Matthew, Mark, Luke, John, Acts, Romans, 1.Corinth, 2.Corinth, Galatia, Ephesia, Philippia, Colossia, 1.Thessalon,
2.Thessalon, 1.Timothy, 2.Timothy, Titus, Philemon, Hebrews, James, 1.Peter, 2.Peter, 1.John, 2.John, 3.John, Jude, Revelat,
הָאִגֶּרֶת הַשֵּׁנִית לְפֶטְרוֹס הַשָּׁלִיחַ
Haigeret hašenit lefetros hašaliah
2.Peter - 2. Petrova
2.Peter
2.Peter 1
1. Šimon petros eved ješua hamašiah ušeliho el-ašer kibelu emunah jekarah kešelanu bezidkat eloheinu umošienu ješua hamašiah.
2. Hesed vešalom jihju lahem lemahbir beda at haelohim veješua adoneinu.
3. Ba ašer gevurato haelohit natenah lanu et kol-zareheinu lahajim velahasidut al-jedei da at hakore otanu bihvodo veheilo.
4. Ašer bahem natan-lanu havtahot gedolot meod vikarot lema an tikhu al-jadan helek beteva elohim lehimalet mikiljon hata avah ašer baolam.
5. Ba avur zot šikdu lehosif al-emunathem et-ma aseh hazedakah veal ma aseh hazedakah et-hada at.
6. Veal-hada at et-haperišut veal-haperišut et-hasavlanut veal-hasavlanut et-hahasidut.
7. Veal-hahasidut et-ha ahavah veal-ha ahavah et-ha ahavah.
8. Ki im-eleh jimazeu vejirbu vahem lo-jitenu ethem lihjot mitazelim uvetelim measot peri leda at adoneinu ješua hamašiah.
9. Ki haiš ašer ein-eleh lo iver hu refeh einajim vešaheah et-tohorato mehatotav harišonot.
10. Lahen ahai hosifu vešikdu lehazek et-keriathem uvehirathem (bema asim tovim) ki im ken ta asu lo tikašelu.
11. Ki-hen jipatah lifneihem larevahah mevo malhut olam ašer la adoneinu umošienu ješua hamašiah.
12. Al-ken lo ehdal lehazkirhem al-eleh behol-et af-ki jedatem et-amitenu zu vehitkonantem bah.
13. Venahon be einai lehazkir ulehair ethem kol-jemei hejoti bamiškan hazeh.
14. Midati ki maher jetak miškani vehen gilah-li adoneinu ješua hamašiah.
15. Ve eškod lihjot lahem tamid zihron hadevarim haeleh gam-aharei fetirati.
16. Ki lo halahnu aharei hagadot mehukamot behodienu ethem gevurat adoneinu ješua hamašiah uvo o ki eineinu haju haro ot et-gedulato.
17. Ki nasa jekar vehavod me et elohim ha av kevo elav kol milifnei hadrat kevodo lemor zeh beni jedidi razetah nafši bo.
18. Ve et-hakol hahu šamanu veazeneinu joze min-hašamajim bihjotenu imo behar hakodeš.
19 .Udevar hanevuah joter kajam itanu vahativotem asot ašer šattem libehem elav kener meir bimkom ofel ad-ki jibaka or hajom vezarah kohav hanogah bilvavhem.
20. Vezot tedeu rišonah ašer kol-nevuat hamikra einenah kefi fitron adam milibo.
21. Ki meolam lo-jazeah nevuah birzon ha adam ki anšei elohim hakedošim diberu ka ašer nesa am ruah hakodeš.
א
שִׁמְעוֹן פֶּטְרוֹס עֶבֶד יֵשׁוּעַ הַמָּשִׁיחַ וּשְׁלִיחוֹ אֶל־אֲשֶׁר קִבְּלוּ אֱמוּנָה יְקָרָה כְּשֶׁלָּנוּ בְּצִדְקַת אֱלֹהֵינוּ וּמוֹשִׁיעֵנוּ יֵשׁוּעַ הַמָּשִׁיחַ׃
2 חֶסֶד וְשָׁלוֹם יִהְיוּ לָכֶם לְמַכְבִּיר בְּדַעַת הָאֱלֹהִים וְיֵשׁוּעַ אֲדֹנֵינוּ׃
3 בַּאֲשֶׁר גְּבוּרָתוֹ הָאֱלֹהִית נָתְנָה לָּנוּ אֵת כָּל־צָרְכֵינוּ לַחַיִּים וְלַחֲסִידוּת עַל־יְדֵי דַעַת הַקּוֹרֵא אֹתָנוּ בִּכְבוֹדוֹ וְחֵילוֹ׃
4 אֲשֶׁר בָּהֶם נָתַן־לָנוּ הַבְטָחוֹת גְּדֹלוֹת מְאֹד וִיקָרוֹת לְמַעַן תִּקְחוּ עַל־יָדָן חֵלֶק בְּטֶבַע אֱלֹהִים לְהִמָּלֵט מִכִּלְיוֹן הַתַּאֲוָה אֲשֶׁר בָּעוֹלָם׃
5 בַּעֲבוּר זֹאת שִׁקְדוּ לְהוֹסִיף עַל־אֱמוּנַתְכֶם אֶת־מַעֲשֵׂה הַצְּדָקָה וְעַל מַעֲשֵׂה הַצְּדָקָה אֶת־הַדָּעַת׃
6 וְעַל־הַדַּעַת אֶת־הַפְּרִישׁוּת וְעַל־הַפְּרִישׁוּת אֶת־הַסַּבְלָנוּת וְעַל־הַסַּבְלָנוּת אֶת־הַחֲסִידוּת׃
7 וְעַל־הַחֲסִידוּת אֶת־הָאַחֲוָה וְעַל־הָאַחֲוָה אֶת־הָאַהֲבָה׃
8 כִּי אִם־אֵלֶּה יִמָּצְאוּ וְיִרְבּוּ בָכֶם לֹא־יִתְּנוּ אֶתְכֶם לִהְיוֹת מִתְעַצְּלִים וּבְטֵלִים מֵעֲשׂוֹת פְּרִי לְדַעַת אֲדֹנֵינוּ יֵשׁוּעַ הַמָּשִׁיחַ׃
9 כִּי הָאִישׁ אֲשֶׁר אֵין־אֵלֶּה לּוֹ עִוֵּר הוּא רְפֵה עֵינַיִם וְשָׁכֵחַ אֶת־טָהֳרָתוֹ מֵחַטֹּאתָיו הָרִאשֹׁנוֹת׃
10 לָכֵן אַחַי הוֹסִיפוּ וְשִׁקְדוּ לְחַזֵּק אֶת־קְרִיאַתְכֶם וּבְחִירַתְכֶם (בְּמַעֲשִׂים טוֹבִים) כִּי אִם כֵּן תַּעֲשׂוֹּ לֹא תִכָּשֵׁלוּ׃
11 כִּי־כֵן יִפָּתַח לִפְנֵיכֶם לָרְוָחָה מְבוֹא מַלְכוּת עוֹלָם אֲשֶׁר לַאֲדֹנֵינוּ וּמוֹשִׁיעֵנוּ יֵשׁוּעַ הַמָּשִׁיחַ׃
12 עַל־כֵּן לֹא אֶחְדַּל לְהַזְכִּירְכֶם עַל־אֵלֶּה בְּכָל־עֵת אַף־כִּי יְדַעְתֶּם אֶת־אֲמִתֵּנוּ זוּ וְהִתְכּוֹנַנְתֶּם בָּהּ׃
13 וְנָכוֹן בְּעֵינַי לְהַזְכִּיר וּלְהָעִיר אֶתְכֶם כָּל־יְמֵי הֱיוֹתִי בַּמִּשְׁכָּן הַזֶּה׃
14 מִדַּעְתִּי כִּי מַהֵר יֶעְתַּק מִשְׁכָּנִי וְכֵן גִּלָּה־לִי אֲדֹנֵינוּ יֵשׁוּעַ הַמָּשִׁיחַ׃ 15 וְאֶשְׁקֹד לִהְיוֹת לָכֶם תָּמִיד זִכְרוֹן הַדְּבָרִים הָאֵלֶּה גַּם־אַחֲרֵי פְטִירָתִי׃
16 כִּי לֹא הָלַכְנוּ אַחֲרֵי הַגָּדוֹת מְחֻכָּמוֹת בְּהוֹדִיעֵנוּ אֶתְכֶם גְּבוּרַת אֲדֹנֵינוּ יֵשׁוּעַ הַמָּשִׁיחַ וּבֹאוֹ כִּי עֵינֵינוּ הָיוּ הָרֹאוֹת אֶת־גְּדֻלָּתוֹ׃
17 כִּי נָשָׂא יְקָר וְכָבוֹד מֵאֵת אֱלֹהִים הָאָב כְּבֹא אֵלָיו קוֹל מִלִּפְנֵי הַדְרַת כְּבוֹדוֹ לֵאמֹר זֶה בְּנִי יְדִידִי רָצְתָה נַפְשִׁי בּוֹ׃
18 וְאֶת־הַקּוֹל הַהוּא שָׁמַעְנוּ בְאָזְנֵינוּ יֹצֵא מִן־הַשָּׁמָיִם בִּהְיוֹתֵנוּ עִמּוֹ בְּהַר הַקֹּדֶשׁ׃
19 וּדְבַר הַנְּבוּאָה יוֹתֵר קַיָּם אִתָּנוּ וַהֲטִיבֹתֶם עֲשׂוֹת אֲשֶׁר שַׁתֶּם לִבְּכֶם אֵלָיו כְּנֵר מֵאִיר בִּמְקוֹם אֹפֶל עַד־כִּי יִבָּקַע אוֹר הַיּוֹם וְזָרַח כּוֹכַב הַנֹּגַהּ בִּלְבַבְכֶם׃
20 וְזֹאת תֵּדְעוּ רִאשׁוֹנָה אֲשֶׁר כָּל־נְבוּאַת הַמִּקְרָא אֵינֶנָּה כְּפִי פִתְרוֹן אָדָם מִלִּבּוֹ׃
21 כִּי מֵעוֹלָם לֹא־יָצְאָה נְבוּאָה בִּרְצוֹן הָאָדָם כִּי אַנְשֵׁי אֱלֹהִים הַקְּדוֹשִׁים דִּבְּרוּ כַּאֲשֶׁר נְשָׂאָם רוּחַ הַקֹּדֶשׁ׃
2
1. Vegam-neviei šeker haju va am ka ašer jihju morei šeker gam-bahem ašer jahnisu kitot mašhitot vihahašu bamošel ašer kanam vejaviu al-nafšam kilajon pitom.
2. Verabim jelehu aharei toavotam uva avuram jutan dereh haemet legidufim.
3. Uvedivrei vidui ja asu ethem lemišar lahem lema an bezoa baza ašer mišpatam meaz lo jitmahmah vešivram lo janum.
4. Ki lo-has elohim al-hamalahim ašer hateu ki im-horidam lekizvei harim vajasgirem behavlei ofel lešomram lamišpat.
5. Vegam-al-hadorot harišonim lo has vajišmor rak et-noah kore hazedek vešivah imo bahavio et-hamabul al-dor harešaim.
6. Ve et-arei sedom va amorah hafah laefer vedanam bemahpehah vajsimem lemašal la ašer atidim la asot zimah.
7. Vajazel et-lot hazadik ašer heluhu anšei velija al hahem bedarhei zimatam.
8. Ki hazadik hazeh jašav betoham vehu roeh otam vešomea venafšo haješarah agumah alav jom vajom bema asei rišam.
9. Ki jodea Jehovah lehazil et-hasidav minisajon velahash et-harešaim lejom hamišpat lehašiv gemulam lahem.
10. Uvejoter et-haholehim aharei habasar beta avot tevel uvozim et-hamemšalah azei fanim holehim bišrirut libam velo jeherdu meharef et-haserarot.
11. Ašer af-hamalahim hagedolim mehem beoz vahoah lo jegadefum lifnei Jehovah bemišpatam.
12. Ve eleh kab ehemot hasehalot hanoladot kehak-tivam lalehed velašahat beherefam et-ašer lo jadeu jišahatu behašhit nafšam ugemul avlatam jisau.
13. Ašer ednat jomam leoneg jahšovu megoalim umezuhamim hamitpanekim bemaduhei nafšam veohelim vešotim imahem.
14. Einajim lahem meleot niufim velo tisbanah lahato ve et-nafšot hapetaim jezodedu velev melumad-beza lahem benei hame erah.
15. Et-hadereh hajašar azevu vajitu vajelehu bedereh bilam ben-beor ašer ahev sehar ha avlah.
16. Vatehi-lo tohahat al-hatato ki habhemah hailemet diberah vekol-adam vatazor beivelet hakosem.
17. Be erot beli-mayim hemah avim niddafim bisarah ašer šamur lahem hošeh-afelah leolam.
18. Ki bedaberam begeut divrei šave jazudu beta avot habasar al-jedei zimatam et ašer ach-nimletu midei haholehim bedereh toah.
19. Hufšah javtihu lahem vehem beazmam avadim lašahat ki eved ha adam lehovešo.
20. Ki aharei himoltam mitumot haolam beda at adoneinu umošienu ješua hamašiah im-šavu vehatebeu vetohan venihbašu aharitam tihjeh ra ah merešitam.
21. Noah lahem šel lada at et-dereh hazedakah meašer jedauhu venasogu ahor min-hamizvah hakedošah hamesurah lahem.
ב
וְגַם־נְבִיאֵי שֶׁקֶר הָיוּ בָעָם כַּאֲשֶׁר יִהְיוּ מוֹרֵי שֶׁקֶר גַּם־בָּכֶם אֲשֶׁר יַכְנִיסוּ כִּתּוֹת מַשְׁחִיתוֹת וִיכַחֲשׁוּ בַּמֹּשֵׁל אֲשֶׁר קָנָם וְיָבִיאוּ עַל־נַפְשָׁם כִּלָּיוֹן פִּתְאֹם׃
2 וְרַבִּים יֵלְכוּ אַחֲרֵי תוֹעֲבוֹתָם וּבַעֲבוּרָם יֻתַּן דֶּרֶךְ הָאֱמֶת לְגִדּוּפִים׃
3 וּבְדִבְרֵי בִדּוּי יַעֲשׂוֹּ אֶתְכֶם לְמִסְחָר לָהֶם לְמַעַן בְּצֹעַ בָּצַע אֲשֶׁר מִשְׁפָּטָם מֵאָז לֹא יִתְמַהְמַהּ וְשִׁבְרָם לֹא יָנוּם׃
4 כִּי לֹא־חָס אֱלֹהִים עַל־הַמַּלְאָכִים אֲשֶׁר חָטְאוּ כִּי אִם־הוֹרִידָם לְקִצְבֵי הָרִים וַיַסְגִּירֵם בְּכַבְלֵי אֹפֶל לְשָׁמְרָם לַמִּשְׁפָּט׃
5 וְגַם־עַל־הַדּוֹרוֹת הָרִאשֹׁנִים לֹא חָס וַיִּשְׁמֹר רַק אֶת־נֹחַ קֹרֵא הַצֶּדֶק וְשִׁבְעָה עִמּוֹ בַּהֲבִיאוֹ אֶת־הַמַּבּוּל עַל־דּוֹר הָרְשָׁעִים׃
6 וְאֶת־עָרֵי סְדוֹם וַעֲמֹרָה הָפַךְ לָאֵפֶר וְדָנָם בְּמַהְפֵּכָה וַיְשִׂימֵם לְמָשָׁל לַאֲשֶׁר עֲתִידִים לַעֲשׂוֹת זִמָּה׃
7 וַיַּצֵּל אֶת־לוֹט הַצַּדִּיק אֲשֶׁר הֶלְאוּהוּ אַנְשֵׁי בְלִיַעַל הָהֵם בְּדַרְכֵי זִמָּתָם׃
8 כִּי הַצַּדִּיק הַזֶּה יָשַׁב בְּתוֹכָם וְהוּא רֹאֶה אֹתָם וְשֹׁמֵעַ וְנַפְשׁוֹ הַיְשָׁרָה עֲגוּמָה עָלָיו יוֹם וָיוֹם בְּמַעֲשֵׂי רִשְׁעָם׃
9 כִּי יוֹדֵעַ יְהוָֹה לְהַצִּיל אֶת־חֲסִידָיו מִנִּסָּיוֹן וְלַחֲשׂךְ אֶת־הָרְשָׁעִים לְיוֹם הַמִּשְׁפָּט לְהָשִׁיב גְּמוּלָם לָהֶם׃
10 וּבְיוֹתֵר אֶת־הַהֹלְכִים אַחֲרֵי הַבָּשָׂר בְּתַאֲוֹת תֶּבֶל וּבֹזִים אֶת־הַמֶּמְשָׁלָה עַזֵּי פָנִים הֹלְכִים בִּשְׁרִירוּת לִבָּם וְלֹא יֶחֶרְדוּ מֵחָרֵף אֶת־הַשְּׂרָרוֹת׃
11 אֲשֶׁר אַף־הַמַּלְאָכִים הַגְּדוֹלִים מֵהֶם בְּעֹז וָכֹחַ לֹא יְגַדְּפוּם לִפְנֵי יְהוָֹה בְּמִשְׁפָּטָם׃
12 וְאֵלֶּה כַּבְּהֵמוֹת הַסְּכָלוֹת הַנּוֹלָדוֹת כְּחָק־טִבְעָם לַלֶּכֶד וְלַשָּׁחַת בְּחֵרְפָם אֶת־אֲשֶׁר לֹא יָדְעוּ יִשָּׁחֲתוּ בְּהַשְׁחִית נַפְשָׁם וּגְמוּל עַוְלָתָם יִשָּׂאוּ׃
13 אֲשֶׁר עֶדְנַת יוֹמָם לְעֹנֶג יַחְשֹׁבוּ מְגֹאָלִים וּמְזֻהָמִים הַמִּתְפַּנְּקִים בְּמַדּוּחֵי נַפְשָׁם וְאֹכְלִים וְשֹׁתִים עִמָּכֶם׃
14 עֵינַיִם לָהֶם מְלֵאוֹת נִאֻפִים וְלֹא תִּשְׂבַּעְנָה לַחֲטֹא וְאֶת־נַפְשׁוֹת הַפְּתָאִים יְצוֹדֵדוּ וְלֵב מְלֻמַּד־בֶּצַע לָהֶם בְּנֵי הַמְּאֵרָה׃
15 אֶת־הַדֶּרֶךְ הַיָּשָׁר עָזְבוּ וַיִּתְעוּ וַיֵּלְכוּ בְּדֶרֶךְ בִּלְעָם בֶּן־בְּעוֹר אֲשֶׁר אָהֵב שְׂכַר הָעַוְלָה׃
16 וַתְּהִי־לוֹ תוֹכַחַת עַל־חַטָּאתוֹ כִּי הַבְּהֵמָה הָאִלֶּמֶת דִּבְּרָה בְקוֹל־אָדָם וַתַּעְצֹר בְּאִוֶּלֶת הַקֹּסֵם׃
17 בְּאֵרוֹת בְּלִי־מַיִם הֵמָּה עָבִים נִדָּפִים בִּסְעָרָה אֲשֶׁר שָׁמוּר לָהֶם חֹשֶׁך־אֲפֵלָה לְעוֹלָם׃
18 כִּי בְּדַבְּרָם בְּגֵאוּת דִּבְרֵי שָׁוְא יָצוּדוּ בְּתַאֲוֹת הַבָּשָׂר עַל־יְדֵי זִמָּתָם אֵת אֲשֶׁר אַךְ־נִמְלְטוּ מִידֵי הַהֹלְכִים בְּדֶרֶךְ תּוֹעָה׃
19 חֻפְשָׁה יַבְטִיחוּ לָהֶם וְהֵם בְּעַצְמָם עֲבָדִים לַשָּׁחַת כִּי עֶבֶד הָאָדָם לְכֹבְשׁוֹ׃
20 כִּי אַחֲרֵי הִמָּלְטָם מִטֻּמְאֹת הָעוֹלָם בְּדַעַת אֲדֹנֵינוּ וּמוֹשִׁיעֵנוּ יֵשׁוּעַ הַמָּשִׁיחַ אִם־שָׁבוּ וְהָטְבְּעוּ בְתוֹכָן וְנִכְבָּשׁוּ אַחֲרִיתָם תִּהְיֶה רָעָה מֵרֵאשִׁיתָם׃
21נוֹחַ לָהֶם שֶׁלּא לָדַעַת אֶת־דֶּרֶךְ הַצְּדָקָה מֵאֲשֶׁר יְדָעֻהוּ וְנָסֹגוּ אָחוֹר מִן־הַמִּצְוָה הַקְּדוֹשָׁה הַמְּסוּרָה לָהֶם׃
22 וְקָרָה לָהֶם כַּאֲשֶׁר יֹאמַר מְשַׁל הָאֱמֶת הַכֶּלֶב שָׁב עַל־קֵאוֹ וְהַחֲזִיר עֹלֶה מִן־הָרַחְצָה לְהִתְגֹּלֵל בָּרָפֶשׁ׃
3
1. Zot haigeret hašenit ašer ani hotev aleihem havivai uvišteihen kemazkir air et-tummat levavhem.
2. Lizkor et-hadevarim hane emarim mikedem bidei hanevi im hakedošim ve et-mizvat adoneinu umošienu ašer nitenah al-jedei šeliheihem.
3. Udeu zot lahem rišonah ki beaharit hajamim javou lezim holehim aharei ta avot nafšam vejitlozazu lemor.
4. Ajeh havtahat bo o ki meaz šahevu ha avot hakol omed kemo merešit haberiah.
5. Venelam midatam lirzonam šelefanim bidvar elohim na asu hašamajim veha arec min-hamajim veal-jedei hamajim.
6. Veal jedeihem avedah tevel ašer meaz ki ništefah bemei hamabul.
7. Gam-hašamajim veha arec ašer lefaneinu nizpenu vidvaro vehem šemurim laeš lejom hadin va avod anšei hareša.
8. Vezot ha ahat al-tealem mikkem havivai šejom ehad ke elef šanim be einei Jehovah ve elef šanim kejom ehad.
9. Velo-jeaher Jehovah et-ašer hivtiah ka ašer-ješ hoševim zot leihur ki ma arih apo ba avurenu velo jahpoz ba avod haovedim ki im-bifnot kulam latešuvah.
10. Bo javo jom-Jehovah keganav balajelah az hašamajim bešaon jahalofu vehajesodot jevoaru vehitmogagu veha arec vehama asim ašer aleiha jisarefu.
11. Veatah im-kol-eleh jamugu mah-meod aleihem lehithaleh bikdušah uvahasidut.
12. Ulehakot lejom-Jehovah šejavo ulehahiš oto ašer bo hašamajim jamugu vaeš vehajesodot jevoaru venamasu.
13. Va anahnu kefi havtahato mehakim lešamajim hadašim ule erec hadašah ašer-zedek jalin bam.
14. Al-ken havivai hamehakim laeleh šikdu lehimaze lefanav bešalom nekijim vezakim mipaša.
15. Ve et-oreh ruah adoneinu tahševu litšuah ka ašer gam-ahinu ha ahuv polos katav aleihem kefi hahohmah hanetunah lo.
16. Vehen behol-igerotav bedabero-šam al-eleh uvahen ješ devarim kašim mehavin vehaboarim vehapetaim jahafhu otam ka ašer gam-ja asu bejeter hasefarim leavedan nafšam.
17. Veatem havivai ašer jedatem zot meroš hišameru lenafšoteihem pen-timašehu aharei taut anšei velija al unefaltem mimauzehem.
18. Urevu behesed uveda at adoneinu umošienu ješua hamašiah ašer-lo hakavod gam-hajom vegam-lejom haolam amen.
ג
זֹאת הָאִגֶּרֶת הַשֵּׁנִית אֲשֶׁר אֲנִי כֹתֵב אֲלֵיכֶם חֲבִיבָי וּבִשְׁתֵּיהֶן כְּמַזְכִּיר אָעִיר אֶת־תֻּמַּת לְבַבְכֶם׃
2 לִזְכֹּר אֶת־הַדְּבָרִים הַנֶּאֱמָרִים מִקֶּדֶם בִּידֵי הַנְּבִיאִים הַקְּדֹשִׁים וְאֶת־מִצְוַת אֲדֹנֵינוּ וּמוֹשִׁיעֵנוּ אֲשֶׁר נִתְּנָה עַל־יְדֵי שְׁלִיחֵיכֶם׃
3 וּדְעוּ זֹאת לָכֶם רִאשֹׁנָה כִּי בְּאַחֲרִית הַיָּמִים יָבֹאוּ לֵצִים הֹלְכִים אַחֲרֵי תַאֲוֹת נַפְשָׁם וְיִתְלוֹצֲצוּ לֵאמֹר׃
4 אַיֵּה הַבְטָחַת בֹּאוֹ כִּי מֵאָז שָׁכְבוּ הָאָבוֹת הַכֹּל עֹמֵד כְּמוֹ מֵרֵאשִׁית הַבְּרִיאָה׃
5 וְנֶעְלָם מִדַּעְתָּם לִרְצוֹנָם שֶׁלְּפָנִים בִּדְבַר אֱלֹהִים נַעֲשׂוֹּ הַשָּׁמַיִם וְהָאָרֶץ מִן־הַמַּיִם וְעַל־יְדֵי הַמָּיִם׃
6 וְעַל יְדֵיהֶם אָבְדָה תֵבֵל אֲשֶׁר מֵאָז כִּי נִשְׁטְפָה בְּמֵי הַמַּבּוּל׃
7 גַּם־הַשָּׁמַיִם וְהָאָרֶץ אֲשֶׁר לְפָנֵינוּ נִצְפְּנוּ בִדְבָרוֹ וְהֵם שְׁמוּרִים לָאֵשׁ לְיוֹם הַדִּין וַאֲבֹד אַנְשֵׁי הָרֶשַׁע׃
8 וְזֹאת הָאַחַת אַל־תֵּעָלֵם מִכֶּם חֲבִיבָי שֶׁיּוֹם אֶחָד כְּאֶלֶף שָׁנִים בְּעֵינֵי יְהוָֹה וְאֶלֶף שָׁנִים כְּיוֹם אֶחָד׃
9 וְלֹא־יְאַחֵר יְהוָֹה אֶת־אֲשֶׁר הִבְטִיחַ כַּאֲשֶׁר־יֵשׁ חֹשְׁבִים זֹאת לְאִחוּר כִּי מַאֲרִיךְ אַפּוֹ בַּעֲבוּרֵנוּ וְלֹא יַחְפֹּץ בַּאֲבֹד הָאֹבְדִים כִּי אִם־בִּפְנוֹת כֻּלָּם לַתְּשׁוּבָה׃
10 בֹּא יָבֹא יוֹם־יְהוָֹה כְּגַנָּב בַּלָּיְלָה אָז הַשָּׁמַיִם בְּשָׁאוֹן יַחֲלֹפוּ וְהַיְסֹדוֹת יְבֹעֲרוּ וְהִתְמֹגֲגוּ וְהָאָרֶץ וְהַמַּעֲשִׂים אֲשֶׁר עָלֶיהָ יִשָּׂרֵפוּ׃
11 וְעַתָּה אִם־כָּל־אֵלֶּה יָמוּגוּ מַה־מְּאֹד עֲלֵיכֶם לְהִתְהַלֵּךְ בִּקְדֻשָּׁה וּבַחֲסִידוּת׃
12 וּלְחַכּוֹת לְיוֹם־יְהוָֹה שֶׁיָּבֹא וּלְהָחִישׁ אֹתוֹ אֲשֶׁר בּוֹ הַשָּׁמַיִם יָמוּגוּ בָאֵשׁ וְהַיְסֹדוֹת יְבֹעֲרוּ וְנָמַסּוּ׃
13 וַאֲנַחְנוּ כְּפִי הַבְטָחָתוֹ מְחַכִּים לְשָׁמַיִם חֲדָשִׁים וּלְאֶרֶץ חֲדָשָׁה אֲשֶׁר־צֶדֶק יָלִין בָּם׃
14 עַל־כֵּן חֲבִיבַי הַמְחַכִּים לָאֵלֶּה שִׁקְדוּ לְהִמָּצֵא לְפָנָיו בְּשָׁלוֹם נְקִיִּם וְזַכִּים מִפָּשַׁע׃
15 וְאֶת־אֹרֶךְ רוּחַ אֲדֹנֵינוּ תַּחְשְׁבוּ לִתְשׁוּעָה כַּאֲשֶׁר גַּם־אָחִינוּ הָאָהוּב פּוֹלוֹס כָּתַב אֲלֵיכֶם כְּפִי הַחָכְמָה הַנְּתוּנָה לוֹ׃
16 וְכֵן בְּכָל־אִגְּרוֹתָיו בְּדַבְּרוֹ־שָׁם עַל־אֵלֶּה וּבָהֶן יֵשׁ דְּבָרִים קָשִׁים מֵהָבִין וְהַבֹּעֲרִים וְהַפְּתָאִים יַהַפְכוּ אֹתָם כַּאֲשֶׁר גַּם־יַעֲשׂוֹּ בְּיֶתֶר הַסְּפָרִים לְאָבְדַן נַפְשָׁם׃
17 וְאַתֶּם חֲבִיבַי אֲשֶׁר יְדַעְתֶּם זֹאת מֵרֹאשׁ הִשָּׁמְרוּ לְנַפְשֹׁתֵיכֶם פֶּן־תִּמָּשְׁכוּ אַחֲרֵי טָעוּת אַנְשֵׁי בְלִיַּעַל וּנְפַלְתֶּם מִמָּעֻזְּכֶם׃
18 וּרְבוּ בְּחֶסֶד וּבְדַעַת אֲדֹנֵינוּ וּמוֹשִׁיעֵנוּ יֵשׁוּעַ הַמָּשִׁיחַ אֲשֶׁר־לוֹ הַכָּבוֹד גַּם־הַיּוֹם וְגַם־לְיוֹם הָעוֹלָם אָמֵן׃
2.Peter