Genesis Exod. Leviticus Numbers Deuteron. Yešua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Amos 1-9
Amos 1
1. Divrei amos, ašer hajah vanokedim mitekova ašer hazah al-jizrael bimei uzijah meleh jehudah uvimei jaraveam ben jovaš meleh jizrael, šenatajim lifnei haraš.
2. Vaijomar Jehovah misijovn jišag, umirušalim jiten kovlov veavelu neovt haroim, vejaveš roš hakarmel.
3. Koh amar Jehovah, al-šelošah pišei damesek, veal arbah lo ašivenu al-dušam baharusovt habarzel et-hagilad.
4. Vešilahti eš beveit hazael veahelah armenovt ben hadad.
5. Vešavarti beriah damesek, vehihrati jovšev mibikat aven, vetovmeh ševet mibeit eden vegalu am aram kirah amar Jehovah.
6. Koh amar Jehovah, al-šelošah pišei azah, veal arbah lo ašivenu al-haglovtam galut šelemah lehasgir le-edovm.
7. Vešilahti eš behovmat azah veahelah armenoteiha.
8 .Vehihrati jovšev meašdovd, vetovmeh ševet meaškelon vahašivovti jadi al-ekrovn veavedu še-erit pelištim, amar adonai Jehovah.
9. Koh amar Jehovah, al-šelošah pišei sor, veal arbah lo ašivenu al-hasgiram galut šelemah le-edovm, velo zaheru berit ahim.
10 .Vešilahti eš behovmat sor veahelah armenoteiha.
11. Koh amar Jehovah, al-šelošah pišei edovm, veal arbah lo ašivenu al-radefov vaherev ahiv vešihet rahamav, vaijitrof lad apov, ve-evratov šemarah nesah.
12 .Vešilahti eš beteiman veahelah armenovt baserah.
13 .Koh amar Jehovah, al-šelošah pišei venei amovn, veal arbah lo ašivenu al-bikam harovt hagilad, leman harhiv et-gevulam.
14 .Vehisati eš behovmat rabah, veahelah armenovteiha bitruah bejovm milhamah, besar bejovm sufah.
15. Vehalah malkam bagovlah hu vesarav jahdav amar Jehovah.
Amos 2
1. Koh amar Jehovah, al-šelošah pišei movav, veal-arbah lo ašivenu al-sarefov asmovt meleh edovm lasid.
2. Vešilahti-eš bemovav, veahelah armenovt hakerijovt umet bešaovn movav, bitruah bekovl šovfar.
3 .Vehihrati šovfet mikirbah vehol sareiha eherovg imov amar Jehovah.
4. Koh amar Jehovah, al-šelošah pišei jehudah, veal arbah lo ašivenu al-maosam et tovrat Jehovah vehukav lo šamaru, vaijatum kizveihem, ašer-halehu avovtam ahareihem.
5. Vešilahti eš bihudah veahelah armenot jerušalim.
6 .Koh amar Jehovah, al šelošah pišei jizrael, veal-arbah lo ašivenu al mihram bakesef sadik, ve-evjovn ba-avur nalajim.
7 .Hašoafim al-afar erec beroš dalim, vedereh anavim jatu veiš veaviv jelehu el hana-arah, leman halel et-šem kadeši.
8. Veal begadim havulim jatu, esel kol-mizbeah vejein anušim jištu, beit eloheihem.
9. Veanohi hišmadti et-haemori mipeneihem, ašer kegovah arazim gavehov, vehason hu ka-alovnim va-ašmid pirjov mimal, vešarašav mitahat.
10. Veanohi he-eleiti ethem me-erec misrajim vaovleh ethem bamidbar arbaim šanah, larešet et erec haemori.
11. Va-akim mibeneihem linviim, umibahureihem linzirim haf ein zot benei jizrael neum Jehovah.
12 .Vatašku et-hanezirim jajin veal hanevim sivitem lemor, lo tinaveu.
13. Hineh anohi meik tahteihem ka-ašer taik ha agalah, hamleah lah amir.
14 .Veavad manovs mikal, vehzak lo-jeames kohov vegibovr lo jemalet nafšov.
15. Vetofes hakešet lo jamod, vekal beraglav lo jemalet verohev hasus, lo jemalet nafšov.
16. Veamis libov bagibovrim arovm janus baijovm hahu neum Jehovah.
Amos 3
1. Šimu et-hadavar hazeh ašer diber Jehovah aleihem benei jizrael al kol hamišpahah, ašer he-eleiti me-erec mitzrajim lemor.
2. Rak ethem jadati, mikol mišpehovt ha-adamah al ken efkod aleihem, et kol-avonoteihem.
3. Hajelehu šenajim jahdav bilti im novadu.
4. Hajišag arjeh baijar, veteref ein lov hajiten kefir kovlov mimeonatov, bilti im lahad.
5. Hatipol sipovr al pah ha-arec, umovkeš ein lah hajaleh pah min ha-adamah, velahovd lo jilkovd.
6 .Im jitaka šovfar beir, veam lo jeheradu im tihjeh rah beir, vašem lo asah.
7. Ki lo jaseh adonai Jehovih davar ki im galah sovdov, el-avadav haneviim.
8. Arjeh šag mi lo jira adonai Jehovah diber, mi lo jinave.
9. Hašmiu al-armenovt beašdovd, veal armenovt be-erec misrajim veimru heasefu al-harei šomeron, ureu mehumot rabovt betovhah, va-ašukim bekirbah.
10. Velo jadeu asovt nehohah neum-Jehovah haovsrim hamas vašod bearmenoteihem.
11. Lahen koh amar adonai Jehovah, sar useviv ha-arec vehovrid mimeh uzeh, venavozu armenotajih.
12. Koh amar Jehovah ka-šer jasil haroeh mipi hari šetei herajim ov vedal ozen ken jinaselu benei jizrael haijoševim bešomerovn, bifat mitah uvidmešek ares.
13. Šimu vehaidu beveit jakov neum-adonai Jehovah elohei hasevaot.
14 .Ki bejovm pakedi fišei jizrael alav ufakadti al-mizbehovt beit-el, venigdeu karnovt hamizbeah, venafelu la-arec.
15 .Vehikeiti veit hahoref al-beit hakajis veavedu batei Jehovah vesafu batim rabim neum Jehovah.
Amos 4
1. Šimu hadavar hazeh parovt habašan ašer behar šomerovn, haošekovt dalim, harosesot evjovnim haomerot la-adoneihem haviah veništeh.
2 .Nišba adonai Jehovah bekadeshov, ki hineh jamim baim aleihem venisa ethem besinovt, veaharitehen besirovt dugah.
3 .Uferasim tesenah ishah negdah vehišlahtenah haharmovnah neum- Jehovah.
4 .Bou veit-el ufišu, hagilgal harbu lifšoa vehaviu laboker zivheihem, lišlošet jamim maseroteihem.
5. Vekater mehames tovdah, vekiru nedavot hašmiu ki hen ahavtem benei jizrael, neum adonai Jehovah.
6 .Vegam ani natati lahem nikjovn šinajim behol areihem, vehoser lehem, behol mekovmoteihem velo-šavtem adai neum- Jehovah.
7. Vegam anohi manati mikem et-hagešem beovd šelošah hodašim lakasir, vehimtarti al-ir ehat, veal-ir ahat lo amtir helkah ahat timater, vehelkah ašer lo-tamtir aleiha tivaš.
8. Venau šetajim šaloš arim el-ir ahat lištovt majim velo jisbau velo šavtem adai neum- Jehovah.
9 .Hikeiti ethem bašidafovn uvaijerakovn harbovt ganovteihem veharmeihem ute-eneihem vezeiteihem johal hagazam velo šavtem adai neum- Jehovah.
10. Šilahti vahem dever bedereh misrajim, haragti vaherev bahureihem, im ševi suseihem va-aleh beoš mahaneihem uveapehem, velo šavtem adai neum- Jehovah.
11. Hafahti vahem kemahpehat elohim et sedom ve-et amorah, vatihju keud musal miserefah velo šavtem adai neum- Jehovah.
12. Lahen koh eseh leha jizrael ekev ki zot eseh lah, hikovn likrat eloheiha jizrael.
13. Ki hineh jovser harim uvore ruah umagid leadam mah sehov, oseh šahar eifah, vedoreh al-bamotei arec Jehovah elohei sevaot šemov.
Amos 5
1 .Šimu et-hadavar hazeh ašer anohi nose aleihem kinah beit jizrael.
2. Nafelah lo-tovsif kum, betulat jizrael nitešah al-admatah ein mekimah.
3. Ki hoh amar adonai Jehovah, hair haijotzet elef tashir meah vehaijoset meah tašir asarah leveit jizrael
4. Ki hoh amar Jehovah leveit jizrael diršuni vihju.
5. Veal-tidrešu beit-el, vehagilgal lo tavou, uver ševa lo ta-avoru ki hagilgal galoh jigleh, uveit-el jihjeh leaven.
6 .Diršu et-Jehovah vihju pen jislah kaeš beit jovsef, veahelah ve-ein mehabeh leveit-el.
7 .Hahofehim lela-anah mišpat usedakah la-arec hinihu.
8. Oseh himah uhesil vehofeh laboker salmavet, vejom lajlah hehših hakovre lemei haijam vaijišpehem al penei ha-arec Jehovah šemov.
9. Hamavlig šod al-az vešod al-mivsar javov.
10 .Saneu vašar movhiah vedover tamim jetaevu.
11. Lahen jan bovšašem al-dal umasat bar tikhu mimenu, batei gazit benitem velo teševu vam karmei hemed netatem, velo tištu et-jeinam.
12 .Ki jadati rabim pišeihem, va-asumim hatoteihem sorerei sadik lokehei hofer, ve-evjovnim bašar hitu.
13 .Lahen hamaskil baet hahi jidom ki et rah hi.
14 .Diršu tov veal-ra leman tihju vihi hen Jehovah elohei sevaot itehem ka-ašer amartem.
15 .Sinu ra ve-ehevu tov, vehatzigu vashar mišpat ulai jehenan Jehovah elohei sebaovt šerit jovsef.
16. Lahen koh amar Jehovah elohei sevaovt adonai, behol rehovot misped, uvehol husovt jomeru hov -hov vekareu ikar el-evel, umisped el-jovdei nehi.
17 .Uvehol keramim misped ki evor bekirbeha amar Jehovah.
18 .Hovj hamitavim et-jovm Jehovah lamah zeh lahem jovm Jehovah hu-hošeh velo-ovr.
19 .Ka-ašer janus iš mipenei hari, ufegaov hadov uva habajit, vesamah jadov al-hakir, unešahov hanahaš.
20 .Halo hošeh jovm Jehovah velo-ovr veafel velo nogah lov.
21 .Saneti masti hageihem velo ariah beaseroteihem.
22 .Ki im talu-li olovt uminhoteihem lo erseh vešelem merieihem lo abit.
23 .Haser mealai hamovn šireiha vezimrat nevaleiha lo ešma.
24 .Vejigal kamajim mišpat usedakah kenahal eitan.
25 .Hazevahim uminhah higaštem-li vamidbar arbaim šanah beit jizrael.
26 .Unesatem et sikut malkehem, ve-et kijun salmeihem kovhav eloheihem, ašer asitem lahem.
27. Vehigleiti ethem mehaleah ledamasek amar Jehovah elohei sevaovt šemov.
Amos 6
1. Hovj hašananim besijon, vehabotehim behar šomeron nekuvei rešit hagovjim, uvau lahem beit jizrael.
2 .Ivru halneh ureu, ulehu mišam hamat rabah uredu gat pelištjm hatovim min hamamlahot haeleh, im-rav gevulam migevulhem.
3 .Hanadim lejom ra vatagišun ševet hamas.
4. Hašohevim al-mitovt šen, useruhim al-arsovtam veohelim karim mison, va-agalim mitovh marbek.
5 .Haporetim al-pi hanavel kedavid haševu lahem kelei šir.
6. Hašotim bemizrekei jajin, verešit šemanim jimšahu velo nehlu al-šever josef.
7 .Lahen atah jiglu beroš golim vesar mirzah seruhim
8. Nišba adonai Jehovah benafšov neum-Jehovah elohei sevaot, metaev anohi et-geovn jakov, vearmenotav saneti vehisgarti ir umeloah.
9 .Vehajah im-jivateru asarah anašim bevajit ehad vametu.
10 .Unesaov dovdov umesarefov lehovsi asamim min habajit veamar la-ašer bejarketei habajit haovd imah veamar afes veamar has, ki lo lehazkir Jehovah Jehovah.
11. Ki-hineh Jehovah mesaveh, vehikah habajit hagadol resisim vehabajit hakaton bekiim.
12. Hajrusun basela susim, im jaharovš babekarim ki-hafahtem leroš mišpat, uferi sedakah lela-anah.
13. Hasemehim lelo davar haomerim, halov vehazekenu, lakahnu lanu karnajim.
14. Ki hini mekim aleihem beit jizrael neum-Jehovah elohei hasevaot govj velahasu ethem milevov hamat ad-nahal ha-aravah.
Amos 7
1. Koh hirani adonai Jehovah, vehineh jovser govai, bithilat alovt halakeš vehineh lekeš, ahar gizei hameleh.
2. Vehajah im kilah le-ehovl et esev ha-arec, vaomar adonai Jehovah selah na, mi jakum jakov ki katon hu.
3. Niham Jehovah al zot lo tihjeh amar Jehovah.
4. Koh hirani adonai Jehovah, vehineh kore lariv baeš adonai Jehovah vatohal et-tehovm rabah, veahelah et-hahelek.
5 .Vaomar adonai Jehovah hadal-na, mi jakum jakov ki katon hu.
6 .Niham Jehovah al-zot gam-hi lo tihjeh, amar adonai Jehovah.
7 .Koh hirani, vehineh adonai nisav al-hovmat anah uvejadov anah.
8 .Vaijomer Jehovah elai mah atah roeh amovs, vaomar anah vaijomer adonai hini sam anah bekerev ami jizrael, lo-ovsif ovd avovr lov.
9. Venašamu bamot jišak, umikdešei jizrael jeheravu vekamti al-beit jaraveam beharev.
10 .Vaijišlah amasjah kohen beit-el, el-jaraveam meleh jizrael lemor kašar aleiha amovs bekerev beit jizrael, lo tuhal ha-arec, lehahil et-kol devarav.
11. Ki-hoh amar amovs, baherev jamut jaraveam vejizrael, galoh jigleh meal admatov.
12. Vaijomer amasjah el amos, hozeh leh berah leha el-erec jehudah ve-ehol šam lehem, vešam tinave.
13. Uveit el, lo tovsif ovd lehinave ki mikdaš meleh hu, uveit mamlahah hu.
14. Vaijan amos vaijomer el-amasjah, lo-navi anohi, velo ven navi anohi ki vovker anohi uvovles šikmim.
15. Vaijikaheni Jehovah, meaharei hason vaijomer elai Jehovah, leh hinave el-ami jizrael.
16. Veatah šema devar Jehovah atah omer lo tinave al-jizrael, velo tatif al-beit jišak.
17. Lahen koh amar Jehovah išteha bair tizneh uvaneiha uvenoteiha baherev jipolu, veadmateha bahevel tehulak veatah al-adamah temeah tamut, vejizrael, galoh jigleh meal admatov.
Amos 8
1 Koh hirani adonai Jehovah vehineh keluv kajis.
2 Vaijomer mah atah roeh amovs, vaomar keluv kajs vaijomer Jehovah elai ba hakec el-ami jizrael, lo-ovsif ovd avovr lov.
3 Veheililu širot heihol baijovm hahu, neum adonai Jehovah rav hapeger, behol makovm hišlih has.
4 Šimu zot hašoafim evjovn velašbit anvei hanijei arec.
5 Lemor matai javor hahodeš venašbirah šever, vehašabat veniftehah bar lehaktin eifah ulehagdil šekel, uleavet mozenei mirmah.
6 Liknovt bakesef dalim, ve-evjon ba-avur nalajim umapal bar našbir.
7 Nišba Jehovah bigovn jakov im eškah lanesah kol maseihem.
8 Ha-al zot lo tirgaz ha-arec, veaval kol jovšev bah vealetah haor kulah, venigrešah veniškah hveniškeahk kiovr misrajim.
9 Vehajah baijovm hahu neum adonai Jehovah, veheveti hašemeš batzahorajim vehahašahti la-arec bejovm ovr.
10 Vehafahti hageihem le-evel vehol šireihem lekinah, veha-aleiti al kol matenajim sak, veal kol roš karehah vesamtiha ke-evel jahid, veaharitah kejom mar.
11 Hineh jamim baim neum adonai Jehovah, vehišlahti rav ba-arec lo rav lalehem velo sama lamajim, ki im lišmoa, et divrei Jehovah.
12 Venau mijam ad-jam, umisafovn vead mizrah ješovtu levakeš et-devar Jehovah velo jimsau.
13 Baijovm hahu titalafnah habetulot haijafovt vehabahurim basama.
14 Hanišbaim beašmat šomeron, veameru hei eloheiha dan, vehei dereh be-er šava venafelu velo jakumu ovd.
Amos 9
1. Raiti et-adonai nitzav al-hamizbeah vaijomer hah hakaftovr vejirašu hasipim uvesam beroš kulam, veaharitam baherev eherog lo-janus lahem nas, velo jimalet lahem palit.
2. Im-jahteru višovl, mišam jadi tikahem veim jalu hašamajim, mišam ovridem.
3. Veim jehaveu beroš hakarmel, mišam ahapes ulekahtim veim jisateru mineged einai bekarka haijam, mišam asaveh et-hanahaš unešaham.
4. Veim-jelehu vaševi lifnei ojveihem, mišam asaveh et-haherev vaharagatam vesamti eini aleihem lerah velo letovah.
5. Vadonai Jehovah hatzevaot hanovgea ba-arec vatamog, veavelu kol jovšvei vah vealetah hajor kulah, vešakeah kior misrajim.
6. Habovneh vašamajim ma alovtoh ma-alovtav, kva agudatov al-erec jesadah hakore lemei haijam vaijišpehem al penei ha-arec Jehovah šemov.
7. Halov hivnei hušijim atem li benei jizrael neum-Jehovah halov et jizrael he-eleiti me-erec mitzrajim, ufelištijim mikaftor varam mikir.
8. Hineh einei adonai Jehovah bamamlahah hahatah, vehišmadti otah, meal penei ha-adamah efes ki lo hašmeid ašmid et-beit jakov neum-Jehovah.
9 Ki-hineh anohi mesaveh, vahaniovti vehol hagovjim et beit jizrael ka-ašer jinova bakevarah, velo jipovl seror arec.
10. Baherev jamutu, kol hataei ami haomerim lo-tagiš vetakdim ba-adeinu harah.
11. Baijom hahu, akim et-sukat david hanofelet vegadarti et-pirseihen vaharisotav akim, uvenitiha kimei ovlam.
12. Leman jirešu et-šerit edovm vehol hagojim, ašer nikra šemi aleihem neum-Jehovah oseh zot.
13. Hineh jamim baim neum-Jehovah, venigaš hovreš bakoser, vedoreh anavim bemošeh hazara vehitifu heharim asis, vehol hagevaovt titmovgagnah.
14. Vešavti et-ševut ami jizrael uvanu arim nešamot vejašavu, venateu heramim, vešatu et-jeinam veasu ganot, veahelu et-perihem.
15. Unetatim al-admatam velo jinatešu ovd meal admatam ašer natati lahem, amar Jehovah eloheiha.
עמוס א
1 דִּבְרֵי עָמוֹס אֲשֶׁר־הָיָה בַנֹּקְדִים מִתְּקוֹעַ אֲשֶׁר חָזָה עַל־יִשְׂרָאֵל בִּימֵי ׀ עֻזִּיָּה מֶלֶךְ־יְהוּדָה וּבִימֵי יָרׇבְעָם בֶּן־יוֹאָשׁ מֶלֶךְ יִשְׂרָאֵל שְׁנָתַיִם לִפְנֵי הָרָֽעַשׁ׃
2 וַיֹּאמַר ׀ יְהֹוָה מִצִּיּוֹן יִשְׁאָג וּמִירוּשָׁלִַם יִתֵּן קוֹלוֹ וְאָֽבְלוּ נְאוֹת הָרֹעִים וְיָבֵשׁ רֹאשׁ הַכַּרְמֶֽל׃
3 כֹּה אָמַר יְהֹוָה עַל־שְׁלֹשָׁה פִּשְׁעֵי דַמֶּשֶׂק וְעַל־אַרְבָּעָה לֹא אֲשִׁיבֶנּוּ עַל־דּוּשָׁם בַּחֲרֻצוֹת הַבַּרְזֶל אֶת־הַגִּלְעָֽד׃
4 וְשִׁלַּחְתִּי אֵשׁ בְּבֵית חֲזָאֵל וְאָכְלָה אַרְמְנוֹת בֶּן־הֲדָֽד׃
5 וְשָֽׁבַרְתִּי בְּרִיחַ דַּמֶּשֶׂק וְהִכְרַתִּי יוֹשֵׁב מִבִּקְעַת־אָוֶן וְתוֹמֵךְ שֵׁבֶט מִבֵּית עֶדֶן וְגָלוּ עַם־אֲרָם קִירָה אָמַר יְהֹוָֽה׃
6 כֹּה אָמַר יְהֹוָה עַל־שְׁלֹשָׁה פִּשְׁעֵי עַזָּה וְעַל־אַרְבָּעָה לֹא אֲשִׁיבֶנּוּ עַל־הַגְלוֹתָם גָּלוּת שְׁלֵמָה לְהַסְגִּיר לֶאֱדֽוֹם׃
7 וְשִׁלַּחְתִּי אֵשׁ בְּחוֹמַת עַזָּה וְאָכְלָה אַרְמְנֹתֶֽיהָ׃
8 וְהִכְרַתִּי יוֹשֵׁב מֵֽאַשְׁדּוֹד וְתוֹמֵךְ שֵׁבֶט מֵֽאַשְׁקְלוֹן וַהֲשִׁיבוֹתִי יָדִי עַל־עֶקְרוֹן וְאָֽבְדוּ שְׁאֵרִית פְּלִשְׁתִּים אָמַר אֲדֹנָי יֱהֹוִֽה׃
9 כֹּה אָמַר יְהֹוָה עַל־שְׁלֹשָׁה פִּשְׁעֵי־צֹר וְעַל־אַרְבָּעָה לֹא אֲשִׁיבֶנּוּ עַֽל־הַסְגִּירָם גָּלוּת שְׁלֵמָה לֶאֱדוֹם וְלֹא זָכְרוּ בְּרִית אַחִֽים׃
10 וְשִׁלַּחְתִּי אֵשׁ בְּחוֹמַת צֹר וְאָכְלָה אַרְמְנוֹתֶֽיהָ׃
11 כֹּה אָמַר יְהֹוָה עַל־שְׁלֹשָׁה פִּשְׁעֵי אֱדוֹם וְעַל־אַרְבָּעָה לֹא אֲשִׁיבֶנּוּ עַל־רׇדְפוֹ בַחֶרֶב אָחִיו וְשִׁחֵת רַחֲמָיו וַיִּטְרֹף לָעַד אַפּוֹ וְעֶבְרָתוֹ שְׁמָרָה נֶֽצַח׃
12 וְשִׁלַּחְתִּי אֵשׁ בְּתֵימָן וְאָכְלָה אַרְמְנוֹת בׇּצְרָֽה׃
13 כֹּה אָמַר יְהֹוָה עַל־שְׁלֹשָׁה פִּשְׁעֵי בְנֵֽי־עַמּוֹן וְעַל־אַרְבָּעָה לֹא אֲשִׁיבֶנּוּ עַל־בִּקְעָם הָרוֹת הַגִּלְעָד לְמַעַן הַרְחִיב אֶת־גְּבוּלָֽם׃
14 וְהִצַּתִּי אֵשׁ בְּחוֹמַת רַבָּה וְאָכְלָה אַרְמְנוֹתֶיהָ בִּתְרוּעָה בְּיוֹם מִלְחָמָה בְּסַעַר בְּיוֹם סוּפָֽה׃
.
עמוס ב
1 כֹּה אָמַר יְהֹוָה עַל־שְׁלֹשָׁה פִּשְׁעֵי מוֹאָב וְעַל־אַרְבָּעָה לֹא אֲשִׁיבֶנּוּ עַל־שׇׂרְפוֹ עַצְמוֹת מֶלֶךְ־אֱדוֹם לַשִּֽׂיד׃
2 וְשִׁלַּחְתִּי־אֵשׁ בְּמוֹאָב וְאָכְלָה אַרְמְנוֹת הַקְּרִיּוֹת וּמֵת בְּשָׁאוֹן מוֹאָב בִּתְרוּעָה בְּקוֹל שׁוֹפָֽר׃
3 וְהִכְרַתִּי שׁוֹפֵט מִקִּרְבָּהּ וְכׇל־שָׂרֶיהָ אֶהֱרוֹג עִמּוֹ אָמַר יְהֹוָֽה׃
4 כֹּה אָמַר יְהֹוָה עַל־שְׁלֹשָׁה פִּשְׁעֵי יְהוּדָה וְעַל־אַרְבָּעָה לֹא אֲשִׁיבֶנּוּ עַֽל־מׇאֳסָם אֶת־תּוֹרַת יְהֹוָה וְחֻקָּיו לֹא שָׁמָרוּ וַיַּתְעוּם כִּזְבֵיהֶם אֲשֶׁר־הָלְכוּ אֲבוֹתָם אַחֲרֵיהֶֽם׃
5 וְשִׁלַּחְתִּי אֵשׁ בִּֽיהוּדָה וְאָכְלָה אַרְמְנוֹת יְרוּשָׁלִָֽם׃
6 כֹּה אָמַר יְהֹוָה עַל־שְׁלֹשָׁה פִּשְׁעֵי יִשְׂרָאֵל וְעַל־אַרְבָּעָה לֹא אֲשִׁיבֶנּוּ עַל־מִכְרָם בַּכֶּסֶף צַדִּיק וְאֶבְיוֹן בַּֽעֲבוּר נַעֲלָֽיִם׃
7 הַשֹּׁאֲפִים עַל־עֲפַר־אֶרֶץ בְּרֹאשׁ דַּלִּים וְדֶרֶךְ עֲנָוִים יַטּוּ וְאִישׁ וְאָבִיו יֵֽלְכוּ אֶל־הַֽנַּעֲרָה לְמַעַן חַלֵּל אֶת־שֵׁם קׇדְשִֽׁי׃
8 וְעַל־בְּגָדִים חֲבֻלִים יַטּוּ אֵצֶל כׇּל־מִזְבֵּחַ וְיֵין עֲנוּשִׁים יִשְׁתּוּ בֵּית אֱלֹהֵיהֶֽם׃
9 וְאָנֹכִי הִשְׁמַדְתִּי אֶת־הָאֱמֹרִי מִפְּנֵיהֶם אֲשֶׁר כְּגֹבַהּ אֲרָזִים גׇּבְהוֹ וְחָסֹן הוּא כָּאַלּוֹנִים וָאַשְׁמִיד פִּרְיוֹ מִמַּעַל וְשׇׁרָשָׁיו מִתָּֽחַת׃
10 וְאָנֹכִי הֶעֱלֵיתִי אֶתְכֶם מֵאֶרֶץ מִצְרָיִם וָאוֹלֵךְ אֶתְכֶם בַּמִּדְבָּר אַרְבָּעִים שָׁנָה לָרֶשֶׁת אֶת־אֶרֶץ הָאֱמֹרִֽי׃
11 וָאָקִים מִבְּנֵיכֶם לִנְבִיאִים וּמִבַּחוּרֵיכֶם לִנְזִרִים הַאַף אֵֽין־זֹאת בְּנֵי יִשְׂרָאֵל נְאֻם־יְהֹוָֽה׃
12 וַתַּשְׁקוּ אֶת־הַנְּזִרִים יָיִן וְעַל־הַנְּבִיאִים צִוִּיתֶם לֵאמֹר לֹא תִּנָּבְאֽוּ׃
13 הִנֵּה אָנֹכִי מֵעִיק תַּחְתֵּיכֶם כַּאֲשֶׁר תָּעִיק הָֽעֲגָלָה הַֽמְלֵאָה לָהּ עָמִֽיר׃
14 וְאָבַד מָנוֹס מִקָּל וְחָזָק לֹא־יְאַמֵּץ כֹּחוֹ וְגִבּוֹר לֹא־יְמַלֵּט נַפְשֽׁוֹ׃
15 וְתֹפֵשׂ הַקֶּשֶׁת לֹא יַעֲמֹד וְקַל בְּרַגְלָיו לֹא יְמַלֵּט וְרֹכֵב הַסּוּס לֹא יְמַלֵּט נַפְשֽׁוֹ׃
16 וְאַמִּיץ לִבּוֹ בַּגִּבּוֹרִים עָרוֹם יָנוּס בַּיּוֹם־הַהוּא נְאֻם־יְהֹוָֽה׃
Amos 3
1 שִׁמְעוּ אֶת־הַדָּבָר הַזֶּה אֲשֶׁר דִּבֶּר יְהֹוָה עֲלֵיכֶם בְּנֵי יִשְׂרָאֵל עַל כׇּל־הַמִּשְׁפָּחָה אֲשֶׁר הֶעֱלֵיתִי מֵאֶרֶץ מִצְרַיִם לֵאמֹֽר׃
2 רַק אֶתְכֶם יָדַעְתִּי מִכֹּל מִשְׁפְּחוֹת הָאֲדָמָה עַל־כֵּן אֶפְקֹד עֲלֵיכֶם אֵת כׇּל־עֲוֺנֹתֵיכֶֽם׃
3 הֲיֵלְכוּ שְׁנַיִם יַחְדָּו בִּלְתִּי אִם־נוֹעָֽדוּ׃
4 הֲיִשְׁאַג אַרְיֵה בַּיַּעַר וְטֶרֶף אֵין לוֹ הֲיִתֵּן כְּפִיר קוֹלוֹ מִמְּעֹנָתוֹ בִּלְתִּי אִם־לָכָֽד׃
5 הֲתִפֹּל צִפּוֹר עַל־פַּח הָאָרֶץ וּמוֹקֵשׁ אֵין לָהּ הֲיַֽעֲלֶה־פַּח מִן־הָאֲדָמָה וְלָכוֹד לֹא יִלְכּֽוֹד׃
6 אִם־יִתָּקַע שׁוֹפָר בְּעִיר וְעָם לֹא יֶחֱרָדוּ אִם־תִּֽהְיֶה רָעָה בְּעִיר וַיהֹוָה לֹא עָשָֽׂה׃
7 כִּי לֹא יַעֲשֶׂה אֲדֹנָי יֱהֹוִה דָּבָר כִּי אִם־גָּלָה סוֹדוֹ אֶל־עֲבָדָיו הַנְּבִיאִֽים׃
8 אַרְיֵה שָׁאָג מִי לֹא יִירָא אֲדֹנָי יֱהֹוִה דִּבֶּר מִי לֹא יִנָּבֵֽא׃
9 הַשְׁמִיעוּ עַל־אַרְמְנוֹת בְּאַשְׁדּוֹד וְעַֽל־אַרְמְנוֹת בְּאֶרֶץ מִצְרָיִם וְאִמְרוּ הֵאָֽסְפוּ עַל־הָרֵי שֹׁמְרוֹן וּרְאוּ מְהוּמֹת רַבּוֹת בְּתוֹכָהּ וַעֲשׁוּקִים בְּקִרְבָּֽהּ׃
10 וְלֹא־יָדְעוּ עֲשׂוֹת־נְכֹחָה נְאֻם־יְהֹוָה הָאוֹצְרִים חָמָס וָשֹׁד בְּאַרְמְנוֹתֵיהֶֽם׃
11 לָכֵן כֹּה אָמַר אֲדֹנָי יֱהֹוִה צַר וּסְבִיב הָאָרֶץ וְהוֹרִיד מִמֵּךְ עֻזֵּךְ וְנָבֹזּוּ אַרְמְנוֹתָֽיִךְ׃
12 כֹּה אָמַר יְהֹוָה כַּאֲשֶׁר יַצִּיל הָרֹעֶה מִפִּי הָאֲרִי שְׁתֵּי כְרָעַיִם אוֹ בְדַל־אֹזֶן כֵּן יִנָּצְלוּ בְּנֵי יִשְׂרָאֵל הַיֹּֽשְׁבִים בְּשֹׁמְרוֹן בִּפְאַת מִטָּה וּבִדְמֶשֶׁק עָֽרֶשׂ׃
13 שִׁמְעוּ וְהָעִידוּ בְּבֵית יַעֲקֹב נְאֻם־אֲדֹנָי יֱהֹוִה אֱלֹהֵי הַצְּבָאֽוֹת׃
14 כִּי בְּיוֹם פׇּקְדִי פִשְׁעֵֽי־יִשְׂרָאֵל עָלָיו וּפָֽקַדְתִּי עַל־מִזְבְּחוֹת בֵּֽית־אֵל וְנִגְדְּעוּ קַרְנוֹת הַמִּזְבֵּחַ וְנָפְלוּ לָאָֽרֶץ׃
15 וְהִכֵּיתִי בֵית־הַחֹרֶף עַל־בֵּית הַקָּיִץ וְאָבְדוּ בָּתֵּי הַשֵּׁן וְסָפוּ בָּתִּים רַבִּים נְאֻם־יְהֹוָֽה׃
Amos 4
1 שִׁמְעוּ הַדָּבָר הַזֶּה פָּרוֹת הַבָּשָׁן אֲשֶׁר בְּהַר שֹׁמְרוֹן הָעֹשְׁקוֹת דַּלִּים הָרֹצְצוֹת אֶבְיוֹנִים הָאֹמְרֹת לַאֲדֹנֵיהֶם הָבִיאָה וְנִשְׁתֶּֽה׃
2 נִשְׁבַּע אֲדֹנָי יֱהֹוִה בְּקׇדְשׁוֹ כִּי הִנֵּה יָמִים בָּאִים עֲלֵיכֶם וְנִשָּׂא אֶתְכֶם בְּצִנּוֹת וְאַחֲרִֽיתְכֶן בְּסִירוֹת דּוּגָֽה׃
3 וּפְרָצִים תֵּצֶאנָה אִשָּׁה נֶגְדָּהּ וְהִשְׁלַכְתֶּנָה הַהַרְמוֹנָה נְאֻם־יְהֹוָֽה׃
4 בֹּאוּ בֵֽית־אֵל וּפִשְׁעוּ הַגִּלְגָּל הַרְבּוּ לִפְשֹׁעַ וְהָבִיאוּ לַבֹּקֶר זִבְחֵיכֶם לִשְׁלֹשֶׁת יָמִים מַעְשְׂרֹתֵיכֶֽם׃
5 וְקַטֵּר מֵֽחָמֵץ תּוֹדָה וְקִרְאוּ נְדָבוֹת הַשְׁמִיעוּ כִּי כֵן אֲהַבְתֶּם בְּנֵי יִשְׂרָאֵל נְאֻם אֲדֹנָי יֱהֹוִֽה׃
6 וְגַם־אֲנִי נָתַתִּי לָכֶם נִקְיוֹן שִׁנַּיִם בְּכׇל־עָרֵיכֶם וְחֹסֶר לֶחֶם בְּכֹל מְקוֹמֹֽתֵיכֶם וְלֹא־שַׁבְתֶּם עָדַי נְאֻם־יְהֹוָֽה׃
7 וְגַם אָנֹכִי מָנַעְתִּי מִכֶּם אֶת־הַגֶּשֶׁם בְּעוֹד שְׁלֹשָׁה חֳדָשִׁים לַקָּצִיר וְהִמְטַרְתִּי עַל־עִיר אֶחָת וְעַל־עִיר אַחַת לֹא אַמְטִיר חֶלְקָה אַחַת תִּמָּטֵר וְחֶלְקָה אֲשֶֽׁר־לֹֽא־תַמְטִיר עָלֶיהָ תִּיבָֽשׁ׃
8 וְנָעוּ שְׁתַּיִם שָׁלֹשׁ עָרִים אֶל־עִיר אַחַת לִשְׁתּוֹת מַיִם וְלֹא יִשְׂבָּעוּ וְלֹֽא־שַׁבְתֶּם עָדַי נְאֻם־יְהֹוָֽה׃
9 הִכֵּיתִי אֶתְכֶם בַּשִּׁדָּפוֹן וּבַיֵּרָקוֹן הַרְבּוֹת גַּנּוֹתֵיכֶם וְכַרְמֵיכֶם וּתְאֵנֵיכֶם וְזֵיתֵיכֶם יֹאכַל הַגָּזָם וְלֹא־שַׁבְתֶּם עָדַי נְאֻם־יְהֹוָֽה׃
10 שִׁלַּחְתִּי בָכֶם דֶּבֶר בְּדֶרֶךְ מִצְרַיִם הָרַגְתִּי בַחֶרֶב בַּחוּרֵיכֶם עִם שְׁבִי סוּסֵיכֶם וָאַעֲלֶה בְּאֹשׁ מַֽחֲנֵיכֶם וּֽבְאַפְּכֶם וְלֹֽא־שַׁבְתֶּם עָדַי נְאֻם־יְהֹוָֽה׃
11 הָפַכְתִּי בָכֶם כְּמַהְפֵּכַת אֱלֹהִים אֶת־סְדֹם וְאֶת־עֲמֹרָה וַתִּהְיוּ כְּאוּד מֻצָּל מִשְּׂרֵפָה וְלֹא־שַׁבְתֶּם עָדַי נְאֻם־יְהֹוָֽה׃
12 לָכֵן כֹּה אֶעֱשֶׂה־לְּךָ יִשְׂרָאֵל עֵקֶב כִּי־זֹאת אֶעֱשֶׂה־לָּךְ הִכּוֹן לִקְרַאת־אֱלֹהֶיךָ יִשְׂרָאֵֽל׃
13 כִּי הִנֵּה יוֹצֵר הָרִים וּבֹרֵא רוּחַ וּמַגִּיד לְאָדָם מַה־שֵּׂחוֹ עֹשֵׂה שַׁחַר עֵיפָה וְדֹרֵךְ עַל־בׇּמֳתֵי אָרֶץ יְהֹוָה אֱלֹהֵֽי־צְבָאוֹת שְׁמֽוֹ׃
Amos 5
1 שִׁמְעוּ אֶת־הַדָּבָר הַזֶּה אֲשֶׁר אָנֹכִי נֹשֵׂא עֲלֵיכֶם קִינָה בֵּית יִשְׂרָאֵֽל׃
2 נָֽפְלָה לֹא־תוֹסִיף קוּם בְּתוּלַת יִשְׂרָאֵל נִטְּשָׁה עַל־אַדְמָתָהּ אֵין מְקִימָֽהּ׃
3 כִּי כֹה אָמַר אֲדֹנָי יֱהֹוִה הָעִיר הַיֹּצֵאת אֶלֶף תַּשְׁאִיר מֵאָה וְהַיּוֹצֵאת מֵאָה תַּשְׁאִיר עֲשָׂרָה לְבֵית יִשְׂרָאֵֽל׃
4 כִּי כֹה אָמַר יְהֹוָה לְבֵית יִשְׂרָאֵל דִּרְשׁוּנִי וִֽחְיֽוּ׃
5 וְאַֽל־תִּדְרְשׁוּ בֵּֽית־אֵל וְהַגִּלְגָּל לֹא תָבֹאוּ וּבְאֵר שֶׁבַע לֹא תַעֲבֹרוּ כִּי הַגִּלְגָּל גָּלֹה יִגְלֶה וּבֵֽית־אֵל יִהְיֶה לְאָֽוֶן׃
6 דִּרְשׁוּ אֶת־יְהֹוָה וִֽחְיוּ פֶּן־יִצְלַח כָּאֵשׁ בֵּית יוֹסֵף וְאָכְלָה וְאֵין־מְכַבֶּה לְבֵֽית־אֵֽל׃
7 הַהֹפְכִים לְלַעֲנָה מִשְׁפָּט וּצְדָקָה לָאָרֶץ הִנִּֽיחוּ׃
8 עֹשֵׂה כִימָה וּכְסִיל וְהֹפֵךְ לַבֹּקֶר צַלְמָוֶת וְיוֹם לַיְלָה הֶחְשִׁיךְ הַקּוֹרֵא לְמֵֽי־הַיָּם וַֽיִּשְׁפְּכֵם עַל־פְּנֵי הָאָרֶץ יְהֹוָה שְׁמֽוֹ׃
9 הַמַּבְלִיג שֹׁד עַל־עָז וְשֹׁד עַל־מִבְצָר יָבֽוֹא׃
10 שָׂנְאוּ בַשַּׁעַר מוֹכִיחַ וְדֹבֵר תָּמִים יְתָעֵֽבוּ׃
11 לָכֵן יַעַן בּוֹשַׁסְכֶם עַל־דָּל וּמַשְׂאַת־בַּר תִּקְחוּ מִמֶּנּוּ בָּתֵּי גָזִית בְּנִיתֶם וְלֹא־תֵשְׁבוּ בָם כַּרְמֵי־חֶמֶד נְטַעְתֶּם וְלֹא תִשְׁתּוּ אֶת־יֵינָֽם׃
12 כִּי יָדַעְתִּי רַבִּים פִּשְׁעֵיכֶם וַעֲצֻמִים חַטֹּאתֵיכֶם צֹרְרֵי צַדִּיק לֹקְחֵי כֹפֶר וְאֶבְיוֹנִים בַּשַּׁעַר הִטּֽוּ׃
13 לָכֵן הַמַּשְׂכִּיל בָּעֵת הַהִיא יִדֹּם כִּי עֵת רָעָה הִֽיא׃
14 דִּרְשׁוּ־טוֹב וְאַל־רָע לְמַעַן תִּֽחְיוּ וִֽיהִי־כֵן יְהֹוָה אֱלֹהֵֽי־צְבָאוֹת אִתְּכֶם כַּאֲשֶׁר אֲמַרְתֶּֽם׃
15 שִׂנְאוּ־רָע וְאֶהֱבוּ טוֹב וְהַצִּיגוּ בַשַּׁעַר מִשְׁפָּט אוּלַי יֶחֱנַן יְהֹוָה אֱלֹהֵֽי־צְבָאוֹת שְׁאֵרִית יוֹסֵֽף׃
16 לָכֵן כֹּֽה־אָמַר יְהֹוָה אֱלֹהֵי צְבָאוֹת אֲדֹנָי בְּכׇל־רְחֹבוֹת מִסְפֵּד וּבְכׇל־חוּצוֹת יֹאמְרוּ הוֹ־הוֹ וְקָרְאוּ אִכָּר אֶל־אֵבֶל וּמִסְפֵּד אֶל־יוֹדְעֵי נֶֽהִי׃
17 וּבְכׇל־כְּרָמִים מִסְפֵּד כִּֽי־אֶעֱבֹר בְּקִרְבְּךָ אָמַר יְהֹוָֽה׃
18 הוֹי הַמִּתְאַוִּים אֶת־יוֹם יְהֹוָה לָמָּה־זֶּה לָכֶם יוֹם יְהֹוָה הוּא־חֹשֶׁךְ וְלֹא־אֽוֹר׃
19 כַּאֲשֶׁר יָנוּס אִישׁ מִפְּנֵי הָאֲרִי וּפְגָעוֹ הַדֹּב וּבָא הַבַּיִת וְסָמַךְ יָדוֹ עַל־הַקִּיר וּנְשָׁכוֹ הַנָּחָֽשׁ׃
20 הֲלֹא־חֹשֶׁךְ יוֹם יְהֹוָה וְלֹא־אוֹר וְאָפֵל וְלֹא־נֹגַֽהּ לֽוֹ׃
21 שָׂנֵאתִי מָאַסְתִּי חַגֵּיכֶם וְלֹא אָרִיחַ בְּעַצְּרֹתֵיכֶֽם׃
22 כִּי אִם־תַּעֲלוּ־לִי עֹלוֹת וּמִנְחֹתֵיכֶם לֹא אֶרְצֶה וְשֶׁלֶם מְרִיאֵיכֶם לֹא אַבִּֽיט׃
23 הָסֵר מֵעָלַי הֲמוֹן שִׁרֶיךָ וְזִמְרַת נְבָלֶיךָ לֹא אֶשְׁמָֽע׃
24 וְיִגַּל כַּמַּיִם מִשְׁפָּט וּצְדָקָה כְּנַחַל אֵיתָֽן׃
25 הַזְּבָחִים וּמִנְחָה הִֽגַּשְׁתֶּם־לִי בַמִּדְבָּר אַרְבָּעִים שָׁנָה בֵּית יִשְׂרָאֵֽל׃
26 וּנְשָׂאתֶם אֵת סִכּוּת מַלְכְּכֶם וְאֵת כִּיּוּן צַלְמֵיכֶם כּוֹכַב אֱלֹהֵיכֶם אֲשֶׁר עֲשִׂיתֶם לָכֶֽם׃
27 וְהִגְלֵיתִי אֶתְכֶם מֵהָלְאָה לְדַמָּשֶׂק אָמַר יְהֹוָה אֱלֹהֵֽי־צְבָאוֹת שְׁמֽוֹ׃
Amos 6
1 הוֹי הַשַּׁאֲנַנִּים בְּצִיּוֹן וְהַבֹּטְחִים בְּהַר שֹׁמְרוֹן נְקֻבֵי רֵאשִׁית הַגּוֹיִם וּבָאוּ לָהֶם בֵּית יִשְׂרָאֵֽל׃
2 עִבְרוּ כַֽלְנֵה וּרְאוּ וּלְכוּ מִשָּׁם חֲמַת רַבָּה וּרְדוּ גַת־פְּלִשְׁתִּים הֲטוֹבִים מִן־הַמַּמְלָכוֹת הָאֵלֶּה אִם־רַב גְּבוּלָם מִגְּבֻלְכֶֽם׃
3 הַֽמְנַדִּים לְיוֹם רָע וַתַּגִּשׁוּן שֶׁבֶת חָמָֽס׃
4 הַשֹּֽׁכְבִים עַל־מִטּוֹת שֵׁן וּסְרֻחִים עַל־עַרְשׂוֹתָם וְאֹכְלִים כָּרִים מִצֹּאן וַעֲגָלִים מִתּוֹךְ מַרְבֵּֽק׃
5 הַפֹּרְטִים עַל־פִּי הַנָּבֶל כְּדָוִיד חָשְׁבוּ לָהֶם כְּלֵי־שִֽׁיר׃
6 הַשֹּׁתִים בְּמִזְרְקֵי יַיִן וְרֵאשִׁית שְׁמָנִים יִמְשָׁחוּ וְלֹא נֶחְלוּ עַל־שֵׁבֶר יוֹסֵֽף׃
7 לָכֵן עַתָּה יִגְלוּ בְּרֹאשׁ גֹּלִים וְסָר מִרְזַח סְרוּחִֽים׃
8 נִשְׁבַּע אֲדֹנָי יֱהֹוִה בְּנַפְשׁוֹ נְאֻם־יְהֹוָה אֱלֹהֵי צְבָאוֹת מְתָאֵב אָנֹכִי אֶת־גְּאוֹן יַעֲקֹב וְאַרְמְנֹתָיו שָׂנֵאתִי וְהִסְגַּרְתִּי עִיר וּמְלֹאָֽהּ׃
9 וְהָיָה אִם־יִוָּתְרוּ עֲשָׂרָה אֲנָשִׁים בְּבַיִת אֶחָד וָמֵֽתוּ׃
10 וּנְשָׂאוֹ דּוֹדוֹ וּמְסָֽרְפוֹ לְהוֹצִיא עֲצָמִים מִן־הַבַּיִת וְאָמַר לַאֲשֶׁר בְּיַרְכְּתֵי הַבַּיִת הַעוֹד עִמָּךְ וְאָמַר אָפֶס וְאָמַר הָס כִּי לֹא לְהַזְכִּיר בְּשֵׁם יְהֹוָֽה׃
11 כִּֽי־הִנֵּה יְהֹוָה מְצַוֶּה וְהִכָּה הַבַּיִת הַגָּדוֹל רְסִיסִים וְהַבַּיִת הַקָּטֹן בְּקִעִֽים׃
12 הַיְרֻצוּן בַּסֶּלַע סוּסִים אִֽם־יַחֲרוֹשׁ בַּבְּקָרִים כִּֽי־הֲפַכְתֶּם לְרֹאשׁ מִשְׁפָּט וּפְרִי צְדָקָה לְלַעֲנָֽה׃
13 הַשְּׂמֵחִים לְלֹא דָבָר הָאֹמְרִים הֲלוֹא בְחׇזְקֵנוּ לָקַחְנוּ לָנוּ קַרְנָֽיִם׃
14 כִּי הִנְנִי מֵקִים עֲלֵיכֶם בֵּית יִשְׂרָאֵל נְאֻם־יְהֹוָה אֱלֹהֵי הַצְּבָאוֹת גּוֹי וְלָחֲצוּ אֶתְכֶם מִלְּבוֹא חֲמָת עַד־נַחַל הָעֲרָבָֽה
Amos 7
1 כֹּה הִרְאַנִי אֲדֹנָי יֱהֹוִה וְהִנֵּה יוֹצֵר גֹּבַי בִּתְחִלַּת עֲלוֹת הַלָּקֶשׁ וְהִנֵּה־לֶקֶשׁ אַחַר גִּזֵּי הַמֶּֽלֶךְ׃
2 וְהָיָה אִם־כִּלָּה לֶֽאֱכוֹל אֶת־עֵשֶׂב הָאָרֶץ וָֽאֹמַר אֲדֹנָי יֱהֹוִה סְֽלַֽח־נָא מִי יָקוּם יַעֲקֹב כִּי קָטֹן הֽוּא׃
3 נִחַם יְהֹוָה עַל־זֹאת לֹא תִֽהְיֶה אָמַר יְהֹוָֽה׃
4 כֹּה הִרְאַנִי אֲדֹנָי יֱהֹוִה וְהִנֵּה קֹרֵא לָרִב בָּאֵשׁ אֲדֹנָי יֱהֹוִה וַתֹּאכַל אֶת־תְּהוֹם רַבָּה וְאָכְלָה אֶת־הַחֵֽלֶק׃
5 וָאֹמַר אֲדֹנָי יֱהֹוִה חֲדַל־נָא מִי יָקוּם יַעֲקֹב כִּי קָטֹן הֽוּא׃
6 נִחַם יְהֹוָה עַל־זֹאת גַּם־הִיא לֹא תִֽהְיֶה אָמַר אֲדֹנָי יֱהֹוִֽה׃
7 כֹּה הִרְאַנִי וְהִנֵּה אֲדֹנָי נִצָּב עַל־חוֹמַת אֲנָךְ וּבְיָדוֹ אֲנָֽךְ׃
8 וַיֹּאמֶר יְהֹוָה אֵלַי מָֽה־אַתָּה רֹאֶה עָמוֹס וָאֹמַר אֲנָךְ וַיֹּאמֶר אֲדֹנָי הִנְנִי שָׂם אֲנָךְ בְּקֶרֶב עַמִּי יִשְׂרָאֵל לֹא־אוֹסִיף עוֹד עֲבוֹר לֽוֹ׃
9 וְנָשַׁמּוּ בָּמוֹת יִשְׂחָק וּמִקְדְּשֵׁי יִשְׂרָאֵל יֶחֱרָבוּ וְקַמְתִּי עַל־בֵּית יָרׇבְעָם בֶּחָֽרֶב׃
10 וַיִּשְׁלַח אֲמַצְיָה כֹּהֵן בֵּֽית־אֵל אֶל־יָרׇבְעָם מֶלֶךְ־יִשְׂרָאֵל לֵאמֹר קָשַׁר עָלֶיךָ עָמוֹס בְּקֶרֶב בֵּית יִשְׂרָאֵל לֹא־תוּכַל הָאָרֶץ לְהָכִיל אֶת־כׇּל־דְּבָרָֽיו׃
11 כִּי־כֹה אָמַר עָמוֹס בַּחֶרֶב יָמוּת יָרׇבְעָם וְיִשְׂרָאֵל גָּלֹה יִגְלֶה מֵעַל אַדְמָתֽוֹ׃
12 וַיֹּאמֶר אֲמַצְיָה אֶל־עָמוֹס חֹזֶה לֵךְ בְּרַח־לְךָ אֶל־אֶרֶץ יְהוּדָה וֶאֱכׇל־שָׁם לֶחֶם וְשָׁם תִּנָּבֵֽא׃
13 וּבֵֽית־אֵל לֹא־תוֹסִיף עוֹד לְהִנָּבֵא כִּי מִקְדַּשׁ־מֶלֶךְ הוּא וּבֵית מַמְלָכָה הֽוּא׃
14 וַיַּעַן עָמוֹס וַיֹּאמֶר אֶל־אֲמַצְיָה לֹא־נָבִיא אָנֹכִי וְלֹא בֶן־נָבִיא אָנֹכִי כִּי־בוֹקֵר אָנֹכִי וּבוֹלֵס שִׁקְמִֽים׃
15 וַיִּקָּחֵנִי יְהֹוָה מֵאַחֲרֵי הַצֹּאן וַיֹּאמֶר אֵלַי יְהֹוָה לֵךְ הִנָּבֵא אֶל־עַמִּי יִשְׂרָאֵֽל׃
16 וְעַתָּה שְׁמַע דְּבַר־יְהֹוָה אַתָּה אֹמֵר לֹא תִנָּבֵא עַל־יִשְׂרָאֵל וְלֹא תַטִּיף עַל־בֵּית יִשְׂחָֽק׃
17 לָכֵן כֹּה־אָמַר יְהֹוָה אִשְׁתְּךָ בָּעִיר תִּזְנֶה וּבָנֶיךָ וּבְנֹתֶיךָ בַּחֶרֶב יִפֹּלוּ וְאַדְמָתְךָ בַּחֶבֶל תְּחֻלָּק וְאַתָּה עַל־אֲדָמָה טְמֵאָה תָּמוּת וְיִשְׂרָאֵל גָּלֹה יִגְלֶה מֵעַל אַדְמָתֽוֹ׃
Amos 8
1 כֹּה הִרְאַנִי אֲדֹנָי יֱהֹוִה וְהִנֵּה כְּלוּב קָֽיִץ׃
2 וַיֹּאמֶר מָֽה־אַתָּה רֹאֶה עָמוֹס וָאֹמַר כְּלוּב קָיִץ וַיֹּאמֶר יְהֹוָה אֵלַי בָּא הַקֵּץ אֶל־עַמִּי יִשְׂרָאֵל לֹא־אוֹסִיף עוֹד עֲבוֹר לֽוֹ׃
3 וְהֵילִילוּ שִׁירוֹת הֵיכָל בַּיּוֹם הַהוּא נְאֻם אֲדֹנָי יֱהֹוִה רַב הַפֶּגֶר בְּכׇל־מָקוֹם הִשְׁלִיךְ הָֽס׃
4 שִׁמְעוּ־זֹאת הַשֹּׁאֲפִים אֶבְיוֹן וְלַשְׁבִּית ענוי עֲנִיֵּי־אָֽרֶץ׃
5 לֵאמֹר מָתַי יַעֲבֹר הַחֹדֶשׁ וְנַשְׁבִּירָה שֶּׁבֶר וְהַשַּׁבָּת וְנִפְתְּחָה־בָּר לְהַקְטִין אֵיפָה וּלְהַגְדִּיל שֶׁקֶל וּלְעַוֵּת מֹאזְנֵי מִרְמָֽה׃
6 לִקְנוֹת בַּכֶּסֶף דַּלִּים וְאֶבְיוֹן בַּעֲבוּר נַעֲלָיִם וּמַפַּל בַּר נַשְׁבִּֽיר׃
7 נִשְׁבַּע יְהֹוָה בִּגְאוֹן יַעֲקֹב אִם־אֶשְׁכַּח לָנֶצַח כׇּל־מַעֲשֵׂיהֶֽם׃
8 הַעַל זֹאת לֹא־תִרְגַּז הָאָרֶץ וְאָבַל כׇּל־יוֹשֵׁב בָּהּ וְעָלְתָה כָאֹר כֻּלָּהּ וְנִגְרְשָׁה ונשקה וְנִשְׁקְעָה כִּיאוֹר מִצְרָֽיִם׃
9 וְהָיָה ׀ בַּיּוֹם הַהוּא נְאֻם אֲדֹנָי יֱהֹוִה וְהֵבֵאתִי הַשֶּׁמֶשׁ בַּֽצׇּהֳרָיִם וְהַחֲשַׁכְתִּי לָאָרֶץ בְּיוֹם אֽוֹר׃
10 וְהָפַכְתִּי חַגֵּיכֶם לְאֵבֶל וְכׇל־שִֽׁירֵיכֶם לְקִינָה וְהַעֲלֵיתִי עַל־כׇּל־מׇתְנַיִם שָׂק וְעַל־כׇּל־רֹאשׁ קׇרְחָה וְשַׂמְתִּיהָ כְּאֵבֶל יָחִיד וְאַחֲרִיתָהּ כְּיוֹם מָֽר׃
11 הִנֵּה ׀ יָמִים בָּאִים נְאֻם אֲדֹנָי יֱהֹוִה וְהִשְׁלַחְתִּי רָעָב בָּאָרֶץ לֹא־רָעָב לַלֶּחֶם וְלֹֽא־צָמָא לַמַּיִם כִּי אִם־לִשְׁמֹעַ אֵת דִּבְרֵי יְהֹוָֽה׃
12 וְנָעוּ מִיָּם עַד־יָם וּמִצָּפוֹן וְעַד־מִזְרָח יְשׁוֹטְטוּ לְבַקֵּשׁ אֶת־דְּבַר־יְהֹוָה וְלֹא יִמְצָֽאוּ׃
13 בַּיּוֹם הַהוּא תִּתְעַלַּפְנָה הַבְּתוּלֹת הַיָּפוֹת וְהַבַּחוּרִים בַּצָּמָֽא׃
14 הַנִּשְׁבָּעִים בְּאַשְׁמַת שֹֽׁמְרוֹן וְאָמְרוּ חֵי אֱלֹהֶיךָ דָּן וְחֵי דֶּרֶךְ בְּאֵֽר־שָׁבַע וְנָפְלוּ וְלֹא־יָקוּמוּ עֽוֹד׃
Amos 9
1 רָאִיתִי אֶת־אֲדֹנָי נִצָּב עַֽל־הַמִּזְבֵּחַ וַיֹּאמֶר הַךְ הַכַּפְתּוֹר וְיִרְעֲשׁוּ הַסִּפִּים וּבְצַעַם בְּרֹאשׁ כֻּלָּם וְאַחֲרִיתָם בַּחֶרֶב אֶהֱרֹג לֹֽא־יָנוּס לָהֶם נָס וְלֹֽא־יִמָּלֵט לָהֶם פָּלִֽיט׃
2 אִם־יַחְתְּרוּ בִשְׁאוֹל מִשָּׁם יָדִי תִקָּחֵם וְאִֽם־יַעֲלוּ הַשָּׁמַיִם מִשָּׁם אוֹרִידֵֽם׃
3 וְאִם־יֵחָֽבְאוּ בְּרֹאשׁ הַכַּרְמֶל מִשָּׁם אֲחַפֵּשׂ וּלְקַחְתִּים וְאִם־יִסָּתְרוּ מִנֶּגֶד עֵינַי בְּקַרְקַע הַיָּם מִשָּׁם אֲצַוֶּה אֶת־הַנָּחָשׁ וּנְשָׁכָֽם׃
4 וְאִם־יֵלְכוּ בַשְּׁבִי לִפְנֵי אֹֽיְבֵיהֶם מִשָּׁם אֲצַוֶּה אֶת־הַחֶרֶב וַהֲרָגָתַם וְשַׂמְתִּי עֵינִי עֲלֵיהֶם לְרָעָה וְלֹא לְטוֹבָֽה׃
5 וַאדֹנָי יֱהֹוִה הַצְּבָאוֹת הַנּוֹגֵעַ בָּאָרֶץ וַתָּמוֹג וְאָבְלוּ כׇּל־יוֹשְׁבֵי בָהּ וְעָלְתָה כַיְאֹר כֻּלָּהּ וְשָׁקְעָה כִּיאֹר מִצְרָֽיִם׃
6 הַבּוֹנֶה בַשָּׁמַיִם מַעֲלוֹתָו וַאֲגֻדָּתוֹ עַל־אֶרֶץ יְסָדָהּ הַקֹּרֵא לְמֵֽי־הַיָּם וַֽיִּשְׁפְּכֵם עַל־פְּנֵי הָאָרֶץ יְהֹוָה שְׁמֽוֹ׃
7 הֲלוֹא כִבְנֵי כֻשִׁיִּים אַתֶּם לִי בְּנֵי יִשְׂרָאֵל נְאֻם־יְהֹוָה הֲלוֹא אֶת־יִשְׂרָאֵל הֶעֱלֵיתִי מֵאֶרֶץ מִצְרַיִם וּפְלִשְׁתִּיִּים מִכַּפְתּוֹר וַאֲרָם מִקִּֽיר׃
8 הִנֵּה עֵינֵי ׀ אֲדֹנָי יֱהֹוִה בַּמַּמְלָכָה הַֽחַטָּאָה וְהִשְׁמַדְתִּי אֹתָהּ מֵעַל פְּנֵי הָאֲדָמָה אֶפֶס כִּי לֹא הַשְׁמֵיד אַשְׁמִיד אֶת־בֵּית יַעֲקֹב נְאֻם־יְהֹוָֽה׃
9 כִּֽי־הִנֵּה אָֽנֹכִי מְצַוֶּה וַהֲנִעוֹתִי בְכׇֽל־הַגּוֹיִם אֶת־בֵּית יִשְׂרָאֵל כַּאֲשֶׁר יִנּוֹעַ בַּכְּבָרָה וְלֹֽא־יִפּוֹל צְרוֹר אָֽרֶץ׃
10 בַּחֶרֶב יָמוּתוּ כֹּל חַטָּאֵי עַמִּי הָאֹמְרִים לֹֽא־תַגִּישׁ וְתַקְדִּים בַּעֲדֵינוּ הָרָעָֽה׃
11 בַּיּוֹם הַהוּא אָקִים אֶת־סֻכַּת דָּוִיד הַנֹּפֶלֶת וְגָדַרְתִּי אֶת־פִּרְצֵיהֶן וַהֲרִֽסֹתָיו אָקִים וּבְנִיתִיהָ כִּימֵי עוֹלָֽם׃
12 לְמַעַן יִֽירְשׁוּ אֶת־שְׁאֵרִית אֱדוֹם וְכׇל־הַגּוֹיִם אֲשֶׁר־נִקְרָא שְׁמִי עֲלֵיהֶם נְאֻם־יְהֹוָה עֹשֶׂה זֹּֽאת׃
13 הִנֵּה יָמִים בָּאִים נְאֻם־יְהֹוָה וְנִגַּשׁ חוֹרֵשׁ בַּקֹּצֵר וְדֹרֵךְ עֲנָבִים בְּמֹשֵׁךְ הַזָּרַע וְהִטִּיפוּ הֶֽהָרִים עָסִיס וְכׇל־הַגְּבָעוֹת תִּתְמוֹגַֽגְנָה׃
14 וְשַׁבְתִּי אֶת־שְׁבוּת עַמִּי יִשְׂרָאֵל וּבָנוּ עָרִים נְשַׁמּוֹת וְיָשָׁבוּ וְנָטְעוּ כְרָמִים וְשָׁתוּ אֶת־יֵינָם וְעָשׂוּ גַנּוֹת וְאָכְלוּ אֶת־פְּרִיהֶֽם׃
15 וּנְטַעְתִּים עַל־אַדְמָתָם וְלֹא יִנָּתְשׁוּ עוֹד מֵעַל אַדְמָתָם אֲשֶׁר נָתַתִּי לָהֶם אָמַר יְהֹוָה אֱלֹהֶֽיךָ׃
Amos 1-9
Genesis Exod. Leviticus Numbers Deuteron. Yehoshua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi