Genesis Exod. Leviticus Numbers Deuteron. Yešua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Hosea 1-14
Hosea 1
1. Devar-Jehovah ašer hajah el-Hovšea ben beri, bimei uzijah jovtam ahaz jehizkijah malhei jehudah uvimei jaraveam ben jovaš meleh jizrael.
2. Tehilat diber-Jehovah behovšeaf vaijomer Jehovah el-hovšea leh kah leha ešet zenunim vejaldei zenunim, ki zanoh tizneh ha-arec, meaharei Jehovah.
3. Vaijeleh vaijikah, et-gomer bat divlajim vatahar vateled lov ben.
4. Vaijomer Jehovah elav, kera šemov jizreel ki ovd meat ufakadti et demei jizreel al beit jehu, vehišbati, mamlehut beit jizrael.
5. Vehajah baijovm hahu vešavarti et-kešet jizrael, be-emek jizreel.
6 .Vatahar ovd vateled bat, vaijomer lov, kera šemah lo ruhamah ki lo ovsif ovd arahem et-beit jizrael, ki naso esa lahem.
7 .Ve-et beit jehudah arahem, vehovšatim baJehovah eloheihem velo ovšiem bekeshet uveherev uvemilhamah, besusim uvefarašim.
8 .Vatigmol et-lo ruhamah vatahar vateled ben.
9 .Vaijomer kera šemov lo ami ki atem lo ami, veanohi lo-ehjeh lahem.
10 .Vehajah mispar benei jizrael kehovl haijam, ašer lo-jimad velo jisafer vehajah bimkom ašer jeamer lahem lo ami atem, jeamer lahem benei el hai.
11. Venikbesu benei jehudah uvenei jizrael jahdav, vesamu lahem rosh ehad vealu min ha-arec ki gadovl jovm jizrael.
Hosea 2
1. Imru la-aheihem ami vela ahovteihem ruhamah.
2. Rivu veimehem rivu, ki hi lo išti, veanohi lo išah vetaser zenuneiha mipaneih, venafufeiha mibein šadeiha.
3. Pen afšitenah arumah, vehisagtiha, kejovm hivaledah vesamtiha hamidbar vešatiha ke-erec sijah, vahamitiha basama.
4 .Ve-et baneiha lo arahem ki venei zenunim hemah.
5. Ki zanetah imam, hovišah hovratam ki amerah elehah aharei meahavai notenei lahmi umeimai, samri ufišti, šamni vešikujai.
6. Lahen hini sah et-darkeh basirim vegadarti et gederah, unetivovteiha lo timsa.
7. Veridefah et-meahaveiha velo-tasig otam, uvikšatam velo timsa veamerah elehah veašuvah el iši harišovn, ki tov li az meatah.
8 .Vehi lo jadeah, ki anohi natati lah, hadagan vehatirovš vehaijishar vehesef hirbeiti lah vezahav asu labal.
9 .Lahen ašuv, velakahti degani beitov, vetirovši bemovadov vehisalti tzamri ufišti, lehasot et-ervatah.
10. Veatah agaleh et-navlutah le-einei meahaveiha veiš lo jasilenah mijadi.
11. Vehišbati kol-mesovsah, hagah hadešah vešabatah vehol movadah.
12. Vahašimoti gafnah ute enatah, ašer amerah etnah hemah li, ašer natenu-li meahavai vesamtim lejar, va-ahalatam haijat hasadeh.
13. Ufakadti aleiha et jemei habealim ašer taktir lahem, vatad nizmah veheljatah, vateleh aharei meahaveiha veoti šahehah neum Jehovah.
14. Lahen hineh anohi mefateiha, veholahtiha hamidbar vedibarti al libah.
15 .Venatati lah et-kerameiha mišam, ve-et emek ahovr lefetah tikvah veanetah šamah kimei neureiha, vihjovm alotah me-erec misrajim.
16 .Vehajah vaijovm hahu neum-Jehovah, tikrei iši velo tikrei li ovd bali.
17 .Vahasiroti et-šemovt habealim mipiha velo jizaheru ovd bišmam.
18 .Veharati lahem berit baijovm hahu, im haijat hasadeh veim ovf hašamajim, veremes ha-adamah vekešet veherev umilhamah ešbor min ha-arec, vehiškavtim lavetah.
19. Ve-erastih li leovlam ve-erastih li besedek uvemišpat, uvehesed uverahamim.
20 .Ve-erastih li be-emunah vejadate et-Jehovah.
21 .Vehajah baijovm hahu eneh neum-Jehovah, eneh et hašamajim vehem janu et ha-arec.
22 .Veha-arec taneh, et hadagan ve-et hatirovš ve-et haijišar vehem janu et jizrel.
23 .Uzeratiha li ba-arec, verihamti et-lo ruhamah veamarti lelo ami ami atah, vehu jomar elohai.
Hosea 3
1. Vaijomer Jehovah elai ovd leh ehav išah, ahuvat rea umenafet keahavat Jehovah et benei jizrael, vehem ponim el-elohim aherim, veohavei ašišei anavim.
2. Vaekereha li, bahamišah asar kasef vehomer seorim veleteh seorim.
3. Vaomar eleiha jamim rabim teševi li, lo tizni, velo tihji leiš vegam ani elajih.
4. Ki jamim rabim ješevu benei jizrael, ein meleh ve-ein sar, ve-ein zevah ve-ein masevah ve-ein efovd uterafim.
5. Ahar jašuvu benei jizrael, uvikšu et- Jehovah eloheihem, ve-et david malkam ufahadu el Jehovah ve-el tuvov beaharit haijamim.
Hosea 4
1. Šimu devar Jehovah benei jizrael ki riv lašem im jovšvei ha-arec, ki ein emet ve-ein hesed ve-ein dat elohim ba-arec.
2. Aaloh vehaheš, verasoah veganov venaof parasu vedamim bedamim nagau.
3. Al ken teval ha-arec veumlal kol jovšev bah, behaijat hasadeh uveovf hašamajim vegam degei haijam jeasefu.
4 .Ah iš al-jarev veal johah iš veameha kimrivei hohen.
5. Vehašalta haijovm, vehašal gam navi imeha lajelah vedamiti imeha.
6. Nidmu ami mibeli hadat ki atah hadat masta ve-emaseha mikahen li, vatiškah tovrat eloheiha, eškah baneiha gam-ani.
7. Kerubam ken hateu-li kevovdam bekalovn amir.
8. Hatat ami johelu ve-el avonam jisu nafšov.
9 .Vehajah ham kakohen ufakadti alav derahav, umalalav ašiv lov.
10 .Veahelu velo jisbau, hiznu velo jifrosu ki et-Jehovah azevu lišmor.
11 .Zenut vejajin vetirovš jikah lev.
12.. Ami be-esov jišal, umaklov jagid lov ki ruah zenunim hitah, vaijiznu mitahat eloheihem.
13. Al rašei heharim jezabehu veal hagevaot jekateru, tahat alovn velivneh ve-elah ki tov silah al-ken tizneinah benovteihem, vehalovteihem tenafnah.
14 .Lo-efkovd al-benovteihem ki tizneinah veal kalovteihem ki tenafnah, ki-hem im hazonot jefaredu, veim hakedešot jezabehu veam lo-javin jilavet.
15 .Im zoneh atah jizrael, al-ješam jehudah veal tavou hagilgal veal talu beit aven, veal tišaveu hai Jehovah.
16 .Ki kefarah sorerah, sarar jizrael atah jirem Jehovah, keheves bamerhav.
17 .Havur asabim efrajim hanah-lov.
18 .Sar saveam hazneh hiznu, ahavu hevu kalovn magineiha.
19 .Sarar ruah ovtah bihnafeiha vejevošu mizivhovtam.
Hosea 5
1. Šhimu zot hakohanim vehakšivu beit jizrael uveit hameleh ha-azinu, ki lahem hamišpat ki fah hejitem lemispah, verešet perusah al tavor.
2. Vešahatah setim hemiku va-ani musar lehulam.
3 .Ani jadati efrajim, vejizrael lo-nihhad mimeni ki atah hizneita efrajim, nitma jizrael.
4 .Lo jitenu maleihem, lašuv el eloheihem ki ruah zenunim bekirbam, ve-et Jehovah lo jadau.
5. Veanah geovn jizrael befanav vejizrael ve-efrajim jikašelu ba-avonam, kašal gam jehudah imam.
6 .Besonam uvivkaram jelehu levakesh et-Jehovah velo jimsau halac mehem.
7. Bašem bagadu, ki-vanim zarim jaladu atah johelem hodeš et-helkeihem.
8 .Tiku šofar bagivah, hasoserah baramah hariu beit aven, aha·reiha binjamin.
9. Eefrajim lešamah tihjeh, bejovm tovhehah bešivtei jizrael, hovdati ne-emanah.
10 .Haiu sarei jehudah, kemasigei gevul aleihem ešpovh kamajim evrati.
11. Ašuk efrajim resus mishpat ki hovil, halah aharei sav.
12 .Va-ani haaš le-efrajim veharakav leveit jehudah.
13 .Vaijar efrajim et halejov vihudah et mezorov, vaijeleh efrajim el-ašur, vaijišlah el-meleh jarev vehu lo juhal lirpo lahem, velo jigheh mikem mazor.
14. Ki anohi hašahal le-efrajim, vehakefir leveit jehudah ani ani etrof ve-eleh, esa ve-ein masil.
15 .Eleh ašuvah el-mekovmi, ad ašer ješemu uvikšu fanai basar lahem ješaharuni.
Hosea 6
1. Lehu venašuvah el-Jehovah, ki hu taraf vejirpaenu jah vejahbešenu.
2. Jehaijenu mijomajim baijovm hašeliši, jekimenu venihjeh lefanav.
3. Venedeah nirdefah ladat et-Jehovah, kešahar nahovn movsaov vejavov hagešem lanu, kemalkovš jovreh arec.
4. Mah eseh leha efrajim, mah eseh leha jehudah vehasdehem kanan boker, vehatal maškim holeh.
5. Al ken hasavti banevim, haragtim beimrei fi umišpateiha ovr jese.
6 .Ki hesed hafasti velo zavah vedat elohim meolovt.
7. Vehemah keadam averu verit šam bagedu vi.
8. Gilad kirjat poalei aven akubah midam.
9 .Uhehakei iš gedudim hever kohanim, dereh jerasehu šehmah ki zimah asu.
10 .Beveit jizrael, raiti šaririjah šarurijah km zenut le-efrajim, nitma jizrael.
11. Gam jehudah šat kasir lah bešuvi ševut ami.
Hosea 7
1. Kerafei lejizrael veniglah avon efrajim veraovt šomerovn, ki falu šaker veganav javov, pašat gedud bahuc.
2 .Uval jomeru lilvavam, kol ratam zahareti atah sevavum maleihem, neged panai haiu.
3. Beratam jesamehu meleh uvehahašeihem sarim.
4. Kulam menafim, kemov tanur, boerah meofeh jišbovt meir, miluš basek ad-humsatov.
5 .Jovm malkenu, hehelu sarim hamat mijajin mašah jadov et-losesim.
6. Ki-kerevu hatanur libam bearebam kol-halajlah jašen ofehem, boker hu voer keš lehavah.
7. Kulam jehamu katanur, veahelu et-šofeteihem kol malheihem nafalu, ein kore vahem elai.
8. Efrajim bamim hu jitbovlal efrajim hajah ugah beli hafuhah.
9. Ahelu zarim kohov, vehu lo jada gam seivah zarekah bov, vehu lo jada.
10 .Veanah geovn jizrael befanav velo šavu el-Jehovah eloheihem, velo vikšuhu behol zot.
11 Vajhi efrajim, kejovnah fovtah ein lev misrajim karau ašur halahu.
12. Kašer jelehu efrovs aleihem rišti, keovf hašamajim ovridem ajsirem kešema ladatam.
13 .Ovj lahem ki-nadedu mimeni, šod lahem ki-fašeu vi veanohi efdem, vehemah diberu alai kezavim.
14 .Velo zaku elai belibam, ki jejelilu al-miškevovtam al-dagan vetirovš jitgovraru jasuru vi.
15. Va-ani jisarti, hizakti zerovotam ve-elai jehaševu ra.
16. Jašuvu lo al haiu kekešet remijah, jipelu vaherev sareihem mizam lešonam zov lagam be-erec misrajim.
Hosea 8
1 .El hikeha šofar, kanešer al beit Jehovah jan averu veriti, veal tovrati pašau
2. Li jizaku elohai jedanuha jizrael.
3. Zanah jizrael tov ovjev jirdefov.
4. Hem himlihu velo mimeni, hesiru velo jadeti kaspam uzehavam asu lahem asabim, leman jikaret.
5. Zanah egleh šomeron, harah api bam ad-matai lo juhelu nikajon.
6 .Ki mijizrael vehu, haraš asahu, velo elohim hu ki ševavim jihjeh, egel šomerovn.
7 .Ki ruah jizrau vesufatah jiksoru kamah ein lov semah beli jaseh kemah, ulai jaseh, zarim jivlauhu.
8 .Nivla jizrael atah haiu vagovjim, kihli ein hefec bov.
9. Ki hemah alu ašur, pere bovded lov efrajim hitnu ahavim.
10 .Gam ki-jitnu vagovjim atah akabetzem vaijahelu meat, mimasa meleh sarim.
11. Ki hirbah efrajim mizbehot lahato haiu lov mizbehot lahato.
12 .Ehtov hehtav lov, kribovh rubeik tovrati kemov zar nehšavu.
13 .Zivhei havhavai jizbehu vasar vaijohelu, Jehovah lo ratzam atah jizkor avonam vejifkod hatovtam, hemah misrajim jašuvu.
14 .Vaijiškah jizrael et-osehu vaijiven heihalot, vihudah hirbah arim besurot vešilahti-eš bearav, veahelah armenoteiha.
Hosea 9
1. Al tismah jizrael el gil kamim, ki zanita meal eloheiha ahavta etnan, al kol garenovt dagan.
2 .Ggoren vajekev lo jirem vetirovš jehaheš bah.
3. Lo ješevu be-erec Jehovah vešav efrajim misrajim, uveašur tame johelu.
4. Lo-jisehu laJehovah jajin velo jervu lov zivheihem kelehem ovnim lahem, kol ohelav jitamau ki lahmam lenafšam, lo javov beit Jehovah.
5. Mah tasu lejovm moved ulejovm hag-Jehovah.
6. Ki-hineh halehu mišod, mitzrajim tekabesem mof tekaberem mahmad lehaspam kimovs jirašem, hovah beaholeihem.
7. Bau jemei hapekudah bau jemei hašilum, jedeu jizrael evil hanavi mešuga iš haruah, al rov avoneha, verabah mastemah.
8 .Sofeh efrajim im elohai navi pah jakovš al-kol derahav, mastemah beveit elohav.
9 Hemiku šihetu kimei hagivah jizkovr avonam, jifkovd hatovtam.
10. Ka-anavim bamidbar masati jizrael, kevikurah vitenah berešitah, raiti avovteihem hemah bau val peovr vaijinazeru labošet, vaijihju šikusim keahovam.
11. Efrajim kaovf jitovfef kevovdam miledah umibeten umeherajon.
12. Ki im jegadelu et-beneihem, vešikaltim meadam ki gam-ovj lahem besuri mehem.
13. Efrajim kašer raiti letzovr šetulah venaveh ve-efrajim lehovsi el-horeg banav.
14 .Ten lahem Jehovah mah titen ten lahem rehem maškil, vešadajim somekim.
15 .Kol ratam bagilgal ki-šam senetim, al roa maleihem, mibeiti agarešem lo ovsef ahavatam, kol sareihem sorerim.
16 .Hukah efrajim, šarešam javeš peri veli hval jasunk gam ki jeledun, vehemati mahamadei vitnam.
17. Jimasem elohai, ki lo šameu lov vejihju nodedim bagovjim.
Hosea 10
1. Gefen bovkek jizrael, peri ješaveh lov kerov lefirjov hirbah lamizbehot, ketov learsov, heitivu masevot.
2. Halak libam atah ješamu hu jarof mizbehovtam, ješoded masevovtam.
3. Ki atah jomeru, ein meleh lanu ki lo jarenu et-Jehovah, vehameleh mah jaseh lanu.
4 .Diberu devarim, alovt šave karot berit ufarah karoš mišpat, al talmei sadai.
5. Le-eglovt beit aven, jaguru šehan šomeron ki-aval alav amov uhemarav alav jagilu, al kevovdov ki galah mimenu.
6. Gam ovtov leašur juval, minhah lemeleh jarev bašenah efrajim jikah, vejevovš jizrael measatov.
7 Nidmeh šomeron malkah kekesef al penei majim.
8 .Venišmedu bamovt aven hatat jizrael, kovs vedardar, jaleh al-mizbehovtam veameru leharim kasunu, velagevaovt niflu aleinu.
9 .Mimei hagivah, hatata jizrael šam amadu, lo-tasigem bagivah milhamah al benei alvah.
10 .Beavati ve-esorem veusefu aleihem amim, beaseram lištei einotam hovnotam.
11. Ve-efrajim eglah melumadah ohavti laduš, va-ani avarti, al tuv savarah arkiv efrajim jaharovš jehudah, jesaded lov jakov.
12 .Ziru lahem litzdakah kisru lefi-hesed, niru lahem nir ve-et lidrovš et-Jehovah, ad-javov vejoreh sedek lahem.
13 Haraštem reša avlatah ketzartem ahaltem peri hahaš ki vatahta vedarkeha berov gibovreiha.
14 .Vekam šaovn beameha vehol mivsareiha jušad, kešod šalman beit arvel bejovm milhamah em al banim rutašah.
15 .Kahah asah lahem beit-el, mipenei rat rathem bašahar nidmoh nidmah meleh jizrael.
Hosea 11
1. Ki nar jizrael vaohavehu umimisrajim karati livni.
2 .Kareu lahem ken halehu mipeneihem, labealim jezabehu, velapesilim jekaterun.
3 .Veanohi tirgalti le-efrajim, kaham al zerovotav velo jadeu ki refatim.
4. Behavlei adam emšehem ba-avotot ahavah, vaehjeh lahem kimrimei ol al leheihem veat elav ovhil.
5. Lo jašuv el-erec misrajim, veašur hu malkov ki meanu lašuv.
6 .Vehalah herev bearav, vehiletah vadav veahalah mimoasovteihem.
7 .Veami teluim limšuvati ve-el al jikrauhu, jahad lo jerovmem.
8 .Eih etenha efrajim amagenha jizrael, eih etenha headmah, asimeha kisvojim nehpah alai libi, jahad nihmeru nihumai.
9 .Lo eseh harovn api, lo ašuv lešahet efrajim ki el anohi velo iš, bekirbeha kadovš, velo avov beir.
10 .Aharei Jehovah jelehu kearjeh jišag ki-hu jišag, vejeherdu vanim mijam.
11 .Jeherdu hesipor mimisrajim, uhejovnah me-erec ašur vehovšavtim al bateihem neum-Jehovah.
12 .Sevavuni vehahaš efrajim, uvemirmah beit jizrael vihudah od rad im el, veim kedovšim ne-eman.
Hosea 12
1. Efrajim roeh ruah verodef kadim, kol haijovm kazav vašod jarbeh uverit im ašur jihrotu, vešemen lemisrajim juval.
2. Veriv lašem im jehudah velifkod al jakov kidrahav, kemalalav jašiv lov.
3. Babeten akav et-ahiv uveovnov sarah et-elohim.
4 .Vaijasar el-malah vaijuhol, bahah vaijithanen lov beit el jimsaenu, vesham jedaber imanu.
5. VaJehovah elohei hasevaot Jehovah zihrov.
6. Veatah beloheiha tašuv hesed umišpat šemor, vekaveh el-eloheiha tamid.
7 .Kenan bejadov mozenei mirmah la-ašok ahev.
8 .Vaijomer efrajim, ah ašarti, masati ovn li kol jegiai lo jimseu-li avon ašer-hete.
9. Veanohi Jehovah eloheiha me-erec misrajim od ovšiveha vaohalim kimei moved.
10 Vedibarti al-hanevim, veanohi hazovn hirbeiti uvejad hanevim adameh.
11. Im gilad aven ah-šave haiu, bagilgal ševarim zibehu gam mizbehovtam kegalim, al talmei sadai.
12. Vaijivrah jakov sedeh aram vaijavod jizrael beišah, uveišah šamar.
13. Uvenavi he-elah Jehovah et-jizrael mimisrajim uvenavi nišmar.
14 .Hihis efrajim tamrurim vedamav alav jitovš, veherpatov, jašiv lov adonav.
Hosea 13
1 .Kedaber efrajim retet, nasa hu bejizrael vaiješam babal vaijamot.
2 .Veatah jovsifu lahato vaijasu lahem masehah mikaspam kitvunam asabim, ma-aseh harašim kuloh lahem hem omerim, zovehei adam, agalim jišakun.
3 .Lahen jihju kanan boker, vehatal maškim holeh kemos jesoer migoren, uheašan mearubah.
4 .Veanohi Jehovah eloheiha me-erec misrajim velohim zulati lo teda, umovšia ajin bilti.
5 .Ani jedatiha bamidbar be-erec taluvot.
6 .Kemaritam vaijisbau, saveu vaijaram libam al ken šehehuni.
7 .Vaehi lahem kemov šahal kenamer al dereh ašur.
8 .Efgešem kedov šakul, ve-ekra segovr libam veohelem šam kelavi, haijat hasadeh tevakem.
9 .Šihetha jizrael ki vi ve-ezreha.
10 .Ehi malkeha efov, vejovšiaha behol areiha vešofeteiha, ašer amarta, tenah li meleh vesarim.
11 .Eten leha meleh beapi, ve-ekah be-evrati.
12 .Sarur avon efrajim, sefunah hatatov.
13 .Hevlei jovledah javou lov hu ven lo haham, ki et lo-jamod bemišbar banim.
14 .Mijad šeovl efdem, mimavet egalem ehi devareiha mavet ehi kataveha šeol, noham jisater me-einai.
15 .Ki hu, ben ahim jafri javov kadim ruah Jehovah mimidbar oleh vejevovš mekovrov vejeherav majanov, hu jišeh, ovsar kol keli hemdah.
16 .Tešam šomerovn, ki maretah beloheiha baherev jipolu, oleleihem jerutašu, veharijotav jevukau.
Hosea 14
1. Uvah jizrael, ad Jehovah eloheiha ki hašJehovahalta ba-avoneha.
2. Kehu immahem devarim, vešuvu el Jehovah imru elav kol tisa avon vekah tov, unešalemah farim sefateinu.
3. Ašur lo jovšienu al-sus lo nirkav, velo nomar ovd eloheinu lemaseh jadeinu ašer beha jeruham jatovm.
4 .Erpa mešuvatam, ohavem nedavah ki šav api mimenu.
5 .Ehjeh hatal lejizrael, jifrah kašovšanah vejah šarašav kalevanon.
6 .Jelehu jonekovtav, vihi hazajit hovdov vereiah lov kalevanovn.
7. Jašuvu joshevei vesilov, jehaiju dagan vejifrehu hagafen zihrov kejein levanovn.
8. Efrajim mah li ovd la-asabim ani aniti va-ašurenu ani kivrovš ranan, mimeni perjeha nimsa.
9. Mi haham vejaven eleh, navovn vejedaem ki ješarim darhei Jehovah vesadikim jelehu vam, ufošeim jikašelu vam.
הושע א
1 דְּבַר־יְהֹוָה ׀ אֲשֶׁר הָיָה אֶל־הוֹשֵׁעַ בֶּן־בְּאֵרִי בִּימֵי עֻזִּיָּה יוֹתָם אָחָז יְחִזְקִיָּה מַלְכֵי יְהוּדָה וּבִימֵי יָרָבְעָם בֶּן־יוֹאָשׁ מֶלֶךְ יִשְׂרָאֵֽל׃
2 תְּחִלַּת דִּבֶּר־יְהֹוָה בְּהוֹשֵׁעַ
וַיֹּאמֶר יְהֹוָה אֶל־הוֹשֵׁעַ לֵךְ קַח־לְךָ אֵשֶׁת זְנוּנִים וְיַלְדֵי זְנוּנִים כִּֽי־זָנֹה תִזְנֶה הָאָרֶץ מֵאַחֲרֵי יְהֹוָֽה׃
3 וַיֵּלֶךְ וַיִּקַּח אֶת־גֹּמֶר בַּת־דִּבְלָיִם וַתַּהַר וַתֵּלֶד־לוֹ בֵּֽן׃
4 וַיֹּאמֶר יְהֹוָה אֵלָיו קְרָא שְׁמוֹ יִזְרְעֶאל כִּי־עוֹד מְעַט וּפָקַדְתִּי אֶת־דְּמֵי יִזְרְעֶאל עַל־בֵּית יֵהוּא וְהִשְׁבַּתִּי מַמְלְכוּת בֵּית יִשְׂרָאֵֽל׃
5 וְהָיָה בַּיּוֹם הַהוּא וְשָֽׁבַרְתִּי אֶת־קֶשֶׁת יִשְׂרָאֵל בְּעֵמֶק יִזְרְעֶֽאל׃
6 וַתַּהַר עוֹד וַתֵּלֶד בַּת וַיֹּאמֶר לוֹ קְרָא שְׁמָהּ לֹא רֻחָמָה כִּי לֹא אוֹסִיף עוֹד אֲרַחֵם אֶת־בֵּית יִשְׂרָאֵל כִּֽי־נָשֹׂא אֶשָּׂא לָהֶֽם׃
7 וְאֶת־בֵּית יְהוּדָה אֲרַחֵם וְהוֹשַׁעְתִּים בַּיהֹוָה אֱלֹהֵיהֶם וְלֹא אוֹשִׁיעֵם בְּקֶשֶׁת וּבְחֶרֶב וּבְמִלְחָמָה בְּסוּסִים וּבְפָרָשִֽׁים׃
8 וַתִּגְמֹל אֶת־לֹא רֻחָמָה וַתַּהַר וַתֵּלֶד בֵּֽן׃
9 וַיֹּאמֶר קְרָא שְׁמוֹ לֹא עַמִּי כִּי אַתֶּם לֹא עַמִּי וְאָנֹכִי לֹא־אֶהְיֶה לָכֶֽם׃
הושע ב
1 וְֽהָיָה מִסְפַּר בְּנֵֽי־יִשְׂרָאֵל כְּחוֹל הַיָּם אֲשֶׁר לֹֽא־יִמַּד וְלֹא יִסָּפֵר וְֽהָיָה בִּמְקוֹם אֲשֶׁר־יֵאָמֵר לָהֶם לֹא־עַמִּי אַתֶּם יֵאָמֵר לָהֶם בְּנֵי אֵֽל־חָֽי׃
2 וְנִקְבְּצוּ בְּנֵֽי־יְהוּדָה וּבְנֵֽי־יִשְׂרָאֵל יַחְדָּו וְשָׂמוּ לָהֶם רֹאשׁ אֶחָד וְעָלוּ מִן־הָאָרֶץ כִּי גָדוֹל יוֹם יִזְרְעֶֽאל׃
3 אִמְרוּ לַאֲחֵיכֶם עַמִּי וְלַאֲחוֹתֵיכֶם רֻחָֽמָה׃
4 רִיבוּ בְאִמְּכֶם רִיבוּ כִּי־הִיא לֹא אִשְׁתִּי וְאָנֹכִי לֹא אִישָׁהּ וְתָסֵר זְנוּנֶיהָ מִפָּנֶיהָ וְנַאֲפוּפֶיהָ מִבֵּין שָׁדֶֽיהָ׃
5 פֶּן־אַפְשִׁיטֶנָּה עֲרֻמָּה וְהִצַּגְתִּיהָ כְּיוֹם הִוָּֽלְדָהּ וְשַׂמְתִּיהָ כַמִּדְבָּר וְשַׁתִּהָ כְּאֶרֶץ צִיָּה וַהֲמִתִּיהָ בַּצָּמָֽא׃
6 וְאֶת־בָּנֶיהָ לֹא אֲרַחֵם כִּֽי־בְנֵי זְנוּנִים הֵֽמָּה׃
7 כִּי זָֽנְתָה אִמָּם הֹבִישָׁה הוֹרָתָם כִּי אָמְרָה אֵלְכָה אַחֲרֵי מְאַֽהֲבַי נֹתְנֵי לַחְמִי וּמֵימַי צַמְרִי וּפִשְׁתִּי שַׁמְנִי וְשִׁקּוּיָֽי׃
8 לָכֵן הִנְנִי־שָׂךְ אֶת־דַּרְכֵּךְ בַּסִּירִים וְגָֽדַרְתִּי אֶת־גְּדֵרָהּ וּנְתִיבוֹתֶיהָ לֹא תִמְצָֽא׃
9 וְרִדְּפָה אֶת־מְאַהֲבֶיהָ וְלֹא־תַשִּׂיג אֹתָם וּבִקְשָׁתַם וְלֹא תִמְצָא וְאָמְרָה אֵלְכָה וְאָשׁוּבָה אֶל־אִישִׁי הָרִאשׁוֹן כִּי טוֹב לִי אָז מֵעָֽתָּה׃
10 וְהִיא לֹא יָֽדְעָה כִּי אָנֹכִי נָתַתִּי לָהּ הַדָּגָן וְהַתִּירוֹשׁ וְהַיִּצְהָר וְכֶסֶף הִרְבֵּיתִי לָהּ וְזָהָב עָשׂוּ לַבָּֽעַל׃
11 לָכֵן אָשׁוּב וְלָקַחְתִּי דְגָנִי בְּעִתּוֹ וְתִירוֹשִׁי בְּמוֹעֲדוֹ וְהִצַּלְתִּי צַמְרִי וּפִשְׁתִּי לְכַסּוֹת אֶת־עֶרְוָתָֽהּ׃
12 וְעַתָּה אֲגַלֶּה אֶת־נַבְלֻתָהּ לְעֵינֵי מְאַהֲבֶיהָ וְאִישׁ לֹא־יַצִּילֶנָּה מִיָּדִֽי׃
13 וְהִשְׁבַּתִּי כׇּל־מְשׂוֹשָׂהּ חַגָּהּ חׇדְשָׁהּ וְשַׁבַּתָּהּ וְכֹל מוֹעֲדָֽהּ׃
14 וַהֲשִׁמֹּתִי גַּפְנָהּ וּתְאֵנָתָהּ אֲשֶׁר אָמְרָה אֶתְנָה הֵמָּה לִי אֲשֶׁר נָתְנוּ־לִי מְאַהֲבָי וְשַׂמְתִּים לְיַעַר וַאֲכָלָתַם חַיַּת הַשָּׂדֶֽה׃
15 וּפָקַדְתִּי עָלֶיהָ אֶת־יְמֵי הַבְּעָלִים אֲשֶׁר תַּקְטִיר לָהֶם וַתַּעַד נִזְמָהּ וְחֶלְיָתָהּ וַתֵּלֶךְ אַחֲרֵי מְאַהֲבֶיהָ וְאֹתִי שָׁכְחָה נְאֻם־יְהֹוָֽה׃
16 לָכֵן הִנֵּה אָנֹכִי מְפַתֶּיהָ וְהֹלַכְתִּיהָ הַמִּדְבָּר וְדִבַּרְתִּי עַל־לִבָּֽהּ׃
17 וְנָתַתִּי לָהּ אֶת־כְּרָמֶיהָ מִשָּׁם וְאֶת־עֵמֶק עָכוֹר לְפֶתַח תִּקְוָה וְעָנְתָה שָּׁמָּה כִּימֵי נְעוּרֶיהָ וּכְיוֹם עֲלוֹתָהּ מֵאֶרֶץ־מִצְרָֽיִם׃
18 וְהָיָה בַיּוֹם־הַהוּא נְאֻם־יְהֹוָה תִּקְרְאִי אִישִׁי וְלֹא־תִקְרְאִי־לִי עוֹד בַּעְלִֽי׃
19 וַהֲסִרֹתִי אֶת־שְׁמוֹת הַבְּעָלִים מִפִּיהָ וְלֹא־יִזָּכְרוּ עוֹד בִּשְׁמָֽם׃
20 וְכָרַתִּי לָהֶם בְּרִית בַּיּוֹם הַהוּא עִם־חַיַּת הַשָּׂדֶה וְעִם־עוֹף הַשָּׁמַיִם וְרֶמֶשׂ הָאֲדָמָה
וְקֶשֶׁת וְחֶרֶב וּמִלְחָמָה אֶשְׁבּוֹר מִן־הָאָרֶץ וְהִשְׁכַּבְתִּים לָבֶֽטַח׃
21 וְאֵרַשְׂתִּיךְ לִי לְעוֹלָם וְאֵרַשְׂתִּיךְ לִי בְּצֶדֶק וּבְמִשְׁפָּט וּבְחֶסֶד וּֽבְרַחֲמִֽים׃
22 וְאֵרַשְׂתִּיךְ לִי בֶּאֱמוּנָה וְיָדַעַתְּ אֶת־יְהֹוָֽה׃
23 וְהָיָה ׀ בַּיּוֹם הַהוּא אֶֽעֱנֶה נְאֻם־יְהֹוָה אֶעֱנֶה אֶת־הַשָּׁמָיִם וְהֵם יַעֲנוּ אֶת־הָאָֽרֶץ׃
24 וְהָאָרֶץ תַּעֲנֶה אֶת־הַדָּגָן וְאֶת־הַתִּירוֹשׁ וְאֶת־הַיִּצְהָר וְהֵם יַעֲנוּ אֶֽת־יִזְרְעֶֽאל׃
25 וּזְרַעְתִּיהָ לִּי בָּאָרֶץ וְרִחַמְתִּי אֶת־לֹא רֻחָמָה וְאָמַרְתִּי לְלֹֽא־עַמִּי עַמִּי־אַתָּה וְהוּא יֹאמַר אֱלֹהָֽי׃
Hosea 3
1 וַיֹּאמֶר יְהֹוָה אֵלַי עוֹד לֵךְ אֱֽהַב־אִשָּׁה אֲהֻבַת רֵעַ וּמְנָאָפֶת כְּאַהֲבַת יְהֹוָה אֶת־בְּנֵי יִשְׂרָאֵל וְהֵם פֹּנִים אֶל־אֱלֹהִים אֲחֵרִים וְאֹהֲבֵי אֲשִׁישֵׁי עֲנָבִֽים׃
2 וָאֶכְּרֶהָ לִּי בַּחֲמִשָּׁה עָשָׂר כָּסֶף וְחֹמֶר שְׂעֹרִים וְלֵתֶךְ שְׂעֹרִֽים׃
3 וָאֹמַר אֵלֶיהָ יָמִים רַבִּים תֵּשְׁבִי לִי לֹא תִזְנִי וְלֹא תִֽהְיִי לְאִישׁ וְגַם־אֲנִי אֵלָֽיִךְ׃
4 כִּי ׀ יָמִים רַבִּים יֵֽשְׁבוּ בְּנֵי יִשְׂרָאֵל אֵין מֶלֶךְ וְאֵין שָׂר וְאֵין זֶבַח וְאֵין מַצֵּבָה וְאֵין אֵפוֹד וּתְרָפִֽים׃
5 אַחַר יָשֻׁבוּ בְּנֵי יִשְׂרָאֵל וּבִקְשׁוּ אֶת־יְהֹוָה אֱלֹהֵיהֶם וְאֵת דָּוִיד מַלְכָּם וּפָחֲדוּ אֶל־יְהֹוָה וְאֶל־טוּבוֹ בְּאַחֲרִית הַיָּמִֽים׃
Hosea 4
1 שִׁמְעוּ דְבַר־יְהֹוָה בְּנֵי יִשְׂרָאֵל כִּי רִיב לַֽיהֹוָה עִם־יוֹשְׁבֵי הָאָרֶץ כִּי אֵין־אֱמֶת וְֽאֵין־חֶסֶד וְאֵֽין־דַּעַת אֱלֹהִים בָּאָֽרֶץ׃
2 אָלֹה וְכַחֵשׁ וְרָצֹחַ וְגָנֹב וְנָאֹף פָּרָצוּ וְדָמִים בְּדָמִים נָגָֽעוּ׃
3 עַל־כֵּן ׀ תֶּאֱבַל הָאָרֶץ וְאֻמְלַל כׇּל־יוֹשֵׁב בָּהּ בְּחַיַּת הַשָּׂדֶה וּבְעוֹף הַשָּׁמָיִם וְגַם־דְּגֵי הַיָּם יֵאָסֵֽפוּ׃
4 אַךְ אִישׁ אַל־יָרֵב וְאַל־יוֹכַח אִישׁ וְעַמְּךָ כִּמְרִיבֵי כֹהֵֽן׃
5 וְכָשַׁלְתָּ הַיּוֹם וְכָשַׁל גַּם־נָבִיא עִמְּךָ לָיְלָה וְדָמִיתִי אִמֶּֽךָ׃
6 נִדְמוּ עַמִּי מִבְּלִי הַדָּעַת כִּי־אַתָּה הַדַּעַת מָאַסְתָּ ואמאסאך וְאֶמְאָֽסְךָ מִכַּהֵן לִי וַתִּשְׁכַּח תּוֹרַת אֱלֹהֶיךָ אֶשְׁכַּח בָּנֶיךָ גַּם־אָֽנִי׃
7 כְּרֻבָּם כֵּן חָטְאוּ־לִי כְּבוֹדָם בְּקָלוֹן אָמִֽיר׃
8 חַטַּאת עַמִּי יֹאכֵלוּ וְאֶל־עֲוֺנָם יִשְׂאוּ נַפְשֽׁוֹ׃
9 וְהָיָה כָעָם כַּכֹּהֵן וּפָקַדְתִּי עָלָיו דְּרָכָיו וּמַעֲלָלָיו אָשִׁיב לֽוֹ׃
10 וְאָֽכְלוּ וְלֹא יִשְׂבָּעוּ הִזְנוּ וְלֹא יִפְרֹצוּ כִּֽי־אֶת־יְהֹוָה עָזְבוּ לִשְׁמֹֽר׃
11 זְנוּת וְיַיִן וְתִירוֹשׁ יִֽקַּֽח־לֵֽב׃
12 עַמִּי בְּעֵצוֹ יִשְׁאָל וּמַקְלוֹ יַגִּיד לוֹ כִּי רוּחַ זְנוּנִים הִתְעָה וַיִּזְנוּ מִתַּחַת אֱלֹהֵיהֶֽם׃
13 עַל־רָאשֵׁי הֶהָרִים יְזַבֵּחוּ וְעַל־הַגְּבָעוֹת יְקַטֵּרוּ תַּחַת
אַלּוֹן וְלִבְנֶה וְאֵלָה כִּי טוֹב צִלָּהּ עַל־כֵּן תִּזְנֶינָה בְּנוֹתֵיכֶם וְכַלּוֹתֵיכֶם תְּנָאַֽפְנָה׃
14 לֹא־אֶפְקוֹד עַל־בְּנוֹתֵיכֶם כִּי תִזְנֶינָה וְעַל־כַּלּֽוֹתֵיכֶם כִּי תְנָאַפְנָה כִּי־הֵם עִם־הַזֹּנוֹת יְפָרֵדוּ וְעִם־הַקְּדֵשׁוֹת יְזַבֵּחוּ וְעָם לֹֽא־יָבִין יִלָּבֵֽט׃
15 אִם־זֹנֶה אַתָּה יִשְׂרָאֵל אַל־יֶאְשַׁם יְהוּדָה וְאַל־תָּבֹאוּ הַגִּלְגָּל וְאַֽל־תַּעֲלוּ בֵּית אָוֶן וְאַל־תִּשָּׁבְעוּ חַי־יְהֹוָֽה׃
16 כִּי כְּפָרָה סֹרֵרָה סָרַר יִשְׂרָאֵל עַתָּה יִרְעֵם יְהֹוָה כְּכֶבֶשׂ בַּמֶּרְחָֽב׃
17 חֲבוּר עֲצַבִּים אֶפְרָיִם הַֽנַּֽח־לֽוֹ׃
18 סָר סׇבְאָם הַזְנֵה הִזְנוּ אָהֲבוּ הֵבוּ קָלוֹן מָגִנֶּֽיהָ׃
19 צָרַר רוּחַ אוֹתָהּ בִּכְנָפֶיהָ וְיֵבֹשׁוּ מִזִּבְחוֹתָֽם׃
Hosea 5
1 שִׁמְעוּ־זֹאת הַכֹּהֲנִים וְהַקְשִׁיבוּ ׀ בֵּית יִשְׂרָאֵל וּבֵית
הַמֶּלֶךְ הַאֲזִינוּ כִּי לָכֶם הַמִּשְׁפָּט כִּי־פַח הֱיִיתֶם לְמִצְפָּה וְרֶשֶׁת פְּרוּשָׂה עַל־תָּבֽוֹר׃
2 וְשַׁחֲטָה שֵׂטִים הֶעְמִיקוּ וַאֲנִי מוּסָר לְכֻלָּֽם׃
3 אֲנִי יָדַעְתִּי אֶפְרַיִם וְיִשְׂרָאֵל לֹא־נִכְחַד מִמֶּנִּי כִּי עַתָּה הִזְנֵיתָ אֶפְרַיִם נִטְמָא יִשְׂרָאֵֽל׃
4 לֹא יִתְּנוּ מַעַלְלֵיהֶם לָשׁוּב אֶל־אֱלֹֽהֵיהֶם כִּי רוּחַ זְנוּנִים בְּקִרְבָּם וְאֶת־יְהֹוָה לֹא יָדָֽעוּ׃
5 וְעָנָה גְאֽוֹן־יִשְׂרָאֵל בְּפָנָיו וְיִשְׂרָאֵל וְאֶפְרַיִם יִכָּֽשְׁלוּ בַּעֲוֺנָם כָּשַׁל גַּם־יְהוּדָה עִמָּֽם׃
6 בְּצֹאנָם וּבִבְקָרָם יֵלְכוּ לְבַקֵּשׁ אֶת־יְהֹוָה וְלֹא יִמְצָאוּ חָלַץ מֵהֶֽם׃
7 בַּיהֹוָה בָּגָדוּ כִּי־בָנִים זָרִים יָלָדוּ עַתָּה יֹאכְלֵם חֹדֶשׁ אֶת־חֶלְקֵיהֶֽם׃
8 תִּקְעוּ שׁוֹפָר בַּגִּבְעָה חֲצֹצְרָה בָּרָמָה הָרִיעוּ בֵּית אָוֶן אַחֲרֶיךָ בִּנְיָמִֽין׃
9 אֶפְרַיִם לְשַׁמָּה תִֽהְיֶה בְּיוֹם תּוֹכֵחָה בְּשִׁבְטֵי יִשְׂרָאֵל הוֹדַעְתִּי נֶאֱמָנָֽה׃
10 הָיוּ שָׂרֵי יְהוּדָה כְּמַסִּיגֵי גְּבוּל עֲלֵיהֶם אֶשְׁפּוֹךְ כַּמַּיִם עֶבְרָתִֽי׃
11 עָשׁוּק אֶפְרַיִם רְצוּץ מִשְׁפָּט כִּי הוֹאִיל הָלַךְ אַחֲרֵי־צָֽו׃
12 וַאֲנִי כָעָשׁ לְאֶפְרָיִם וְכָרָקָב לְבֵית יְהוּדָֽה׃
13 וַיַּרְא אֶפְרַיִם אֶת־חׇלְיוֹ וִֽיהוּדָה אֶת־מְזֹרוֹ וַיֵּלֶךְ אֶפְרַיִם אֶל־אַשּׁוּר וַיִּשְׁלַח אֶל־מֶלֶךְ יָרֵב וְהוּא לֹא יוּכַל לִרְפֹּא לָכֶם וְלֹא־יִגְהֶה מִכֶּם מָזֽוֹר׃
14 כִּי אָנֹכִי כַשַּׁחַל לְאֶפְרַיִם וְכַכְּפִיר לְבֵית יְהוּדָה אֲנִי אֲנִי אֶטְרֹף וְאֵלֵךְ אֶשָּׂא וְאֵין מַצִּֽיל׃
15 אֵלֵךְ אָשׁוּבָה אֶל־מְקוֹמִי עַד אֲשֶֽׁר־יֶאְשְׁמוּ וּבִקְשׁוּ פָנָי בַּצַּר לָהֶם יְשַׁחֲרֻֽנְנִי׃
Hosea 6
1 לְכוּ וְנָשׁוּבָה אֶל־יְהֹוָה כִּי הוּא טָרָף וְיִרְפָּאֵנוּ יַךְ וְיַחְבְּשֵֽׁנוּ׃
2 יְחַיֵּנוּ מִיֹּמָיִם בַּיּוֹם הַשְּׁלִישִׁי יְקִמֵנוּ וְנִחְיֶה לְפָנָֽיו׃
3 וְנֵדְעָה נִרְדְּפָה לָדַעַת אֶת־יְהֹוָה כְּשַׁחַר נָכוֹן מֹֽצָאוֹ וְיָבוֹא כַגֶּשֶׁם לָנוּ כְּמַלְקוֹשׁ יוֹרֶה אָֽרֶץ׃
4 מָה אֶֽעֱשֶׂה־לְּךָ אֶפְרַיִם מָה אֶעֱשֶׂה־לְּךָ יְהוּדָה וְחַסְדְּכֶם כַּעֲנַן־בֹּקֶר וְכַטַּל מַשְׁכִּים הֹלֵֽךְ׃
5 עַל־כֵּן חָצַבְתִּי בַּנְּבִיאִים הֲרַגְתִּים בְּאִמְרֵי־פִי וּמִשְׁפָּטֶיךָ אוֹר יֵצֵֽא׃
6 כִּי חֶסֶד חָפַצְתִּי וְלֹא־זָבַח וְדַעַת אֱלֹהִים מֵעֹלֽוֹת׃
7 וְהֵמָּה כְּאָדָם עָבְרוּ בְרִית שָׁם בָּגְדוּ בִֽי׃
8 גִּלְעָד קִרְיַת פֹּעֲלֵי אָוֶן עֲקֻבָּה מִדָּֽם׃
9 וּכְחַכֵּי אִישׁ גְּדוּדִים חֶבֶר כֹּהֲנִים דֶּרֶךְ יְרַצְּחוּ־שֶׁכְמָה כִּי זִמָּה עָשֽׂוּ׃
10 בְּבֵית יִשְׂרָאֵל רָאִיתִי שעריריה שַׁעֲרֽוּרִיָּה שָׁם זְנוּת לְאֶפְרַיִם נִטְמָא יִשְׂרָאֵֽל׃
11 גַּם־יְהוּדָה שָׁת קָצִיר לָךְ בְּשׁוּבִי שְׁבוּת עַמִּֽי׃
Hosea 7
1 כְּרׇפְאִי לְיִשְׂרָאֵל וְנִגְלָה עֲוֺן אֶפְרַיִם וְרָעוֹת שֹׁמְרוֹן כִּי פָעֲלוּ שָׁקֶר וְגַנָּב יָבוֹא פָּשַׁט גְּדוּד בַּחֽוּץ׃
2 וּבַל־יֹֽאמְרוּ לִלְבָבָם כׇּל־רָעָתָם זָכָרְתִּי עַתָּה סְבָבוּם מַעַלְלֵיהֶם נֶגֶד פָּנַי הָיֽוּ׃
3 בְּרָעָתָם יְשַׂמְּחוּ־מֶלֶךְ וּבְכַחֲשֵׁיהֶם שָׂרִֽים׃
4 כֻּלָּם מְנָאֲפִים כְּמוֹ תַנּוּר בֹּעֵרָה מֵאֹפֶה יִשְׁבּוֹת מֵעִיר מִלּוּשׁ בָּצֵק עַד־חֻמְצָתֽוֹ׃
5 יוֹם מַלְכֵּנוּ הֶחֱלוּ שָׂרִים חֲמַת מִיָּיִן מָשַׁךְ יָדוֹ אֶת־לֹצְצִֽים׃
6 כִּֽי־קֵרְבוּ כַתַּנּוּר לִבָּם בְּאׇרְבָּם כׇּל־הַלַּיְלָה יָשֵׁן אֹֽפֵהֶם בֹּקֶר הוּא בֹעֵר כְּאֵשׁ לֶהָבָֽה׃
7 כֻּלָּם יֵחַמּוּ כַּתַּנּוּר וְאָכְלוּ אֶת־שֹׁפְטֵיהֶם כׇּל־מַלְכֵיהֶם נָפָלוּ אֵין־קֹרֵא בָהֶם אֵלָֽי׃
8 אֶפְרַיִם בָּעַמִּים הוּא יִתְבּוֹלָל אֶפְרַיִם הָיָה עֻגָה בְּלִי הֲפוּכָֽה׃
9 אָכְלוּ זָרִים כֹּחוֹ וְהוּא לֹא יָדָע גַּם־שֵׂיבָה זָרְקָה בּוֹ וְהוּא לֹא יָדָֽע׃
10 וְעָנָה גְאֽוֹן־יִשְׂרָאֵל בְּפָנָיו וְלֹא־שָׁבוּ אֶל־יְהֹוָה אֱלֹהֵיהֶם וְלֹא בִקְשֻׁהוּ בְּכׇל־זֹֽאת׃
11 וַיְהִי אֶפְרַיִם כְּיוֹנָה פוֹתָה אֵין לֵב מִצְרַיִם קָרָאוּ אַשּׁוּר הָלָֽכוּ׃
12 כַּאֲשֶׁר יֵלֵכוּ אֶפְרוֹשׂ עֲלֵיהֶם רִשְׁתִּי כְּעוֹף הַשָּׁמַיִם אוֹרִידֵם אַיְסִירֵם כְּשֵׁמַע לַעֲדָתָֽם׃
13 אוֹי לָהֶם כִּֽי־נָדְדוּ מִמֶּנִּי שֹׁד לָהֶם כִּי־פָשְׁעוּ בִי וְאָנֹכִי אֶפְדֵּם וְהֵמָּה דִּבְּרוּ עָלַי כְּזָבִֽים׃
14 וְלֹא־זָעֲקוּ אֵלַי בְּלִבָּם כִּי יְיֵלִילוּ עַל־מִשְׁכְּבוֹתָם עַל־דָּגָן וְתִירוֹשׁ יִתְגּוֹרָרוּ יָסוּרוּ בִֽי׃
15 וַאֲנִי יִסַּרְתִּי חִזַּקְתִּי זְרוֹעֹתָם וְאֵלַי יְחַשְּׁבוּ־רָֽע׃
16 יָשׁוּבוּ ׀ לֹא עָל הָיוּ כְּקֶשֶׁת רְמִיָּה יִפְּלוּ בַחֶרֶב שָׂרֵיהֶם מִזַּעַם לְשׁוֹנָם זוֹ לַעְגָּם בְּאֶרֶץ מִצְרָֽיִם׃
Hosea 8
1 אֶל־חִכְּךָ שֹׁפָר כַּנֶּשֶׁר עַל־בֵּית יְהֹוָה יַעַן עָבְרוּ בְרִיתִי וְעַל־תּוֹרָתִי פָּשָֽׁעוּ׃
2 לִי יִזְעָקוּ אֱלֹהַי יְֽדַעֲנוּךָ יִשְׂרָאֵֽל׃
3 זָנַח יִשְׂרָאֵל טוֹב אוֹיֵב יִרְדְּפֽוֹ׃
4 הֵם הִמְלִיכוּ וְלֹא מִמֶּנִּי הֵשִׂירוּ וְלֹא יָדָעְתִּי כַּסְפָּם וּזְהָבָם עָשׂוּ לָהֶם עֲצַבִּים לְמַעַן יִכָּרֵֽת׃
5 זָנַח עֶגְלֵךְ שֹׁמְרוֹן חָרָה אַפִּי בָּם עַד־מָתַי לֹא יוּכְלוּ נִקָּיֹֽן׃
6 כִּי מִיִּשְׂרָאֵל וְהוּא חָרָשׁ עָשָׂהוּ וְלֹא אֱלֹהִים הוּא כִּֽי־שְׁבָבִים יִֽהְיֶה עֵגֶל שֹׁמְרֽוֹן׃
7 כִּי רוּחַ יִזְרָעוּ וְסוּפָתָה יִקְצֹרוּ קָמָה אֵֽין־לוֹ צֶמַח בְּלִי יַעֲשֶׂה־קֶּמַח אוּלַי יַעֲשֶׂה זָרִים יִבְלָעֻֽהוּ׃
8 נִבְלַע יִשְׂרָאֵל עַתָּה הָיוּ בַגּוֹיִם כִּכְלִי אֵֽין־חֵפֶץ בּֽוֹ׃
9 כִּי־הֵמָּה עָלוּ אַשּׁוּר פֶּרֶא בּוֹדֵד לוֹ אֶפְרַיִם הִתְנוּ אֲהָבִֽים׃
10 גַּם כִּֽי־יִתְנוּ בַגּוֹיִם עַתָּה אֲקַבְּצֵם וַיָּחֵלּוּ מְּעָט מִמַּשָּׂא מֶלֶךְ שָׂרִֽים׃
11 כִּי־הִרְבָּה אֶפְרַיִם מִזְבְּחוֹת לַחֲטֹא הָיוּ־לוֹ מִזְבְּחוֹת לַחֲטֹֽא׃
אכתוב
12 אכתוב אֶכְתׇּב־לוֹ רבו רֻבֵּי תּוֹרָתִי כְּמוֹ־זָר נֶחְשָֽׁבוּ׃
13 זִבְחֵי הַבְהָבַי יִזְבְּחוּ בָשָׂר וַיֹּאכֵלוּ יְהֹוָה לֹא רָצָם עַתָּה יִזְכֹּר עֲוֺנָם וְיִפְקֹד חַטֹּאותָם הֵמָּה מִצְרַיִם יָשֽׁוּבוּ׃
14 וַיִּשְׁכַּח יִשְׂרָאֵל אֶת־עֹשֵׂהוּ וַיִּבֶן הֵיכָלוֹת וִיהוּדָה הִרְבָּה עָרִים בְּצֻרוֹת וְשִׁלַּחְתִּי־אֵשׁ בְּעָרָיו וְאָכְלָה אַרְמְנֹתֶֽיהָ׃
Hosea 9
1 אַל־תִּשְׂמַח יִשְׂרָאֵל ׀ אֶל־גִּיל כָּעַמִּים כִּי זָנִיתָ מֵעַל אֱלֹהֶיךָ אָהַבְתָּ אֶתְנָן עַל כׇּל־גׇּרְנוֹת דָּגָֽן׃
2 גֹּרֶן וָיֶקֶב לֹא יִרְעֵם וְתִירוֹשׁ יְכַחֶשׁ בָּֽהּ׃
3 לֹא יֵשְׁבוּ בְּאֶרֶץ יְהֹוָה וְשָׁב אֶפְרַיִם מִצְרַיִם וּבְאַשּׁוּר טָמֵא יֹאכֵֽלוּ׃
4 לֹא־יִסְּכוּ לַיהֹוָה ׀ יַיִן וְלֹא יֶעֶרְבוּ־לוֹ זִבְחֵיהֶם כְּלֶחֶם אוֹנִים
לָהֶם כׇּל־אֹכְלָיו יִטַּמָּאוּ כִּֽי־לַחְמָם לְנַפְשָׁם לֹא יָבוֹא בֵּית יְהֹוָֽה׃
5 מַֽה־תַּעֲשׂוּ לְיוֹם מוֹעֵד וּלְיוֹם חַג־יְהֹוָֽה׃
6 כִּֽי־הִנֵּה הָֽלְכוּ מִשֹּׁד מִצְרַיִם תְּקַבְּצֵם מֹף תְּקַבְּרֵם מַחְמַד לְכַסְפָּם קִמּוֹשׂ יִֽירָשֵׁם חוֹחַ בְּאׇהֳלֵיהֶֽם׃
7 בָּאוּ ׀ יְמֵי הַפְּקֻדָּה בָּאוּ יְמֵי הַשִּׁלֻּם יֵדְעוּ יִשְׂרָאֵל אֱוִיל הַנָּבִיא מְשֻׁגָּע אִישׁ הָרוּחַ עַל רֹב עֲוֺנְךָ וְרַבָּה מַשְׂטֵמָֽה׃
8 צֹפֶה אֶפְרַיִם עִם־אֱלֹהָי נָבִיא פַּח יָקוֹשׁ עַל־כׇּל־דְּרָכָיו מַשְׂטֵמָה בְּבֵית אֱלֹהָֽיו׃
9 הֶעְמִיקוּ שִׁחֵתוּ כִּימֵי הַגִּבְעָה יִזְכּוֹר עֲוֺנָם יִפְקוֹד חַטֹּאותָֽם׃
10 כַּעֲנָבִים בַּמִּדְבָּר מָצָאתִי יִשְׂרָאֵל כְּבִכּוּרָה בִתְאֵנָה בְּרֵאשִׁיתָהּ רָאִיתִי אֲבוֹתֵיכֶם הֵמָּה בָּאוּ בַֽעַל־פְּעוֹר וַיִּנָּֽזְרוּ לַבֹּשֶׁת וַיִּהְיוּ שִׁקּוּצִים כְּאׇהֳבָֽם׃
11 אֶפְרַיִם כָּעוֹף יִתְעוֹפֵף כְּבוֹדָם מִלֵּדָה וּמִבֶּטֶן וּמֵהֵרָיֽוֹן׃
12 כִּי אִם־יְגַדְּלוּ אֶת־בְּנֵיהֶם וְשִׁכַּלְתִּים מֵאָדָם כִּֽי־גַם־אוֹי לָהֶם בְּשׂוּרִי מֵהֶֽם׃
13 אֶפְרַיִם כַּאֲשֶׁר־רָאִיתִי לְצוֹר שְׁתוּלָה בְנָוֶה וְאֶפְרַיִם לְהוֹצִיא אֶל־הֹרֵג בָּנָֽיו׃
14 תֵּן־לָהֶם יְהֹוָה מַה־תִּתֵּן תֵּן־לָהֶם רֶחֶם מַשְׁכִּיל וְשָׁדַיִם צֹמְקִֽים׃
15 כׇּל־רָעָתָם בַּגִּלְגָּל כִּי־שָׁם שְׂנֵאתִים עַל רֹעַ מַעַלְלֵיהֶם מִבֵּיתִי אֲגָרְשֵׁם לֹא אוֹסֵף אַהֲבָתָם כׇּל־שָׂרֵיהֶם סֹרְרִֽים׃
16 הֻכָּה אֶפְרַיִם שׇׁרְשָׁם יָבֵשׁ פְּרִי בלי בַֽל־יַעֲשׂוּן גַּם כִּי יֵלֵדוּן וְהֵמַתִּי מַחֲמַדֵּי בִטְנָֽם׃
17 יִמְאָסֵם אֱלֹהַי כִּי לֹא שָׁמְעוּ לוֹ וְיִֽהְיוּ נֹדְדִים בַּגּוֹיִֽם׃
Hosea 10
1 גֶּפֶן בּוֹקֵק יִשְׂרָאֵל פְּרִי יְשַׁוֶּה־לּוֹ כְּרֹב לְפִרְיוֹ הִרְבָּה לַֽמִּזְבְּחוֹת כְּטוֹב לְאַרְצוֹ הֵיטִיבוּ מַצֵּבֽוֹת׃
2 חָלַק לִבָּם עַתָּה יֶאְשָׁמוּ הוּא יַעֲרֹף מִזְבְּחוֹתָם יְשֹׁדֵד מַצֵּבוֹתָֽם׃
3 כִּי עַתָּה יֹֽאמְרוּ אֵין מֶלֶךְ לָנוּ כִּי לֹא יָרֵאנוּ אֶת־יְהֹוָה וְהַמֶּלֶךְ מַה־יַּעֲשֶׂה־לָּֽנוּ׃
4 דִּבְּרוּ דְבָרִים אָלוֹת שָׁוְא כָּרֹת בְּרִית וּפָרַח כָּרֹאשׁ מִשְׁפָּט עַל תַּלְמֵי שָׂדָֽי׃
5 לְעֶגְלוֹת בֵּית אָוֶן יָגוּרוּ שְׁכַן שֹׁמְרוֹן כִּֽי־אָבַל עָלָיו עַמּוֹ וּכְמָרָיו עָלָיו יָגִילוּ עַל־כְּבוֹדוֹ כִּי־גָלָה מִמֶּֽנּוּ׃
6 גַּם־אוֹתוֹ לְאַשּׁוּר יוּבָל מִנְחָה לְמֶלֶךְ יָרֵב בׇּשְׁנָה אֶפְרַיִם יִקָּח וְיֵבוֹשׁ יִשְׂרָאֵל מֵעֲצָתֽוֹ׃
7 נִדְמֶה שֹׁמְרוֹן מַלְכָּהּ כְּקֶצֶף עַל־פְּנֵי־מָֽיִם׃
8 וְנִשְׁמְדוּ בָּמוֹת אָוֶן חַטַּאת יִשְׂרָאֵל קוֹץ וְדַרְדַּר יַעֲלֶה עַל־מִזְבְּחוֹתָם וְאָמְרוּ לֶהָרִים כַּסּוּנוּ וְלַגְּבָעוֹת נִפְלוּ עָלֵֽינוּ׃
9 מִימֵי הַגִּבְעָה חָטָאתָ יִשְׂרָאֵל שָׁם עָמָדוּ לֹא־תַשִּׂיגֵם בַּגִּבְעָה מִלְחָמָה עַל־בְּנֵי עַֽלְוָֽה׃
10 בְּאַוָּתִי וְאֶסֳּרֵם וְאֻסְּפוּ עֲלֵיהֶם עַמִּים בְּאׇסְרָם לִשְׁתֵּי עינתם עוֹנֹתָֽם׃
11 וְאֶפְרַיִם עֶגְלָה מְלֻמָּדָה אֹהַבְתִּי לָדוּשׁ וַאֲנִי עָבַרְתִּי עַל־טוּב צַוָּארָהּ אַרְכִּיב אֶפְרַיִם יַחֲרוֹשׁ יְהוּדָה יְשַׂדֶּד־לוֹ יַעֲקֹֽב׃
12 זִרְעוּ לָכֶם לִצְדָקָה קִצְרוּ לְפִי־חֶסֶד נִירוּ לָכֶם נִיר וְעֵת לִדְרוֹשׁ אֶת־יְהֹוָה עַד־יָבוֹא וְיֹרֶה צֶדֶק לָכֶֽם׃
13 חֲרַשְׁתֶּם־רֶשַׁע עַוְלָתָה קְצַרְתֶּם אֲכַלְתֶּם פְּרִי־כָחַשׁ כִּי־בָטַחְתָּ בְדַרְכְּךָ בְּרֹב גִּבּוֹרֶֽיךָ׃
14 וְקָאם שָׁאוֹן בְּעַמֶּךָ וְכׇל־מִבְצָרֶיךָ יוּשַּׁד כְּשֹׁד שַֽׁלְמַן בֵּית אַֽרְבֵאל בְּיוֹם מִלְחָמָה אֵם עַל־בָּנִים רֻטָּֽשָׁה׃
15 כָּכָה עָשָׂה לָכֶם בֵּֽית־אֵל מִפְּנֵי רָעַת רָעַתְכֶם בַּשַּׁחַר נִדְמֹה נִדְמָה מֶלֶךְ יִשְׂרָאֵֽל׃
Hosea 11
1 כִּי נַעַר יִשְׂרָאֵל וָאֹהֲבֵהוּ וּמִמִּצְרַיִם קָרָאתִי לִבְנִֽי׃
2 קָרְאוּ לָהֶם כֵּן הָלְכוּ מִפְּנֵיהֶם לַבְּעָלִים יְזַבֵּחוּ וְלַפְּסִלִים יְקַטֵּרֽוּן׃
3 וְאָנֹכִי תִרְגַּלְתִּי לְאֶפְרַיִם קָחָם עַל־זְרוֹעֹתָיו וְלֹא יָדְעוּ כִּי רְפָאתִֽים׃
4 בְּחַבְלֵי אָדָם אֶמְשְׁכֵם בַּעֲבֹתוֹת אַהֲבָה וָאֶהְיֶה לָהֶם כִּמְרִימֵי עֹל עַל לְחֵיהֶם וְאַט אֵלָיו אוֹכִֽיל׃
5 לֹא יָשׁוּב אֶל־אֶרֶץ מִצְרַיִם וְאַשּׁוּר הוּא מַלְכּוֹ כִּי מֵאֲנוּ לָשֽׁוּב׃
6 וְחָלָה חֶרֶב בְּעָרָיו וְכִלְּתָה בַדָּיו וְאָכָלָה מִֽמֹּעֲצוֹתֵיהֶֽם׃
7 וְעַמִּי תְלוּאִים לִמְשׁוּבָתִי וְאֶל־עַל יִקְרָאֻהוּ יַחַד לֹא יְרוֹמֵֽם׃
8 אֵיךְ אֶתֶּנְךָ אֶפְרַיִם אֲמַגֶּנְךָ יִשְׂרָאֵל אֵיךְ אֶתֶּנְךָ כְאַדְמָה אֲשִֽׂימְךָ כִּצְבֹאיִם נֶהְפַּךְ עָלַי לִבִּי יַחַד נִכְמְרוּ נִֽחוּמָֽי׃
9 לֹא אֶֽעֱשֶׂה חֲרוֹן אַפִּי לֹא אָשׁוּב לְשַׁחֵת אֶפְרָיִם כִּי אֵל אָנֹכִי וְלֹא־אִישׁ בְּקִרְבְּךָ קָדוֹשׁ וְלֹא אָבוֹא בְּעִֽיר׃
10 אַחֲרֵי יְהֹוָה יֵלְכוּ כְּאַרְיֵה יִשְׁאָג כִּֽי־הוּא יִשְׁאַג וְיֶחֶרְדוּ בָנִים מִיָּֽם׃
11 יֶחֶרְדוּ כְצִפּוֹר מִמִּצְרַיִם וּכְיוֹנָה מֵאֶרֶץ אַשּׁוּר וְהוֹשַׁבְתִּים עַל־בָּתֵּיהֶם נְאֻם־יְהֹוָֽה׃
Hosea 12
1 סְבָבֻנִֽי בְכַחַשׁ אֶפְרַיִם וּבְמִרְמָה בֵּית יִשְׂרָאֵל וִיהוּדָה עֹד רָד עִם־אֵל וְעִם־קְדוֹשִׁים נֶאֱמָֽן׃
2 אֶפְרַיִם רֹעֶה רוּחַ וְרֹדֵף קָדִים כׇּל־הַיּוֹם כָּזָב וָשֹׁד יַרְבֶּה וּבְרִית עִם־אַשּׁוּר יִכְרֹתוּ וְשֶׁמֶן לְמִצְרַיִם יוּבָֽל׃
3 וְרִיב לַיהֹוָה עִם־יְהוּדָה וְלִפְקֹד עַֽל־יַעֲקֹב כִּדְרָכָיו כְּמַעֲלָלָיו יָשִׁיב לֽוֹ׃
4 בַּבֶּטֶן עָקַב אֶת־אָחִיו וּבְאוֹנוֹ שָׂרָה אֶת־אֱלֹהִֽים׃
5 וַיָּשַׂר אֶל־מַלְאָךְ וַיֻּכָל בָּכָה וַיִּתְחַנֶּן־לוֹ בֵּֽית־אֵל יִמְצָאֶנּוּ וְשָׁם יְדַבֵּר עִמָּֽנוּ׃
6 וַיהֹוָה אֱלֹהֵי הַצְּבָאוֹת יְהֹוָה זִכְרֽוֹ׃
7 וְאַתָּה בֵּאלֹהֶיךָ תָשׁוּב חֶסֶד וּמִשְׁפָּט שְׁמֹר וְקַוֵּה אֶל־אֱלֹהֶיךָ תָּמִֽיד׃
8 כְּנַעַן בְּיָדוֹ מֹאזְנֵי מִרְמָה לַעֲשֹׁק אָהֵֽב׃
9 וַיֹּאמֶר אֶפְרַיִם אַךְ עָשַׁרְתִּי מָצָאתִי אוֹן לִי כׇּל־יְגִיעַי לֹא יִמְצְאוּ־לִי עָוֹן אֲשֶׁר־חֵֽטְא׃
10 וְאָנֹכִי יְהֹוָה אֱלֹהֶיךָ מֵאֶרֶץ מִצְרָיִם עֹד אוֹשִֽׁיבְךָ בׇאֳהָלִים כִּימֵי מוֹעֵֽד׃
11 וְדִבַּרְתִּי עַל־הַנְּבִיאִים וְאָנֹכִי חָזוֹן הִרְבֵּיתִי וּבְיַד הַנְּבִיאִים אֲדַמֶּֽה׃
12 אִם־גִּלְעָד אָוֶן אַךְ־שָׁוְא הָיוּ בַּגִּלְגָּל שְׁוָרִים זִבֵּחוּ גַּם מִזְבְּחוֹתָם כְּגַלִּים עַל תַּלְמֵי שָׂדָֽי׃
13 וַיִּבְרַח יַעֲקֹב שְׂדֵה אֲרָם וַיַּעֲבֹד יִשְׂרָאֵל בְּאִשָּׁה וּבְאִשָּׁה שָׁמָֽר׃
14 וּבְנָבִיא הֶעֱלָה יְהֹוָה אֶת־יִשְׂרָאֵל מִמִּצְרָיִם וּבְנָבִיא נִשְׁמָֽר׃
15 הִכְעִיס אֶפְרַיִם תַּמְרוּרִים וְדָמָיו עָלָיו יִטּוֹשׁ וְחֶרְפָּתוֹ יָשִׁיב לוֹ אֲדֹנָֽיו׃
Hosea 13
1 כְּדַבֵּר אֶפְרַיִם רְתֵת נָשָׂא הוּא בְּיִשְׂרָאֵל וַיֶּאְשַׁם בַּבַּעַל וַיָּמֹֽת׃
2 וְעַתָּה ׀ יוֹסִפוּ לַחֲטֹא וַיַּעֲשׂוּ לָהֶם מַסֵּכָה מִכַּסְפָּם כִּתְבוּנָם עֲצַבִּים
מַעֲשֵׂה חָרָשִׁים כֻּלֹּה לָהֶם הֵם אֹמְרִים זֹבְחֵי אָדָם עֲגָלִים יִשָּׁקֽוּן׃
3 לָכֵן יִֽהְיוּ כַּעֲנַן־בֹּקֶר וְכַטַּל מַשְׁכִּים הֹלֵךְ כְּמֹץ יְסֹעֵר מִגֹּרֶן וּכְעָשָׁן מֵאֲרֻבָּֽה׃
4 וְאָנֹכִי יְהֹוָה אֱלֹהֶיךָ מֵאֶרֶץ מִצְרָיִם וֵאלֹהִים זוּלָתִי לֹא תֵדָע וּמוֹשִׁיעַ אַיִן בִּלְתִּֽי׃
5 אֲנִי יְדַעְתִּיךָ בַּמִּדְבָּר בְּאֶרֶץ תַּלְאֻבֽוֹת׃
6 כְּמַרְעִיתָם וַיִּשְׂבָּעוּ שָׂבְעוּ וַיָּרׇם לִבָּם עַל־כֵּן שְׁכֵחֽוּנִי׃
7 וָאֱהִי לָהֶם כְּמוֹ־שָׁחַל כְּנָמֵר עַל־דֶּרֶךְ אָשֽׁוּר׃
8 אֶפְגְּשֵׁם כְּדֹב שַׁכּוּל וְאֶקְרַע סְגוֹר לִבָּם וְאֹכְלֵם שָׁם כְּלָבִיא חַיַּת הַשָּׂדֶה תְּבַקְּעֵֽם׃
9 שִׁחֶתְךָ יִשְׂרָאֵל כִּי־בִי בְעֶזְרֶֽךָ׃
10 אֱהִי מַלְכְּךָ אֵפוֹא וְיוֹשִׁיעֲךָ בְּכׇל־עָרֶיךָ וְשֹׁפְטֶיךָ אֲשֶׁר אָמַרְתָּ תְּנָה־לִּי מֶלֶךְ וְשָׂרִֽים׃
11 אֶֽתֶּן־לְךָ מֶלֶךְ בְּאַפִּי וְאֶקַּח בְּעֶבְרָתִֽי׃
12 צָרוּר עֲוֺן אֶפְרָיִם צְפוּנָה חַטָּאתֽוֹ׃
13 חֶבְלֵי יוֹלֵדָה יָבֹאוּ לוֹ הוּא־בֵן לֹא חָכָם כִּי־עֵת לֹֽא־יַעֲמֹד בְּמִשְׁבַּר בָּנִֽים׃
14 מִיַּד שְׁאוֹל אֶפְדֵּם מִמָּוֶת אֶגְאָלֵם אֱהִי דְבָרֶיךָ מָוֶת אֱהִי קָֽטׇבְךָ שְׁאוֹל נֹחַם יִסָּתֵר מֵעֵינָֽי׃
15 כִּי הוּא בֵּין אַחִים יַפְרִיא יָבוֹא קָדִים רוּחַ יְהֹוָה מִמִּדְבָּר עֹלֶה וְיֵבוֹשׁ מְקוֹרוֹ וְיֶחֱרַב מַעְיָנוֹ הוּא יִשְׁסֶה אוֹצַר כׇּל־כְּלִי חֶמְדָּֽה׃
Hosea 14
1 תֶּאְשַׁם שֹׁמְרוֹן כִּי מָרְתָה בֵּאלֹהֶיהָ בַּחֶרֶב יִפֹּלוּ עֹלְלֵיהֶם יְרֻטָּשׁוּ וְהָרִיּוֹתָיו יְבֻקָּֽעוּ׃
2 שׁוּבָה יִשְׂרָאֵל עַד יְהֹוָה אֱלֹהֶיךָ כִּי כָשַׁלְתָּ בַּעֲוֺנֶֽךָ׃
3 קְחוּ עִמָּכֶם דְּבָרִים וְשׁוּבוּ אֶל־יְהֹוָה אִמְרוּ אֵלָיו כׇּל־תִּשָּׂא עָוֺן וְקַח־טוֹב וּֽנְשַׁלְּמָה פָרִים שְׂפָתֵֽינוּ׃
4 אַשּׁוּר ׀ לֹא יוֹשִׁיעֵנוּ עַל־סוּס לֹא נִרְכָּב וְלֹא־נֹאמַר עוֹד אֱלֹהֵינוּ לְמַעֲשֵׂה יָדֵינוּ אֲשֶׁר־בְּךָ יְרֻחַם יָתֽוֹם׃
5 אֶרְפָּא מְשׁוּבָתָם אֹהֲבֵם נְדָבָה כִּי שָׁב אַפִּי מִמֶּֽנּוּ׃
6 אֶהְיֶה כַטַּל לְיִשְׂרָאֵל יִפְרַח כַּשּׁוֹשַׁנָּה וְיַךְ שׇׁרָשָׁיו כַּלְּבָנֽוֹן׃
7 יֵֽלְכוּ יֹֽנְקוֹתָיו וִיהִי כַזַּיִת הוֹדוֹ וְרֵיחַֽ לוֹ כַּלְּבָנֽוֹן׃
8 יָשֻׁבוּ יֹשְׁבֵי בְצִלּוֹ יְחַיּוּ דָגָן וְיִפְרְחוּ כַגָּפֶן זִכְרוֹ כְּיֵין לְבָנֽוֹן׃
9 אֶפְרַיִם מַה־לִּי עוֹד לָעֲצַבִּים אֲנִי עָנִיתִי וַאֲשׁוּרֶנּוּ אֲנִי כִּבְרוֹשׁ רַעֲנָן מִמֶּנִּי פֶּרְיְךָ נִמְצָֽא׃
10 מִי חָכָם וְיָבֵֽן אֵלֶּה נָבוֹן וְיֵדָעֵם כִּֽי־יְשָׁרִים דַּרְכֵי יְהֹוָה וְצַדִּקִים יֵלְכוּ בָם וּפֹשְׁעִים יִכָּשְׁלוּ בָֽם׃
Hosea 1-14
Genesis Exod. Leviticus Numbers Deuteron. Yehoshua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi