Genesis Exod. Leviticus Numbers Deuteron. Yešua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi
Malachi 1-3
Malachi 1
1. Masa devar-Jehovah el-jizrael bejad malahi.
2. Ahavti ethem amar Jehovah, va-amartem bamah ahavtanu halov-ah esav lejakov neum- Jehovah, vaohav et-jakov.
3. Ve-et esav saneti va-asim et-harav šemah, ve-et nahalatov letanovt midbar.
4 .Ki-tomar edovm rušašnu venašuv venivneh horavovt, koh amar Jehovah sebaovt, hemah jivnu va-ani eherovs vekareu lahem gevul rišah, veha-am ašer za-am Jehovah ad olam.
5 .Ve-eineihem tireinah veatem tomeru jigdal Jehovah, meal ligvul jizrael.
6. Ben jehabed av ve-eved adonav veim-av ani aijeh hevovdi veim adovnim ani aijeh movrai amar Jehovah sevaovt lahem hakohanim bovzei šemi, va-amartem bameh vazinu et-šemeha.
7 .Magišim al-mizbehi lehem megoal, va-amartem bameh gealnuha be-emarehem šulhan Jehovah nivzeh hu.
8 .Vehi-tagišun iver lizboah ein ra, vehi tagišu piseah veholeh ein ra hakrivehu na lefehateha hajirseha ov hajisa faneiha, amar Jehovah sevaot.
9. Veatah halu-na fenei-el vihanenu mijedhem hajetah zot, hajisa mikem panim, amar Jehovah sevaovt.
10. Mi gam-bahem vejisgor delatajim, velo-tairu mizbehi hinam ein-li hefes bahem amar Jehovah sebaovt, uminhah lo-erseh mijedhem.
11. Ki mimizrah šemeš vead mevovov gadol šemi bagovjim, uvehol makovm muktar mugaš lišmi uminhah tehovrah ki-gadovl šemi bagovjim, amar Jehovah sebaovt.
12. Veatem mehalelim ovtov be-emarehem šulhan adonai megoal hu, venivov nivzeh ahelov.
13. Va-amartem hineh matelah vehipahtem ovtov amar Jehovah sevaovt, vahavetem gazul ve-et hapiseah ve-et hahovleh, vahavetem et-haminhah haerseh ovtah mijedhem amar Jehovah.
14. Vearur novhel veješ be-edrov zahar, venoder vezoveah mašehat ladonai ki meleh gadovl ani amar Jehovah sevaot, ušemi novra vagovjim.
Malachi, Malahija 2
1. Veatah aleihem hamisvah hazot hakohanim.
2. Im-lo tišmeu veim-lo tasimu al lev latet kavovd lišmi amar Jehovah sevaot, vešilahti vahem et hame-erah, vearovti et-birhovteihem vegam arovtiha, ki einehem samim al-lev.
3. Hini goer lahem et-hazera, vezeriti fereš al-peneihem, pereš hageihem venasa ethem elav.
4. Vidatem ki šilahti aleihem, et hamisvah hazot lihjot beriti et-levi, amar Jehovah sevaot.
5. Beriti hajetah itov hahaijim vehašalom, va-etenem lov movra vaijiraeni umipenei šemi nihat hu.
6 .Tovrat emet hajetah befihu, veavlah lo-nimsa visfatav bešalom uvemišovr halah iti, verabim hešiv meavon.
7 .Ki siftei hohen jišmeru-dat, vetorah jevakšu mipihu ki malah Jehovah-sebaovt hu.
8. Veatem sartem min-hadereh, hihšaltem rabim batovrah šihatem berit halevi, amar Jehovah sebaovt.
9 .Vegam ani natati ethem nivzim ušefalim lehol ha-am kefi ašer einehem šomerim et-derahai, venoseim panim batovrah.
10. Halov av ehad lehulanu, halov el ehad beranu madua nivgad iš beahiv, lehalel berit avoteinu.
11. Bagedah jehudah, vetovevah ne-estah vejizrael uvirušalim ki hilel jehudah kodeš Jehovah ašer ahev, uval bat-el nehar.
12. Jahret Jehovah laiš ašer jasenah er veoneh, meaholei jakov umagiš minhah, laJehovah sevaovt.
13. Vezot šenit ta-asu, kasovt dimah et-mizbah Jehovah, behi va-anakah me-ein ovd penovt el haminhah, velakahat rasovn mijedhem.
14 .Va-amartem al-mah al ki-Jehovah heid beineha uvein ešet neureiha ašer atah bagadtah bah, vehi haverteha ve-ešet beriteha.
15 .Velo ehad asah ušear ruah lov, umah haehad, mevakeš zera elohim venišmartem beruhahem, uve-ešet neureiha al-jivgod.
16. Ki-sane šalah amar Jehovah elohei jizrael, vehisah hamas al-levušov, amar Jehovah sevaot venishmartem beruhahem velo tivgodu.
17 .Hovgatem Jehovah bedivreihem, va-amartem bamah hovgaenu be-emarehem kol oseh ra tov be-einei Jehovah uvahem hu hafes, ov aijeh elohei hamišpat.
Malachi, Malahija 3
1. Hini šoleah malahi, ufinah dereh lefanai ufitom javov el-heihalov ha-adon ašer atem mevakšim umalah haberit ašer-atem hafesim hineh va, amar Jehovah sevaot.
2. Umi mehalkel et jovm bovov, umi haomed beheraovtov ki hu ke-eš mesaref, uhevorit mehabesim.
3. Vejašav mesaref umetaher kesef, vetihar et-benei levi vezikak otam, kazahav vehakasef vehaiu laJehovah, magišei minhah bisdakah.
4. Vearevah laJehovah, minhat Jehudah virušalim kimei ovlam, uhešanim kadmonijot.
5 .Vekaravti aleihem lamišpat vehajiti ed memaher bamhašefim uvamnafim, uvanišbaim lašaker uveošekei seharsa-hir almanah vejatovm umatei-ger velo jereuni, amar Jehovah sevaot.
6. Ki ani Jehovah lo šaniti veatem benei jakov lo helitem.
7. Lemimei avoteihem sartem mehukai velo šemartem, šuvu elai veašuvah aleihem, amar Jehovah sevaot va-amartem bameh našuv.
8. Hajikba adam elohim ki atem koveim oti, va-amartem bameh kevanuha hamaser vehaterumah.
9. Bamerah atem nearim, veoti atem koveim hagovj kulov.
10. Haviu et-kol hamaser el-beit haovsar vihi teref beveiti, uvehanuni na bazot, amar Jehovah sevaot im-lo eftah lahem et arubot hašamajim, vaharikoti lahem berahah ad beli dai.
11. Vegaarti lahem baohel, velo jašhit lahem et peri ha -adamah velo teshakel lahem hagefen basadeh, amar Jehovah sebaot.
12. Veišeru ethem kol hagovjim ki-tihju atem erec hefec, amar Jehovah sevaot.
13.Hazeku alai divreihem amar Jehovah va-amartem mah nidbarnu aleiha.
14.Amartem šave avod elohim umah besa ki šamarnu mišmartov, vehi halahnu kedoranit, mipenei Jehovah sebaot.
15.Veatah anahnu meašerim zedim gam nivnu osei rišah, gam bahanu elohim vaijimaletu.
16.Az nidberu jirei Jehovah iš et-rehu vaijakšev Jehovah vaijišma, vaijikatev sefer zikarovn lefanav lejirei Jehovah, ulehoševei šemov.
17.Vehaiu li amar Jehovah sevaot, laijom ašer ani oseh segulah vehamalti aleihem, ka-ašer jahmol iš, al-benov haoved otov.
18.Vešavtem ureitem, bein sadik leraša bein oved elohim, la-ašer lo avadov.
Malachi, Malahija 4
1. Ki hineh haijovm ba, boer katanur vehaiu hol zedim vehol oseh rišah kaš, velihat otam haijom haba amar Jehovah sevaot, ašer lo-jazov lahem šoreš veanaf.
2. Vezarehah lahem jirei šemi šemeš sedkah, umarpe bihnafeiha visatem ufištem ke-eglei marbek.
3. Veasovtem rešaim, ki-jihju efer, tahat kapovt ragleihem baijovm ašer ani oseh, amar Jehovah sevaot.
4. Zihru tovrat mošeh avdi ašer siviti ovtov vehorev al kol-jizrael, hukim umišpatim.
5. Hineh anohi šoleah lahem, et elijah hanavi lifnei bov jovm Jehovah, hagadol vehanovra.
6. Vehešiv lev avovt al-banim, velev banim al-avovtam pen avov vehikeiti et ha-arec herem.
מלאכי פרק א
א מַשָּׂא דְבַר-יְהֹוָה אֶל-יִשְׂרָאֵל בְּיַד מַלְאָכִי:
ב אָהַבְתִּי אֶתְכֶם אָמַר יְהֹוָה וַאֲמַרְתֶּם בַּמָּה אֲהַבְתָּנוּ הֲלוֹא-אָח עֵשָׂו לְיַעֲקֹב נְאֻם-יְהֹוָה וָאֹהַב אֶת-יַעֲקֹב:
ג וְאֶת-עֵשָׂו שָׂנֵאתִי וָאָשִׂים אֶת-הָרָיו שְׁמָמָה וְאֶת-נַחֲלָתוֹ לְתַנּוֹת מִדְבָּר:
ד כִּי-תֹאמַר אֱדוֹם רֻשַּׁשְׁנוּ וְנָשׁוּב וְנִבְנֶה חֳרָבוֹת כֹּה אָמַר יְהֹוָה צְבָאוֹת הֵמָּה יִבְנוּ וַאֲנִי אֶהֱרוֹס וְקָרְאוּ לָהֶם גְּבוּל רִשְׁעָה וְהָעָם אֲשֶׁר-זָעַם יְהֹוָה עַד-עוֹלָם:
ה וְעֵינֵיכֶם תִּרְאֶינָה וְאַתֶּם תֹּאמְרוּ יִגְדַּל יְהֹוָה מֵעַל לִגְבוּל יִשְׂרָאֵל:
ו בֵּן יְכַבֵּד אָב וְעֶבֶד אֲדֹנָיו וְאִם-אָב אָנִי אַיֵּה כְבוֹדִי וְאִם-אֲדוֹנִים אָנִי- אַיֵּה מוֹרָאִי אָמַר יְהֹוָה צְבָאוֹת לָכֶם הַכֹּהֲנִים בּוֹזֵי שְׁמִי וַאֲמַרְתֶּם בַּמֶּה בָזִינוּ אֶת-שְׁמֶךָ:
ז מַגִּישִׁים עַל-מִזְבְּחִי לֶחֶם מְגֹאָל וַאֲמַרְתֶּם בַּמֶּה גֵאַלְנוּךָ בֶּאֱמָרְכֶם שֻׁלְחַן יְהֹוָה נִבְזֶה הוּא:
ח וְכִי-תַגִּשׁוּן עִוֵּר לִזְבֹּחַ אֵין רָע וְכִי תַגִּישׁוּ פִּסֵּחַ וְחֹלֶה אֵין רָע הַקְרִיבֵהוּ נָא לְפֶחָתֶךָ הֲיִרְצְךָ אוֹ הֲיִשָּׂא פָנֶיךָ אָמַר יְהֹוָה צְבָאוֹת:
ט וְעַתָּה חַלּוּ-נָא פְנֵי-אֵל וִיחָנֵּנוּ מִיֶּדְכֶם הָיְתָה זֹּאת הֲיִשָּׂא מִכֶּם פָּנִים אָמַר יְהֹוָה צְבָאוֹת:
י מִי גַם-בָּכֶם וְיִסְגֹּר דְּלָתַיִם וְלֹא-תָאִירוּ מִזְבְּחִי חִנָּם אֵין-לִי חֵפֶץ בָּכֶם אָמַר יְהֹוָה צְבָאוֹת וּמִנְחָה לֹא-אֶרְצֶה מִיֶּדְכֶם:
יא כִּי מִמִּזְרַח-שֶׁמֶשׁ וְעַד-מְבוֹאוֹ גָּדוֹל שְׁמִי בַּגּוֹיִם וּבְכָל-מָקוֹם מֻקְטָר מֻגָּשׁ לִשְׁמִי וּמִנְחָה טְהוֹרָה כִּי-גָדוֹל שְׁמִי בַּגּוֹיִם אָמַר יְהֹוָה צְבָאוֹת:
יב וְאַתֶּם מְחַלְּלִים אֹתוֹ בֶּאֱמָרְכֶם שֻׁלְחַן אֲדֹנָי מְגֹאָל הוּא וְנִיבוֹ נִבְזֶה אָכְלוֹ:
יג וַאֲמַרְתֶּם- הִנֵּה מַתְּלָאָה וְהִפַּחְתֶּם אוֹתוֹ אָמַר יְהֹוָה צְבָאוֹת וַהֲבֵאתֶם גָּזוּל וְאֶת-הַפִּסֵּחַ וְאֶת-הַחוֹלֶה וַהֲבֵאתֶם אֶת-הַמִּנְחָה הַאֶרְצֶה אוֹתָהּ מִיֶּדְכֶם אָמַר יְהֹוָה:
יד וְאָרוּר נוֹכֵל וְיֵשׁ בְּעֶדְרוֹ זָכָר וְנֹדֵר וְזֹבֵחַ מָשְׁחָת לַאדֹנָי כִּי- מֶלֶךְ גָּדוֹל אָנִי אָמַר יְהֹוָה צְבָאוֹת וּשְׁמִי נוֹרָא בַגּוֹיִם:
מלאכי פרק ב
א וְעַתָּה אֲלֵיכֶם הַמִּצְוָה הַזֹּאת הַכֹּהֲנִים:
ב אִם-לֹא תִשְׁמְעוּ וְאִם-לֹא- תָשִׂימוּ עַל-לֵב לָתֵת כָּבוֹד לִשְׁמִי אָמַר יְהֹוָה צְבָאוֹת וְשִׁלַּחְתִּי בָכֶם אֶת-הַמְּאֵרָה וְאָרוֹתִי אֶת-בִּרְכוֹתֵיכֶם וְגַם אָרוֹתִיהָ כִּי אֵינְכֶם שָׂמִים עַל-לֵב:
ג הִנְנִי גֹעֵר לָכֶם אֶת-הַזֶּרַע וְזֵרִיתִי פֶרֶשׁ עַל-פְּנֵיכֶם פֶּרֶשׁ חַגֵּיכֶם וְנָשָׂא אֶתְכֶם אֵלָיו:
ד וִידַעְתֶּם כִּי שִׁלַּחְתִּי אֲלֵיכֶם אֵת הַמִּצְוָה הַזֹּאת לִהְיוֹת בְּרִיתִי אֶת-לֵוִי אָמַר יְהֹוָה צְבָאוֹת:
ה בְּרִיתִי הָיְתָה אִתּוֹ הַחַיִּים וְהַשָּׁלוֹם וָאֶתְּנֵם-לוֹ מוֹרָא וַיִּירָאֵנִי וּמִפְּנֵי שְׁמִי נִחַת הוּא:
ו תּוֹרַת אֱמֶת הָיְתָה בְּפִיהוּ וְעַוְלָה לֹא-נִמְצָא בִשְׂפָתָיו בְּשָׁלוֹם וּבְמִישׁוֹר הָלַךְ אִתִּי וְרַבִּים הֵשִׁיב מֵעָוֹן:
ז כִּי-שִׂפְתֵי כֹהֵן יִשְׁמְרוּ-דַעַת וְתוֹרָה יְבַקְשׁוּ מִפִּיהוּ כִּי מַלְאַךְ יְהֹוָה-צְבָאוֹת הוּא:
ח וְאַתֶּם סַרְתֶּם מִן-הַדֶּרֶךְ הִכְשַׁלְתֶּם רַבִּים בַּתּוֹרָה שִׁחַתֶּם בְּרִית הַלֵּוִי אָמַר יְהֹוָה צְבָאוֹת:
ט וְגַם-אֲנִי נָתַתִּי אֶתְכֶם נִבְזִים וּשְׁפָלִים לְכָל-הָעָם כְּפִי אֲשֶׁר אֵינְכֶם שֹׁמְרִים אֶת-דְּרָכַי וְנֹשְׂאִים פָּנִים בַּתּוֹרָה:
י הֲלוֹא אָב אֶחָד לְכֻלָּנוּ הֲלוֹא אֵל אֶחָד בְּרָאָנוּ מַדּוּעַ נִבְגַּד אִישׁ בְּאָחִיו לְחַלֵּל בְּרִית אֲבֹתֵינוּ:
יא בָּגְדָה יְהוּדָה וְתוֹעֵבָה נֶעֶשְׂתָה בְיִשְׂרָאֵל וּבִירוּשָׁלָם כִּי חִלֵּל יְהוּדָה קֹדֶשׁ יְהֹוָה אֲשֶׁר אָהֵב וּבָעַל בַּת-אֵל נֵכָר:
יב יַכְרֵת יְהֹוָה לָאִישׁ אֲשֶׁר יַעֲשֶׂנָּה עֵר וְעֹנֶה מֵאָהֳלֵי יַעֲקֹב וּמַגִּישׁ מִנְחָה לַיהֹוָה צְבָאוֹת:
יג וְזֹאת שֵׁנִית תַּעֲשׂוּ כַּסּוֹת דִּמְעָה אֶת-מִזְבַּח יְהֹוָה בְּכִי וַאֲנָקָה מֵאֵין עוֹד פְּנוֹת אֶל-הַמִּנְחָה וְלָקַחַת רָצוֹן מִיֶּדְכֶם:
יד וַאֲמַרְתֶּם עַל-מָה עַל כִּי-יְהֹוָה- הֵעִיד בֵּינְךָ וּבֵין אֵשֶׁת נְעוּרֶיךָ אֲשֶׁר אַתָּה בָּגַדְתָּה בָּהּ וְהִיא חֲבֶרְתְּךָ וְאֵשֶׁת בְּרִיתֶךָ:
טו וְלֹא-אֶחָד עָשָׂה וּשְׁאָר רוּחַ לוֹ וּמָה הָאֶחָד מְבַקֵּשׁ זֶרַע אֱלֹהִים וְנִשְׁמַרְתֶּם בְּרוּחֲכֶם וּבְאֵשֶׁת נְעוּרֶיךָ אַל-יִבְגֹּד:
טז כִּי-שָׂנֵא שַׁלַּח אָמַר יְהֹוָה אֱלֹהֵי יִשְׂרָאֵל וְכִסָּה חָמָס עַל-לְבוּשׁוֹ אָמַר יְהֹוָה צְבָאוֹת וְנִשְׁמַרְתֶּם בְּרוּחֲכֶם וְלֹא תִבְגֹּדוּ:
יז הוֹגַעְתֶּם יְהֹוָה בְּדִבְרֵיכֶם וַאֲמַרְתֶּם בַּמָּה הוֹגָעְנוּ בֶּאֱמָרְכֶם כָּל-עֹשֵׂה רָע טוֹב בְּעֵינֵי יְהֹוָה וּבָהֶם הוּא חָפֵץ אוֹ אַיֵּה אֱלֹהֵי הַמִּשְׁפָּט:
מלאכי פרק ג
א הִנְנִי שֹׁלֵחַ מַלְאָכִי וּפִנָּה-דֶרֶךְ לְפָנָי וּפִתְאֹם- יָבוֹא אֶל-הֵיכָלוֹ הָאָדוֹן אֲשֶׁר-אַתֶּם מְבַקְשִׁים וּמַלְאַךְ הַבְּרִית אֲשֶׁר-אַתֶּם חֲפֵצִים הִנֵּה-בָא אָמַר יְהֹוָה צְבָאוֹת:
ב וּמִי מְכַלְכֵּל אֶת-יוֹם בּוֹאוֹ וּמִי הָעֹמֵד בְּהֵרָאוֹתוֹ כִּי-הוּא כְּאֵשׁ מְצָרֵף וּכְבֹרִית מְכַבְּסִים:
ג וְיָשַׁב מְצָרֵף וּמְטַהֵר כֶּסֶף וְטִהַר אֶת-בְּנֵי-לֵוִי וְזִקַּק אֹתָם כַּזָּהָב וְכַכָּסֶף וְהָיוּ לַיהֹוָה מַגִּישֵׁי מִנְחָה בִּצְדָקָה:
ד וְעָרְבָה לַיהֹוָה מִנְחַת יְהוּדָה וִירוּשָׁלָם כִּימֵי עוֹלָם וּכְשָׁנִים קַדְמֹנִיּוֹת:
ה וְקָרַבְתִּי אֲלֵיכֶם לַמִּשְׁפָּט וְהָיִיתִי עֵד מְמַהֵר בַּמְכַשְּׁפִים וּבַמְנָאֲפִים וּבַנִּשְׁבָּעִים לַשָּׁקֶר וּבְעֹשְׁקֵי שְׂכַר-שָׂכִיר אַלְמָנָה וְיָתוֹם וּמַטֵּי-גֵר וְלֹא יְרֵאוּנִי אָמַר יְהֹוָה צְבָאוֹת:
ו כִּי אֲנִי יְהֹוָה לֹא שָׁנִיתִי וְאַתֶּם בְּנֵי-יַעֲקֹב לֹא כְלִיתֶם:
ז לְמִימֵי אֲבֹתֵיכֶם סַרְתֶּם מֵחֻקַּי וְלֹא שְׁמַרְתֶּם שׁוּבוּ אֵלַי וְאָשׁוּבָה אֲלֵיכֶם אָמַר יְהֹוָה צְבָאוֹת וַאֲמַרְתֶּם בַּמֶּה נָשׁוּב:
ח הֲיִקְבַּע אָדָם אֱלֹהִים כִּי אַתֶּם קֹבְעִים אֹתִי וַאֲמַרְתֶּם בַּמֶּה קְבַעֲנוּךָ הַמַּעֲשֵׂר וְהַתְּרוּמָה:
ט בַּמְּאֵרָה אַתֶּם נֵאָרִים וְאֹתִי אַתֶּם קֹבְעִים הַגּוֹי כֻּלּוֹ:
י הָבִיאוּ אֶת-כָּל-הַמַּעֲשֵׂר אֶל-בֵּית הָאוֹצָר וִיהִי טֶרֶף בְּבֵיתִי וּבְחָנוּנִי נָא בָּזֹאת אָמַר יְהֹוָה צְבָאוֹת אִם-לֹא אֶפְתַּח לָכֶם אֵת אֲרֻבּוֹת הַשָּׁמַיִם וַהֲרִיקֹתִי לָכֶם בְּרָכָה עַד-בְּלִי-דָי:
יא וְגָעַרְתִּי לָכֶם בָּאֹכֵל וְלֹא-יַשְׁחִת לָכֶם אֶת-פְּרִי הָאֲדָמָה וְלֹא-תְשַׁכֵּל לָכֶם הַגֶּפֶן בַּשָּׂדֶה אָמַר יְהֹוָה צְבָאוֹת:
יב וְאִשְּׁרוּ אֶתְכֶם כָּל-הַגּוֹיִם כִּי-תִהְיוּ אַתֶּם אֶרֶץ חֵפֶץ אָמַר יְהֹוָה צְבָאוֹת:
יג חָזְקוּ עָלַי דִּבְרֵיכֶם אָמַר יְהֹוָה וַאֲמַרְתֶּם מַה-נִּדְבַּרְנוּ עָלֶיךָ:
יד אֲמַרְתֶּם שָׁוְא עֲבֹד אֱלֹהִים וּמַה-בֶּצַע כִּי שָׁמַרְנוּ מִשְׁמַרְתּוֹ וְכִי הָלַכְנוּ קְדֹרַנִּית מִפְּנֵי יְהֹוָה צְבָאוֹת:
טו וְעַתָּה אֲנַחְנוּ מְאַשְּׁרִים זֵדִים גַּם-נִבְנוּ עֹשֵׂי רִשְׁעָה גַּם בָּחֲנוּ אֱלֹהִים וַיִּמָּלֵטוּ:
טז אָז נִדְבְּרוּ יִרְאֵי יְהֹוָה אִישׁ אֶל-רֵעֵהוּ וַיַּקְשֵׁב יְהֹוָה וַיִּשְׁמָע וַיִּכָּתֵב סֵפֶר זִכָּרוֹן לְפָנָיו לְיִרְאֵי יְהֹוָה וּלְחֹשְׁבֵי שְׁמוֹ:
יז וְהָיוּ לִי אָמַר יְהֹוָה צְבָאוֹת לַיּוֹם אֲשֶׁר אֲנִי עֹשֶׂה סְגֻלָּה וְחָמַלְתִּי עֲלֵיהֶם כַּאֲשֶׁר יַחְמֹל אִישׁ עַל-בְּנוֹ הָעֹבֵד אֹתוֹ:
יח וְשַׁבְתֶּם וּרְאִיתֶם בֵּין צַדִּיק לְרָשָׁע בֵּין עֹבֵד אֱלֹהִים לַאֲשֶׁר לֹא עֲבָדוֹ:
יט כִּי הִנֵּה הַיּוֹם בָּא בֹּעֵר כַּתַּנּוּר וְהָיוּ כָל-זֵדִים וְכָל-עֹשֵׂה רִשְׁעָה קַשׁ וְלִהַט אֹתָם הַיּוֹם הַבָּא אָמַר יְהֹוָה צְבָאוֹת אֲשֶׁר לֹא-יַעֲזֹב לָהֶם שֹׁרֶשׁ וְעָנָף: כ וְזָרְחָה לָכֶם יִרְאֵי שְׁמִי שֶׁמֶשׁ צְדָקָה וּמַרְפֵּא בִּכְנָפֶיהָ וִיצָאתֶם וּפִשְׁתֶּם כְּעֶגְלֵי מַרְבֵּק:
כא וְעַסּוֹתֶם רְשָׁעִים כִּי-יִהְיוּ אֵפֶר תַּחַת כַּפּוֹת רַגְלֵיכֶם בַּיּוֹם אֲשֶׁר אֲנִי עֹשֶׂה אָמַר יְהֹוָה צְבָאוֹת:
כב זִכְרוּ תּוֹרַת מֹשֶׁה עַבְדִּי אֲשֶׁר- צִוִּיתִי אוֹתוֹ בְחֹרֵב עַל-כָּל-יִשְׂרָאֵל חֻקִּים וּמִשְׁפָּטִים:
כג הִנֵּה אָנֹכִי שֹׁלֵחַ לָכֶם אֵת אֵלִיָּה הַנָּבִיא לִפְנֵי בּוֹא יוֹם יְהֹוָה הַגָּדוֹל וְהַנּוֹרָא:
כד וְהֵשִׁיב לֵב-אָבוֹת עַל-בָּנִים וְלֵב בָּנִים עַל-אֲבוֹתָם פֶּן-אָבוֹא וְהִכֵּיתִי אֶת-הָאָרֶץ חֵרֶם:
Malachi 1-3
Genesis Exod. Leviticus Numbers Deuteron. Yehoshua Judges Ruth 1.Samuel 2.Samuel 1.Kings 2.Kings 1.Chronic. 2.Chronic. Ezra Nehemiah Esther Job Psalms Proverbs Ecclesiast. Song Solom. Isaiah Jerem. Lamentat. Ezeki. Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi