Matthew, Mark, Luke, John, Acts, Romans, 1.Corinth, 2.Corinth, Galatia, Ephesia, Philippia, Colossia, 1.Thessalon,
2.Thessalon, 1.Timothy, 2.Timothy, Titus, Philemon, Hebrews, James, 1.Peter, 2.Peter, 1.John, 2.John, 3.John, Jude, Revelat,
אִגֶּרֶת פּוֹלוֹס הָרִאשׁוֹנָה אֶל־טִימוֹתִיּוֹס
Igeret polos harišonah el-timotijos
1.Timothy. - 1.Timoteju
1.Timothy.
1.Timothy. 1
1. Polos šeliah ješua hamašiah al-pi mizvat haelohim mošienu veha adon ješua hamašiah tikvatenu.
2. El-timotijos beno ha amiti baemunah hesed verahamim vešalom me et elohim avinu vehamašiah ješua adoneinu.
3. Hineh belechti lemakdoneja bikašti mimeha laševet be efsos lema an tezaveh mikzat anašim levilti horot torah zarah.
4. Velo jasimu libam lehagadot ulelimudei toladot še ein-lahem sof hamvi im lišelot velo livnot beit-elohim baemunah.
5. Ki-tahlit hamizvah hi ha ahavah belev tahor uveda at nekijah uve emunah lo-zevuah.
6. Ješ ašer tau midarkah vajifnu aharei limudei havel.
7. Hafezim lihjot morei torah ve einam jodeim mah hem omerim umah hem danim alav.
8. Aval jadanu ki hatorah tovah im-jištameš bah ha adam katorah.
9. Bedato zot šehahok lo husam lazadik ki im ba avur hapošeim vehamoredim harešaim vehahata im temeim unevalim makei-av umakei-em umerazehim.
10. Vezonim vešohevim et-zahar vegonevei nefeš vešakranim venišbaim lašaker vehol-ma aseh hefeh min-halekah habari.
11. Kefi vesorat kevod hael hamevorah ašer hifkid bejadi.
12. Vehini modeh leješua hamašiah adoneinu hameazereni hajil ašer ra ani ne eman vajsimeni limšaret lo.
13. Ašer milefanim hajiti megadef umeradef umeharef aval ruhamti ki asiti mibeli-da at be ein emunah.
14. Vajigdal alai bimod meod hesed adoneinu im-haemunah veha ahavah bamašiah ješua.
15. Ne eman hadavar veraui lakol lehitkabel šehamašiah ješua ba laolam lehošia et-hahataim ašer anohi hagadol bahem.
16. Uva avur zot ruhamti lema an ašer jareh ješua hamašiah bi varišonah et-kol-orech ruho lihjoti leot lehol ašer-javou leha amin bo lihjot lahem hajei olam.
17. Umeleh olamim haelohim hakajam la ad vehanelam meajin vehehaham levado lo hakavod vehehadar leolemei olamim amen.
18. Et-hamizvah hazot ani mezaveha beni timotijos kefi hanevuot hakodemot aleiha ašer tilahem al-jadan hamilhamah hatovah.
19. Le ehoz baemunah uveda at nekijah ašer-ješ moasim bah vatišaver onijat emunatam.
20. Umehem humenijos va alehsanderos ašer mesartim lasatan lema an jivaseru levilti gadef od.
א
פּוֹלוֹס שְׁלִיחַ יֵשׁוּעַ הַמָּשִׁיחַ עַל־פִּי מִצְוַת הָאֱלֹהִים מוֹשִׁיעֵנוּ וְהָאָדוֹן יֵשׁוּעַ הַמָּשִׁיחַ תִּקְוָתֵנוּ׃
2 אֶל־טִימוֹתִיּוֹס בְּנוֹ הָאֲמִתִּי בָּאֱמוּנָה חֶסֶד וְרַחֲמִים וְשָׁלוֹם מֵאֵת אֱלֹהִים אָבִינוּ וְהַמָּשִׁיחַ יֵשׁוּעַ אֲדֹנֵינוּ׃
3 הִנֵּה בְּלֶכְתִּי לְמַקְדּוֹנְיָא בִּקַּשְׁתִּי מִמְּךָ לָשֶׁבֶת בְּאֶפְסוֹס לְמַעַן תְּצַוֶּה מִקְצָת אֲנָשִׁים לְבִלְתִּי הוֹרֹת תּוֹרָה זָרָה׃
4 וְלֹא יָשִׂימוּ לִבָּם לְהַגָּדוֹת וּלְלִמּוּדֵי תוֹלָדוֹת שֶׁאֵין־לָהֶם סוֹף הַמְבִיאִים לִשְׁאֵלוֹת וְלֹא לִבְנוֹת בֵּית־אֱלֹהִים בָּאֱמוּנָה׃
5 כִּי־תַכְלִית הַמִּצְוָה הִיא הָאַהֲבָה בְּלֵב טָהוֹר וּבְדַעַת נְקִיָּה וּבֶאֱמוּנָה לֹא־צְבוּעָה׃
6 יֵשׁ אֲשֶׁר תָּעוּ מִּדַּרְכָּהּ וַיִּפְנוּ אַחֲרֵי לִמּוּדֵי הָבֶל׃ 7 חֲפֵצִים לִהְיוֹת מוֹרֵי תוֹרָה וְאֵינָם יֹדְעִים מָה הֵם אֹמְרִים וּמָה הֵם דָּנִים עָלָיו׃
8 אֲבָל יָדַעְנוּ כִּי הַתּוֹרָה טוֹבָה אִם־יִשְׁתַּמֵּשׁ בָּהּ הָאָדָם כַּתּוֹרָה׃
9 בְּדַעְתּוֹ זֹאת שֶׁהַחֹק לֹא הוּשַׂם לַצַּדִּיק כִּי אִם בַּעֲבוּר הַפּשְׁעִים וְהַמֹּרְדִים הָרְשָׁעִים וְהַחַטָּאִים טְמֵאִים וּנְבָלִים מַכֵּי־אָב וּמַכֵּי־אֵם וּמְרַצְּחִים׃
10 וְזֹנִים וְשֹׁכְבִים אֶת־זָכָר וְגֹנְבֵי נֶפֶשׁ וְשַׁקְרָנִים וְנִשְׁבָּעִים לַשָּׁקֶר וְכָל־מַעֲשֶׂה הֶפֶךְ מִן־הַלֶּקַח הַבָּרִיא׃
11 כְּפִי בְשׂוֹרַת כְּבוֹד הַאֵל הַמְבֹרָךְ אֲשֶׁר הִפְקִיד בְּיָדִי׃
12 וְהִנְנִי מוֹדֶה לְיֵשׁוּעַ הַמָּשִׁיחַ אֲדֹנֵינוּ הַמְאַזְּרֵנִי חָיִל אֲשֶׁר רָאַנִי נֶאֱמָן וַיְשִׂימֵנִי לִמְשָׁרֵת לוֹ׃
13 אֲשֶׁר מִלְּפָנִים הָיִיתִי מְגַדֵּף וּמְרַדֵּף וּמְחָרֵף אֲבָל רֻחַמְתִּי כִּי עָשִׂיתִי מִבְּלִי־דַעַת בְּאֵין אֱמוּנָה׃
14 וַיִּגְדַּל עָלַי בִּמְאֹד מְאֹד חֶסֶד אֲדֹנֵינוּ עִם־הָאֱמוּנָה וְהָאַהֲבָה בַּמָּשִׁיחַ יֵשׁוּעַ׃
15 נֶאֱמָן הַדָּבָר וְרָאוּי לַכֹּל לְהִתְקַבֵּל שֶׁהַמָּשִׁיחַ יֵשׁוּעַ בָּא לָעוֹלָם לְהוֹשִׁיעַ אֶת־הַחַטָּאִים אֲשֶׁר אָנֹכִי הַגָּדוֹל בָּהֶם׃
16 וּבַעֲבוּר זֹאת רֻחַמְתִּי לְמַעַן אֲשֶׁר יַרְאֶה יֵשׁוּעַ הַמָּשִׁיחַ בִּי בָרִאשׁוֹנָה אֶת־כָּל־אֹרֶךְ רוּחוֹ לִהְיוֹתִי לְאוֹת לְכֹל אֲשֶׁר־יָבֹאוּ לְהַאֲמִין בּוֹ לִהְיוֹת לָהֶם חַיֵּי עוֹלָם׃
17 וּמֶלֶךְ עוֹלָמִים הָאֱלֹהִים הַקַּיָּם לָעַד וְהַנֶּעְלָם מֵעַיִן וְהֶחָכָם לְבַדּוֹ לוֹ הַכָּבוֹד וְהֶהָדָר לְעוֹלְמֵי עוֹלָמִים אָמֵן׃
18 אֶת־הַמִּצְוָה הַזֹּאת אֲנִי מְצַוְּךָ בְּנִי טִימוֹתִיּוֹס כְּפִי הַנְּבוּאוֹת הַקֹּדְמוֹת עָלֶיךָ אֲשֶׁר תִּלָּחֵם עַל־יָדָן הַמִּלְחָמָה הַטּוֹבָה׃
19 לֶאֱחֹז בָּאֱמוּנָה וּבְדַעַת נְקִיָּה אֲשֶׁר־יֵשׁ מֹאֲסִים בָּהּ וַתִּשָּׁבֵר אֳנִיַּת אֱמוּנָתָם׃
20 וּמֵהֶם הוּמְנִיּוֹס וַאֲלֶכְסַנְדְּרוֹס אֲשֶׁר מְסַרְתִּים לַשָׂטָן לְמַעַן יִוָּסְרוּ לְבִלְתִּי גַדֵּף עוֹד׃
2
1. Veatah kodem kol-davar avakšah mikem laset tefilot vetahanunim uvakašot vetodot bead kol-benei adam.
2. Bead hamelahim vechol-hašalitim lema an nihjeh hajei hašket vavetah behol-hasidut vaišer.
3. Ki-hen tov verazui be einei elohim mošienu.
4. Ašer hefzo ki jivašeu kol-benei ha adam vikabelu da at haemet.
5. Ki ehad haelohim ve ehad hasarsor bein elohim uvein benei adam hu ven-adam hamašiah ješua.
6. Ašer natan et-nafšo kofer bead hakol vezot haedut haba ah beitah.
7. Ašer ani hafekadti lah leharoz ulešaliah emet ani magid bamašiah velo ašaker moreh hagojim be emunah uve emet.
8. Lahen rezoni šejitpalalu ha anašim behol-makom vejisu jedeihem kodeš beli-rogez umezimot.
9. Vechen gam-hanašim titjapeinah betilbošet na ah bevošet panim uzeniut lo bemahlefot haroš lo vezahav lo vifninim velo bemalbušim jekarim.
10. Ela bema asim tovim karaui lanašim ašer baharu lahen jirat elohim.
11. Haišah tilmad dumam behol-hahna ah.
12. Ve eineni noten rešut laišah lelammed af lo lehitnase al-haiš ah tidom.
13. Ki adam nozar barišonah veaharav havah.
14. Veadam lo niftah ki im-haišah šameah lekol hamesit vatavo lidei averah.
15. Aval tivaša belidtah banim im ta amodenah baemunah uva ahavah uvakedušah im-hazeniut.
ב
וְעַתָּה קֹדֶם כָּל־דָּבָר אֲבַקְשָׁה מִכֶּם לָשֵׂאת תְּפִלּוֹת וְתַחֲנוּנִים וּבַקָּשׁוֹת וְתוֹדוֹת בְּעַד כָּל־בְּנֵי אָדָם׃
2 בְּעַד הַמְּלָכִים וְכָל־הַשַּׁלִּיטִים לְמַעַן נִחְיֶה חַיֵּי הַשְׁקֵט וָבֶטַח בְּכָל־חֲסִידוּת וָישֶׁר׃
3 כִּי־כֵן טוֹב וְרָצוּי בְּעֵינֵי אֱלֹהִים מוֹשִׁיעֵנוּ׃
4 אֲשֶׁר חֶפְצוֹ כִּי יִוָּשְׁעוּ כָּל־בְּנֵי הָאָדָם וִיקַבְּלוּ דַּעַת הָאֱמֶת׃
5 כִּי אֶחָד הָאֱלֹהִים וְאֶחָד הַסַּרְסוֹר בֵּין אֱלֹהִים וּבֵין בְּנֵי אָדָם הוּא בֶן־אָדָם הַמָּשִׁיחַ יֵשׁוּעַ׃
6 אֲשֶׁר נָתַן אֶת־נַפְשׁוֹ כֹּפֶר בְּעַד הַכֹּל וְזֹאת הָעֵדוּת הַבָּאָה בְּעִתָּהּ׃
7 אֲשֶׁר אֲנִי הָפְקַדְתִּי לָהּ לְכָרוֹז וּלְשָׁלִיחַ אֱמֶת אֲנִי מַגִּיד בַּמָּשִׁיחַ וְלֹא אֲשַׁקֵּר מוֹרֵה הַגּוֹיִם בֶּאֱמוּנָה וּבֶאֱמֶת׃
8 לָכֵן רְצוֹנִי שֶׁיִּתְפַּלֲלוּ הָאֲנָשִׁים בְּכָל־מָקוֹם וְיִשְׂאוּ יְדֵיהֶם קֹדֶשׁ בְּלִי־רֹגֶז וּמְזִמּוֹת׃
9 וְכֵן גַּם־הַנָּשִׁים תִּתְיַפֶּינָה בְּתִלְבּשֶׁת נָאָה בְּבשֶׁת פָּנִים וּצְנִיעוּת לֹא בְּמַחְלְפוֹת הָרֹאשׁ לֹא בְזָהָב לֹא בִפְנִינִים וְלֹא בְּמַלְבּוּשִׁים יְקָרִים׃
10 אֶלָּא בְּמַעֲשִׂים טוֹבִים כָּרָאוּי לַנָּשִׁים אֲשֶׁר בָּחֲרוּ לָהֶן יִרְאַת אֱלֹהִים׃
11 הָאִשָּׁה תִּלְמַד דּוּמָם בְּכָל־הַכְנָעָה׃
12 וְאֵינֶנִּי נֹתֵן רְשׁוּת לָאִשָּׁה לְלַמֵּד אַף לֹא לְהִתְנַשֵׂא עַל־הָאִישׁ אַךְ תִּדּוֹם׃
13 כִּי אָדָם נוֹצַר בָּרִאשׁוֹנָה וְאַחֲרָיו חַוָּה׃
14 וְאָדָם לֹא נִפְתָּה כִּי אִם־הָאִשָּׁה שָׁמְעָה לְקוֹל הַמֵּסִית וַתָּבֹא לִידֵי עֲבֵרָה׃
15 אֲבָל תִּוָּשַׁע בְּלִדְתָּהּ בָּנִים אִם תַּעֲמֹדְנָה בָּאֱמוּנָה וּבָאַהֲבָה וּבַקְּדֻשָּׁה עִם־הַצְּנִיעוּת׃
3
1. Emet hadavar iš ki-jevakeš lihjot hegmon lema aseh tov mitaveh.
2. Vehegmon haedah zarih lihjot be ein dofi ba al-išah ahat mošel beruho zanua venehmad laberijot mahnis orehim umevin lelamed velo ohev jajin velo-va al egrof (velo vozea beza ra).
3. Ki im-dan lehaf-zehut velo iš midjanim velo ohev kasef.
4. Vihi manhig et-beito betov umadrih et-banav lemišmato behol-haišer.
5. Ki im-lo jeda iš lehanhig et-beito eihahah juhal lehašgiah al-adat elohim.
6 .Veal-jehi talmid hadaš pen-jirhav libo vejipol bedin hamastin.
7. Vehu gam-zarih hejot lo šem tov befi otam šebahuz pen-jipol beherpah uvemokeš hamastin.
8. Vehen gam-hašamašim jihju ješarim velo mahalikei lašon velo ohavim sevo-jajin velo notim aharei veza-ra.
9. Ki im-jišmeru et-sod haemunah beruah tehorah.
10. Vegam-hem jibahanu varišonah veahar ken ješamešu im-ein bahem dofi.
11. Vehen hanašim tihjeinah ješarot velo malšinot mošelot beruhan vene emanot bakol.
12. Hašamašim jihju hol-ehad ba al-išah ehat umenahalim betov et-beneihem ve et-bateihem.
13. Ki hamešamešim kahogen jiknu lenafšam ma alah tovah uvitahon rav be emunat hamašiah ješua.
14. Zot ani hotev leha va akaveh lavo eleiha bimherah.
15. Veim-etmahmah hineh teda eih lehitnaheg beveit haelohim ašer hi adat elohim hajim amud haemet umehonah.
16. Uvevadai gadol sod hahasidut ašer niglah vabasar nizdak baruah nirah lamalahim hugad bagojim nitkabel be emunah baolam na alah behavod.
ג
אֱמֶת הַדָּבָר אִישׁ כִּי־יְבַקֵּשׁ לִהְיוֹת הֶגְמוֹן לְמַעֲשֶׂה טוֹב מִתְאַוֶּה׃
2 וְהֶגְמוֹן הָעֵדָה צָרִיךְ לִהְיוֹת בְּאֵין דֹּפִי בַּעַל־אִשָּׁה אַחַת משֵׁל בְּרוּחוֹ צָנוּעַ וְנֶחְמָד לַבְּרִיּוֹת מַכְנִיס אֹרְחִים וּמֵבִין לְלַמֵּד וְלֹא אֹהֵב יַיִן וְלֹא־בַעַל אֶגְרֹף (וְלֹא בֹצֵעַ בֶּצַע רָע)׃
3 כִּי אִם־דָּן לְכַף־זְכוּת וְלֹא אִישׁ מִדְיָנִים וְלֹא אֹהֵב כָּסֶף׃
4 וִיהִי מַנְהִיג אֶת־בֵּיתוֹ בְּטוֹב וּמַדְרִיךְ אֶת־בָּנָיו לְמִשְׁמַעְתּוֹ בְּכָל־הַיּשֶׁר׃
5 כִּי אִם־לֹא יֵדַע אִישׁ לְהַנְהִיג אֶת־בֵּיתוֹ אֵיכָכָה יוּכַל לְהַשְׁגִּיחַ עַל־עֲדַת אֱלֹהִים׃
6 וְאַל־יְהִי תַּלְמִיד חָדָשׁ פֶּן־יִרְהַב לִבּוֹ וְיִפֹּל בְּדִין הַמַּשְׂטִין׃
7 וְהוּא גַם־צָרִיךְ הֱיוֹת לוֹ שֵׁם טוֹב בְּפִי אֹתָם שֶׁבַּחוּץ פֶּן־יִפֹּל בְּחֶרְפָּה וּבְמוֹקֵשׁ הַמַּשְׂטִין׃
8 וְכֵן גַּם־הַשַּׁמָּשִׁים יִהְיוּ יְשָׁרִים וְלֹא מַחֲלִיקֵי לָשׁוֹן וְלֹא אֹהֲבִים סְבֹא־יַיִן וְלֹא נֹטִים אַחֲרֵי בֶצַע־רָע׃
9 כִּי אִם־יִשְׁמְרוּ אֶת־סוֹד הָאֱמוּנָה בְּרוּחַ טְהוֹרָה׃
10 וְגַם־הֵם יִבָּחֲנוּ בָרִאשֹׁנָה וְאַחַר כֵּן יְשַׁמְּשׁוּ אִם־אֵין בָּהֶם דֹּפִי׃
11 וְכֵן הַנָּשִׁים תִּהְיֶינָה יְשָׁרוֹת וְלֹא מַלְשִׁינוֹת משְׁלוֹת בְּרוּחָן וְנֶאֱמָנוֹת בַּכֹּל׃
12 הַשַּׁמָּשִׁים יִהְיוּ כָל־אֶחָד בַּעַל־אִשָּׁה אֶחָת וּמְנַהֲלִים בְּטוֹב אֶת־בְּנֵיהֶם וְאֶת־בָּתֵּיהֶם׃
13 כִּי הַמְשַׁמְּשִׁים כַּהֹגֶן יִקְנוּ לְנַפְשָׁם מַעֲלָה טוֹבָה וּבִטָּחוֹן רַב בֶּאֱמוּנַת הַמָּשִׁיחַ יֵשׁוּעַ׃
14 זֹאת אֲנִי כֹתֵב לְךָ וַאֲקַוֶּה לָבֹא אֵלֶיךָ בִּמְהֵרָה׃
15 וְאִם־אֶתְמַהְמַהּ הִנֵּה תֵדַע אֵיךְ לְהִתְנַהֵג בְּבֵית הָאֱלֹהִים אֲשֶׁר הִיא עֲדַת אֱלֹהִים חַיִּים עַמּוּד הָאֱמֶת וּמְכוֹנָהּ׃
16 וּבְוַדָּי גָּדוֹל סוֹד הַחֲסִידוּת אֲשֶׁר נִגְלָה בַבָּשָׂר נִצְדַּק בָּרוּחַ נִרְאָה לַמַּלְאָכִים הֻגַּד בַּגּוֹיִם נִתְקַבֵּל בֶּאֱמוּנָה בָּעוֹלָם נַעֲלָה בְּכָבוֹד׃
4
1. Veharuah magid beferuš ki beaharit hajamim jasuru min-haemunah lifnot el-haruhot hamatot ve el-torot hašedim.
2. Doverei šeker bahanupah venihvim bemadda am.
3. Oserim lakahat išah umoneim miminei ma ahal ašer bera am haelohim šejohlum betodah hama aminim vejode ei haemet.
4. Ki hol-berijat elohim tovah ve ein davar mešukaz uvilvad šejeahel bivrahah.
5. Ki jekudaš bidvar elohim uvitfilah.
6. Im-tasim kazot lifnei aheiha mešaret tov tihjeh leješua hamašiah megudal bedivrei haemunah uvalekah hatov ašer davakta aharav.
7. Ah hitrahek mehagadot pesulot uvalot vehargel nafšeha bahasidut.
8. Ki tirgul haguf joil meat aval hahasidut toil lehol-davar velah havtahat hajei haolam hazeh vehaolam haba.
9.Emet hadavar hazeh veraui lakol lehitkabel.
10. Ki lazot anahnu jegeim vene elavim al-ašer hohalnu lelohim hajim hamošia lehol-ha adam veal-kulam lama aminim.
11. Zot tezaveh utelamed.
12. Al-javuz iš et-behuroteiha rak hejeh mofet lama aminim bedibur bema aseh beahavah (beruah) be emunah uvetohorah.
13. Vehjeh šakud likro ulehohiah ulehorot ad-boi.
14. Veal-tekal be eineiha matenat hahesed ašer bah hanetunah leha bidvar nevuah uvismihat jedei hazekenim.
15. Laeleh tašit libeha uvahem hejeh lema an teraeh hazlahateha lakol.
16. Šit libeha lenafšeha velahora ah vehahazek baeleh ki-va asoteha hen gam et-nafšeha tošia vegam et-nefeš hašomeim eleiha.
ד
וְהָרוּחַ מַגִּיד בְּפֵרוּשׁ כִּי בְּאַחֲרִית הַיָּמִים יָסוּרוּ מִן־הָאֱמוּנָה לִפְנוֹת אֶל־הָרוּחוֹת הַמַּתְעוֹת וְאֶל־תּוֹרֹת הַשֵּׁדִים׃
2 דֹּבְרֵי שֶׁקֶר בַּחֲנֻפָּה וְנִכְוִים בְּמַדָּעָם׃ 3 אֹסְרִים לָקַחַת אִשָּׁה וּמֹנְעִים מִמִּינֵי מַאֲכָל אֲשֶׁר בְּרָאָם הָאֱלֹהִים שֶׁיֹּאכְלוּם בְּתוֹדָה הַמַּאֲמִינִים וְיֹדְעֵי הָאֱמֶת׃
4 כִּי כָל־בְּרִיַּת אֱלֹהִים טוֹבָה וְאֵין דָּבָר מְשֻׁקָּץ וּבִלְבַד שֶׁיֵּאָכֵל בִּבְרָכָה׃
5 כִּי יְקֻדַּשׁ בִּדְבַר אֱלֹהִים וּבִתְפִילָּה׃
6 אִם־תָּשִׂים כָּזֹאת לִפְנֵי אַחֶיךָ מְשָׁרֵת טוֹב תִּהְיֶה לְיֵשׁוּעַ הַמָּשִׁיחַ מְגֻדָּל בְּדִבְרֵי הָאֱמוּנָה וּבַלֶּקַח הַטּוֹב אֲשֶׁר דָּבַקְתָּ אַחֲרָיו׃
7 אַךְ הִתְרַחֵק מֵהַגָּדוֹת פְּסוּלוֹת וּבָלוֹת וְהַרְגֵּל נַפְשְׁךָ בַּחֲסִידוּת׃
8 כִּי תִּרְגּוּל הַגּוּף יוֹעִיל מְעָט אֲבָל הַחֲסִידוּת תּוֹעִיל לְכָל־דָּבָר וְלָהּ הַבְטָחַת חַיֵּי הָעוֹלָם הַזֶּה וְהָעוֹלָם הַבָּא׃
9 אֱמֶת הַדָּבָר הַזֶּה וְרָאוּי לַכֹּל לְהִתְקַבֵּל׃
10 כִּי לָזֹאת אֲנַחְנוּ יְגֵעִים וְנֶעֱלָבִים עַל־אֲשֶׁר הוֹחַלְנוּ לֵאלֹהִים חַיִּים הַמּוֹשִׁיעַ לְכָל־הָאָדָם וְעַל־כֻּלָּם לַמַּאֲמִינִים׃
11 זֹאת תְּצַוֶּה וּתְלַמֵּד׃
12 אַל־יָבוּז אִישׁ אֶת־בְּחוּרוֹתֶיךָ רַק הֱיֵה מוֹפֵת לַמַּאֲמִינִים בְּדִבּוּר בְּמַעֲשֶׂה בְּאַהֲבָה (בְּרוּחַ) בֶּאֱמוּנָה וּבְטָהֳרָה׃
13 וֶהְיֵה שָׁקוּד לִקְרוֹא וּלְהוֹכִיחַ וּלְהוֹרֹת עַד־בֹּאִי׃
14 וְאַל־תֵּקַל בְּעֵינֶיךָ מַתְּנַת הַחֶסֶד אֲשֶׁר בָּךְ הַנְּתוּנָה לְךָ בִּדְבַר נְבוּאָה וּבִסְמִיכַת יְדֵי הַזְּקֵנִים׃
15 לָאֵלֶּה תָשִׁית לִבְּךָ וּבָהֶם הֱיֵה לְמַעַן תֵּרָאֶה הַצְלָחָתְךָ לַכֹּל׃
16 שִׁית לִבְּךָ לְנַפְשְׁךָ וְלַהוֹרָאָה וְהַחֲזֵק בָּאֵלֶּה כִּי־בַעֲשׂוֹתְךָ כֵן גַּם אֶת־נַפְשְׁךָ תּוֹשִׁיעַ וְגַם אֶת־נֶפֶשׁ הַשֹּׁמְעִים אֵלֶיךָ׃
5
1. Al-tigar bezaken ki im-tazhirennu keav-lah ve et-hazeirim keahim.
2. Et-hazekenot keimot ve et-hazeirot ka ahajot behol-tohorah.
3. Kabed et-ha almanot ašer be emet almanot henah.
4. Vehi-jihju lealmanah banim o-venei vanim hem jilmedu larišonah la asot hesed im-beitam ulešalem gemul la avotam ki tov hu verazui lifnei haelohim.
5. Veha almanah ve emet ašer nišarah jehidah tasim belohim mivtahah vehi matmedet bitfilot uvithinot lajelah vejomam.
6. Ah hameunagah metah hi behajeiha.
7. Vezot tezaveh lema an tihjeinah belo-dofi.
8. Va ašer lo jehalkel et-kerovav veal-kulam et-benei veito kafar baemunah vera hu meašer einenu ma amin.
9. Almanah al-tibaher zulati bat-šišim šanah va ašer hajetah ešet iš ehad.
10. Veješ-lah edut al-ma aseiha hatovim ki gidelah vanim vehihnisah orehim verahatzah et-raglei hakedošim vetamehah et-ha ašukim veradefah kol-ma aseh tov.
11. Aval ha almanot hazeirot al-tekabel ki behatot jizran et-liban meaharei-hamašiah hošekot hen lihjot leiš.
12. Vedinan aleihen šebagedu be emunatan harišonah.
13. Veod bihjotan azelot lamedu lešotet mibajit lavajit velo azelot bilvad ela afilu botot verodefot ahar hahevel medaberot et-ašer lo jitahen.
14. Al-ken rezoni šehazeirot tihjeinah leiš laledet banim ulehanhig et-bateihen velo latet laojev makom leharef.
15. Ki-ješ mehen šekevar saru aharei hasatan.
16. Vehi tihjeinah almanot beveit (ma amin o) ma aminah teaseh lahen parnasah velo tihjeinah lemasa al-hakahal lema an juhal lehaspik leotan šehen almanot be emet.
17. Hazekenim hameitivim lenahel reujim hem lemišneh havod veal-kulam ha amelim badavar uvahora ah.
18. Ki-hakatuv omer lo-tahsom šor bedišo vene emar raui hapoel lišaro.
19. Al-tekabel edut bazaken bilti im-al-pi šenajim o-šelošah edim.
20. Et-hahoteim tohiah bifnei hol lema an jiru gam-ha aherim.
21. Hini meid becha neged haelohim va adoneinu ješua hamašiah veneged hamalahim behirei-jah ašer-tišmor et-hadevarim haeleh velo tišpot be ein hakirah velo-ta aseh davar bemas fanim.
22. Al-tehi nivhal lismoh jadeiha al-adam velo tištatef behatot aherim šemor et-nafšeha betohorah.
23. Al-tišteh od majim harbeh ela meat-jajin mipenei me eiha umipenei šepeamim harbeh holeh atah.
24. Ješ benei-adam ašer-hatoteihem gelujot umakdimot lamišpat veješ mehem ašer henah baot ahareihem.
25. Vehahah gam-hama asim hatovim gelujim hemah va ašer lo-hen lo juhelu lehisater.
ה
אַל־תִּגְעַר בְּזָקֵן כִּי אִם־תַּזְהִירֶנּוּ כְּאָב־לָךְ וְאֶת־הַצְּעִירִים כְּאַחִים׃
2 אֶת־הַזְּקֵנוֹת כְּאִמּוֹת וְאֶת־הַצְּעִירוֹת כַּאֲחָיוֹת בְּכָל־טָהֳרָה׃
3 כַּבֵּד אֶת־הָאַלְמָנוֹת אֲשֶׁר בֶּאֱמֶת אַלְמָנוֹת הֵנָּה׃
4 וְכִי־יִהְיוּ לְאַלְמָנָה בָּנִים אוֹ־בְנֵי בָנִים הֵם יִלְמְדוּ לָרִאשׁוֹנָה לַעֲשׂוֹת חֶסֶד עִם־בֵּיתָם וּלְשַׁלֵּם גְּמוּל לַאֲבוֹתָם כִּי טוֹב הוּא וְרָצוּי לִפְנֵי הָאֱלֹהִים׃
5 וְהָאַלְמָנָה בֶאֱמֶת אֲשֶׁר נִשְׁאֲרָה יְחִידָה תָּשִׂים בֵּאלֹהִים מִבְטַחָהּ וְהִיא מַתְמֶדֶת בִּתְפִלּוֹת וּבִתְחִנּוֹת לַיְלָה וְיוֹמָם׃
6 אַךְ הַמְעֻנָּגָה מֵתָה הִיא בְּחַיֶּיהָ׃
7 וְזֹאת תְּצַוֶּה לְמַעַן תִּהְיֶינָה בְּלֹא־דֹפִי׃
8 וַאֲשֶׁר לֹא יְכַלְכֵּל אֶת־קְרוֹבָיו וְעַל־כֻּלָּם אֶת־בְּנֵי בֵיתוֹ כָּפַר בָּאֱמוּנָה וְרַע הוּא מֵאֲשֶׁר אֵינֶנּוּ מַאֲמִין׃
9 אַלְמָנָה אַל־תִּבָּחֵר זוּלָתִי בַּת־שִׁשִּׁים שָׁנָה וַאֲשֶׁר הָיְתָה אֵשֶׁת אִישׁ אֶחָד׃
10 וְיֶשׁ־לָהּ עֵדוּת עַל־מַעֲשֶׂיהָ הַטּוֹבִים כִּי גִּדְּלָה בָנִים וְהִכְנִיסָה אֹרְחִים וְרָחֲצָה אֶת־רַגְלֵי הַקְּדשִׁים וְתָמְכָה אֶת־הָעֲשׁוּקִים וְרָדְפָה כָּל־מַעֲשֶׂה טוֹב׃
11 אֲבָל הָאַלְמָנוֹת הַצְּעִירוֹת אַל־תְּקַבֵּל כִּי בְּהַטּוֹת יִצְרָן אֶת־לִבָּן מֵאַחֲרֵי־הַמָּשִׁיחַ חשְׁקוֹת הֵן לִהְיוֹת לְאִישׁ׃
12 וְדִינָן עֲלֵיהֶן שֶׁבָּגְדוּ בֶּאֱמוּנָתָן הָרִאשׁוֹנָה׃
13 וְעוֹד בִּהְיוֹתָן עֲצֵלוֹת לָמְדוּ לְשׁוֹטֵט מִבַּיִת לָבָיִת וְלֹא עֲצֵלוֹת בִּלְבַד אֶלָּא אֲפִלּוּ בּוֹטֹת וְרֹדְפוֹת אַחַר הַהֶבֶל מְדַבְּרוֹת אֶת־אֲשֶׁר לֹא יִתָּכֵן׃
14 עַל־כֵּן רְצוֹנִי שֶׁהַצְּעִירוֹת תִּהְיֶינָה לְאִישׁ לָלֶדֶת בָּנִים וּלְהַנְהִיג אֶת־בָּתֵּיהֶן וְלֹא לָתֵת לָאֹיֵב מָקוֹם לְחָרֵף׃
15 כִּי־יֵשׁ מֵהֶן שֶׁכְּבָר סָרוּ אַחֲרֵי הַשָׂטָן׃
16 וְכִי תִהְיֶינָה אַלְמָנוֹת בְּבֵית (מַאֲמִין אוֹ) מַאֲמִינָה תֵּעָשֶׂה לָהֶן פַּרְנָסָה וְלֹא תִהְיֶינָה לְמַשָׂא עַל־הַקָּהָל לְמַעַן יוּכַל לְהַסְפִּיק לְאֹתָן שֶׁהֵן אַלְמָנוֹת בֶּאֱמֶת׃
17 הַזְּקֵנִים הַמֵּיטִיבִים לְנַהֵל רְאוּיִם הֵם לְמִשְׁנֵה כָבוֹד וְעַל־כֻּלָּם הָעֲמֵלִים בַּדָּבָר וּבַהוֹרָאָה׃
18 כִּי־הַכָּתוּב אֹמֵר לֹא־תַחְסֹם שׁוֹר בְּדִישׁוֹ וְנֶאֱמַר רָאוּי הַפֹּעֵל לִשְׂכָרוֹ׃
19 אַל־תְּקַבֵּל עֵדוּת בַּזָּקֵן בִּלְתִּי אִם־עַל־פִּי שְׁנַיִם אוֹ־שְׁלשָׁה עֵדִים׃
20 אֶת־הַחֹטְאִים תּוֹכִיחַ בִּפְנֵי כֹל לְמַעַן יִירְאוּ גַּם־הָאֲחֵרִים׃
21 הִנְנִי מֵעִיד בְּךָ נֶגֶד הָאֱלֹהִים וַאֲדֹנֵינוּ יֵשׁוּעַ הַמָּשִׁיחַ וְנֶגֶד הַמַּלְאָכִים בְּחִירֵי־יָהּ אֲשֶׁר־תִּשְׁמֹר אֶת־הַדְּבָרִים הָאֵלֶּה וְלֹא תִשְׁפֹּט בְּאֵין חֲקִירָה וְלֹא־תַעֲשֶׂה דָבָר בְּמַשּׂא פָנִים׃
22 אַל־תְּהִי נִבְהָל לִסְמוֹךְ יָדֶיךָ עַל־אָדָם וְלֹא תִשְׁתַּתֵּף בְּחַטֹּאת אֲחֵרִים שְׁמֹר אֶת־נַפְשְׁךָ בְּטָהֳרָה׃
23 אַל־תִּשְׁתֶּה עוֹד מַיִם הַרְבֵּה אֶלָּא מְעַט־יָיִן מִפְּנֵי מֵעֶיךָ וּמִפְּנֵי שֶׁפְּעָמִים הַרְבֶּה חֹלֶה אָתָּה׃
24 יֵשׁ בְּנֵי־אָדָם אֲשֶׁר־חַטֹּאתֵיהֶם גְּלוּיוֹת וּמַקְדִּימוֹת לַמִּשְׁפָּט וְיֵשׁ מֵהֶם אֲשֶׁר הֵנָּה בָּאוֹת אַחֲרֵיהֶם׃
25 וְכָכָה גַּם־הַמַּעֲשִׂים הַטּוֹבִים גְּלוּיִם הֵמָּה וַאֲשֶׁר לֹא־כֵן לֹא יוּכְלוּ לְהִסָּתֵר׃
6
1. Kol ašer-ol ha avdut aleihem jihju adoneihem be eineihem reujim lehol-kavod lema an ašer lo-jehulal šem haelohim vehalekah.
2. Veotam šeadoneihem ma aminim al-jekalu ve eineihem mipenei šehem ahim ki im-ja avdu otam joter mipenei šema aminim va ahuvim hem hamekabelim et-hatovah et-zot telamed utezaveh.
3. Haiš ašer joreh torah aheret velo ja amod bedivrei adoneinu ješua hamašiah haberi im uvelekah hahasidut.
4. Nafšo upelah velo jada meumah ki im-holeh hu bišelot vetohehot milim hamolidot kinah umerivah vegidufim vahašad ra.
5. Vikuhei hevel meanašim nišhatei da at umehuserei emet hasamim et-hahasidut lidvar baza (sur meanašim kaeleh).
6. Veomnam beza gadol hi hahasidut im-lev sameah behelko.
7. Ki vanu laolam ve ein bejadeinu meumah vejadua šeaf neze mimenu ve ein bejadeinu meumah.
8. Veal-ken im mazon uhesut lanu nistapekah bahem.
9. Aval hamevakšim leha ašir javou lidei nisajon vejipelu vemokešim uverov ta avot sehalot umašhitot hamaškiot et-ha adam bašahat uva avadon.
10. Ki šoreš kol-haraot ahavat hakasef veješ lehutim aharav ašer saru min-haemunah vaja azivu et-nafšam bemahovim rabim.
11. Veatah iš haelohim berah-leha me eleh uredof zedakah vahasidut ve emunah veahavah vesavlanut va anavah.
12. Hilahem hamilhamah hatovah milhemet haemunah ve ehoz et-hajei haolamim ašer nikreta lahem vehodeita hoda ah jafah bifnei edim rabim.
13. Hini mezaveha neged haelohim hamehajeh et-kol veneged hamašiah ješua ašer heid hahoda ah hajafah lifnei panetijos pilatos.
14. Ašer tišmor et-hamizvah be ein-šemez vadofi ad-hofa at hamašiah ješua adoneinu.
15. Ašer jarenah veitah hamevorah vehašalit levado meleh hamelahim va Jehovah ha adonim.
16. Ašer hu levaddo hai vekajam vehu šohen or nisgav veiš lo ra ahu velo juhal liroto velo hakavod ugevurat olamim amen.
17. Et-aširei haolam hazeh tezaveh šel jarum levavam velo-jivtehu baoser haboged ki im-belohim hajim hamaspik lanu dai vehoter lisboa.
18. Vejigmelu tov vejaširu bema asim tovim latet mehonam vela azor lezulatam.
19. Veja azru lahem ozar lisod tov leatid lavo lema an jasigu et-hajei haemet.
20. Atah timotijos šemor et-hapikadon vehitrahek midivrei hevel hapesulim umin-vikuhei hamada hanikra chen betaut.
21. Ašer ješ mitpa arim bo vajitu min-haemunah. hahesed imah amen.
ו
כֹּל אֲשֶׁר־עֹל הָעַבְדוּת עֲלֵיהֶם יִהְיוּ אֲדֹנֵיהֶם בְּעֵינֵיהֶם רְאוּיִם לְכָל־כָּבוֹד לְמַעַן אֲשֶׁר לֹא־יְחֻלַּל שֵׁם הָאֱלֹהִים וְהַלֶּקַח׃
2 וְאֹתָם שֶׁאֲדֹנֵיהֶם מַאֲמִינִים אַל־יֵקַלּוּ בְעֵינֵיהֶם מִפְּנֵי שֶׁהֵם אַחִים כִּי אִם־יַעַבְדוּ אֹתָם יוֹתֵר מִפְּנֵי שֶׁמַּאֲמִינִים וַאֲהוּבִים הֵם הַמְקַבְּלִים אֶת־הַטּוֹבָה אֶת־זֹאת תְּלַמֵּד וּתְצַוֶּה׃
3 הָאִישׁ אֲשֶׁר יוֹרֶה תּוֹרָה אַחֶרֶת וְלֹא יַעֲמֹד בְּדִבְרֵי אֲדֹנֵינוּ יֵשׁוּעַ הַמָּשִׁיחַ הַבְּרִיאִים וּבְלֶקַח הַחֲסִידוּת׃
4 נַפְשׁוֹ עֻפְּלָה וְלֹא יָדַע מְאוּמָה כִּי אִם־חֹלֶה הוּא בִּשְׁאֵלוֹת וְתוֹכְחוֹת מִלִּים הַמּוֹלִידוֹת קִנְאָה וּמְרִיבָה וְגִדּוּפִים וַחֲשָׁד רָע׃
5 וִכּוּחֵי הֶבֶל מֵאֲנָשִׁים נִשְׁחֲתֵי דַעַת וּמְחֻסְּרֵי אֱמֶת הַשָׂמִים אֶת־הַחֲסִידוּת לִדְבַר בָּצַע (סוּר מֵאֲנָשִׁים כָּאֵלֶּה)׃
6 וְאָמְנָם בֶּצַע גָּדוֹל הִיא הַחֲסִידוּת עִם־לֵב שָׂמֵחַ בְּחֶלְקוֹ׃
7 כִּי בָאנוּ לָעוֹלָם וְאֵין בְּיָדֵינוּ מְאוּמָה וְיָדוּעַ שֶׁאַף נֵצֵא מִמֶּנּוּ וְאֵין בְּיָדֵינוּ מְאוּמָה׃
8 וְעַל־כֵּן אִם מָזוֹן וּכְסוּת לָנוּ נִסְתַּפְּקָה בָּהֶם׃
9 אֲבָל הַמְבַקְשִׁים לְהַעֲשִׁיר יָבֹאוּ לִידֵי נִסָּיוֹן וְיִפְּלוּ בְמוֹקְשִׁים וּבְרֹב תַּאֲוֹת סְכָלוֹת וּמַשְׁחִיתוֹת הַמַּשְׁקִיעוֹת אֶת־הָאָדָם בַּשַּׁחַת וּבָאֲבַדּוֹן׃
10 כִּי שֹׁרֶשׁ כָּל־הָרָעוֹת אַהֲבַת הַכָּסֶף וְיֵשׁ לְהוּטִים אַחֲרָיו אֲשֶׁר סָרוּ מִן־הָאֱמוּנָה וַיַּעֲצִיבוּ אֶת־נַפְשָׁם בְּמַכְאֹבִים רַבִּים׃
11 וְאַתָּה אִישׁ הָאֱלֹהִים בְּרַח־לְךָ מֵאֵלֶּה וּרְדֹף צְדָקָה וַחֲסִידוּת וֶאֱמוּנָה וְאַהֲבָה וְסַבְלָנוּת וַעֲנָוָה׃
12 הִלָּחֵם הַמִּלְחָמָה הַטּוֹבָה מִלְחֶמֶת הָאֱמוּנָה וֶאֱחֹז אֶת־חַיֵּי הָעוֹלָמִים אֲשֶׁר נִקְרֵאתָ לָהֶם וְהוֹדֵיתָ הוֹדָאָה יָפָה בִּפְנֵי עֵדִים רַבִּים׃
13 הִנְנִי מְצַוְּךָ נֶגֶד הָאֱלֹהִים הַמְחַיֶּה אֶת־כֹּל וְנֶגֶד הַמָּשִׁיחַ יֵשׁוּעַ אֲשֶׁר הֵעִיד הַהוֹדָאָה הַיָּפָה לִפְנֵי פָּנְטִיּוֹס פִּילָטוֹס׃
14 אֲשֶׁר תִּשְׁמֹר אֶת־הַמִּצְוָה בְּאֵין־שֶׁמֶץ וָדֹפִי עַד־הוֹפָעַת הַמָּשִׁיחַ יֵשׁוּעַ אֲדֹנֵינוּ׃
15 אֲשֶׁר יַרְאֶנָּה בְעִתָּהּ הַמְבֹרָךְ וְהַשַּׁלִּיט לְבַדּוֹ מֶלֶךְ הַמְּלָכִים וַאֲדֹנֵי הָאֲדֹנִים׃
16 אֲשֶׁר הוּא לְבַדּוֹ חַי וְקַיָּם וְהוּא שֹׁכֵן אוֹר נִשְׂגָּב וְאִישׁ לֹא רָאָהוּ וְלֹא יוּכַל לִרְאוֹתוֹ וְלוֹ הַכָּבוֹד וּגְבוּרַת עוֹלָמִים אָמֵן׃
17 אֶת־עֲשִׁירֵי הָעוֹלָם הַזֶּה תְּצַוֶּה שֶׁלּא יָרוּם לְבָבָם וְלֹא־יִבְטְחוּ בָּעֹשֶׂר הַבּוֹגֵד כִּי אִם־בֵּאלֹהִים חַיִּים הַמַּסְפִּיק לָנוּ דַּי וְהוֹתֵר לִשְׂבֹּעַ׃
18 וְיִגְמְלוּ טוֹב וְיַעְשִׁירוּ בְּמַעֲשִׂים טוֹבִים לָתֵת מֵהוֹנָם וְלַעֲזֹר לְזוּלָתָם׃
19 וְיַאַצְרוּ לָהֶם אוֹצָר לִיסוֹד טוֹב לֶעָתִיד לָבֹא לְמַעַן יַשִׂיגוּ אֶת־חַיֵּי הָאֱמֶת׃
20 אַתָּה טִימוֹתִיּוֹס שְׁמֹר אֶת־הַפִּקָּדוֹן וְהִתְרַחֵק מִדִּבְרֵי הֶבֶל הַפְּסוּלִים וּמִן־וִכּוּחֵי הַמַּדָּע הַנִּקְרָא כֵן בְּטָעוּת׃
21 אֲשֶׁר יֵשׁ מִתְפָּאֲרִים בּוֹ וַיִּתְעוּ מִן־הָאֱמוּנָה. הַחֶסֶד עִמָּךְ אָמֵן׃
1.Timothy.