Genesis Exod. Leviticus Numbers Deuteron. Yešua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Nahum 1-3
Nahum 1
1. Masa nineveh sefer hazovn nahum haelkoši.
2. El kanov venokem Jehovah, nokem Jehovah uval hemah nokem Jehovah lesarav, venovter hu leojevav.
3. Jehovah ereh apajim ugedovl hugedal koah, kvenakeh lo jenakeh Jehovah besufah uvisarah darkov, veanan avak raglav.
4 .Ggover baijam vaijabešehu, vehol haneharovt heheriv umlal bašan veharmel, uferah levanovn umlal.
5. Harim rašu mimenu, vehagevaot hitmogagu vatisa ha-arec mipanav, vetevel vehol joševei vah.
6. Lifnei zamov mi jamovd, umi jakum baharovn apov hamatov nitehah haeš, vehasurim nitesu mimenu.
7. Tov Jehovah, lemaovz bejovm sarah vejodea hosei vov.
8. Uvešetef over, kalah jaseh mekovmah veojevav jeradef-hošeh.
9. Mah tehaševun el-Jehovah, kalah hu oseh lo takum pa-amajim sarah.
10. Ki ad-sirim sevuhim, uhesaveam sevuim ukelu, kekaš javeš male.
11. Mimeh jasa, hošev al- Jehovah rah joes belijal.
12. Koh amar Jehovah im šelemim vehen rabim, vehen nagozu veavar veinitih, lo aneh ovd.
13 .Veatah ešbor motehu mealajih umovsrotajih anatek.
14. Vesivah aleiha Jehovah, lo-jizara mišimha ovd mibeit eloheiha ahrit pesel umasehah asim kivreha ki kalovta.
15. Hineh al-heharim raglei mevaser mašmia šalom, hagi jehudah hagajih šalemi nedarajih ki lo josif od lavor hla-avar bah kbelijal kuloh nihrat.
Nahum 2
1. Alah mefis al-panajih nasor mesurah sapeh dereh hazek matenajim, ames koah meod.
2. Ki šav Jehovah et-geovn jakov, kigovn jizrael ki vekakum bokekim, uzemoreihem šihetu.
3. Magen giboreihu meadam anšei hajil metulaim, be-eš peladot harehev bejom hahinov vehaberošim harealu.
4. Bahusot jithovlu harehev, jištakšekun barehovot mareihen kalapidim, kaberakim jerovsesu.
5. Jizkor adirav, jikašelu vahalihotamh bahalihatam kjemaharu hovmatah, vehuhan hasoheh.
6. Ša-arei haneharot niftahu vehaheihol namog.
7. Vehusav guletah hoalatah veamhoteiha menahagot kekovl jovnim, metofefot al-livehen.
8. Venineveh hivrehat majim mimei hi vehemah nasim, imdu amodu ve-ein mafneh.
9. Bozu hesef bozu zahav ve-ein keseh latehunah, kavod mikol keli hemdah.
10. Bukah umevukah umevulakah velev names ufik birkajim vehalhalah behol matenajim, ufenei hulam kibesu farur.
11 .Aijeh meovn arajovt, umireh hu lakefirim ašer halah arjeh lavi šam gur arjeh ve-ein maharid.
12 .Arjeh toref bedei gorotav, umehanek lelivotav vajmale teref horav, umeonotav terefah.
13. Hini elajih neum Jehovah sevaovt, vehivarti veašan rihbah, uhefirajih tohal harev vehihrati me-erec tarpeh, velo-jišama od kol malaheheh.
Nahum 3
1. Hovj ir damim kulah kahaš perek meleah, lo jamiš taref.
2. Kovl šovt, vekovl ra-aš ovfan vesus doher, umerkavah merakedah.
3. Paraš maleh velahav herev uverak hanit, verov halal vehoved pager ve-ein keseh lagevijah, jihšeluh vehašeluk bigvijatam.
4. Merov zenunei zovnah, tovat hen balat kešafim hamoheret govjim biznuneiha, umišpahovt bihšafeiha.
5. Hini elajih neum Jehovah sevaovt, vegileiti šulajih al-panajih vehareiti govjim mareh, umamlahovt kelovneh.
6. Vehišlahti alajih šikusim venibaltih vesamtih keroi.
7. Vehajah hol-roajih jidovd mimeh, veamar šadedah nineveh, mi janud lah meajin avakeš menahamim lah.
8 .Hateitevi mino amovn, haijoševah bajorim, majim saviv lah ašer heil jam, mijam hovmatah.
9. Kush asemah umitzrajim ve-ein keseh put veluvim, haiu be-ezrateh.
10 .Gam-hi lagolah halehah vaševi, gam olaleiha jerutešu beroš kol husovt veal nihbadeiha jadu govral, vehol gedovleiha ruteku vazikim.
11. Gam ate tiškeri, tehi nalamah gam-ate tevakši maovz meovjev.
12. Kol mivsarajih, te-enim im bikurim im jinovu venafelu al-pi ovhel.
13 .Hineh ameh našim bekirbeh, leojevajih, patovah niftehu ša-arei artzeh ahelah eš berihajih.
14. Mei masovr sha-avi lah, hazeki mivsarajih boi vatit verimsi vahomer hahaziki malben.
15 .Matoheleh eš, tahriteh herev, toheleh kaijalek hitkabed kaijelek, hitkabedi karbeh.
16. Hirbeit rohelajih, mikovhvei hašamajim jelek pašat vaijaof.
17 .Minezarajih ka-arbeh, vetafserajih kegov govai hahovnim bagederovt bejovm karah, šemeš zarehah venovdad, velo novda mekovmov aijam.
18 .Namu roeiha meleh ašur, jiškenu adireiha nafošu ameha al heharim ve-ein mekabes.
19. Ein kehah lešivreha, nahlah makateha kol šomei šimaha takeu haf aleiha, ki al-mi lo averah ra-ateha tamid.
נחום א
1 מַשָּׂא נִֽינְוֵה סֵפֶר חֲזוֹן נַחוּם הָאֶלְקֹשִֽׁי׃
2 אֵל קַנּוֹא וְנֹקֵם יְהֹוָה נֹקֵם יְהֹוָה וּבַעַל חֵמָה נֹקֵם יְהוָֹה לְצָרָיו וְנוֹטֵר הוּא לְאֹיְבָֽיו׃
3 יְהֹוָה אֶרֶךְ אַפַּיִם וגדול וּגְדׇל־כֹּחַ וְנַקֵּה לֹא יְנַקֶּה יְהֹוָה בְּסוּפָה וּבִשְׂעָרָה דַּרְכּוֹ וְעָנָן אֲבַק רַגְלָֽיו׃
4 גּוֹעֵר בַּיָּם וַֽיַּבְּשֵׁהוּ וְכׇל־הַנְּהָרוֹת הֶחֱרִיב אֻמְלַל בָּשָׁן וְכַרְמֶל וּפֶרַח לְבָנוֹן אֻמְלָֽל׃
5 הָרִים רָעֲשׁוּ מִמֶּנּוּ וְהַגְּבָעוֹת הִתְמֹגָגוּ וַתִּשָּׂא הָאָרֶץ מִפָּנָיו וְתֵבֵל וְכׇל־יוֹשְׁבֵי בָֽהּ׃
6 לִפְנֵי זַעְמוֹ מִי יַעֲמוֹד וּמִי יָקוּם בַּחֲרוֹן אַפּוֹ חֲמָתוֹ נִתְּכָה כָאֵשׁ וְהַצֻּרִים נִתְּצוּ מִמֶּֽנּוּ׃
7 טוֹב יְהֹוָה לְמָעוֹז בְּיוֹם צָרָה וְיֹדֵעַ חֹסֵי בֽוֹ׃
8 וּבְשֶׁטֶף עֹבֵר כָּלָה יַעֲשֶׂה מְקוֹמָהּ וְאֹיְבָיו יְרַדֶּף־חֹֽשֶׁךְ׃
9 מַה־תְּחַשְּׁבוּן אֶל־יְהֹוָה כָּלָה הוּא עֹשֶׂה לֹא־תָקוּם פַּעֲמַיִם צָרָֽה׃
10 כִּי עַד־סִירִים סְבֻכִים וּכְסׇבְאָם סְבוּאִים אֻכְּלוּ כְּקַשׁ יָבֵשׁ מָלֵֽא׃
11 מִמֵּךְ יָצָא חֹשֵׁב עַל־יְהֹוָה רָעָה יֹעֵץ בְּלִיָּֽעַל׃
12 כֹּה ׀ אָמַר יְהֹוָה אִם־שְׁלֵמִים וְכֵן רַבִּים וְכֵן נָגוֹזּוּ וְעָבָר וְעִנִּתִךְ לֹא אֲעַנֵּךְ עֽוֹד׃
13 וְעַתָּה אֶשְׁבֹּר מֹטֵהוּ מֵעָלָיִךְ וּמוֹסְרֹתַיִךְ אֲנַתֵּֽק׃
14 וְצִוָּה עָלֶיךָ יְהֹוָה לֹא־יִזָּרַע מִשִּׁמְךָ עוֹד מִבֵּית אֱלֹהֶיךָ אַכְרִית פֶּסֶל וּמַסֵּכָה אָשִׂים קִבְרֶךָ כִּי קַלּֽוֹתָ׃
.
נחום ב
1 הִנֵּה עַל־הֶהָרִים רַגְלֵי מְבַשֵּׂר מַשְׁמִיעַ שָׁלוֹם חָגִּי יְהוּדָה חַגַּיִךְ שַׁלְּמִי נְדָרָיִךְ כִּי לֹא יוֹסִיף עוֹד לעבור לַעֲבׇר־בָּךְ בְּלִיַּעַל כֻּלֹּה נִכְרָֽת׃
2 עָלָה מֵפִיץ עַל־פָּנַיִךְ נָצוֹר מְצוּרָה צַפֵּֽה־דֶרֶךְ חַזֵּק מׇתְנַיִם אַמֵּץ כֹּחַ מְאֹֽד׃
3 כִּי שָׁב יְהֹוָה אֶת־גְּאוֹן יַעֲקֹב כִּגְאוֹן יִשְׂרָאֵל כִּי בְקָקוּם בֹּֽקְקִים וּזְמֹרֵיהֶם שִׁחֵֽתוּ׃
4 מָגֵן גִּבֹּרֵיהוּ מְאָדָּם אַנְשֵֽׁי־חַיִל מְתֻלָּעִים בְּאֵשׁ־פְּלָדֹת הָרֶכֶב בְּיוֹם הֲכִינוֹ וְהַבְּרֹשִׁים הׇרְעָֽלוּ׃
5 בַּחוּצוֹת יִתְהוֹלְלוּ הָרֶכֶב יִֽשְׁתַּקְשְׁקוּן בָּרְחֹבוֹת מַרְאֵיהֶן כַּלַּפִּידִים כַּבְּרָקִים יְרוֹצֵֽצוּ׃
6 יִזְכֹּר אַדִּירָיו יִכָּשְׁלוּ בהלכותם בַּהֲלִיכָתָם יְמַֽהֲרוּ חֽוֹמָתָהּ וְהֻכַן הַסֹּכֵֽךְ׃
7 שַׁעֲרֵי הַנְּהָרוֹת נִפְתָּחוּ וְהַהֵיכָל נָמֽוֹג׃
8 וְהֻצַּב גֻּלְּתָה הֹֽעֲלָתָה וְאַמְהֹתֶיהָ מְנַֽהֲגוֹת כְּקוֹל יוֹנִים מְתֹפְפֹת עַל־לִבְבֵהֶֽן׃
9 וְנִֽינְוֵה כִבְרֵכַת־מַיִם מִימֵי הִיא וְהֵמָּה נָסִים עִמְדוּ עֲמֹדוּ וְאֵין מַפְנֶֽה׃
10 בֹּזּוּ כֶסֶף בֹּזּוּ זָהָב וְאֵין קֵצֶה לַתְּכוּנָה כָּבֹד מִכֹּל כְּלִי חֶמְדָּֽה׃
11 בּוּקָה וּמְבוּקָה וּמְבֻלָּקָה וְלֵב נָמֵס וּפִק בִּרְכַּיִם וְחַלְחָלָה בְּכׇל־מׇתְנַיִם וּפְנֵי כֻלָּם קִבְּצוּ פָארֽוּר׃
12 אַיֵּה מְעוֹן אֲרָיוֹת וּמִרְעֶה הוּא לַכְּפִרִים אֲשֶׁר הָלַךְ אַרְיֵה לָבִיא שָׁם גּוּר אַרְיֵה וְאֵין מַחֲרִֽיד׃
13 אַרְיֵה טֹרֵף בְּדֵי גֹרוֹתָיו וּמְחַנֵּק לְלִבְאֹתָיו וַיְמַלֵּא־טֶרֶף חֹרָיו וּמְעֹנֹתָיו טְרֵפָֽה׃
14 הִנְנִי אֵלַיִךְ נְאֻם יְהֹוָה צְבָאוֹת וְהִבְעַרְתִּי בֶעָשָׁן רִכְבָּהּ וּכְפִירַיִךְ תֹּאכַל חָרֶב וְהִכְרַתִּי מֵאֶרֶץ טַרְפֵּךְ וְלֹא־יִשָּׁמַע עוֹד קוֹל מַלְאָכֵֽכֵה׃
נחום ג
1 הוֹי עִיר דָּמִים כֻּלָּהּ כַּחַשׁ פֶּרֶק מְלֵאָה לֹא יָמִישׁ טָֽרֶף׃
2 קוֹל שׁוֹט וְקוֹל רַעַשׁ אוֹפָן וְסוּס דֹּהֵר וּמֶרְכָּבָה מְרַקֵּדָֽה׃
3 פָּרָשׁ מַעֲלֶה וְלַהַב חֶרֶב וּבְרַק חֲנִית וְרֹב חָלָל וְכֹבֶד פָּגֶר וְאֵין קֵצֶה לַגְּוִיָּה יכשלו וְכָשְׁלוּ בִּגְוִיָּתָֽם׃
4 מֵרֹב זְנוּנֵי זוֹנָה טוֹבַת חֵן בַּעֲלַת כְּשָׁפִים הַמֹּכֶרֶת גּוֹיִם בִּזְנוּנֶיהָ וּמִשְׁפָּחוֹת בִּכְשָׁפֶֽיהָ׃
5 הִנְנִי אֵלַיִךְ נְאֻם יְהֹוָה צְבָאוֹת וְגִלֵּיתִי שׁוּלַיִךְ עַל־פָּנָיִךְ וְהַרְאֵיתִי גוֹיִם מַעְרֵךְ וּמַמְלָכוֹת קְלוֹנֵֽךְ׃
6 וְהִשְׁלַכְתִּי עָלַיִךְ שִׁקֻּצִים וְנִבַּלְתִּיךְ וְשַׂמְתִּיךְ כְּרֹֽאִי׃
7 וְהָיָה כׇל־רֹאַיִךְ יִדּוֹד מִמֵּךְ וְאָמַר שָׁדְּדָה נִֽינְוֵה מִי יָנוּד לָהּ מֵאַיִן אֲבַקֵּשׁ מְנַחֲמִים לָֽךְ׃
8 הֲתֵֽיטְבִי מִנֹּא אָמוֹן הַיֹּֽשְׁבָה בַּיְאֹרִים מַיִם סָבִיב לָהּ אֲשֶׁר־חֵיל יָם מִיָּם חוֹמָתָֽהּ׃
9 כּוּשׁ עָצְמָה וּמִצְרַיִם וְאֵין קֵצֶה פּוּט וְלוּבִים הָיוּ בְּעֶזְרָתֵֽךְ׃
10 גַּם־הִיא לַגֹּלָה הָלְכָה בַשֶּׁבִי גַּם עֹלָלֶיהָ יְרֻטְּשׁוּ בְּרֹאשׁ כׇּל־חוּצוֹת וְעַל־נִכְבַּדֶּיהָ יַדּוּ גוֹרָל וְכׇל־גְּדוֹלֶיהָ רֻתְּקוּ בַזִּקִּֽים׃
11 גַּם־אַתְּ תִּשְׁכְּרִי תְּהִי נַעֲלָמָה גַּם־אַתְּ תְּבַקְשִׁי מָעוֹז מֵאוֹיֵֽב׃
12 כׇּל־מִבְצָרַיִךְ תְּאֵנִים עִם־בִּכּוּרִים אִם־יִנּוֹעוּ וְנָפְלוּ עַל־פִּי אוֹכֵֽל׃
13 הִנֵּה עַמֵּךְ נָשִׁים בְּקִרְבֵּךְ לְאֹיְבַיִךְ פָּתוֹחַ נִפְתְּחוּ שַׁעֲרֵי אַרְצֵךְ אָכְלָה אֵשׁ בְּרִיחָֽיִךְ׃
14 מֵי מָצוֹר שַֽׁאֲבִי־לָךְ חַזְּקִי מִבְצָרָיִךְ בֹּאִי בַטִּיט וְרִמְסִי בַחֹמֶר הַחֲזִיקִי מַלְבֵּֽן׃
15 שָׁם תֹּאכְלֵךְ אֵשׁ תַּכְרִיתֵךְ חֶרֶב תֹּאכְלֵךְ כַּיָּלֶק הִתְכַּבֵּד כַּיֶּלֶק הִֽתְכַּבְּדִי כָּאַרְבֶּֽה׃
16 הִרְבֵּית רֹכְלַיִךְ מִכּוֹכְבֵי הַשָּׁמָיִם יֶלֶק פָּשַׁט וַיָּעֹֽף׃
17 מִנְּזָרַיִךְ כָּֽאַרְבֶּה וְטַפְסְרַיִךְ כְּגוֹב גֹּבָי הַחוֹנִים בַּגְּדֵרוֹת בְּיוֹם קָרָה שֶׁמֶשׁ זָֽרְחָה וְנוֹדַד וְלֹא־נוֹדַע מְקוֹמוֹ אַיָּֽם׃
18 נָמוּ רֹעֶיךָ מֶלֶךְ אַשּׁוּר יִשְׁכְּנוּ אַדִּירֶיךָ נָפֹשׁוּ עַמְּךָ עַל־הֶהָרִים וְאֵין מְקַבֵּֽץ׃
19 אֵין־כֵּהָה לְשִׁבְרֶךָ נַחְלָה מַכָּתֶךָ כֹּל ׀ שֹׁמְעֵי שִׁמְעֲךָ תָּקְעוּ כַף עָלֶיךָ כִּי עַל־מִי לֹא־עָבְרָה רָעָתְךָ תָּמִֽיד׃
.
Nahum 1-3
Genesis Exod. Leviticus Numbers Deuteron. Yehoshua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi