Genesis Exod. Leviticus Numbers Deuteron. Yešua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Micah 1-7
Micah, Miha 1
1. Devar Jehovah ašer hajah el-mihah hamorašti, bimei jovtam ahaz jehizkijah malhei jehudah ašer hazah al-šomerovn virušalim.
2. Šimu amim kulam, hakšivi erec umeloah vihi adonai Jehovih bahem le-ed, adonai meheihal kadešov.
3. Ki hineh Jehovah jose mimekovmov vejarad vedarah al- bamovteih bamoteik arec.
4. Venamasu heharim tahtav, veha-amakim jitbakau kadovnag mipenei haeš, kemajim mugarim bemovrad.
5 .Befeša jakov kol-zot, uvehatovt beit jizrael mi-feša jakov halov šomerovn, umi bamot jehudah, halov jerušalim.
6. Vesamti šomeron lei hasadeh lemataei harem vehigarti lagai avaneiha, visodeiha agaleh.
7. Vehol pesileiha jukatu vehol-etnaneiha jisarefu vaeš, vehol-asabeiha asim šemamah ki me-etnan zovnah kibasah, vead-etnan zovnah jašuvu.
8. Al zot espedah ve-eililah, eilehah šilalh šovlalk vearom e-eseh misped katanim, ve-evel kivnot janah.
9. Ki anušah makovteiha ki-vah ad-jehudah, naga ad šar ami ad-jerušalim.
10. Begat al-tagidu, bahov al-tivku beveit leafrah, afar hitpalašetih hitpalaši.
11. Ivri lahem jovševet šafir erjah-vošet lo jaseah jovševet sanan, mispad beit haesel, jikah mikem emdatov.
12. Ki halah letov jovševet marovt ki-jarad ra met Jehovah, lešar jerušalim.
13 .Retom hamerkavah lareheš jovševet lahiš rešit hatat hi levat sijon, ki vah nimseu pišei jizrael.
14. Lahen titeni šiluhim, al movrešet gat batei ahziv leahzav, lemalhei jizrael.
15. Od haijoresh avi lah, jovševet marešah ad-adulam javov kevod jizrael.
16. Karehi vagozi, al-benei tanugajih harhivi karehateh kanešer, ki galu mimeh.
Micah, Miha 2
1 .Hovj hoševei aven ufoalei ra al miškevotam beovr haboker jasuha, ki ješ le-el jadam.
2 .Vehamedu sadovt vegazalu, uvatim venasau veašeku gever uveitov, veiš venahalatov.
3. Lahen koh amar Jehovah, hini hošev al-hamišpahah hazot rah ašer lo-tamišu mišam saveroteihem velo telehu rovmah, ki et rah hi.
4 .Baijovm hahu jisa aleihem mašal venahah nehi nihjah amar šadovd nešadunu, helek ami jamir eih jamiš li, lešovev sadeinu jehalek.
5 .Lahen lo-jihjeh leha, mašlih hevel begovral bikhal Jehovah
6. Al-tatifu jatifun lo-jatifu laeleh, lo jisag kelimovt.
7 .Heamur beit jakov hakasar ruah Jehovah, im eleh ma-alalav halov devarai jeitivu, im haijašar hovleh.
8. Ve-etmul ami leovjev jekovmem, mimul salmah, eder tafšitun meoverim betah, šuvei milhamah.
9. Nešei ami tegarešun, mibeit ta-anugeiha meal olaleiha, tikhu hadari leovlam.
10. Kumu ulehu, ki lo-zot hamenuhah ba-avur tameah tehabel vehevel nimras.
11. Lu iš holeh ruah vašeker kizev, atif leha, laijajin velašehar vehajah matif ha-am hazeh.
12. Asof esof jakov kulah kabes akabes šerit jizrael, jahad asimenu keson baserah ke-eder betovh hadaverov, tehimenah meadam.
13. Alah hapores lifneihem, paresu vaija avoru, šar vaijeseu vov vaija avor malkam lifneihem, vašem berošam.
Micah Miha 3
1. Vaomar šimu-na rašei jakov, ukesinei beit jizrael halov lahem, ladat et-hamišpat.
2. Sone-ei tov veohavei rah hra kgozelei ovram mealeihem, ušeram meal asmovtam.
3 .Va-ašer ahelu šer ammi veovram mealeihem hifšitu, ve-et asmoteihem pisehu ufaresu ka-ašer basir, uhevasar betovh kalahat.
4 .Az jizaku el-Jehovah, velo janeh ovtam vejaster panav mehem ba-et hahi, ka-ašer hereu maleihem.
5 .Koh amar Jehovah, al-hanevim hamatim et-ami hanošehim bešineihem vekareu šalovm, vašer lo-jiten al-pihem, vekidešu alav milhamah.
6 .Lahen lajlah lahem mehazovn, vehašehah lahem mikesom uvah hašemeš al-hanevim, vekadar aleihem haijovm.
7 .Uvošu hahozim vehaferu hakosemim, veatu al-safam kulam ki ein ma-aneh elohim.
8 .Veulam anohi maleti hoah et-ruah Jehovah, umišpat ugevurah lehagid lejakov pišov, ulejizrael hatatov.
9 .Šimu-na zot rašei beit jakov, ukesinei beit jizrael hamatavim mišpat, ve-et kol hajšarah jeakešu.
10 .Boneh sijovn bedamim virušalim beavlah.
11 .Rašeiha bešohad jišpotu vehohaneiha bimhir jovru, unevieiha behesef jiksomu veal Jehovah jišaenu lemor, halov Jehovah bekirbenu, lo-tavov aleinu rah.
12. Lahen biglalhem, sijovn sadeh tehareš virušalim ijin tihjeh, vehar habajit levamovt jar.
Micah Miha 4
1. Vehajah beaharit haijamim jihjeh har beit-Jehovah nahovn beroš heharim, venisa hu migevaot venaharu alav amim.
2. Vehalehu govjim rabim veameru lehu venaleh el-har Jehovah vel beit elohei jakov, vejovrenu miderahav, venelehah beorehotav ki misijovn tese tovrah, udevar Jehovah mirušalim.
3. Vešafat bein amim rabim, vehovhiah legovjim asumim ad-rahovk vehitetu harvoteihem leitim vahanitoteihem lemazmerot, lo-jisu goj el-goj herev, velo jilmedun ovd milhamah.
4. Vejaševu iš tahat gafnov vetahat tenatov ve-ein maharid ki-fi Jehovah sevaovt diber.
5. Ki kol-hamim, jelehu iš bešem elohav va-anahnu neleh bešem Jehovah eloheinu leolam vaed.
6 . BaiJom hahu neum- Jehovah osefah hasoleah, vehanidahah akabesah va-ašer hareoti.
7 .Vesamti et-hasoleah lišerit, vehanahalah legovj asum umalah Jehovah aleihem behar Sijon, meatah vead-olam.
8. Veatah migdal eder ofel bat-sijovn adeiha teteh uvah hamemšalah harišonah, mamlehet levat jerušalim.
9. Atah lamah tarii rea hameleh ein bah im-jovaseh avad, ki-hehezikeh hil kaijovledah.
10 .Huli vagohi bat Sijon kaijovledah ki-atah tesei mikirjah vešahante basadeh uvat ad-bavel šam tinnaseli, m jigaleh Jehovah, mikaf ojevajih.
11. Veatah nesfu alajih govjim rabim haomerim tehenaf, vetahaz beSijon eineinu.
12. Vehemah lo jadeu mahševovt Jehovah, velo hevinu asatov ki kibesam keamir gorenah.
13. Kumi vadovši vat Sijon ki-karneh asim barzel ufarsotajih asim nehušah, vahadikot amim rabim vehaharamti laJehovah bisam, veheilam la-adon kol ha-arec.
Micah Miha 5
1. Atah titgodedi vat gedud, masovr sam aleinu baševet jaku al-halehi, et šofet jizrael.
2. Veatah beit lehem efratah sair lihjovt bealfei jehudah, mimeha li jese, lihjovt movšel bejizrael umovsaotav mikedem mimei ovlam.
3 .Lahen jitenem, ad-et jovledah jaladah vejeter ehav, ješuvun al-benei jizrael.
4. Veamad verah beoz Jehovah, bigovn šem Jehovah elohav vejašavu ki-atah jigdal ad-afsei-arec.
5 .Vehajah zeh šalovm ašur ki-javov veartzenu vehi jidroh bearmenoteinu, vahakemonu alav šivah roim, ušemonah nesihei adam.
6 .Verau et-erec ašur baherev, ve-et erec nimrod biftaheiha vehisil meašur, ki javov vearsenu, vehi jidroh bigvulenu.
7 .Vehajah šerit jakov bekerev amim rabim, ketal me-et Jehovah, kirvivim alei-esev ašer lo-jekaveh leiš, velo jejahel livnei adam.
8 .Vehajah šerit jakov bagovjim bekerev amim rabim, kearjeh bevahamot jar, kihfir be-edrei son ašer im avar veramas vetaraf ve-ein masil.
9 .Tarom jadeha al-sareiha vehol ojeveiha jikaretu.
10 .Vehajah vaijovm hahu neum-Jehovah, vehihrati suseiha mikirbeha veha avadti markevoteiha.
11 .Vehihrati arei arseha veharasti kol mivsareiha.
12 .Vehihrati hešafim mijadeha umeovnnim lo jihju-lah.
13 .Vehihrati fesileiha umasevoteiha mikirbeha velo tištahaveh ovd lemaseh jadeiha.
14 .Venatašti ašeireiha mikirbeha vehišmadti areiha.
15. Veasiti beaf uvehemah nakam et-hagovjim ašer lo šameu.
Micah Miha 6
1 .Šimu-na et ašer Jehovah omer kum riv et-heharim, vetišmanah hagevaovt kovleha.
2 .Šimu harim et-riv Jehovah, vehaetanim mosedei arec ki riv laJehovah im-amov, veim-jizrael jitvakah.
3 .Ami meh-asiti leha umah heletiha aneh vi.
4 .Ki he elitiha me-erec misrajim, umibeit avadim peditiha vaešlah lefaneiha, et-mošeh aharon umirjam.
5 .Ami zehar na mah jas balak meleh movav, umeh anah otov bilam ben beor min hašitim ad hagilgal, leman dat sidkot Jehovah.
6 .Bamah akadem Jehovah, ikaf lelohei marovm ha-akademenu veovlot, ba-agalim benei šanah.
7 .Hajirseh Jehovah bealfei eilim, berivot nahalei šamen haeten behovri piši, peri vitni hatat nafši.
8 .Higid leha adam mah tov umah Jehovah dovreš mimeha ki im asot mišpat veahavat hesed, vehasnea lehet im-eloheiha.
9 .Kol Jehovah lair jikra, vetušijah jireh šemeha šimu mateh umi jeadah.
10 .Ovd haiš beit raša, oserovt reša ve-eifat razovn zeumah.
11 Haezkeh bemozenei reša uvehis avnei mirmah.
12 .Ašer ašireiha maleu hamas, vejoševeiha diberu šaker ulešovnam remijah befihem.
13. Vegam-ani heheleiti hakovteha hašmem al-hatoteha.
14 .Atah tohal velo tisba, veješaha bekirbeha vetaseg velo taflit, va-ašer tefalet laherev eten.
15 .Atah tizra velo tiksor atah tidroh zajit velo tasuh šemen, vetirovš velo tišteh jajin.
16. Vejištamer hukovt ameri vehol maseh veit ahav, vatelehu bemoasovtam leman titi oteha lešamah vejoševeiha lišrekah, veherpat ami tisau.
Micah Miha 7
1. Alai li ki hajiti keasepei kajis, keolelot basir ein eškovl le-ehovl, bikurah ivetah nafši.
2 .Avad hasid min ha-arec, vejašar ba-adam ajin kulam ledamim je-erovu, iš et-ahihu jasudu herem.
3. Al-hara kapajim leheitiv, hasar šoel, vehašofet bašilum vehagadol dover havat nafšov hu vajabetuha.
4. Tovam kehedek, jašar mimesuhah jovm mesapeiha pekudateha vah, atah tihjeh mevuhatam.
5. Al-taminu verea, al tivtehu bealuf mišohevet heikeha, šemor pithei fiha.
6 .Ki-ven menabel av, bat kamah veimah, kalah bahamotah ojevei iš anšei veitov.
7 .Va-ani bašem asapeh, ovhilah lelohei jiši jišmaeni elohai.
8 .Al-tismehi ojavti li, ki nafalti kameti ki-ešev bahošeh, Jehovah or li.
9 .Za-af Jehovah esa, ki hatati lov ad ašer jariv rivi veasah mišpati, jovsieni laovr, ereh besidkatov.
10 .Vetere ojavti utehaseha vušah, haomerah elai, aijov Jehovah elohajih einai tireinah bah, atah tihjeh lemirmas ketit husovt.
11 .Jovm livnot gederajih jovm hahu jirhak hok.
12 .Jovm hu veadeiha javov, lemini ašur vearei masovr ulemini masovr vead nahar, vejam mijam vehar hahar.
13. Vehajetah ha-arec lišmamah al joševeiha miperi maleihem.
14. Re-eh ameha vešivteha son nahalateha, šoheni levadad, jar betovh karmel jiru vašan vegilad kimei ovlam.
15 .Kimei seteha me-erec mitzrajim arenu niflaovt.
16 .Jiru govjim vejevošu, mikol gevuratam jasimu jad al-peh, azeneihem teherašnah.
17. Jelahahu afar kanahaš, kezohalei erec, jirgezu mimisgeroteihem el-Jehovah eloheinu jifhadu, vejiru mimeka.
18. Mi-el kamovha nose avon veover al-peša, lišerit nahalatov lo-hehezik lad apov, ki-hafec hesed hu.
19. Jašuv jerahamenu, jihboš avonoteinu vetašlih bimsulot jam kol-hatovtam.
20. Titen emet lejakov, hesed leavraham ašer nišbata la-avoteinu mimei kedem.
מיכה א
1 דְּבַר־יְהֹוָה ׀ אֲשֶׁר הָיָה אֶל־מִיכָה הַמֹּרַשְׁתִּי בִּימֵי יוֹתָם אָחָז יְחִזְקִיָּה מַלְכֵי יְהוּדָה אֲשֶׁר־חָזָה עַל־שֹׁמְרוֹן וִירֽוּשָׁלִָֽם׃
2 שִׁמְעוּ עַמִּים כֻּלָּם הַקְשִׁיבִי אֶרֶץ וּמְלֹאָהּ וִיהִי אֲדֹנָי יֱהֹוִה בָּכֶם לְעֵד אֲדֹנָי מֵהֵיכַל קָדְשֽׁוֹ׃
3 כִּֽי־הִנֵּה יְהֹוָה יֹצֵא מִמְּקוֹמוֹ וְיָרַד וְדָרַךְ עַל־בׇּמֳתֵי במותי אָֽרֶץ׃
4 וְנָמַסּוּ הֶֽהָרִים תַּחְתָּיו וְהָעֲמָקִים יִתְבַּקָּעוּ כַּדּוֹנַג מִפְּנֵי הָאֵשׁ כְּמַיִם מֻגָּרִים בְּמוֹרָֽד׃
5 בְּפֶשַׁע יַֽעֲקֹב כׇּל־זֹאת וּבְחַטֹּאות בֵּית יִשְׂרָאֵל מִֽי־פֶשַׁע יַעֲקֹב הֲלוֹא שֹֽׁמְרוֹן וּמִי בָּמוֹת יְהוּדָה הֲלוֹא יְרוּשָׁלִָֽם׃
6 וְשַׂמְתִּי שֹׁמְרוֹן לְעִי הַשָּׂדֶה לְמַטָּעֵי כָרֶם וְהִגַּרְתִּי לַגַּי אֲבָנֶיהָ וִיסֹדֶיהָ אֲגַלֶּֽה׃
7 וְכׇל־פְּסִילֶיהָ יֻכַּתּוּ וְכׇל־אֶתְנַנֶּיהָ יִשָּׂרְפוּ בָאֵשׁ וְכׇל־עֲצַבֶּיהָ אָשִׂים שְׁמָמָה כִּי מֵאֶתְנַן זוֹנָה קִבָּצָה וְעַד־אֶתְנַן זוֹנָה יָשֽׁוּבוּ׃
8 עַל־זֹאת אֶסְפְּדָה וְאֵילִילָה אֵילְכָה שילל שׁוֹלָל וְעָרוֹם אֶעֱשֶׂה מִסְפֵּד כַּתַּנִּים וְאֵבֶל כִּבְנוֹת יַעֲנָֽה׃
9 כִּי אֲנוּשָׁה מַכּוֹתֶיהָ כִּי־בָאָה עַד־יְהוּדָה נָגַע עַד־שַׁעַר עַמִּי עַד־יְרוּשָׁלִָֽם׃
10 בְּגַת אַל־תַּגִּידוּ בָּכוֹ אַל־תִּבְכּוּ בְּבֵית לְעַפְרָה עָפָר התפלשתי הִתְפַּלָּֽשִׁי׃
11 עִבְרִי לָכֶם יוֹשֶׁבֶת שָׁפִיר עֶרְיָה־בֹשֶׁת לֹא יָֽצְאָה יוֹשֶׁבֶת צַֽאֲנָן מִסְפַּד בֵּית הָאֵצֶל יִקַּח מִכֶּם עֶמְדָּתֽוֹ׃
12 כִּֽי־חָלָֽה לְטוֹב יוֹשֶׁבֶת מָרוֹת כִּֽי־יָרַד רָע מֵאֵת יְהֹוָה לְשַׁעַר יְרוּשָׁלִָֽם׃
13 רְתֹם הַמֶּרְכָּבָה לָרֶכֶשׁ יוֹשֶׁבֶת לָכִישׁ רֵאשִׁית חַטָּאת הִיא לְבַת־צִיּוֹן כִּי־בָךְ נִמְצְאוּ פִּשְׁעֵי יִשְׂרָאֵֽל׃
14 לָכֵן תִּתְּנִי שִׁלּוּחִים עַל מוֹרֶשֶׁת גַּת בָּתֵּי אַכְזִיב לְאַכְזָב לְמַלְכֵי יִשְׂרָאֵֽל׃
15 עֹד הַיֹּרֵשׁ אָבִי לָךְ יוֹשֶׁבֶת מָֽרֵשָׁה עַד־עֲדֻלָּם יָבוֹא כְּבוֹד יִשְׂרָאֵֽל׃
2
1 הוֹי חֹֽשְׁבֵי־אָוֶן וּפֹעֲלֵי רָע עַל־מִשְׁכְּבוֹתָם בְּאוֹר הַבֹּקֶר יַעֲשׂוּהָ כִּי יֶשׁ־לְאֵל יָדָֽם׃
2 וְחָמְדוּ שָׂדוֹת וְגָזָלוּ וּבָתִּים וְנָשָׂאוּ וְעָֽשְׁקוּ גֶּבֶר וּבֵיתוֹ וְאִישׁ וְנַחֲלָתֽוֹ׃
3 לָכֵן כֹּה אָמַר יְהֹוָה הִנְנִי חֹשֵׁב עַל־הַמִּשְׁפָּחָה הַזֹּאת רָעָה אֲשֶׁר לֹֽא־תָמִישׁוּ מִשָּׁם צַוְּארֹֽתֵיכֶם וְלֹא תֵֽלְכוּ רוֹמָה כִּי עֵת רָעָה הִֽיא׃
4 בַּיּוֹם הַהוּא יִשָּׂא עֲלֵיכֶם מָשָׁל וְנָהָה נְהִי נִֽהְיָה אָמַר שָׁדוֹד נְשַׁדֻּנוּ חֵלֶק עַמִּי יָמִיר אֵיךְ יָמִישׁ לִי לְשׁוֹבֵב שָׂדֵינוּ יְחַלֵּֽק׃
5 לָכֵן לֹֽא־יִֽהְיֶה לְךָ מַשְׁלִיךְ חֶבֶל בְּגוֹרָל בִּקְהַל יְהֹוָֽה׃
6 אַל־תַּטִּפוּ יַטִּיפוּן לֹֽא־יַטִּפוּ לָאֵלֶּה לֹא יִסַּג כְּלִמּֽוֹת׃
7 הֶאָמוּר בֵּֽית־יַעֲקֹב הֲקָצַר רוּחַ יְהֹוָה אִם־אֵלֶּה מַעֲלָלָיו הֲלוֹא דְבָרַי יֵיטִיבוּ עִם הַיָּשָׁר הֹלֵֽךְ׃
8 וְאֶתְמוּל עַמִּי לְאוֹיֵב יְקוֹמֵם מִמּוּל שַׂלְמָה אֶדֶר תַּפְשִׁטוּן מֵעֹבְרִים בֶּטַח שׁוּבֵי מִלְחָמָֽה׃
9 נְשֵׁי עַמִּי תְּגָרְשׁוּן מִבֵּית תַּֽעֲנֻגֶיהָ מֵעַל עֹֽלָלֶיהָ תִּקְחוּ הֲדָרִי לְעוֹלָֽם׃
10 קוּמוּ וּלְכוּ כִּי לֹא־זֹאת הַמְּנוּחָה בַּעֲבוּר טָמְאָה תְּחַבֵּל וְחֶבֶל נִמְרָֽץ׃
11 לוּ־אִישׁ הֹלֵךְ רוּחַ וָשֶׁקֶר כִּזֵּב אַטִּף לְךָ לַיַּיִן וְלַשֵּׁכָר וְהָיָה מַטִּיף הָעָם הַזֶּֽה׃
12 אָסֹף אֶאֱסֹף יַעֲקֹב כֻּלָּךְ קַבֵּץ אֲקַבֵּץ שְׁאֵרִית יִשְׂרָאֵל יַחַד אֲשִׂימֶנּוּ כְּצֹאן בׇּצְרָה כְּעֵדֶר בְּתוֹךְ הַדָּֽבְרוֹ תְּהִימֶנָה מֵאָדָֽם׃
13 עָלָה הַפֹּרֵץ לִפְנֵיהֶם פָּֽרְצוּ וַֽיַּעֲבֹרוּ שַׁעַר וַיֵּצְאוּ בוֹ וַיַּעֲבֹר מַלְכָּם לִפְנֵיהֶם וַיהֹוָה בְּרֹאשָֽׁם׃
3
1 וָאֹמַר שִׁמְעוּ־נָא רָאשֵׁי יַעֲקֹב וּקְצִינֵי בֵּית יִשְׂרָאֵל הֲלוֹא לָכֶם לָדַעַת אֶת־הַמִּשְׁפָּֽט׃
2 שֹׂנְאֵי טוֹב וְאֹהֲבֵי רעה רָע גֹּזְלֵי עוֹרָם מֵֽעֲלֵיהֶם וּשְׁאֵרָם מֵעַל עַצְמוֹתָֽם׃
3 וַאֲשֶׁר אָכְלוּ שְׁאֵר עַמִּי וְעוֹרָם מֵעֲלֵיהֶם הִפְשִׁיטוּ וְאֶת־עַצְמֹֽתֵיהֶם פִּצֵּחוּ וּפָרְשׂוּ כַּאֲשֶׁר בַּסִּיר וּכְבָשָׂר בְּתוֹךְ קַלָּֽחַת׃
4 אָז יִזְעֲקוּ אֶל־יְהֹוָה וְלֹא יַעֲנֶה אוֹתָם וְיַסְתֵּר פָּנָיו מֵהֶם בָּעֵת הַהִיא כַּאֲשֶׁר הֵרֵעוּ מַעַלְלֵיהֶֽם׃
5 כֹּה אָמַר יְהֹוָה עַל־הַנְּבִיאִים הַמַּתְעִים אֶת־עַמִּי הַנֹּשְׁכִים בְּשִׁנֵּיהֶם וְקָרְאוּ שָׁלוֹם וַאֲשֶׁר לֹא־יִתֵּן עַל־פִּיהֶם וְקִדְּשׁוּ עָלָיו מִלְחָמָֽה׃
6 לָכֵן לַיְלָה לָכֶם מֵֽחָזוֹן וְחָשְׁכָה לָכֶם מִקְּסֹם וּבָאָה הַשֶּׁמֶשׁ עַל־הַנְּבִיאִים וְקָדַר עֲלֵיהֶם הַיּֽוֹם׃
7 וּבֹשׁוּ הַחֹזִים וְחָֽפְרוּ הַקֹּסְמִים וְעָטוּ עַל־שָׂפָם כֻּלָּם כִּי אֵין מַעֲנֵה אֱלֹהִֽים׃
8 וְאוּלָם אָנֹכִי מָלֵאתִי כֹחַ אֶת־רוּחַ יְהֹוָה וּמִשְׁפָּט וּגְבוּרָה לְהַגִּיד לְיַֽעֲקֹב פִּשְׁעוֹ וּלְיִשְׂרָאֵל חַטָּאתֽוֹ׃
9 שִׁמְעוּ־נָא זֹאת רָאשֵׁי בֵּית יַעֲקֹב וּקְצִינֵי בֵּית יִשְׂרָאֵל הַֽמְתַעֲבִים מִשְׁפָּט וְאֵת כׇּל־הַיְשָׁרָה יְעַקֵּֽשׁוּ׃
10 בֹּנֶה צִיּוֹן בְּדָמִים וִירוּשָׁלִַם בְּעַוְלָֽה׃
11 רָאשֶׁיהָ ׀ בְּשֹׁחַד יִשְׁפֹּטוּ וְכֹהֲנֶיהָ בִּמְחִיר יוֹרוּ וּנְבִיאֶיהָ בְּכֶסֶף יִקְסֹמוּ וְעַל־יְהֹוָה יִשָּׁעֵנוּ לֵאמֹר הֲלוֹא יְהֹוָה בְּקִרְבֵּנוּ לֹֽא־תָבוֹא עָלֵינוּ רָעָֽה׃
12 לָכֵן בִּגְלַלְכֶם צִיּוֹן שָׂדֶה תֵֽחָרֵשׁ וִירוּשָׁלִַם עִיִּין תִּֽהְיֶה וְהַר הַבַּיִת לְבָמוֹת יָֽעַר׃
4
1 וְהָיָה ׀ בְּאַחֲרִית הַיָּמִים יִהְיֶה הַר בֵּית־יְהֹוָה נָכוֹן בְּרֹאשׁ הֶהָרִים וְנִשָּׂא הוּא מִגְּבָעוֹת וְנָהֲרוּ עָלָיו עַמִּֽים׃
2 וְֽהָלְכוּ גּוֹיִם רַבִּים וְאָֽמְרוּ לְכוּ ׀ וְנַעֲלֶה אֶל־הַר־יְהֹוָה וְאֶל־בֵּית אֱלֹהֵי יַעֲקֹב וְיוֹרֵנוּ מִדְּרָכָיו וְנֵלְכָה בְּאֹֽרְחֹתָיו כִּי מִצִּיּוֹן תֵּצֵא תוֹרָה וּדְבַר־יְהֹוָה מִירוּשָׁלִָֽם׃
3 וְשָׁפַט בֵּין עַמִּים רַבִּים וְהוֹכִיחַ לְגוֹיִם עֲצֻמִים עַד־רָחוֹק וְכִתְּתוּ חַרְבֹתֵיהֶם לְאִתִּים וַחֲנִיתֹֽתֵיהֶם לְמַזְמֵרוֹת לֹֽא־יִשְׂאוּ גּוֹי אֶל־גּוֹי חֶרֶב וְלֹא־יִלְמְדוּן עוֹד מִלְחָמָֽה׃
4 וְיָשְׁבוּ אִישׁ תַּחַת גַּפְנוֹ וְתַחַת תְּאֵנָתוֹ וְאֵין מַחֲרִיד כִּי־פִי יְהֹוָה צְבָאוֹת דִּבֵּֽר׃
5 כִּי כׇּל־הָעַמִּים יֵלְכוּ אִישׁ בְּשֵׁם אֱלֹהָיו וַאֲנַחְנוּ נֵלֵךְ בְּשֵׁם־יְהֹוָה אֱלֹהֵינוּ לְעוֹלָם וָעֶֽד׃
6 בַּיּוֹם הַהוּא נְאֻם־יְהֹוָה אֹֽסְפָה הַצֹּלֵעָה וְהַנִּדָּחָה אֲקַבֵּצָה וַאֲשֶׁר הֲרֵעֹֽתִי׃
7 וְשַׂמְתִּי אֶת־הַצֹּֽלֵעָה לִשְׁאֵרִית וְהַנַּהֲלָאָה לְגוֹי עָצוּם וּמָלַךְ יְהֹוָה עֲלֵיהֶם בְּהַר צִיּוֹן מֵעַתָּה וְעַד־עוֹלָֽם׃
8 וְאַתָּה מִגְדַּל־עֵדֶר עֹפֶל בַּת־צִיּוֹן עָדֶיךָ תֵּאתֶה וּבָאָה הַמֶּמְשָׁלָה הָרִאשֹׁנָה מַמְלֶכֶת לְבַת־יְרוּשָׁלִָֽם׃
9 עַתָּה לָמָּה תָרִיעִי רֵעַ הֲמֶלֶךְ אֵֽין־בָּךְ אִֽם־יוֹעֲצֵךְ אָבָד כִּֽי־הֶחֱזִיקֵךְ חִיל כַּיּוֹלֵדָֽה׃
10 חוּלִי וָגֹחִי בַּת־צִיּוֹן כַּיּֽוֹלֵדָה כִּֽי־עַתָּה תֵצְאִי מִקִּרְיָה וְשָׁכַנְתְּ בַּשָּׂדֶה וּבָאת עַד־בָּבֶל שָׁם תִּנָּצֵלִי שָׁם יִגְאָלֵךְ יְהֹוָה מִכַּף אֹיְבָֽיִךְ׃
11 וְעַתָּה נֶאֶסְפוּ עָלַיִךְ גּוֹיִם רַבִּים הָאֹמְרִים תֶּחֱנָף וְתַחַז בְּצִיּוֹן עֵינֵֽינוּ׃
12 וְהֵמָּה לֹא יָֽדְעוּ מַחְשְׁבוֹת יְהֹוָה וְלֹא הֵבִינוּ עֲצָתוֹ כִּי קִבְּצָם כֶּעָמִיר גֹּֽרְנָה׃
13 קוּמִי וָדוֹשִׁי בַת־צִיּוֹן כִּֽי־קַרְנֵךְ אָשִׂים בַּרְזֶל וּפַרְסֹתַיִךְ אָשִׂים נְחוּשָׁה וַהֲדִקּוֹת עַמִּים רַבִּים וְהַחֲרַמְתִּי לַֽיהֹוָה בִּצְעָם וְחֵילָם לַאֲדוֹן כׇּל־הָאָֽרֶץ׃
14 עַתָּה תִּתְגֹּדְדִי בַת־גְּדוּד מָצוֹר שָׂם עָלֵינוּ בַּשֵּׁבֶט יַכּוּ עַֽל־הַלְּחִי אֵת שֹׁפֵט יִשְׂרָאֵֽל׃
5
1 וְאַתָּה בֵּֽית־לֶחֶם אֶפְרָתָה צָעִיר לִֽהְיוֹת בְּאַלְפֵי יְהוּדָה מִמְּךָ לִי יֵצֵא לִֽהְיוֹת מוֹשֵׁל בְּיִשְׂרָאֵל וּמוֹצָאֹתָיו מִקֶּדֶם מִימֵי עוֹלָֽם׃
2 לָכֵן יִתְּנֵם עַד־עֵת יוֹלֵדָה יָלָדָה וְיֶתֶר אֶחָיו יְשׁוּבוּן עַל־בְּנֵי יִשְׂרָאֵֽל׃
3 וְעָמַד וְרָעָה בְּעֹז יְהֹוָה בִּגְאוֹן שֵׁם יְהֹוָה אֱלֹהָיו וְיָשָׁבוּ כִּֽי־עַתָּה יִגְדַּל עַד־אַפְסֵי־אָֽרֶץ׃
4 וְהָיָה זֶה שָׁלוֹם אַשּׁוּר ׀ כִּֽי־יָבוֹא בְאַרְצֵנוּ וְכִי יִדְרֹךְ בְּאַרְמְנֹתֵינוּ וַהֲקֵמֹנוּ עָלָיו שִׁבְעָה רֹעִים וּשְׁמֹנָה נְסִיכֵי אָדָֽם׃
5 וְרָעוּ אֶת־אֶרֶץ אַשּׁוּר בַּחֶרֶב וְאֶת־אֶרֶץ נִמְרֹד בִּפְתָחֶיהָ וְהִצִּיל מֵֽאַשּׁוּר כִּֽי־יָבוֹא בְאַרְצֵנוּ וְכִי יִדְרֹךְ בִּגְבוּלֵֽנוּ׃
6 וְהָיָה ׀ שְׁאֵרִית יַעֲקֹב בְּקֶרֶב עַמִּים רַבִּים כְּטַל מֵאֵת יְהֹוָה כִּרְבִיבִים עֲלֵי־עֵשֶׂב אֲשֶׁר לֹֽא־יְקַוֶּה לְאִישׁ וְלֹא יְיַחֵל לִבְנֵי אָדָֽם׃
7 וְהָיָה שְׁאֵרִית יַעֲקֹב בַּגּוֹיִם בְּקֶרֶב עַמִּים רַבִּים כְּאַרְיֵה בְּבַהֲמוֹת יַעַר כִּכְפִיר בְּעֶדְרֵי־צֹאן אֲשֶׁר אִם עָבַר וְרָמַס וְטָרַף וְאֵין מַצִּֽיל׃
8 תָּרֹם יָדְךָ עַל־צָרֶיךָ וְכׇל־אֹיְבֶיךָ יִכָּרֵֽתוּ׃
9 וְהָיָה בַיּוֹם־הַהוּא נְאֻם־יְהֹוָה וְהִכְרַתִּי סוּסֶיךָ מִקִּרְבֶּךָ וְהַאֲבַדְתִּי מַרְכְּבֹתֶֽיךָ׃
10 וְהִכְרַתִּי עָרֵי אַרְצֶךָ וְהָרַסְתִּי כׇּל־מִבְצָרֶֽיךָ׃
11 וְהִכְרַתִּי כְשָׁפִים מִיָּדֶךָ וּֽמְעוֹנְנִים לֹא יִֽהְיוּ־לָֽךְ׃
12 וְהִכְרַתִּי פְסִילֶיךָ וּמַצֵּבוֹתֶיךָ מִקִּרְבֶּךָ וְלֹא־תִשְׁתַּחֲוֶה עוֹד לְמַעֲשֵׂה יָדֶֽיךָ׃
13 וְנָתַשְׁתִּי אֲשֵׁירֶיךָ מִקִּרְבֶּךָ וְהִשְׁמַדְתִּי עָרֶֽיךָ׃
14 וְעָשִׂיתִי בְּאַף וּבְחֵמָה נָקָם אֶת־הַגּוֹיִם אֲשֶׁר לֹא שָׁמֵֽעוּ׃
6
1 שִׁמְעוּ־נָא אֵת אֲשֶׁר־יְהֹוָה אֹמֵר קוּם רִיב אֶת־הֶהָרִים וְתִשְׁמַעְנָה הַגְּבָעוֹת קוֹלֶֽךָ׃
2 שִׁמְעוּ הָרִים אֶת־רִיב יְהֹוָה וְהָאֵתָנִים מוֹסְדֵי אָרֶץ כִּי רִיב לַֽיהֹוָה עִם־עַמּוֹ וְעִם־יִשְׂרָאֵל יִתְוַכָּֽח׃
3 עַמִּי מֶה־עָשִׂיתִי לְךָ וּמָה הֶלְאֵתִיךָ עֲנֵה בִֽי׃
4 כִּי הֶעֱלִתִיךָ מֵאֶרֶץ מִצְרַיִם וּמִבֵּית עֲבָדִים פְּדִיתִיךָ וָאֶשְׁלַח לְפָנֶיךָ אֶת־מֹשֶׁה אַהֲרֹן וּמִרְיָֽם׃
5 עַמִּי זְכׇר־נָא מַה־יָּעַץ בָּלָק מֶלֶךְ מוֹאָב וּמֶה־עָנָה אֹתוֹ בִּלְעָם בֶּן־בְּעוֹר מִן־הַשִּׁטִּים עַד־הַגִּלְגָּל לְמַעַן דַּעַת צִדְקוֹת יְהֹוָֽה׃
6 בַּמָּה אֲקַדֵּם יְהֹוָה אִכַּף לֵאלֹהֵי מָרוֹם הַאֲקַדְּמֶנּוּ בְעוֹלוֹת בַּעֲגָלִים בְּנֵי שָׁנָֽה׃
7 הֲיִרְצֶה יְהֹוָה בְּאַלְפֵי אֵילִים בְּרִֽבְבוֹת נַחֲלֵי־שָׁמֶן הַאֶתֵּן בְּכוֹרִי פִּשְׁעִי פְּרִי בִטְנִי חַטַּאת נַפְשִֽׁי׃
8 הִגִּיד לְךָ אָדָם מַה־טּוֹב וּמָֽה־יְהֹוָה דּוֹרֵשׁ מִמְּךָ כִּי אִם־עֲשׂוֹת מִשְׁפָּט וְאַהֲבַת חֶסֶד וְהַצְנֵעַ לֶכֶת עִם־אֱלֹהֶֽיךָ׃
9 קוֹל יְהֹוָה לָעִיר יִקְרָא וְתוּשִׁיָּה יִרְאֶה שְׁמֶךָ שִׁמְעוּ מַטֶּה וּמִי יְעָדָֽהּ׃
10 עוֹד הַאִשׁ בֵּית רָשָׁע אֹצְרוֹת רֶשַׁע וְאֵיפַת רָזוֹן זְעוּמָֽה׃
11 הַאֶזְכֶּה בְּמֹאזְנֵי רֶשַׁע וּבְכִיס אַבְנֵי מִרְמָֽה׃
12 אֲשֶׁר עֲשִׁירֶיהָ מָלְאוּ חָמָס וְיֹשְׁבֶיהָ דִּבְּרוּ־שָׁקֶר וּלְשׁוֹנָם רְמִיָּה בְּפִיהֶֽם׃
13 וְגַם־אֲנִי הֶֽחֱלֵיתִי הַכּוֹתֶךָ הַשְׁמֵם עַל־חַטֹּאתֶֽךָ׃
14 אַתָּה תֹאכַל וְלֹא תִשְׂבָּע וְיֶשְׁחֲךָ בְּקִרְבֶּךָ וְתַסֵּג וְלֹא תַפְלִיט וַאֲשֶׁר תְּפַלֵּט לַחֶרֶב אֶתֵּֽן׃
15 אַתָּה תִזְרַע וְלֹא תִקְצוֹר אַתָּה תִדְרֹֽךְ־זַיִת וְלֹא־תָסוּךְ שֶׁמֶן וְתִירוֹשׁ וְלֹא תִשְׁתֶּה־יָּֽיִן׃
16 וְיִשְׁתַּמֵּר חֻקּוֹת עׇמְרִי וְכֹל מַעֲשֵׂה בֵית־אַחְאָב וַתֵּלְכוּ בְּמֹעֲצוֹתָם לְמַעַן תִּתִּי אֹתְךָ לְשַׁמָּה וְיֹשְׁבֶיהָ לִשְׁרֵקָה וְחֶרְפַּת עַמִּי תִּשָּֽׂאוּ׃
7
1 אַלְלַי לִי כִּי הָיִיתִי כְּאׇסְפֵּי־קַיִץ כְּעֹלְלֹת בָּצִיר אֵין־אֶשְׁכּוֹל לֶאֱכוֹל בִּכּוּרָה אִוְּתָה נַפְשִֽׁי׃
2 אָבַד חָסִיד מִן־הָאָרֶץ וְיָשָׁר בָּאָדָם אָיִן כֻּלָּם לְדָמִים יֶאֱרֹבוּ אִישׁ אֶת־אָחִיהוּ יָצוּדוּ חֵֽרֶם׃
3 עַל־הָרַע כַּפַּיִם לְהֵיטִיב הַשַּׂר שֹׁאֵל וְהַשֹּׁפֵט בַּשִּׁלּוּם וְהַגָּדוֹל דֹּבֵר הַוַּת נַפְשׁוֹ הוּא וַֽיְעַבְּתֽוּהָ׃
4 טוֹבָם כְּחֵדֶק יָשָׁר מִמְּסוּכָה יוֹם מְצַפֶּיךָ פְּקֻדָּתְךָ בָאָה עַתָּה תִהְיֶה מְבוּכָתָֽם׃
5 אַל־תַּאֲמִינֽוּ בְרֵעַ אַֽל־תִּבְטְחוּ בְּאַלּוּף מִשֹּׁכֶבֶת חֵיקֶךָ שְׁמֹר פִּתְחֵי־פִֽיךָ׃
6 כִּי־בֵן מְנַבֵּל אָב בַּת קָמָה בְאִמָּהּ כַּלָּה בַּחֲמֹתָהּ אֹיְבֵי אִישׁ אַנְשֵׁי בֵיתֽוֹ׃
7 וַֽאֲנִי בַּיהֹוָה אֲצַפֶּה אוֹחִילָה לֵאלֹהֵי יִשְׁעִי יִשְׁמָעֵנִי אֱלֹהָֽי׃
8 אַֽל־תִּשְׂמְחִי אֹיַבְתִּי לִי כִּי נָפַלְתִּי קָמְתִּי כִּֽי־אֵשֵׁב בַּחֹשֶׁךְ יְהֹוָה אוֹר לִֽי׃
9 זַעַף יְהֹוָה אֶשָּׂא כִּי חָטָאתִי לוֹ עַד אֲשֶׁר יָרִיב רִיבִי וְעָשָׂה מִשְׁפָּטִי יוֹצִיאֵנִי לָאוֹר אֶרְאֶה בְּצִדְקָתֽוֹ׃
10 וְתֵרֶא אֹיַבְתִּי וּתְכַסֶּהָ בוּשָׁה הָאֹמְרָה אֵלַי אַיּוֹ יְהֹוָה אֱלֹהָיִךְ עֵינַי תִּרְאֶינָּה בָּהּ עַתָּה תִּהְיֶה לְמִרְמָס כְּטִיט חוּצֽוֹת׃
11 יוֹם לִבְנוֹת גְּדֵרָיִךְ יוֹם הַהוּא יִרְחַק־חֹֽק׃
12 יוֹם הוּא וְעָדֶיךָ יָבוֹא לְמִנִּי אַשּׁוּר וְעָרֵי מָצוֹר וּלְמִנִּי מָצוֹר וְעַד־נָהָר וְיָם מִיָּם וְהַר הָהָֽר׃
13 וְהָיְתָה הָאָרֶץ לִשְׁמָמָה עַל־יֹשְׁבֶיהָ מִפְּרִי מַעַלְלֵיהֶֽם׃
14 רְעֵה עַמְּךָ בְשִׁבְטֶךָ צֹאן נַחֲלָתֶךָ שֹׁכְנִי לְבָדָד יַעַר בְּתוֹךְ כַּרְמֶל יִרְעוּ בָשָׁן וְגִלְעָד כִּימֵי עוֹלָֽם׃
15 כִּימֵי צֵאתְךָ מֵאֶרֶץ מִצְרָיִם אַרְאֶנּוּ נִפְלָאֽוֹת׃
16 יִרְאוּ גוֹיִם וְיֵבֹשׁוּ מִכֹּל גְּבוּרָתָם יָשִׂימוּ יָד עַל־פֶּה אׇזְנֵיהֶם תֶּחֱרַֽשְׁנָה׃
17 יְלַחֲכוּ עָפָר כַּנָּחָשׁ כְּזֹחֲלֵי אֶרֶץ יִרְגְּזוּ מִמִּסְגְּרֹֽתֵיהֶם אֶל־יְהֹוָה אֱלֹהֵינוּ יִפְחָדוּ וְיִֽרְאוּ מִמֶּֽךָּ׃
18 מִי־אֵל כָּמוֹךָ נֹשֵׂא עָוֺן וְעֹבֵר עַל־פֶּשַׁע לִשְׁאֵרִית נַחֲלָתוֹ לֹֽא־הֶחֱזִיק לָעַד אַפּוֹ כִּֽי־חָפֵץ חֶסֶד הֽוּא׃
19 יָשׁוּב יְרַחֲמֵנוּ יִכְבֹּשׁ עֲוֺנֹתֵינוּ וְתַשְׁלִיךְ בִּמְצֻלוֹת יָם כׇּל־חַטֹּאותָֽם׃
20 תִּתֵּן אֱמֶת לְיַֽעֲקֹב חֶסֶד לְאַבְרָהָם אֲשֶׁר־נִשְׁבַּעְתָּ לַאֲבֹתֵינוּ מִימֵי קֶֽדֶם׃
Micah 1-7
Genesis Exod. Leviticus Numbers Deuteron. Yehoshua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi