אִגֶּרֶת יְהוּדָה
Igeret Jehudah
Jude - Judina
Jude 1
1. Jehudah eved ješua hamašiah va ahi jakov el-hamekoraim ašer hem ahuvim belohim ha av ušemurim leješua hamašiah.
2. Rahamim vešalom veahavah jihju lahem lemahbir.
3. Havivai bešakedi lihtov aleihem al-devar hatešuah ha ahat lehulanu hezikatni ruhi leorer ethem bemihtav ašer tilahamu laemunah hamesurah pa am ahat lakedošim.
4. Ki hitganevu lavo anašim ašer nigzar dinam meaz anšei reša hahofehim et-hesed eloheinu lezimah vehoferim belohim hamošel hajahid uva adoneinu ješua hamašiah.
5. Veješ et-nafši lehazkir ethem et-ašer kevar jedatem ki hošia Jehovah et-ha am mimizrajim vajašmed ahar ken et-ašer lo he eminu.
6. Vehamalahim ašer lo-šameru et-misratam ki im-azevu et-meonam šemaram bemoserot olam ba afelah lemišpat hajom hagadol.
7. Ka ašer nihyu lemašal sedom va amorah uvenoteihen ašer hiznu kemohem vatelahnah aharei basar zar ki-nimseru lemusar eš olam.
8. Vehen ba alei hahalomot haeleh metameim et-habasar ve et-hamemšalah jena azu ve et-haserarot jeharefu.
9. Umihael sar hamalahim behitvakeho im-hasatan vajarev ito al-odot gevijat mošeh lo-melao libo laharoz mišpat gidufim ki im-amar jigar Jehovah bah.
10. Ve eleh meharefim et-ašer lo-jadau uvadevarim ašer javinu mehak-tivam kabehemot hasehalot bahemah jašhitu et-nafšam.
11.Oj lahem ki-vedereh kajin halahu vajidahu bemaduhei vilam ekev sahar uvimri korah avadu.
12. Halo zurei mihšol hemah bisudot ahavah šelahem ohelim vešotim imahem bekalut roš veroim et-nafšam avim hem beli majim nidafim mipenei ruah azei-horef be ein peri ašer metu fa amajim vene ekaru.
13. Mišberei-jam azim ašer jigrešu vašetam kohavim toim ašer-hošeh afelah zafun lahem adei-ad.
14. Vegam-hanoh hashevi i leadam niba aleihem lemor hinneh Jehovah ba berivavot kedošav.
15. La asot šefatim behulam ulehohiah kol rišei-erec al-kol-ma asei rišatam veal-kol-hakašot ašer diberu alav hataim anšei resša.
16. Eleh hem harogenim vehamitonanim haholeim aharei ta avoteihem ašer pihem jedaber atak hoderei fanim ekev šohad.
17. Veatem havivai zihru et-hadevarim hane emarim mikedem bejad šelihei adoneinu ješua hamašiah.
18. Bedaberam aleihem lemor hineh beaharit hajamim javou lezim haholehim aharei ta avot rišam.
19. Eleh hem haporešim min-hazibur ba alei nefeš veruah ein bahem.
20. Veatem havivai hibanu be emunathem hana alah al-kol bikdušatah vehitpalalu beruah hakodeš.
21. Ušemartem et-nafšoteihem beahavat elohim vehikitem lerahamei adoneinu ješua hamašiah lehajei olam.
22. havdilu et-eleh vehitnahagu imahem berahamim.
23. Ve et-eleh tošiu ve eimah vehilaztem otam mitoh haeš umeastem gam-et-halevuš hamegoal behelat habasar.
24. Va ašer jahol lišmarehem mimihšol uleha amid ethem besason temimim lifnei hevodo.
25. Haelohim (hehaham) hajahid hamoši otanu beješua hamašiah adoneinu lo hakavod vehagedulah vehaoz vehamemšalah lifnei hol-olam gam atah gam leolemei ad amen.
א
יְהוּדָה עֶבֶד יֵשׁוּעַ הַמָּשִׁיחַ וַאֲחִי יַעֲקֹב אֶל־הַמְקֹרָאִים אֲשֶׁר הֵם אֲהוּבִים בֵּאלֹהִים הָאָב וּשְׁמוּרִים לְיֵשׁוּעַ הַמָּשִׁיחַ׃
2 רַחֲמִים וְשָׁלוֹם וְאַהֲבָה יִהְיוּ לָכֶם לְמַכְבִּיר׃
3 חֲבִיבַי בְּשָׁקְדִי לִכְתֹּב אֲלֵיכֶם עַל־דְּבַר הַתְּשׁוּעָה הָאַחַת לְכֻלָּנוּ הֱצִיקַתְנִי רוּחִי לְעוֹרֵר אֶתְכֶם בְּמִכְתָּב אֲשֶׁר תִלָּחֲמוּ לָאֱמוּנָה הַמְּסוּרָה פַּעַם אַחַת לַקְּדוֹשִׁים׃
4 כִּי הִתְגַּנְּבוּ לָבוֹא אֲנָשִׁים אֲשֶׁר נִגְזַר דִּינָם מֵאָז אַנְשֵׁי רֶשַׁע הַהֹפְכִים אֶת־חֶסֶד אֱלֹהֵינוּ לְזִמָּה וְכֹפְרִים בֵּאלֹהִים הַמּשֵׁל הַיָּחִיד וּבַאֲדֹנֵינוּ יֵשׁוּעַ הַמָּשִׁיחַ׃
5 וְיֵשׁ אֶת־נַפְשִׁי לְהַזְכִּיר אֶתְכֶם אֶת־אֲשֶׁר כְּבָר יְדַעְתֶּם כִּי הוֹשִׁיעַ יְהוָֹה אֶת־הָעָם מִמִּצְרַיִם וַיַּשְׁמֵד אַחַר כֵּן אֶת־אֲשֶׁר לֹא הֶאֱמִינוּ׃
6 וְהַמַּלְאָכִים אֲשֶׁר לֹא־שָׁמְרוּ אֶת־מִשְׂרָתָם כִּי אִם־עָזְבוּ אֶת־מְעוֹנָם שְׁמָרָם בְּמוֹסְרוֹת עוֹלָם בַּאֲפֵלָה לְמִשְׁפַּט הַיּוֹם הַגָּדוֹל׃
7 כַּאֲשֶׁר נִהְיוּ לְמָשָׁל סְדוֹם וַעֲמֹרָה וּבְנֹתֵיהֶן אֲשֶׁר הִזְנוּ כְּמוֹהֶם וַתֵּלַכְנָה אַחֲרֵי בָּשָׂר זָר כִּי־נִמְסְרוּ לְמוּסַר אֵשׁ עוֹלָם׃
8 וְכֵן בַּעֲלֵי הַחֲלֹמוֹת הָאֵלֶּה מְטַמְּאִים אֶת־הַבָּשָׂר וְאֶת־הַמֶּמְשָׁלָה יְנָאֲצוּ וְאֶת־הַשְּׂרָרוֹת יְחָרֵפוּ׃
9 וּמִיכָאֵל שַׂר הַמַּלְאָכִים בְּהִתְוַכְּחוֹ עִם־הַשָּׂטָן וַיָּרֶב אִתּוֹ עַל־אֹדוֹת גְּוִיַּת מֹשֶׁה לֹא־מְלָאוֹ לִבּוֹ לַחֲרֹץ מִשְׁפַּט גִּדּוּפִים כִּי אִם־אָמַר יִגְעַר יְהוָֹה בָּךְ׃
10 וְאֵלֶּה מְחָרְפִים אֶת־אֲשֶׁר לֹא־יָדָעוּ וּבַדְּבָרִים אֲשֶׁר יָבִינוּ מֵחָק־טִבְעָם כַּבְּהֵמוֹת הַסְּכָלוֹת בָּהֵמָּה יַשְׁחִיתוּ אֶת־נַפְשָׁם׃
11 אוֹי לָהֶם כִּי־בְדֶרֶךְ קַיִן הָלָכוּ וַיִּדַּחוּ בְּמַדּוּחֵי בִלְעָם עֵקֶב שָׂכָר וּבִמְרִי קֹרַח אָבָדוּ׃
12 הֲלֹא צוּרֵי מִכְשׁוֹל הֵמָּה בִּסְעוּדֹת אַהֲבָה שֶׁלָּכֶם אֹכְלִים וְשֹׁתִים עִמָּכֶם בְּקַלּוּת רֹאשׁ וְרֹעִים אֶת־נַפְשָׁם עָבִים הֵם בְּלִי מַיִם נִדָּפִים מִפְּנֵי רוּחַ עֲצֵי־חֹרֶף בְּאֵין פְּרִי אֲשֶׁר מֵתוּ פַעֲמַיִם וְנֶעֱקָרוּ׃
13 מִשְׁבְּרֵי־יָם עַזִּים אֲשֶׁר יִגְרְשׁוּ בָשְׁתָּם כֹּכָבִים תֹּעִים אֲשֶׁר־חשֶׁךְ אֲפֵלָה צָפוּן לָהֶם עֲדֵי־עַד׃
14וְגַם־חֲנוֹךְ הַשְּׁבִיעִי לְאָדָם נִבָּא עֲלֵיהֶם לֵאמֹר הִנֵּה יְהוָֹה בָּא בְּרִבֲבֹת קְדֹשָׁיו׃
15 לַעֲשׂוֹת שְׁפָטִים בְּכֻלָּם וּלְהוֹכִיחַ כָּל־רִשְׁעֵי־אֶרֶץ עַל־כָּל־מַעֲשֵׂי רִשְׁעָתָם וְעַל־כָּל־הַקָּשׁוֹת אֲשֶׁר דִּבְּרוּ עָלָיו חַטָּאִים אַנְשֵׁי רֶשַׁע׃
16 אֵלֶּה הֵם הָרֹגְנִים וְהַמִּתְאוֹנֲנִים הַהֹלְכִים אַחֲרֵי תַאֲוֹתֵיהֶם אֲשֶׁר פִּיהֶם יְדַבֵּר עָתָק הֹדְרֵי פָנִים עֵקֶב שֹׁחַד׃
17 וְאַתֶּם חֲבִיבַי זִכְרוּ אֶת־הַדְּבָרִים הַנֶּאֱמָרִים מִקֶּדֶם בְּיַד שְׁלִיחֵי אֲדֹנֵינוּ יֵשׁוּעַ הַמָּשִׁיחַ׃
18 בְּדַבְּרָם אֲלֵיכֶם לֵאמֹר הִנֵּה בְּאַחֲרִית הַיָּמִים יָבֹאוּ לֵצִים הַהֹלְכִים אַחֲרֵי תַּאֲוֹת רִשְׁעָם׃
19 אֵלֶּה הֵם הַפֹּרְשִׁים מִן־הַצִּבּוּר בַּעֲלֵי נֶפֶשׁ וְרוּחַ אֵין בָּהֶם׃
20 וְאַתֶּם חֲבִיבַי הִבָּנוּ בֶּאֱמוּנַתְכֶם הַנַּעֲלָה עַל־כֹּל בִּקְדֻשָּׁתָהּ וְהִתְפַּלֲלוּ בְּרוּחַ הַקֹּדֶשׁ׃
21וּשְׁמַרְתֶּם אֶת־נַפְשֹׁתֵיכֶם בְּאַהֲבַת אֱלֹהִים וְחִכִּיתֶם לְרַחֲמֵי אֲדֹנֵינוּ יֵשׁוּעַ הַמָּשִׁיחַ לְחַיֵּי עוֹלָם׃
22 הַבְדִּילוּ אֶת־אֵלֶה וְהִתְנַהֲגוּ עִמָּהֶם בְּרַחֲמִים׃
23 וְאֶת־אֵלֶּה תּוֹשִׁיעוּ בְאֵימָה וְחִלַּצְתֶּם אֹתָם מִתּוֹךְ הָאֵשׁ וּמְאַסְתֶּם גַּם־אֶת־הַלְּבוּשׁ הַמְגֹאָל בְּחֶלְאַת הַבָּשָׂר׃
24 וַאֲשֶׁר יָכוֹל לִשְׁמָרְכֶם מִמִּכְשׁוֹל וּלְהַעֲמִיד אֶתְכֶם בְּשָׂשׂוֹן תְּמִימִים לִפְנֵי כְבוֹדוֹ׃
25 הָאֱלֹהִים (הֶחָכָם) הַיָּחִיד הַמּוֹשִׁיע אֹתָנוּ בְּיֵשׁוּעַ הַמָּשִׁיחַ אֲדֹנֵינוּ לוֹ הַכָּבוֹד וְהַגְּדֻלָּה וְהָעֹז וְהַמֶּמְשָׁלָה לִפְנֵי כָל־עוֹלָם גַּם עַתָּה גַּם לְעוֹלְמֵי עַד אָמֵן׃