֹן עַל־בָּנַיִךְ יָוָן וְשַׂמְתִּיךְ כְּחֶרֶב גִּבּֽוֹר׃
14 וַֽיהֹוָה עֲלֵיהֶם יֵֽרָאֶה וְיָצָא כַבָּרָק חִצּוֹ וַֽאדֹנָי יֱהֹוִה בַּשּׁוֹפָר יִתְקָע וְהָלַךְ בְּסַעֲרוֹת תֵּימָֽן׃
15 יְהֹוָה צְבָאוֹת יָגֵן עֲלֵיהֶם וְאָכְלוּ וְכָֽבְשׁוּ אַבְנֵי־קֶלַע וְשָׁתוּ הָמוּ כְּמוֹ־יָיִן וּמָֽלְאוּ כַּמִּזְרָק כְּזָוִיּוֹת מִזְבֵּֽחַ׃
16 וְֽהוֹשִׁיעָם יְהֹוָה אֱלֹהֵיהֶם בַּיּוֹם הַהוּא כְּצֹאן עַמּוֹ כִּי אַבְנֵי־נֵזֶר מִֽתְנוֹסְסוֹת עַל־אַדְמָתֽוֹ׃
17 כִּי מַה־טּוּבוֹ וּמַה־יׇּפְיוֹ דָּגָן בַּחוּרִים וְתִירוֹשׁ יְנוֹבֵב בְּתֻלֽוֹת׃
Zechariah Sacharja 10
1 שַׁאֲלוּ מֵיְהֹוָה מָטָר בְּעֵת מַלְקוֹשׁ יְהֹוָה עֹשֶׂה חֲזִיזִים וּמְטַר־גֶּשֶׁם יִתֵּן לָהֶם לְאִישׁ עֵשֶׂב בַּשָּׂדֶֽה׃
2 כִּי הַתְּרָפִים דִּבְּרוּ־אָוֶן וְהַקּֽוֹסְמִים חָזוּ שֶׁקֶר וַֽחֲלֹמוֹת הַשָּׁוְא יְדַבֵּרוּ הֶבֶל יְנַחֵמוּן עַל־כֵּן נָסְעוּ כְמוֹ־צֹאן יַעֲנוּ כִּי־אֵין רֹעֶֽה׃
3 עַל־הָֽרֹעִים חָרָה אַפִּי וְעַל־הָעַתּוּדִים אֶפְקוֹד כִּֽי־פָקַד יְהֹוָה צְבָאוֹת אֶת־עֶדְרוֹ אֶת־בֵּית יְהוּדָה וְשָׂם אוֹתָם כְּסוּס הוֹדוֹ בַּמִּלְחָמָֽה׃
4 מִמֶּנּוּ פִנָּה מִמֶּנּוּ יָתֵד מִמֶּנּוּ קֶשֶׁת מִלְחָמָה מִמֶּנּוּ יֵצֵא כׇל־נוֹגֵשׂ יַחְדָּֽו׃
5 וְהָיוּ כְגִבֹּרִים בּוֹסִים בְּטִיט חוּצוֹת בַּמִּלְחָמָה וְנִלְחֲמוּ כִּי יְהֹוָה עִמָּם וְהֹבִישׁוּ רֹכְבֵי סוּסִֽים׃
6 וְגִבַּרְתִּי ׀ אֶת־בֵּית יְהוּדָה וְאֶת־בֵּית יוֹסֵף אוֹשִׁיעַ וְהֽוֹשְׁבוֹתִים כִּי רִֽחַמְתִּים וְהָיוּ כַּאֲשֶׁר לֹא־זְנַחְתִּים כִּי אֲנִי יְהֹוָה אֱלֹהֵיהֶם וְאֶעֱנֵֽם׃
7 וְהָיוּ כְגִבּוֹר אֶפְרַיִם וְשָׂמַח לִבָּם כְּמוֹ־יָיִן וּבְנֵיהֶם יִרְאוּ וְשָׂמֵחוּ יָגֵל לִבָּם בַּיהֹוָֽה׃
8 אֶשְׁרְקָה לָהֶם וַאֲקַבְּצֵם כִּי פְדִיתִים וְרָבוּ כְּמוֹ רָבֽוּ׃
9 וְאֶזְרָעֵם בָּעַמִּים וּבַמֶּרְחַקִּים יִזְכְּרוּנִי וְחָיוּ אֶת־בְּנֵיהֶם וָשָֽׁבוּ׃
10 וַהֲשִֽׁבוֹתִים מֵאֶרֶץ מִצְרַיִם וּמֵאַשּׁוּר אֲקַבְּצֵם וְאֶל־אֶרֶץ גִּלְעָד וּלְבָנוֹן אֲבִיאֵם וְלֹא יִמָּצֵא לָהֶֽם׃
11 וְעָבַר בַּיָּם צָרָה וְהִכָּה בַיָּם גַּלִּים וְהֹבִישׁוּ כֹּל מְצוּלוֹת יְאֹר וְהוּרַד גְּאוֹן אַשּׁוּר וְשֵׁבֶט מִצְרַיִם יָסֽוּר׃
12 וְגִבַּרְתִּים בַּיהֹוָה וּבִשְׁמוֹ יִתְהַלָּכוּ נְאֻם יְהֹוָֽה׃
Zechariah Sacharja 11
1 פְּתַח לְבָנוֹן דְּלָתֶיךָ וְתֹאכַל אֵשׁ בַּאֲרָזֶֽיךָ׃
2 הֵילֵל בְּרוֹשׁ כִּֽי־נָפַל אֶרֶז אֲשֶׁר אַדִּרִים שֻׁדָּדוּ הֵילִילוּ אַלּוֹנֵי בָשָׁן כִּי יָרַד יַעַר הבצור הַבָּצִֽיר׃
3 קוֹל יִֽלְלַת הָרֹעִים כִּי שֻׁדְּדָה אַדַּרְתָּם קוֹל שַׁאֲגַת כְּפִירִים כִּי שֻׁדַּד גְּאוֹן הַיַּרְדֵּֽן׃
4 כֹּה אָמַר יְהֹוָה אֱלֹהָי רְעֵה אֶת־צֹאן הַהֲרֵגָֽה׃
5 אֲשֶׁר קֹנֵיהֶן יַֽהַרְגֻן וְלֹא יֶאְשָׁמוּ וּמֹכְרֵיהֶן יֹאמַר בָּרוּךְ יְהֹוָה וַאעְשִׁר וְרֹעֵיהֶם לֹא יַחְמוֹל עֲלֵיהֶֽן׃
6 כִּי לֹא אֶחְמוֹל עוֹד עַל־יֹשְׁבֵי הָאָרֶץ נְאֻם־יְהֹוָה וְהִנֵּה אָנֹכִי מַמְצִיא אֶת־הָאָדָם אִישׁ בְּיַד־רֵעֵהוּ וּבְיַד מַלְכּוֹ וְכִתְּתוּ אֶת־הָאָרֶץ וְלֹא אַצִּיל מִיָּדָֽם׃
7 וָֽאֶרְעֶה אֶת־צֹאן הַהֲרֵגָה לָכֵן עֲנִיֵּי הַצֹּאן וָאֶקַּֽח־לִי שְׁנֵי מַקְלוֹת לְאַחַד קָרָאתִֽי נֹעַם וּלְאַחַד קָרָאתִי חֹֽבְלִים וָֽאֶרְעֶה אֶת־הַצֹּֽאן׃
8 וָאַכְחִד אֶת־שְׁלֹשֶׁת הָרֹעִים בְּיֶרַח אֶחָד וַתִּקְצַר נַפְשִׁי בָּהֶם וְגַם־נַפְשָׁם בָּחֲלָה בִֽי׃
9 וָאֹמַר לֹא אֶרְעֶה אֶתְכֶם הַמֵּתָה תָמוּת וְהַנִּכְחֶדֶת תִּכָּחֵד וְהַנִּשְׁאָרוֹת תֹּאכַלְנָה אִשָּׁה אֶת־בְּשַׂר רְעוּתָֽהּ׃
10 וָאֶקַּח אֶת־מַקְלִי אֶת־נֹעַם וָאֶגְדַּע אֹתוֹ לְהָפֵיר אֶת־בְּרִיתִי אֲשֶׁר כָּרַתִּי אֶת־כׇּל־הָעַמִּֽים׃
11 וַתֻּפַר בַּיּוֹם הַהוּא וַיֵּדְעוּ כֵן עֲנִיֵּי הַצֹּאן הַשֹּׁמְרִים אֹתִי כִּי דְבַר־יְהֹוָה הֽוּא׃
12 וָאֹמַר אֲלֵיהֶם אִם־טוֹב בְּעֵינֵיכֶם הָבוּ שְׂכָרִי וְאִם־לֹא ׀ חֲדָלוּ וַיִּשְׁקְלוּ אֶת־שְׂכָרִי שְׁלֹשִׁים כָּֽסֶף׃
13 וַיֹּאמֶר יְהֹוָה אֵלַי הַשְׁלִיכֵהוּ אֶל־הַיּוֹצֵר אֶדֶר הַיְקָר אֲשֶׁר יָקַרְתִּי מֵעֲלֵיהֶם וָֽאֶקְחָה שְׁלֹשִׁים הַכֶּסֶף וָֽאַשְׁלִיךְ אֹתוֹ בֵּית יְהֹוָה אֶל־הַיּוֹצֵֽר׃
14 וָֽאֶגְדַּע אֶת־מַקְלִי הַשֵּׁנִי אֵת הַחֹֽבְלִים לְהָפֵר אֶת־הָאַֽחֲוָה בֵּין יְהוּדָה וּבֵין יִשְׂרָאֵֽל׃
15 וַיֹּאמֶר יְהֹוָה אֵלָי עוֹד קַח־לְךָ כְּלִי רֹעֶה אֱוִלִֽי׃
16 כִּי הִנֵּֽה־אָנֹכִי מֵקִים רֹעֶה בָּאָרֶץ הַנִּכְחָדוֹת לֹֽא־יִפְקֹד הַנַּעַר לֹֽא־יְבַקֵּשׁ וְהַנִּשְׁבֶּרֶת לֹא יְרַפֵּא הַנִּצָּבָה לֹא יְכַלְכֵּל וּבְשַׂר הַבְּרִיאָה יֹאכַל וּפַרְסֵיהֶן יְפָרֵֽק׃
17 הוֹי רֹעִי הָאֱלִיל עֹזְבִי הַצֹּאן חֶרֶב עַל־זְרוֹעוֹ וְעַל־עֵין יְמִינוֹ זְרֹעוֹ יָבוֹשׁ תִּיבָשׁ וְעֵין יְמִינוֹ כָּהֹה תִכְהֶֽה׃
Zechariah Sacharja 12
1 מַשָּׂא דְבַר־יְהֹוָה עַל־יִשְׂרָאֵל נְאֻם־יְהֹוָה נֹטֶה שָׁמַיִם וְיֹסֵד אָרֶץ וְיֹצֵר רֽוּחַ־אָדָם בְּקִרְבּֽוֹ׃
2 הִנֵּה אָנֹכִי שָׂם אֶת־יְרֽוּשָׁלִַם סַף־רַעַל לְכׇל־הָעַמִּים סָבִיב וְגַם עַל־יְהוּדָה יִהְיֶה בַמָּצוֹר עַל־יְרוּשָׁלִָֽם׃
3 וְהָיָה בַיּוֹם־הַהוּא אָשִׂים אֶת־יְרוּשָׁלִַם אֶבֶן מַֽעֲמָסָה לְכׇל־הָעַמִּים כׇּל־עֹמְסֶיהָ שָׂרוֹט יִשָּׂרֵטוּ וְנֶאֶסְפוּ עָלֶיהָ כֹּל גּוֹיֵי הָאָֽרֶץ׃
4 בַּיּוֹם הַהוּא נְאֻם־יְהֹוָה אַכֶּה כׇל־סוּס בַּתִּמָּהוֹן וְרֹכְבוֹ בַּשִּׁגָּעוֹן וְעַל־בֵּית יְהוּדָה אֶפְקַח אֶת־עֵינַי וְכֹל סוּס הָעַמִּים אַכֶּה בַּעִוָּרֽוֹן׃
5 וְאָמְרוּ אַלֻּפֵי יְהוּדָה בְּלִבָּם אַמְצָה לִי יֹשְׁבֵי יְרוּשָׁלִַם בַּיהֹוָה צְבָאוֹת אֱלֹהֵיהֶֽם׃
6 בַּיּוֹם הַהוּא אָשִׂים אֶת־אַלֻּפֵי יְהוּדָה כְּֽכִיּוֹר אֵשׁ בְּעֵצִים וּכְלַפִּיד אֵשׁ בְּעָמִיר וְאָכְלוּ עַל־יָמִין וְעַל־שְׂמֹאול אֶת־כׇּל־הָעַמִּים סָבִיב וְיָשְׁבָה יְרוּשָׁלִַם עוֹד תַּחְתֶּיהָ בִּירוּשָׁלִָֽם׃
7 וְהוֹשִׁעַ יְהֹוָה אֶת־אׇהֳלֵי יְהוּדָה בָּרִֽאשֹׁנָה לְמַעַן לֹֽא־תִגְדַּל תִּפְאֶרֶת בֵּית־דָּוִיד וְתִפְאֶרֶת יֹשֵׁב יְרוּשָׁלִַם עַל־יְהוּדָֽה׃
8 בַּיּוֹם הַהוּא יָגֵן יְהֹוָה בְּעַד יוֹשֵׁב יְרוּשָׁלִַם וְהָיָה הַנִּכְשָׁל בָּהֶם בַּיּוֹם הַהוּא כְּדָוִיד וּבֵית דָּוִיד כֵּֽאלֹהִים כְּמַלְאַךְ יְהֹוָה לִפְנֵיהֶֽם׃
9 וְהָיָה בַּיּוֹם הַהוּא אֲבַקֵּשׁ לְהַשְׁמִיד אֶת־כׇּל־הַגּוֹיִם הַבָּאִים עַל־יְרוּשָׁלִָֽם׃
10 וְשָׁפַכְתִּי עַל־בֵּית דָּוִיד וְעַל ׀ יוֹשֵׁב יְרוּשָׁלִַם רוּחַ חֵן וְתַחֲנוּנִים וְהִבִּיטוּ אֵלַי אֵת אֲשֶׁר־דָּקָרוּ וְסָפְדוּ עָלָיו כְּמִסְפֵּד עַל־הַיָּחִיד וְהָמֵר עָלָיו כְּהָמֵר עַֽל־הַבְּכֽוֹר׃
11 בַּיּוֹם הַהוּא יִגְדַּל הַמִּסְפֵּד בִּירוּשָׁלִַם כְּמִסְפַּד הֲדַד־רִמּוֹן בְּבִקְעַת מְגִדּֽוֹן׃
12 וְסָפְדָה הָאָרֶץ מִשְׁפָּחוֹת מִשְׁפָּחוֹת לְבָד מִשְׁפַּחַת בֵּית־דָּוִיד לְבָד וּנְשֵׁיהֶם לְבָד מִשְׁפַּחַת בֵּית־נָתָן לְבָד וּנְשֵׁיהֶם לְבָֽד׃
13 מִשְׁפַּחַת בֵּית־לֵוִי לְבָד וּנְשֵׁיהֶם לְבָד מִשְׁפַּחַת הַשִּׁמְעִי לְבָד וּנְשֵׁיהֶם לְבָֽד׃
14 כֹּל הַמִּשְׁפָּחוֹת הַנִּשְׁאָרוֹת מִשְׁפָּחֹת מִשְׁפָּחֹת לְבָד וּנְשֵׁיהֶם לְבָֽד׃
Zechariah Sacharja 13
1 בַּיּוֹם הַהוּא יִֽהְיֶה מָקוֹר נִפְתָּח לְבֵית דָּוִיד וּלְיֹשְׁבֵי יְרוּשָׁלִָם לְחַטַּאת וּלְנִדָּֽה׃
2 וְהָיָה בַיּוֹם הַהוּא נְאֻם ׀ יְהֹוָה צְבָאוֹת אַכְרִית אֶת־שְׁמוֹת הָֽעֲצַבִּים מִן־הָאָרֶץ וְלֹא יִזָּכְרוּ עוֹד וְגַם אֶת־הַנְּבִיאִים וְאֶת־רוּחַ הַטֻּמְאָה אַעֲבִיר מִן־הָאָֽרֶץ׃
3 וְהָיָה כִּֽי־יִנָּבֵא אִישׁ עוֹד וְאָמְרוּ אֵלָיו אָבִיו וְאִמּוֹ יֹֽלְדָיו לֹא תִֽחְיֶה כִּי שֶׁקֶר דִּבַּרְתָּ בְּשֵׁם יְהֹוָה וּדְקָרֻהוּ אָבִיהוּ וְאִמּוֹ יֹלְדָיו בְּהִנָּֽבְאֽוֹ׃
4 וְהָיָה ׀ בַּיּוֹם הַהוּא יֵבֹשׁוּ הַנְּבִיאִים אִישׁ מֵחֶזְיֹנוֹ בְּהִנָּֽבְאֹתוֹ וְלֹא יִלְבְּשׁוּ אַדֶּרֶת שֵׂעָר לְמַעַן כַּחֵֽשׁ׃
5 וְאָמַר לֹא נָבִיא אָנֹכִי אִישׁ־עֹבֵד אֲדָמָה אָנֹכִי כִּי אָדָם הִקְנַנִי מִנְּעוּרָֽי׃
6 וְאָמַר אֵלָיו מָה הַמַּכּוֹת הָאֵלֶּה בֵּין יָדֶיךָ וְאָמַר אֲשֶׁר הֻכֵּיתִי בֵּית מְאַהֲבָֽי׃
7 חֶרֶב עוּרִי עַל־רֹעִי וְעַל־גֶּבֶר עֲמִיתִי נְאֻם יְהֹוָה צְבָאוֹת הַךְ אֶת־הָרֹעֶה וּתְפוּצֶיןָ הַצֹּאן וַהֲשִׁבֹתִי יָדִי עַל־הַצֹּעֲרִֽים׃
8 וְהָיָה בְכׇל־הָאָרֶץ נְאֻם־יְהֹוָה פִּֽי־שְׁנַיִם בָּהּ יִכָּרְתוּ יִגְוָעוּ וְהַשְּׁלִשִׁית יִוָּתֶר בָּֽהּ׃
9 וְהֵבֵאתִי אֶת־הַשְּׁלִשִׁית בָּאֵשׁ וּצְרַפְתִּים כִּצְרֹף אֶת־הַכֶּסֶף וּבְחַנְתִּים כִּבְחֹן אֶת־הַזָּהָב הוּא ׀ יִקְרָא בִשְׁמִי וַֽאֲנִי אֶעֱנֶה אֹתוֹ אָמַרְתִּי עַמִּי הוּא וְהוּא יֹאמַר יְהֹוָה אֱלֹהָֽי׃
Zechariah Sacharja 14
1 הִנֵּה יֽוֹם־בָּא לַיהֹוָה וְחֻלַּק שְׁלָלֵךְ בְּקִרְבֵּֽךְ׃
2 וְאָסַפְתִּי אֶת־כׇּל־הַגּוֹיִם ׀ אֶֽל־יְרוּשָׁלִַם לַמִּלְחָמָה וְנִלְכְּדָה הָעִיר וְנָשַׁסּוּ הַבָּתִּים וְהַנָּשִׁים תשגלנה תִּשָּׁכַבְנָה וְיָצָא חֲצִי הָעִיר בַּגּוֹלָה וְיֶתֶר הָעָם לֹא יִכָּרֵת מִן־הָעִֽיר׃
3 וְיָצָא יְהֹוָה וְנִלְחַם בַּגּוֹיִם הָהֵם כְּיוֹם הִֽלָּחֲמוֹ בְּיוֹם קְרָֽב׃
4 וְעָמְדוּ רַגְלָיו בַּיּוֹם־הַהוּא עַל־הַר הַזֵּיתִים אֲשֶׁר עַל־פְּנֵי יְרֽוּשָׁלִַם מִקֶּדֶם וְנִבְקַע הַר הַזֵּיתִים מֵֽחֶצְיוֹ מִזְרָחָה וָיָמָּה גֵּיא גְּדוֹלָה מְאֹד וּמָשׁ חֲצִי הָהָר צָפוֹנָה וְחֶצְיוֹ־נֶֽגְבָּה׃
5 וְנַסְתֶּם גֵּיא־הָרַי כִּי־יַגִּיעַ גֵּֽי־הָרִים אֶל־אָצַל וְנַסְתֶּם כַּאֲשֶׁר נַסְתֶּם מִפְּנֵי הָרַעַשׁ בִּימֵי עֻזִּיָּה מֶלֶךְ־יְהוּדָה וּבָא יְהֹוָה אֱלֹהַי כׇּל־קְדֹשִׁים עִמָּֽךְ׃
6 וְהָיָה בַּיּוֹם הַהוּא לֹֽא־יִֽהְיֶה אוֹר יְקָרוֹת יקפאון וְקִפָּאֽוֹן׃
7 וְהָיָה יוֹם־אֶחָד הוּא יִוָּדַע לַיהֹוָה לֹא־יוֹם וְלֹא־לָיְלָה וְהָיָה לְעֵֽת־עֶרֶב יִֽהְיֶה־אֽוֹר׃
8 וְהָיָה ׀ בַּיּוֹם הַהוּא יֵצְאוּ מַֽיִם־חַיִּים מִירוּשָׁלִַם חֶצְיָם אֶל־הַיָּם הַקַּדְמוֹנִי וְחֶצְיָם אֶל־הַיָּם הָאַחֲרוֹן בַּקַּיִץ וּבָחֹרֶף יִֽהְיֶֽה׃
9 וְהָיָה יְהֹוָה לְמֶלֶךְ עַל־כׇּל־הָאָרֶץ בַּיּוֹם הַהוּא יִהְיֶה יְהֹוָה אֶחָד וּשְׁמוֹ אֶחָֽד׃
10 יִסּוֹב כׇּל־הָאָרֶץ כָּֽעֲרָבָה מִגֶּבַע לְרִמּוֹן נֶגֶב יְרֽוּשָׁלִָם וְֽרָאֲמָה וְיָשְׁבָה תַחְתֶּיהָ לְמִשַּׁעַר בִּנְיָמִן עַד־מְקוֹם שַׁעַר הָֽרִאשׁוֹן עַד־שַׁעַר הַפִּנִּים וּמִגְדַּל חֲנַנְאֵל עַד יִקְבֵי הַמֶּֽלֶךְ׃
11 וְיָשְׁבוּ בָהּ וְחֵרֶם לֹא יִֽהְיֶה־עוֹד וְיָשְׁבָה יְרוּשָׁלִַם לָבֶֽטַח׃
12 וְזֹאת ׀ תִּהְיֶה הַמַּגֵּפָה אֲשֶׁר יִגֹּף יְהֹוָה אֶת־כׇּל־הָעַמִּים אֲשֶׁר צָבְאוּ עַל־יְרוּשָׁלִָם הָמֵק ׀ בְּשָׂרוֹ וְהוּא עֹמֵד עַל־רַגְלָיו וְעֵינָיו תִּמַּקְנָה בְחֹֽרֵיהֶן וּלְשׁוֹנוֹ תִּמַּק בְּפִיהֶֽם׃
13 וְהָיָה בַּיּוֹם הַהוּא תִּהְיֶה מְהֽוּמַת־יְהֹוָה רַבָּה בָּהֶם וְהֶחֱזִיקוּ אִישׁ יַד רֵעֵהוּ וְעָלְתָה יָדוֹ עַל־יַד רֵעֵֽהוּ׃
14 וְגַם־יְהוּדָה תִּלָּחֵם בִּירוּשָׁלִָם וְאֻסַּף חֵיל כׇּל־הַגּוֹיִם סָבִיב זָהָב וָכֶסֶף וּבְגָדִים לָרֹב מְאֹֽד׃
15 וְכֵן תִּהְיֶה מַגֵּפַת הַסּוּס הַפֶּרֶד הַגָּמָל וְהַחֲמוֹר וְכׇל־הַבְּהֵמָה אֲשֶׁר יִֽהְיֶה בַּמַּחֲנוֹת הָהֵמָּה כַּמַּגֵּפָה הַזֹּֽאת׃
16 וְהָיָה כׇּל־הַנּוֹתָר מִכׇּל־הַגּוֹיִם הַבָּאִים עַל־יְרוּשָׁלִָם וְעָלוּ מִדֵּי שָׁנָה בְשָׁנָה לְהִֽשְׁתַּחֲוֺת לְמֶלֶךְ יְהֹוָה צְבָאוֹת וְלָחֹג אֶת־חַג הַסֻּכּֽוֹת׃
17 וְהָיָה אֲשֶׁר לֹֽא־יַעֲלֶה מֵאֵת מִשְׁפְּחוֹת הָאָרֶץ אֶל־יְרוּשָׁלִַם לְהִֽשְׁתַּחֲוֺת לְמֶלֶךְ יְהֹוָה צְבָאוֹת וְלֹא עֲלֵיהֶם יִהְיֶה הַגָּֽשֶׁם׃
18 וְאִם־מִשְׁפַּחַת מִצְרַיִם לֹֽא־תַעֲלֶה וְלֹא בָאָה וְלֹא עֲלֵיהֶם תִּֽהְיֶה הַמַּגֵּפָה אֲשֶׁר יִגֹּף יְהֹוָה אֶת־הַגּוֹיִם אֲשֶׁר לֹא יַעֲלוּ לָחֹג אֶת־חַג הַסֻּכּֽוֹת׃
19 זֹאת תִּהְיֶה חַטַּאת מִצְרָיִם וְחַטַּאת כׇּל־הַגּוֹיִם אֲשֶׁר לֹא יַעֲלוּ לָחֹג אֶת־חַג הַסֻּכּֽוֹת׃
20 בַּיּוֹם הַהוּא יִֽהְיֶה עַל־מְצִלּוֹת הַסּוּס קֹדֶשׁ לַיהֹוָה וְהָיָה הַסִּירוֹת בְּבֵית יְהֹוָה כַּמִּזְרָקִים לִפְנֵי הַמִּזְבֵּֽחַ׃
21 וְהָיָה כׇּל־סִיר בִּירוּשָׁלִַם וּבִיהוּדָה קֹדֶשׁ לַיהֹוָה צְבָאוֹת וּבָאוּ כׇּל־הַזֹּבְחִים וְלָקְחוּ מֵהֶם וּבִשְּׁלוּ בָהֶם וְלֹֽא־יִֽהְיֶה כְנַעֲנִי עוֹד בְּבֵית־יְהֹוָה צְבָאוֹת בַּיּוֹם הַהֽוּא׃
Zechariah 1-14
Genesis Exod. Leviticus Numbers Deuteron. Yehoshua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi