Genesis Exod. Leviticus Numbers Deuteron. Yešua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Ruth 1-4
Ruth 1
1 .Vajhi bimei šefot hašofetim, vajhi rav ba-arec vaijeleh iš mibeit lehem jehudah lagur bisdei movav, hu veištov ušenei vanav.
2 .Vešem haiš elimeleh vešem ištov naomi vešem šenei vanav mahlovn vehiljovn efratim, mibeit lehem jehudah vaijavou sedei movav vaijihju šam.
3 .Vaijamat elimeleh iš naomi vatišaer hi ušenei vaneiha.
4 .Vaijisu lahem našim moavijovt, šem ha-ahat arepah, vešem hašenit rut vaiješevu šam ke-eser šanim.
5. Vaijamutu gam šeneihem mahlovn vehiljovn vatišaer haišah, mišenei jeladeiha umeišah.
6 .Vatakam hi vehaloteiha, vatašav misedei movav ki šameah bisdeh movav, ki fakad Jehovah et-amov, latet lahem lahem.
7 .Vatese min hamakovm ašer hajetah šamah, ušetei haloteiha imah vatelahnah vadereh, lašuv el-erec jehudah.
8. Vatomer nami lištei haloteiha, lehenah šovenah, išah leveit imah ja-aseh hjask Jehovah imahem hesed, ka-ašer asitem im hametim veimadi.
9. Jiten Jehovah lahem, umesena menuhah, išah beit išah vatišak lahen, vatisenah kovlan vativkeinah.
10 .Vatomarnah lah ki-itah našuv leameh.
11 .Vatomer naomi šovenah venotai, lamah telahnah imi haovd li vanim bemeai, vehaiu lahem la-anašim.
12. Šovenah venotai lehena, ki zakanti mihjovt leiš ki amarti ješ-li tikvah, gam hajiti halajlah leiš, vegam jaladti vanim.
13 .Halahen tesaberenah ad ašer jigdalu, halahen teagenah, levilti hejovt leiš al benotai ki mar li meod mikem, ki jaseah vi jad-Jehovah.
14. Vatisenah kovlan, vativkeinah ovd vatišak arepah lahamovtah, verut davekah bah.
15 .Vatomer hineh šavah jevimteh, el amah ve-el eloheiha šuvi aharei jevimteh.
16 .Vatomer rut al tifgei vi, leazeveh lašuv meaharajih ki el ašer telehi eleh uvašer talini alin, ameh ami, velohajih elohai.
17. Ba-ašer tamuti amut, vešam ekaver koh ja-aseh Jehovah li vehoh josif, ki hamavet, jafrid beini uveineh.
18 .Vatere ki-mitameset hi lalehet itah vatehdal ledaber eleiha.
19. Vatelahnah šeteihem, ad boanah beit lahem vajhi kevoanah beit lehem, vatehom kol hair aleihen, vatomarnah hazot naomi.
20. Vatomer aleihen, al-tikrenah li naomi kerena li mara, ki hemar šadai li meod.
21 .Ani meleah halahti, vereikam hešivani Jehovah lamah tikrenah li naomi, vašem anah vi, vešadai hera li.
22. Vatašav naomi verut hamovavijah halatah imah, hašavah misedei movav vehemah bau beit lehem, bithilat kesir seorim.
Ruth, Ruta 2
1. Ulenaomi mejudah movdak leišah iš gibovr hajil, mimišpahat elimeleh ušemov boaz.
2. Vatomer rut hamovavijah el naomi elehah-na hasadeh va-alakotah vašibolim, ahar ašer emsa hen be-einav vatomer lah lehi viti.
3. Vateleh vatavov vatelaket basadeh, aharei hakoserim vaijiker mikreha, helkat hasadeh levoaz, ašer mimišpahat elimeleh.
4. Vehinneh voaz ba mibeit lehem, vaijomer lakovsrim Jehovah imahem vaijomeru lov jevarehha Jehovah.
5. Vaijomer boaz lenarov, hanisav al hakovsrim lemi hanarah hazot.
6 .Vaijan hanar hanitzav al hakovsrim vaijomar narah movavijah hi, hašvah im naomi misedeh movav.
7. Vatomer alakotah na veasafti vaomarim, aharei hakovsrim vatavov vata-amovd meaz haboker vead atah, zeh šivtah habajit meat.
8 .Vaijomer boaz el-rut halov šamate biti al-telehi lilkot besadeh aher, vegam lo taavuri mizeh vehoh tidbakin im narotai.
9. Einajih basadeh ašer jiksorun vehalahte ahareihen, halov siviti et hanearim levilti nageh vesamit vehalahte el hakelim, vešatit meašer jišavun hanearim.
10 .Vatipol al paneiha, vatištahu aresah vatomer elav madua masati hen be-eineiha lehakireni, veanohi naherijah.
11. Vaijan boaz vaijomer lah, huged hugad li kol ašer asit et-hamovteh, aharei movt išeh vatazvi avih veimeh ve-erec movladteh, vatelehi, el am ašer lo-jadate temovl šilšovm.
12. Ješalem Jehovah paoleh utehi maskurteh šelemah meim Jehovah elohei jizrael, ašer bat lahasovt tahat kenafav.
13. Vatomer emsa hen be-eineiha adoni ki nihamtani, vehi dibarta al lev šifhateha veanohi lo ehjeh, keahat šifhoteiha.
14 .Vaijomer lah voaz le-et haohel goši halom veahalte min halehem, vetavalte piteh bahomes vatešev misad hakovsrim, vaijisbat lah kali, vatohal vatisba vatar.
15 .Vatakam lelaket vajsav boaz et nearav lemor gam bein haomarim telaket velo tahlimuha.
16 .Vegam šol tašolu lah min hasevatim va-azavtem veliketah velo tigaru vah.
17. Vatelaket basadeh ad ha-arev vatahbot et ašer liketah, vajhi keifah seorim.
18.Vatisa vatavov hair, vatere hamovtah et ašer liketah vatovse vatiten lah, et ašer hovtirah misaveah.
19. Vatomer lah hamovtah eifoh likate haijovm veanah asit, jehi makireh baruh vataged lahamovtah et ašer asetah imov, vatomer šem haiš ašer asiti imov haijovm boaz.
20.Vatomer naomi lehalatah baruh hu lašem, ašer lo azav hasdov, et hahaijim ve-et hametim vatomer lah naomi karov lanu haiš, migoalenu hu.
21 .Vatomer rut hamovavijah gam ki-amar elai im hanearim ašer li tidbakin, ad im kilu, et kol hakatzir ašer-li.
22. Vatomer naomi el-rut kalatah tov biti ki tesei im narovtav, velo jifgeu-vah besadeh aher.
23. Vatidbak benarovt boaz lelaket, ad kelovt kesir haseorim uketzir hahitim vatešev et-hamovtah
Ruth, Ruta 3
1. Vatomer lah naomi hamovtah biti halo avakeš lah manovah ašer jitav lah
2. Veatah halo voaz modatanu, ašer hajit et-narovtav hineh hu zoreh et-goren haseorim hallajelah.
3. Verahaste vasahte vesamte simloteh hsimlotajih kalajih vejaradti hvejaradtek hagoren al tivadei laiš, ad kalotov le-ehol velištovt.
4 .Vihi vešahevov vejadate et-hamakovm ašer jiškav šam, uvat vegilit margelotav vešahavetih vešahavete kvehu jagid lah, et ašer tasin.
5. Vatomer eleiha kol ašer tomeri elai keseh.
6 .Vatered hagoren vatas kehol ašer sivatah hamovtah.
7. Vaijohal boaz vaiješete vaijitav libov, vaijavo liškav bikseh ha-aremah vatavo valat, vategal margelotav vatiškav.
8 .Vajhi bahasi halajlah, vaijeherad haiš vaijilafet vehineh išah, šohevet margelotav.
9. Vaijomer mi at vatomer anohi rut amateha, ufarasta henafeha al-amateha, ki goel atah.
10 .Vaijomer beruhah ate lašem biti, heitavte hasdeh ha-aharovn min harišovn levilti lehet aharei habahurim, im dal veim ašir.
11. Veatah biti al tirei, kol ašer tomeri eseh lah ki jovdea kol šar ami, ki ešet hajil ate.
12. Veatah ki amenam, ki imh goel anohi vegam jesh goel karov mimeni.
13. Lini halajlah vehajah vaboker im jigaleh tov jigal, veim-lo jahpos legaoleh ugealtih anohi hai Jehovah šihvi ad haboker.
14 .Vatiškav margelatavh margelovtav kad haboker, vatakam bitrovmh beteremk jakir iš et rehu vaijomer al-jivada, ki vaah haišah hagoren.
15 .Vaijomer havi hamitpahat ašer alajih veehozi vah vatohez bah vaijamad šeš seorim vaijašet aleiha, vaijavo hair.
16. Vatavov el-hamovtah, vatomer mi ate biti vataged lah, et kol ašer asah lah haiš.
17 .Vatomer šeš-haseorim haeleh natan li ki amar elai, kal tavovi reikam el hamovteh.
18 .Vatomer ševi viti, ad ašer tedein, eih jipol davar ki lo jiškot haiš, ki im kilah hadavar haijovm.
Ruth, Ruta 4
1. Uvoaz alah hašar vaiješev šam vehineh hagoel over ašer diber boaz, vaijomer surah ševah poh peloni almoni vaijasar vaiješev.
2. Vaijikah asarah anašim miziknei hair vaijomer ševu foh vaiješevu.
3. Vaijomer lagoel, helkat hasadeh, ašer leahinu le-elimeleh maherah naomi, hašavah misedeh movav.
4 .Vani amarti egleh azeneha lemor keneh neged haijoševim veneged ziknei ami im tigal geal, veim-lo jigal hagidah li ve-edah ve-edeahk ki ein zulateha ligovl, veanohi ahareiha vaijomer anohi egal.
5 .Vaijomer boaz, bejovm kenovtha hasadeh mijad naomi umet rut hamovavijah ešet hamet kanitih kanitah, klehakim šem hamet al nahalatov.
6 .Vaijomer hagoel lo uhal ligovl hligal lik pen ašhit et-nahalati geal leha atah et geulati, ki lo uhal ligol.
7 .Vezot lefanim bejizrael al-hageulah veal hatemurah lekaijem kol davar, šalaf iš nalov venatan lere-ehu vezot hateudah bejizrael.
8. Vaijomer hagoel levoaz keneh lah vaijišlof nalov.
9. Vaijomer boaz lazekenim vehol ham edim atem haijovm, ki kaniti et kol ašer le-elimeleh, ve-et kol ašer lehiljovn umahlovn mijad naomi.
10. Vegam et-rut hamoavijah ešet mahlovn kaniti li leišah lehakim šem hamet al nahalatov, velo jikaret šem hamet meim ehav umišar mekovmov edim atem haijovm.
11 .Vaijomeru kol ham ašer bašar vehazekenim edim jiten Jehovah et-haišah habah el-beiteha kerahel uheleah ašer banu šeteihem et-beit jizrael, va-aseh hajil be-efratah, ukera šem beveit lahem.
12 .Vihi veiteha keveit peres, ašer jaledah tamar lihudah min hazera ašer jiten Jehovah leha, min hanarah hazot.
13 .Vaijikah boaz et-rut vatehi lov leišah, vaijavo eleiha vaijiten Jehovah lah herajovn vateled ben.
14. Vatomarnah hanašim el-naomi, baruh Jehovah, ašer lo hišbit lah goel haijovm vejikare šemov bejizrael.
15 .Vehajah lah lemešiv nefeš, ulehalkel et-seivateh ki halateh ašer ahevateh jeladatu, ašer hi tovah lah, mišivah banim.
16. Vatikah naomi et-haijeled vatešitehu veheikah, vatehi lov leomenet.
17 .Vatikrenah lov hašehenovt šem lemor, julad ben lenaomi vatikrenah šemov oved, hu avi jišai avi david.
18 .Ve-eleh tovldovt pares, peres hovlid et-hesrovn.
19 .Vehesrovn hovlid et ram, veram hovlid et-aminadav.
20 .Veaminadav hovlid et nahšovn, venahšon hovlid et salmah.
21 .Vesalmovn hovlid et-boaz, uvoaz hovlid et oved.
22 .Veoved hovlid et jišai, vejišai hovlid et-david.
רות א
1 וַיְהִי בִּימֵי שְׁפֹט הַשֹּׁפְטִים וַיְהִי רָעָב בָּאָרֶץ וַיֵּלֶךְ אִישׁ מִבֵּית לֶחֶם יְהוּדָה לָגוּר בִּשְׂדֵי מוֹאָב הוּא וְאִשְׁתּוֹ וּשְׁנֵי בָנָֽיו׃
2 וְשֵׁם הָאִישׁ אֱֽלִימֶלֶךְ וְשֵׁם אִשְׁתּוֹ נׇעֳמִי וְשֵׁם שְׁנֵֽי־בָנָיו ׀ מַחְלוֹן וְכִלְיוֹן אֶפְרָתִים מִבֵּית לֶחֶם יְהוּדָה וַיָּבֹאוּ שְׂדֵֽי־מוֹאָב וַיִּֽהְיוּ־שָֽׁם׃
3 וַיָּמָת אֱלִימֶלֶךְ אִישׁ נׇעֳמִי וַתִּשָּׁאֵר הִיא וּשְׁנֵי בָנֶֽיהָ׃
4 וַיִּשְׂאוּ לָהֶם נָשִׁים מֹֽאֲבִיּוֹת שֵׁם הָאַחַת עׇרְפָּה וְשֵׁם הַשֵּׁנִית רוּת וַיֵּשְׁבוּ שָׁם כְּעֶשֶׂר שָׁנִֽים׃
5 וַיָּמֻתוּ גַם־שְׁנֵיהֶם מַחְלוֹן וְכִלְיוֹן וַתִּשָּׁאֵר הָֽאִשָּׁה מִשְּׁנֵי יְלָדֶיהָ וּמֵאִישָֽׁהּ׃
6 וַתָּקָם הִיא וְכַלֹּתֶיהָ וַתָּשָׁב מִשְּׂדֵי מוֹאָב כִּי שָֽׁמְעָה בִּשְׂדֵה מוֹאָב כִּֽי־פָקַד יְהֹוָה אֶת־עַמּוֹ לָתֵת לָהֶם לָֽחֶם׃
7 וַתֵּצֵא מִן־הַמָּקוֹם אֲשֶׁר הָֽיְתָה־שָּׁמָּה וּשְׁתֵּי כַלּוֹתֶיהָ עִמָּהּ וַתֵּלַכְנָה בַדֶּרֶךְ לָשׁוּב אֶל־אֶרֶץ יְהוּדָֽה׃
8 וַתֹּאמֶר נׇעֳמִי לִשְׁתֵּי כַלֹּתֶיהָ לֵכְנָה שֹּׁבְנָה אִשָּׁה לְבֵית אִמָּהּ יעשה יַעַשׂ יְהֹוָה עִמָּכֶם חֶסֶד כַּאֲשֶׁר עֲשִׂיתֶם עִם־הַמֵּתִים וְעִמָּדִֽי׃
9 יִתֵּן יְהֹוָה לָכֶם וּמְצֶאןָ מְנוּחָה אִשָּׁה בֵּית אִישָׁהּ וַתִּשַּׁק לָהֶן וַתִּשֶּׂאנָה קוֹלָן וַתִּבְכֶּֽינָה׃
10 וַתֹּאמַרְנָה־לָּהּ כִּֽי־אִתָּךְ נָשׁוּב לְעַמֵּֽךְ׃
11 וַתֹּאמֶר נׇעֳמִי שֹׁבְנָה בְנֹתַי לָמָּה תֵלַכְנָה עִמִּי הַֽעֽוֹד־לִי בָנִים בְּֽמֵעַי וְהָיוּ לָכֶם לַאֲנָשִֽׁים׃
12 שֹׁבְנָה בְנֹתַי לֵכְןָ כִּי זָקַנְתִּי מִהְיוֹת לְאִישׁ כִּי אָמַרְתִּי יֶשׁ־לִי תִקְוָה גַּם הָיִיתִי הַלַּיְלָה לְאִישׁ וְגַם יָלַדְתִּי בָנִֽים׃
13 הֲלָהֵן ׀ תְּשַׂבֵּרְנָה עַד אֲשֶׁר יִגְדָּלוּ הֲלָהֵן תֵּֽעָגֵנָה לְבִלְתִּי הֱיוֹת לְאִישׁ אַל בְּנֹתַי כִּֽי־מַר־לִי מְאֹד מִכֶּם כִּֽי־יָצְאָה בִי יַד־יְהֹוָֽה׃
14 וַתִּשֶּׂנָה קוֹלָן וַתִּבְכֶּינָה עוֹד וַתִּשַּׁק עׇרְפָּה לַחֲמוֹתָהּ וְרוּת דָּבְקָה בָּֽהּ׃
15 וַתֹּאמֶר הִנֵּה שָׁבָה יְבִמְתֵּךְ אֶל־עַמָּהּ וְאֶל־אֱלֹהֶיהָ שׁוּבִי אַחֲרֵי יְבִמְתֵּֽךְ׃
16 וַתֹּאמֶר רוּת אַל־תִּפְגְּעִי־בִי לְעׇזְבֵךְ לָשׁוּב מֵאַחֲרָיִךְ כִּי אֶל־אֲשֶׁר תֵּלְכִי אֵלֵךְ וּבַאֲשֶׁר תָּלִינִי אָלִין עַמֵּךְ עַמִּי וֵאלֹהַיִךְ אֱלֹהָֽי׃
17 בַּאֲשֶׁר תָּמוּתִי אָמוּת וְשָׁם אֶקָּבֵר כֹּה יַעֲשֶׂה יְהֹוָה לִי וְכֹה יוֹסִיף כִּי הַמָּוֶת יַפְרִיד בֵּינִי וּבֵינֵֽךְ׃
18 וַתֵּרֶא כִּֽי־מִתְאַמֶּצֶת הִיא לָלֶכֶת אִתָּהּ וַתֶּחְדַּל לְדַבֵּר אֵלֶֽיהָ׃
19 וַתֵּלַכְנָה שְׁתֵּיהֶם עַד־בּוֹאָנָה בֵּית לָחֶם וַיְהִי כְּבוֹאָנָה בֵּית לֶחֶם וַתֵּהֹם כׇּל־הָעִיר עֲלֵיהֶן וַתֹּאמַרְנָה הֲזֹאת נׇעֳמִֽי׃
20 וַתֹּאמֶר אֲלֵיהֶן אַל־תִּקְרֶאנָה לִי נׇעֳמִי קְרֶאןָ לִי מָרָא כִּי־הֵמַר שַׁדַּי לִי מְאֹֽד׃
21 אֲנִי מְלֵאָה הָלַכְתִּי וְרֵיקָם הֱשִׁיבַנִי יְהֹוָה לָמָּה תִקְרֶאנָה לִי נׇעֳמִי וַֽיהֹוָה עָנָה בִי וְשַׁדַּי הֵרַֽע לִֽי׃
22 וַתָּשׇׁב נׇעֳמִי וְרוּת הַמּוֹאֲבִיָּה כַלָּתָהּ עִמָּהּ הַשָּׁבָה מִשְּׂדֵי מוֹאָב וְהֵמָּה בָּאוּ בֵּית לֶחֶם בִּתְחִלַּת קְצִיר שְׂעֹרִֽים׃
רות ב
1 וּֽלְנׇעֳמִי מידע מוֹדָע לְאִישָׁהּ אִישׁ גִּבּוֹר חַיִל מִמִּשְׁפַּחַת אֱלִימֶלֶךְ וּשְׁמוֹ בֹּֽעַז׃
2 וַתֹּאמֶר רוּת הַמּוֹאֲבִיָּה אֶֽל־נׇעֳמִי אֵֽלְכָה־נָּא הַשָּׂדֶה וַאֲלַקֳּטָה בַֽשִּׁבֳּלִים אַחַר אֲשֶׁר אֶמְצָא־חֵן בְּעֵינָיו וַתֹּאמֶר לָהּ לְכִי בִתִּֽי׃
3 וַתֵּלֶךְ וַתָּבוֹא וַתְּלַקֵּט בַּשָּׂדֶה אַחֲרֵי הַקֹּצְרִים וַיִּקֶר מִקְרֶהָ חֶלְקַת הַשָּׂדֶה לְבֹעַז אֲשֶׁר מִמִּשְׁפַּחַת אֱלִימֶֽלֶךְ׃
4 וְהִנֵּה־בֹעַז בָּא מִבֵּית לֶחֶם וַיֹּאמֶר לַקּוֹצְרִים יְהֹוָה עִמָּכֶם וַיֹּאמְרוּ לוֹ יְבָרֶכְךָ יְהֹוָֽה׃
5 וַיֹּאמֶר בֹּעַז לְֽנַעֲרוֹ הַנִּצָּב עַל־הַקּוֹצְרִים לְמִי הַנַּעֲרָה הַזֹּֽאת׃
6 וַיַּעַן הַנַּעַר הַנִּצָּב עַל־הַקּוֹצְרִים וַיֹּאמַר נַעֲרָה מֽוֹאֲבִיָּה הִיא הַשָּׁבָה עִֽם־נׇעֳמִי מִשְּׂדֵי מוֹאָֽב׃
7 וַתֹּאמֶר אֲלַקֳּטָה־נָּא וְאָסַפְתִּי בָעֳמָרִים אַחֲרֵי הַקּוֹצְרִים וַתָּבוֹא וַֽתַּעֲמוֹד מֵאָז הַבֹּקֶר וְעַד־עַתָּה זֶה שִׁבְתָּהּ הַבַּיִת מְעָֽט׃
8 וַיֹּאמֶר בֹּעַז אֶל־רוּת הֲלוֹא שָׁמַעַתְּ בִּתִּי אַל־תֵּֽלְכִי לִלְקֹט בְּשָׂדֶה אַחֵר וְגַם לֹא תַעֲבוּרִי מִזֶּה וְכֹה תִדְבָּקִין עִם־נַעֲרֹתָֽי׃
9 עֵינַיִךְ בַּשָּׂדֶה אֲשֶׁר־יִקְצֹרוּן וְהָלַכְתְּ אַחֲרֵיהֶן הֲלוֹא צִוִּיתִי אֶת־הַנְּעָרִים לְבִלְתִּי נׇגְעֵךְ וְצָמִת וְהָלַכְתְּ אֶל־הַכֵּלִים וְשָׁתִית מֵאֲשֶׁר יִשְׁאֲבוּן הַנְּעָרִֽים׃
10 וַתִּפֹּל עַל־פָּנֶיהָ וַתִּשְׁתַּחוּ אָרְצָה וַתֹּאמֶר אֵלָיו מַדּוּעַ מָצָאתִי חֵן בְּעֵינֶיךָ לְהַכִּירֵנִי וְאָנֹכִי נָכְרִיָּֽה׃
11 וַיַּעַן בֹּעַז וַיֹּאמֶר לָהּ הֻגֵּד הֻגַּד לִי כֹּל אֲשֶׁר־עָשִׂית אֶת־חֲמוֹתֵךְ אַחֲרֵי מוֹת אִישֵׁךְ וַתַּֽעַזְבִי אָבִיךְ וְאִמֵּךְ וְאֶרֶץ מֽוֹלַדְתֵּךְ וַתֵּלְכִי אֶל־עַם אֲשֶׁר לֹא־יָדַעַתְּ תְּמוֹל שִׁלְשֽׁוֹם׃
12 יְשַׁלֵּם יְהֹוָה פׇּעֳלֵךְ וּתְהִי מַשְׂכֻּרְתֵּךְ שְׁלֵמָה מֵעִם יְהֹוָה אֱלֹהֵי יִשְׂרָאֵל אֲשֶׁר־בָּאת לַחֲסוֹת תַּֽחַת־כְּנָפָֽיו׃
13 וַתֹּאמֶר אֶמְצָא־חֵן בְּעֵינֶיךָ אֲדֹנִי כִּי נִֽחַמְתָּנִי וְכִי דִבַּרְתָּ עַל־לֵב שִׁפְחָתֶךָ וְאָֽנֹכִי לֹא אֶהְיֶה כְּאַחַת שִׁפְחֹתֶֽיךָ׃
14 וַיֹּאמֶר לָה בֹעַז לְעֵת הָאֹכֶל גֹּשִֽׁי הֲלֹם וְאָכַלְתְּ מִן־הַלֶּחֶם וְטָבַלְתְּ פִּתֵּךְ בַּחֹמֶץ וַתֵּשֶׁב מִצַּד הַקֹּצְרִים וַיִּצְבׇּט־לָהּ קָלִי וַתֹּאכַל וַתִּשְׂבַּע וַתֹּתַֽר׃
15 וַתָּקׇם לְלַקֵּט וַיְצַו בֹּעַז אֶת־נְעָרָיו לֵאמֹר גַּם בֵּין הָעֳמָרִים תְּלַקֵּט וְלֹא תַכְלִימֽוּהָ׃
16 וְגַם שֹׁל־תָּשֹׁלּוּ לָהּ מִן־הַצְּבָתִים וַעֲזַבְתֶּם וְלִקְּטָה וְלֹא תִגְעֲרוּ־בָֽהּ׃
17 וַתְּלַקֵּט בַּשָּׂדֶה עַד־הָעָרֶב וַתַּחְבֹּט אֵת אֲשֶׁר־לִקֵּטָה וַיְהִי כְּאֵיפָה שְׂעֹרִֽים׃
18 וַתִּשָּׂא וַתָּבוֹא הָעִיר וַתֵּרֶא חֲמוֹתָהּ אֵת אֲשֶׁר־לִקֵּטָה וַתּוֹצֵא וַתִּתֶּן־לָהּ אֵת אֲשֶׁר־הוֹתִרָה מִשׇּׂבְעָֽהּ׃
19 וַתֹּאמֶר לָהּ חֲמוֹתָהּ אֵיפֹה לִקַּטְתְּ הַיּוֹם וְאָנָה עָשִׂית יְהִי מַכִּירֵךְ בָּרוּךְ וַתַּגֵּד לַחֲמוֹתָהּ אֵת אֲשֶׁר־עָֽשְׂתָה עִמּוֹ וַתֹּאמֶר שֵׁם הָאִישׁ אֲשֶׁר עָשִׂיתִי עִמּוֹ הַיּוֹם בֹּֽעַז׃
20 וַתֹּאמֶר נׇעֳמִי לְכַלָּתָהּ בָּרוּךְ הוּא לַיהֹוָה אֲשֶׁר לֹא־עָזַב חַסְדּוֹ אֶת־הַחַיִּים וְאֶת־הַמֵּתִים וַתֹּאמֶר לָהּ נׇעֳמִי קָרוֹב לָנוּ הָאִישׁ מִֽגֹּאֲלֵנוּ הֽוּא׃
21 וַתֹּאמֶר רוּת הַמּוֹאֲבִיָּה גַּם ׀ כִּי־אָמַר אֵלַי עִם־הַנְּעָרִים אֲשֶׁר־לִי תִּדְבָּקִין עַד אִם־כִּלּוּ אֵת כׇּל־הַקָּצִיר אֲשֶׁר־לִֽי׃
22 וַתֹּאמֶר נׇעֳמִי אֶל־רוּת כַּלָּתָהּ טוֹב בִּתִּי כִּי תֵֽצְאִי עִם־נַעֲרוֹתָיו וְלֹא יִפְגְּעוּ־בָךְ בְּשָׂדֶה אַחֵֽר׃
23 וַתִּדְבַּק בְּנַעֲרוֹת בֹּעַז לְלַקֵּט עַד־כְּלוֹת קְצִֽיר־הַשְּׂעֹרִים וּקְצִיר הַֽחִטִּים וַתֵּשֶׁב אֶת־חֲמוֹתָֽהּ׃
רות ג
1 וַתֹּאמֶר לָהּ נׇעֳמִי חֲמוֹתָהּ בִּתִּי הֲלֹא אֲבַקֶּשׁ־לָךְ מָנוֹחַ אֲשֶׁר יִֽיטַב־לָֽךְ׃
2 וְעַתָּה הֲלֹא בֹעַז מֹֽדַעְתָּנוּ אֲשֶׁר הָיִית אֶת־נַעֲרוֹתָיו הִנֵּה־הוּא זֹרֶה אֶת־גֹּרֶן הַשְּׂעֹרִים הַלָּֽיְלָה׃
3 וְרָחַצְתְּ ׀ וָסַכְתְּ וְשַׂמְתְּ שמלתך שִׂמְלֹתַיִךְ עָלַיִךְ וירדתי וְיָרַדְתְּ הַגֹּרֶן אַל־תִּוָּדְעִי לָאִישׁ עַד כַּלֹּתוֹ לֶאֱכֹל וְלִשְׁתּֽוֹת׃
4 וִיהִי בְשׇׁכְבוֹ וְיָדַעַתְּ אֶת־הַמָּקוֹם אֲשֶׁר יִשְׁכַּב־שָׁם וּבָאת וְגִלִּית מַרְגְּלֹתָיו ושכבתי וְשָׁכָבְתְּ וְהוּא יַגִּיד לָךְ אֵת אֲשֶׁר תַּעֲשִֽׂין׃
5 וַתֹּאמֶר אֵלֶיהָ כֹּל אֲשֶׁר־תֹּאמְרִי [אֵלַי] אֶֽעֱשֶֽׂה׃
6 וַתֵּרֶד הַגֹּרֶן וַתַּעַשׂ כְּכֹל אֲשֶׁר־צִוַּתָּה חֲמוֹתָֽהּ׃
7 וַיֹּאכַל בֹּעַז וַיֵּשְׁתְּ וַיִּיטַב לִבּוֹ וַיָּבֹא לִשְׁכַּב בִּקְצֵה הָעֲרֵמָה וַתָּבֹא בַלָּט וַתְּגַל מַרְגְּלֹתָיו וַתִּשְׁכָּֽב׃
8 וַֽיְהִי בַּחֲצִי הַלַּיְלָה וַיֶּחֱרַד הָאִישׁ וַיִּלָּפֵת וְהִנֵּה אִשָּׁה שֹׁכֶבֶת מַרְגְּלֹתָֽיו׃
9 וַיֹּאמֶר מִי־אָתְּ וַתֹּאמֶר אָֽנֹכִי רוּת אֲמָתֶךָ וּפָרַשְׂתָּ כְנָפֶךָ עַל־אֲמָתְךָ כִּי גֹאֵל אָֽתָּה׃
10 וַיֹּאמֶר בְּרוּכָה אַתְּ לַֽיהֹוָה בִּתִּי הֵיטַבְתְּ חַסְדֵּךְ הָאַחֲרוֹן מִן־הָרִאשׁוֹן לְבִלְתִּי־לֶכֶת אַֽחֲרֵי הַבַּחוּרִים אִם־דַּל וְאִם־עָשִֽׁיר׃
11 וְעַתָּה בִּתִּי אַל־תִּירְאִי כֹּל אֲשֶׁר־תֹּאמְרִי אֶעֱשֶׂה־לָּךְ כִּי יוֹדֵעַ כׇּל־שַׁעַר עַמִּי כִּי אֵשֶׁת חַיִל אָֽתְּ׃
12 וְעַתָּה כִּי אׇמְנָם כִּי (אם) גֹאֵל אָנֹכִי וְגַם יֵשׁ גֹּאֵל קָרוֹב מִמֶּֽנִּי׃
13 לִינִי ׀ הַלַּיְלָה וְהָיָה בַבֹּקֶר אִם־יִגְאָלֵךְ טוֹב יִגְאָל וְאִם־לֹא יַחְפֹּץ לְגׇאֳלֵךְ וּגְאַלְתִּיךְ אָנֹכִי חַי־יְהֹוָה שִׁכְבִי עַד־הַבֹּֽקֶר׃
14 וַתִּשְׁכַּב מַרְגְּלוֹתָו עַד־הַבֹּקֶר וַתָּקׇם בטרום בְּטֶרֶם יַכִּיר אִישׁ אֶת־רֵעֵהוּ וַיֹּאמֶר אַל־יִוָּדַע כִּי־בָאָה הָאִשָּׁה הַגֹּֽרֶן׃
15 וַיֹּאמֶר הָבִי הַמִּטְפַּחַת אֲשֶׁר־עָלַיִךְ וְאֶחֳזִי־בָהּ וַתֹּאחֶז בָּהּ וַיָּמׇד שֵׁשׁ־שְׂעֹרִים וַיָּשֶׁת עָלֶיהָ וַיָּבֹא הָעִֽיר׃
16 וַתָּבוֹא אֶל־חֲמוֹתָהּ וַתֹּאמֶר מִי־אַתְּ בִּתִּי וַתַּגֶּד־לָהּ אֵת כׇּל־אֲשֶׁר עָשָׂה־לָהּ הָאִֽישׁ׃
17 וַתֹּאמֶר שֵׁשׁ־הַשְּׂעֹרִים הָאֵלֶּה נָתַן לִי כִּי אָמַר [אֵלַי] אַל־תָּבוֹאִי רֵיקָם אֶל־חֲמוֹתֵֽךְ׃
18 וַתֹּאמֶר שְׁבִי בִתִּי עַד אֲשֶׁר תֵּֽדְעִין אֵיךְ יִפֹּל דָּבָר כִּי לֹא יִשְׁקֹט הָאִישׁ כִּֽי־אִם־כִּלָּה הַדָּבָר הַיּֽוֹם׃
רות ד
1 וּבֹעַז עָלָה הַשַּׁעַר וַיֵּשֶׁב שָׁם וְהִנֵּה הַגֹּאֵל עֹבֵר אֲשֶׁר דִּבֶּר־בֹּעַז וַיֹּאמֶר סוּרָה שְׁבָה־פֹּה פְּלֹנִי אַלְמֹנִי וַיָּסַר וַיֵּשֵֽׁב׃
2 וַיִּקַּח עֲשָׂרָה אֲנָשִׁים מִזִּקְנֵי הָעִיר וַיֹּאמֶר שְׁבוּ־פֹה וַיֵּשֵֽׁבוּ׃
3 וַיֹּאמֶר לַגֹּאֵל חֶלְקַת הַשָּׂדֶה אֲשֶׁר לְאָחִינוּ לֶאֱלִימֶלֶךְ מָכְרָה נׇעֳמִי הַשָּׁבָה מִשְּׂדֵה מוֹאָֽב׃
4 וַאֲנִי אָמַרְתִּי אֶגְלֶה אׇזְנְךָ לֵאמֹר קְנֵה נֶגֶד הַיֹּשְׁבִים וְנֶגֶד זִקְנֵי עַמִּי אִם־תִּגְאַל גְּאָל וְאִם־לֹא יִגְאַל הַגִּידָה לִּי ואדע וְאֵֽדְעָה כִּי אֵין זוּלָֽתְךָ לִגְאוֹל וְאָנֹכִי אַחֲרֶיךָ וַיֹּאמֶר אָנֹכִי אֶגְאָֽל׃
5 וַיֹּאמֶר בֹּעַז בְּיוֹם־קְנוֹתְךָ הַשָּׂדֶה מִיַּד נׇעֳמִי וּמֵאֵת רוּת הַמּוֹאֲבִיָּה אֵֽשֶׁת־הַמֵּת קניתי קָנִיתָ לְהָקִים שֵׁם־הַמֵּת עַל־נַחֲלָתֽוֹ׃
6 וַיֹּאמֶר הַגֹּאֵל לֹא אוּכַל לגאול לִגְאׇל־לִי פֶּן־אַשְׁחִית אֶת־נַחֲלָתִי גְּאַל־לְךָ אַתָּה אֶת־גְּאֻלָּתִי כִּי לֹא־אוּכַל לִגְאֹֽל׃
7 וְזֹאת לְפָנִים בְּיִשְׂרָאֵל עַל־הַגְּאֻלָּה וְעַל־הַתְּמוּרָה לְקַיֵּם כׇּל־דָּבָר שָׁלַף אִישׁ נַעֲלוֹ וְנָתַן לְרֵעֵהוּ וְזֹאת הַתְּעוּדָה בְּיִשְׂרָאֵֽל׃
8 וַיֹּאמֶר הַגֹּאֵל לְבֹעַז קְנֵה־לָךְ וַיִּשְׁלֹף נַעֲלֽוֹ׃
9 וַיֹּאמֶר בֹּעַז לַזְּקֵנִים וְכׇל־הָעָם עֵדִים אַתֶּם הַיּוֹם כִּי קָנִיתִי אֶת־כׇּל־אֲשֶׁר לֶאֱלִימֶלֶךְ וְאֵת כׇּל־אֲשֶׁר לְכִלְיוֹן וּמַחְלוֹן מִיַּד נׇעֳמִֽי׃
10 וְגַם אֶת־רוּת הַמֹּאֲבִיָּה אֵשֶׁת מַחְלוֹן קָנִיתִי לִי לְאִשָּׁה לְהָקִים שֵׁם־הַמֵּת עַל־נַחֲלָתוֹ וְלֹא־יִכָּרֵת שֵׁם־הַמֵּת מֵעִם אֶחָיו וּמִשַּׁעַר מְקוֹמוֹ עֵדִים אַתֶּם הַיּֽוֹם׃
11 וַיֹּאמְרוּ כׇּל־הָעָם אֲשֶׁר־בַּשַּׁעַר וְהַזְּקֵנִים עֵדִים יִתֵּן יְהֹוָה אֶֽת־הָאִשָּׁה הַבָּאָה אֶל־בֵּיתֶךָ כְּרָחֵל ׀ וּכְלֵאָה אֲשֶׁר בָּנוּ שְׁתֵּיהֶם אֶת־בֵּית יִשְׂרָאֵל וַעֲשֵׂה־חַיִל בְּאֶפְרָתָה וּקְרָא־שֵׁם בְּבֵית לָֽחֶם׃
12 וִיהִי בֵֽיתְךָ כְּבֵית פֶּרֶץ אֲשֶׁר־יָלְדָה תָמָר לִיהוּדָה מִן־הַזֶּרַע אֲשֶׁר יִתֵּן יְהֹוָה לְךָ מִן־הַֽנַּעֲרָה הַזֹּֽאת׃
13 וַיִּקַּח בֹּעַז אֶת־רוּת וַתְּהִי־לוֹ לְאִשָּׁה וַיָּבֹא אֵלֶיהָ וַיִּתֵּן יְהֹוָה לָהּ הֵרָיוֹן וַתֵּלֶד בֵּֽן׃
14 וַתֹּאמַרְנָה הַנָּשִׁים אֶֽל־נׇעֳמִי בָּרוּךְ יְהֹוָה אֲשֶׁר לֹא הִשְׁבִּית לָךְ גֹּאֵל הַיּוֹם וְיִקָּרֵא שְׁמוֹ בְּיִשְׂרָאֵֽל׃
15 וְהָיָה לָךְ לְמֵשִׁיב נֶפֶשׁ וּלְכַלְכֵּל אֶת־שֵׂיבָתֵךְ כִּי כַלָּתֵךְ אֲֽשֶׁר־אֲהֵבַתֶךְ יְלָדַתּוּ אֲשֶׁר־הִיא טוֹבָה לָךְ מִשִּׁבְעָה בָּנִֽים׃
16 וַתִּקַּח נׇעֳמִי אֶת־הַיֶּלֶד וַתְּשִׁתֵהוּ בְחֵיקָהּ וַתְּהִי־לוֹ לְאֹמֶֽנֶת׃
17 וַתִּקְרֶאנָה לוֹ הַשְּׁכֵנוֹת שֵׁם לֵאמֹר יֻלַּד־בֵּן לְנׇעֳמִי וַתִּקְרֶאנָֽה שְׁמוֹ עוֹבֵד הוּא אֲבִֽי־יִשַׁי אֲבִי דָוִֽד׃
18 וְאֵלֶּה תּוֹלְדוֹת פָּרֶץ פֶּרֶץ הוֹלִיד אֶת־חֶצְרֽוֹן׃
19 וְחֶצְרוֹן הוֹלִיד אֶת־רָם וְרָם הוֹלִיד אֶת־עַמִּֽינָדָֽב׃
20 וְעַמִּֽינָדָב הוֹלִיד אֶת־נַחְשׁוֹן וְנַחְשׁוֹן הוֹלִיד אֶת־שַׂלְמָֽה׃
21 וְשַׂלְמוֹן הוֹלִיד אֶת־בֹּעַז וּבֹעַז הוֹלִיד אֶת־עוֹבֵֽד׃
22 וְעֹבֵד הוֹלִיד אֶת־יִשָׁי וְיִשַׁי הוֹלִיד אֶת־דָּוִֽד׃
Genesis Exod. Leviticus Numbers Deuteron. Yehoshua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi