Matthew, Mark, Luke, John, Acts, Romans, 1.Corinth, 2.Corinth, Galatia, Ephesia, Philippia, Colossia, 1.Thessalon,
2.Thessalon, 1.Timothy, 2.Timothy, Titus, Philemon, Hebrews, James, 1.Peter, 2.Peter, 1.John, 2.John, 3.John, Jude, Revelat,
אִגֶּרֶת פּוֹלוֹס אֶל־טִיטוֹס
Igeret polos el-titos
Titus - Titu
Titus
Titus 1
1. Polos eved elohim ušeliah ješu hamašiah lefi emunat behirei elohim veda at haemet ašer lahasidut.
2. Alei-tikvat hajei olam ašer lifnei jemot olam hivtiah hael ašer lo jehazev.
3. Vegilah et-devaro bemoado al-jedei hakeriah hamufkadah bejadi bemizvat haelohim mošienu.
4. El-titos beni ha amiti be emunah ehat hesed verahamim vešalom me et haelohim avinu va adoneinu ješua hamašiah mošienu.
5. Ba avur zot hinahtiha vikreiti ba avur ašer tašlim et-hehaser utemaneh zekenim behol-ir vair ka ašer zivitiha.
6. Im-jimaze iš tam uva al-išah ehat veješ-lo banim ma aminim ve ein aleihem ta anat perizut ve einam sorarim.
7. Ki-hegmon haedah zarih lihjot iš tam kesohen lelohim lo omed al-dato velo ragzan velo ohev jajin velo-va al egrof velo vozea beza ra.
8. Ki im-jehi mahnis orehim veohev tov vezanua vezadik vekadoš vechoveš et-jizro.
9. Umahazik badavar hane eman kefi hahora ah lema an jihjeh-bo hoah lehazhir balekah habari ulehohiah et-hamerivim.
10. Ki-ješ harbeh moredim doverei hevel umatei nafeš verubam min-hanimolim.
11. Ašer sahor jisaher pihem hahofehim batim kulam behorotam devarim ašer lo-hen ekev baza.
12. Uhevar amar ehad mehem neviam mikirbam benei kereiti mešakerim meolam vehajot raot hemah vegam keresim azelim.
13. Vehaedut hazot emet uva avur-ken tohihem tohehah kašah lema an jihju veri im baemunah.
14. Velo jasimu lev el-hagadot hajehudim ve el-mizvot ha anašim hasarim min-haemet.
15. Hakol tahor latehorim aval lanitmeim ulehasrei emunah ein-davar tahor ki nitmeah datam veruham.
16. Omerim hemah jadanu et-haelohim uvema aseihem koferim bo ki metoavim umamrim hem velo-jizlehu lehol-ma aseh tov.
א
פּוֹלוֹס עֶבֶד אֱלֹהִים וּשְׁלִיחַ יֵשׁוּעַ הַמָּשִׁיחַ לְפִי אֱמוּנַת בְּחִירֵי אֱלֹהִים וְדַעַת הָאֱמֶת אֲשֶׁר לַחֲסִידוּת׃
2 עֲלֵי־תִקְוַת חַיֵּי עוֹלָם אֲשֶׁר לִפְנֵי יְמוֹת עוֹלָם הִבְטִיחַ הָאֵל אֲשֶׁר לֹא יְכַזֵּב׃
3 וְגִלָּה אֶת־דְּבָרוֹ בְּמוֹעֲדוֹ עַל־יְדֵי הַקְּרִיאָה הַמֻּפְקָדָה בְּיָדִי בְּמִצְוַת הָאֱלֹהִים מוֹשִׁיעֵנוּ׃
4 אֶל־טִיטוֹס בְּנִי הָאֲמִתִּי בֶּאֱמוּנָה אֶחָת חֶסֶד וְרַחֲמִים וְשָׁלוֹם מֵאֵת הָאֱלֹהִים אָבִינוּ וַאֲדֹנֵינוּ יֵשׁוּעַ הַמָּשִׁיחַ מוֹשִׁיעֵנוּ׃
5 בַּעֲבוּר זֹאת הִנַּחְתִּיךָ בִקְרֵיטִי בַּעֲבוּר אֲשֶׁר תַּשְׁלִים אֶת־הֶחָסֵר וּתְמַנֶּה זְקֵנִים בְּכָל־עִיר וָעִיר כַּאֲשֶׁר צִוִּיתִיךָ׃
6 אִם־יִמָּצֵא אִישׁ תָּם וּבַעַל־אִשָּׁה אֶחָת וְיֶשׁ־לוֹ בָּנִים מַאֲמִינִים וְאֵין עֲלֵיהֶם טַעֲנַת פְּרִיצוּת וְאֵינָם סוֹרֲרִים׃
7 כִּי־הֶגְמוֹן הָעֵדָה צָרִיךְ לִהְיוֹת אִישׁ תָּם כְּסֹכֵן לֵאלֹהִים לֹא עֹמֵד עַל־דַּעְתּוֹ וְלֹא רַגְזָן וְלֹא אֹהֵב יַיִן וְלֹא־בַעַל אֶגְרֹף וְלֹא בֹצֵעַ בֶּצַע רָע׃
8 כִּי אִם־יְהִי מַכְנִיס אֹרְחִים וְאֹהֵב טוֹב וְצָנוּעַ וְצַדִּיק וְקָדוֹשׁ וְכֹבֵשׁ אֶת־יִצְרוֹ׃
9 וּמַחֲזִיק בַּדָּבָר הַנֶּאֱמָן כְּפִי הַהוֹרָאָה לְמַעַן יִהְיֶה־בּוֹ כֹחַ לְהַזְהִיר בַּלֶּקַח הַבָּרִיא וּלְהוֹכִיחַ אֶת־הַמְּרִיבִים׃
10 כִּי־יֵשׁ הַרְבֵּה מֹרְדִים דֹּבְרֵי הֶבֶל וּמַתְעֵי נָפֶשׁ וְרֻבָּם מִן־הַנִּמּוֹלִים׃
11 אֲשֶׁר סָכוֹר יִסָּכֵר פִּיהֶם הַהֹפְכִים בָּתִּים כֻּלָּם בְּהוֹרוֹתָם דְּבָרִים אֲשֶׁר לֹא־כֵן עֵקֶב בָּצַע׃
12 וּכְבָר אָמַר אֶחָד מֵהֶם נְבִיאָם מִקִּרְבָּם בְּנֵי קְרֵיטִי מְשַׁקְּרִים מֵעוֹלָם וְחַיּוֹת רָעוֹת הֵמָּה וְגַם כְּרֵשִׂים עֲצֵלִים׃
13 וְהָעֵדוּת הַזֹּאת אֱמֶת וּבַעֲבוּר־כֵּן תּוֹכִיחֵם תּוֹכֵחָה קָשָׁה לְמַעַן יִהְיוּ בְרִיאִים בָּאֱמוּנָה׃
14 וְלֹא יָשִׂימוּ לֵב אֶל־הַגָּדוֹת הַיְּהוּדִים וְאֶל־מִצְוֹת הָאֲנָשִׁים הַסָּרִים מִן־הָאֱמֶת׃
15 הַכֹּל טָהוֹר לַטְּהוֹרִים אֲבָל לַנִּטְמְאִים וּלְחַסְרֵי אֱמוּנָה אֵין־דָּבָר טָהוֹר כִּי נִטְמְאָה דַּעְתָּם וְרוּחָם׃
16 אֹמְרִים הֵמָּה יָדַעְנוּ אֶת־הָאֱלֹהִים וּבְמַעֲשֵׂיהֶם כּוֹפְרִים בּוֹ כִּי מְתֹעָבִים וּמַמְרִים הֵם וְלֹא־יִצְלְחוּ לְכָל־מַעֲשֶׂה טוֹב׃
2
1. Veatah daber et-hanaeh lalekach habari.
2. Hazekenim jihju mošelim beruham umehubadim uzenuim uveri im baemunah uva ahavah uvasavlanut.
3. Vehen hazekenot tehi darkan ka ašer na avah lakodeš lo tihjeinah moziot dibah ra ah velo netunot lisvo-jajin ki im-melamedot tov.
4. Umejašerot et-hazeirot le ehov et-ba aleihen vele ehov et-beneihen.
5. Velihjot zenuot utehorot zofijot halihot beitan vetovot venihnaot lifnei va aleihen lema an ašer lo-jehulal devar haelohim.
6 .Kahah tazhir gam et-habahurim šejihju zenuim.
7. Uvehol-davar hejeh atah lemofet bema asim tovim behora ah zerufah venehdarah.
8. Uvedavar bari še ein-bo mum lema an jevoš hamitkomem velo jimza ledaber aleihem ra.
9. Ha avadim jikaneu la adoneihem vejitrazu lahem lehol-davar velo jamru et-divreihem.
10. Velo-jimalu ma al ki im-jaru kol-emunah tovah lema an jefa aru vakol et-lekah elohim mošienu.
11. Ki hofia hesed elohim lehošia et-kol-benei ha adam.
12. Ulehadrih otanu lema an netaev hareša veta avot haolam venithaleh baolam hazeh bizniut uvezedek uvahasidut.
13. Unehakeh latikvah hameašeret ulehofa at kevod eloheinu hagadol umošienu ješua hamašiah.
14. Ašer-natan et-nafšo ba adenu lifdot otanu mikol-avel uletaher lo am segulah hazariz bema asim tovim.
15. Eleh tedaber vetazhir vetohiah behazekah veiš al-javuz lah.
ב
וְאַתָּה דַּבֵּר אֶת־הַנָּאֶה לַלֶּקַח הַבָּרִיא׃
2 הַזְּקֵנִים יִהְיוּ משְׁלִים בְּרוּחָם וּמְכֻבָּדִים וּצְנוּעִים וּבְרִיאִים בָּאֱמוּנָה וּבָאַהֲבָה וּבַסַּבְלָנוּת׃
3 וְכֵן הַזְּקֵנוֹת תְּהִי דַרְכָּן כַּאֲשֶׁר נָאֲוָה לַקֹּדֶשׁ לֹא תִהְיֶינָה מוֹצִיאוֹת דִּבָּה רָעָה וְלֹא נְתֻנוֹת לִסְבוֹא־יַיִן כִּי אִם־מְלַמְּדוֹת טוֹב׃
4 וּמְיַשְּׁרוֹת אֶת־הַצְּעִירוֹת לֶאֱהֹב אֶת־בַּעֲלֵיהֶן וְלֶאֱהֹב אֶת־בְּנֵיהֶן׃
5 וְלִהְיוֹת צְנוּעוֹת וּטְהֹרוֹת צוֹפִיּוֹת הֲלִיכוֹת בֵּיתָן וְטֹבוֹת וְנִכְנָעוֹת לִפְנֵי בַעֲלֵיהֶן לְמַעַן אֲשֶׁר לֹא־יְחֻלַּל דְּבַר הָאֱלֹהִים׃
6 כָּכָה תַּזְהִיר גַּם אֶת־הַבַּחוּרִים שֶׁיִּהְיוּ צְנוּעִים׃
7 וּבְכָל־דָּבָר הֱיֵה אַתָּה לְמוֹפֵת בְּמַעֲשִׂים טוֹבִים בְּהוֹרָאָה צְרוּפָה וְנֶהְדָּרָה׃
8 וּבְדָבָר בָּרִיא שֶׁאֵין־בּוֹ מוּם לְמַעַן יֵבוֹשׁ הַמִּתְקוֹמֵם וְלֹא יִמְצָא לְדַבֵּר עֲלֵיכֶם רָע׃
9 הָעֲבָדִים יִכָּנְעוּ לַאֲדֹנֵיהֶם וְיִתְרַצּוּ לָהֶם לְכָל־דָּבָר וְלֹא יַמְרוּ אֶת־דִּבְרֵיהֶם׃
10 וְלֹא־יִמְעֲלוּ מַעַל כִּי אִם־יַרְאוּ כָּל־אֱמוּנָה טוֹבָה לְמַעַן יְפָאֲרוּ בַכֹּל אֶת־לֶקַח אֱלֹהִים מוֹשִׁיעֵנוּ׃
11 כִּי הוֹפִיעַ חֶסֶד אֱלֹהִים לְהוֹשִׁיעַ אֶת־כָּל־בְּנֵי הָאָדָם׃
12 וּלְהַדְרִיךְ אֹתָנוּ לְמַעַן נְתַעֵב הָרֶשַׁע וְתַאֲוֹת הָעוֹלָם וְנִתְהַלֵּךְ בָּעוֹלָם הַזֶּה בִּצְנִיעוּת וּבְצֶדֶק וּבַחֲסִידוּת׃
13 וּנְחַכֶּה לַתִּקְוָה הַמְאַשֶּׁרֶת וּלְהוֹפָעַת כְּבוֹד אֱלֹהֵינוּ הַגָּדוֹל וּמוֹשִׁיעֵנוּ יֵשׁוּעַ הַמָּשִׁיחַ׃
14 אֲשֶׁר־נָתַן אֶת־נַפְשׁוֹ בַּעֲדֵנוּ לִפְדּוֹת אֹתָנוּ מִכָּל־עָוֶל וּלְטַהֵר לוֹ עַם סְגֻלָּה הַזָּרִיז בְּמַעֲשִׂים טוֹבִים׃
15 אֵלֶּה תְדַבֵּר וְתַזְהִיר וְתוֹכִיחַ בְּחָזְקָה וְאִישׁ אַל־יָבוּז לָךְ׃
3
1. Hazker otam šejihju nihnaim vešomeim lasarim velašiltonim unehonim lehol-ma aseh tov.
2. Ulevilti daber ra al kol-adam velahadol meriv veladin lehaf zehut ulehitnaheg ba anavah lifnei kol-adam.
3. Ki gam-anahnu hajinu milefanim hasrei da at vesorarim vetoim va avadim leta avot velitšukot šonot umithalehim berišah vekinah usenuim vesnim iš et-ahiv.
4. Omnam ka ašer niglah noam elohim mošienu veahavato et-ha adam.
5. Lo viglal ma asei hazedakah ašer asinu hošia otanu ki im-behasdo al-jedei tevilat halidah hahadašah vehiduš ruah hakodeš.
6. Ašer šafah aleinu lemahbir al-jedei ješua hamašiah mošienu.
7. Lema an nizdak behasdo veniraš lefi hatikvah et-hajei haolamim.
8. Emet hadavar verozeh ani šetekajem et-eleh lema an ašer jiškedu hama aminim belohim la asok bema asim tovim ki tov la asot kaeleh umoil la adam.
9. Aval tirhak min-haše elot hatefelot umilimudei toladot umimedanim verivot bidvar hahukim ki-ein bahen moil vehevel henah.
10. Veiš haholek al-haemunah im-huhah pa am ušetajim seteh mealav.
11. Veda ki-iš kazeh hafahpah hu vehote kemaršia et-nafšo.
12. Bešalehi eleiha et-artemas o et-tuhikos temaher lavo elai lenikapolis ki-gamarti velibi laševet šam bimei hasetav.
13. Šekod lešaleah et-zeinas ba al hatorah ve et-apolos lema an lo-jahseru davar ledarkam.
14. Vejilmedu gam-anšei adatenu la asok bema asim tovim la azor behol-mahsor pen-jihju beli-feri.
15. Kol ašer imadi šoalim lišlomeha šeal lišlom haohavim otanu be emunah hahesed im-kulehem amen.
ג
הַזְכֵּר אֹתָם שֶׁיִּהְיוּ נִכְנָעִים וְשֹׁמְעִים לַשָׂרִים וְלַשִּׁלְטוֹנִים וּנְכוֹנִים לְכָל־מַעֲשֶׂה טוֹב׃
2 וּלְבִלְתִּי דַּבֵּר רָע עַל כָּל־אָדָם וְלַחֲדֹל מֵרִיב וְלָדִין לְכַף זְכוּת וּלְהִתְנַהֵג בָּעֲנָוָה לִפְנֵי כָּל־אָדָם׃
3 כִּי גַם־אֲנַחְנוּ הָיִינוּ מִלְּפָנִים חַסְרֵי דַעַת וְסוֹרֲרִים וְתוֹעִים וַעֲבָדִים לְתַאֲוֹת וְלִתְשׁוּקוֹת שֹׁנוֹת וּמִתְהַלְּכִים בְּרִשְׁעָה וְקִנְאָה וּשְׂנוּאִים וְשׂנְאִים אִישׁ אֶת־אָחִיו׃
4 אָמְנָם כַּאֲשֶׁר נִגְלָה נֹעַם אֱלֹהִים מוֹשִׁיעֵנוּ וְאַהֲבָתוֹ אֶת־הָאָדָם׃
5 לֹא בִגְלַל מַעֲשֵׂי הַצְּדָקָה אֲשֶׁר עָשִׂינוּ הוֹשִׁיעַ אֹתָנוּ כִּי אִם־בְּחַסְדּוֹ עַל־יְדֵי טְבִילַת הַלִּידָה הַחֲדָשָׁה וְחִדּוּשׁ רוּחַ הַקֹּדֶשׁ׃
6 אֲשֶׁר שָׁפַךְ עָלֵינוּ לְמַכְבִּיר עַל־יְדֵי יֵשׁוּעַ הַמָּשִׁיחַ מוֹשִׁיעֵנוּ׃
7 לְמַעַן נִצְדַּק בְּחַסְדּוֹ וְנִירַשׁ לְפִי הַתִּקְוָה אֶת־חַיֵּי הָעוֹלָמִים׃
8 אֱמֶת הַדָּבָר וְרֹצֶה אֲנִי שֶׁתְּקַיֵּם אֶת־אֵלֶּה לְמַעַן אֲשֶׁר יִשְׁקְדוּ הַמַּאֲמִינִים בֵּאלֹהִים לַעֲסֹק בְּמַעֲשִׂים טוֹבִים כִּי טוֹב לַעֲשׂוֹת כָּאֵלֶּה וּמוֹעִיל לָאָדָם׃
9 אֲבָל תִּרְחַק מִן־הַשְּׁאֵלוֹת הַתְּפֵלוֹת וּמִלִּמּוּדֵי תוֹלָדוֹת וּמִמְּדָנִים וְרִיבוֹת בִּדְבַר הַחֻקִּים כִּי־אֵין בָּהֶן מוֹעִיל וְהֶבֶל הֵנָּה׃
10 וְאִישׁ הַחוֹלֵק עַל־הָאֱמוּנָה אִם־הוּכַח פַּעַם וּשְׁתָּיִם שְׂטֵה מֵעָלָיו׃
11 וְדַע כִּי־אִישׁ כָּזֶה הֲפַכְפַּךְ הוּא וְחוֹטֵא כְּמַרְשִׁיעַ אֶת־נַפְשׁוֹ׃
12 בְּשָׁלְחִי אֵלֶיךָ אֶת־אַרְטְמָס אוֹ אֶת־טוּכִיקוֹס תְּמַהֵר לָבוֹא אֵלַי לְנִקָפֹּלִיס כִּי־גָמַרְתִּי בְלִבִּי לָשֶׁבֶת שָׁם בִּימֵי הַסְּתָיו׃
13 שְׁקֹד לְשַׁלֵּחַ אֶת־זֵינָס בַּעַל הַתּוֹרָה וְאֶת־אַפּוֹלוֹס לְמַעַן לֹא־יַחְסְרוּ דָבָר לְדַרְכָּם׃
14 וְיִלְמְדוּ גַּם־אַנְשֵׁי עֲדָתֵנוּ לַעֲסֹק בְּמַעֲשִׂים טוֹבִים לַעֲזֹר בְּכָל־מַחְסוֹר פֶּן־יִהְיוּ בְּלִי־פֶרִי׃
15 כֹּל אֲשֶׁר עִמָּדִי שֹׁאֲלִים לִשְׁלוֹמֶךָ שְׁאַל לִשְׁלוֹם הָאֹהֲבִים אֹתָנוּ בֶּאֱמוּנָה הַחֶסֶד עִם־כֻּלְּכֶם אָמֵן׃
Titus