Matthew, Mark, Luke, John, Acts, Romans, 1.Corinth, 2.Corinth, Galatia, Ephesia, Philippia, Colossia, 1.Thessalon,
2.Thessalon, 1.Timothy, 2.Timothy, Titus, Philemon, Hebrews, James, 1.Peter, 2.Peter, 1.John, 2.John, 3.John, Jude, Revelat,
אִגֶּרֶת פּוֹלוֹס הַשָּׁלִיחַ אֶל־הָאֶפְסִיִּים
Igeret polos hašaliah el-haefsijim
Ephesia. - Efežanima
Ephesia.
Ephesia. 1
1. Polos šeliah ješua hamašiah birzon elohim el-hakedošim hanimzeim (be efsos) uma aminim bamašiah ješua.
2. Hesed lahem vešalom me et haelohim avinu va adoneinu ješua hamašiah.
3. Baruh haelohim va avi adoneinu ješua hamašiah ašer berehanu behol-birkat ruah bameromim bamašiah.
4. Ka ašer bahar otanu vo lifnei mosedot tevel lihjot kedošim utemimim lefanav beahavah.
5. Jeadanu lo levanim al-jedei ješua hamašiah kirzon hefzo.
6. Lithilat kevod hasdo ašer-hanan otanu bidido.
7. Ašer-bo lanu hapidjom bedamo uselihat hapešaim kerov hasdo.
8. Ašer ba aleinu bešefa-hohmah vehaskel.
9. Vehodia otanu et-sod hefzo kirzono va azato meroš ašer ja az bo.
10. Al-devar hanhagato bimlot hajamim lekabel et-hakkol bamašiah mah-šebašamajim umah-šeba arec.
11. Uvo lakahnu nahalatenu anahnu hamejuadim lah milefanim bemahaševet poel hakol ka azat hefzo.
12. Lihjot lithilat kevodo anahnu ašer jihalnu el-hamašiah meaz.
13. Va ašer gam-atem šetulim bo aharei šameahem devar haemet et-besorat ješuathem va ašer bo kešehe emantem gam-nehtamtem beruah hahavtahah ruah hakodeš.
14. Ki zeh ervon nahalatenu lifdot-lo am segulah lithilat kevodo.
15. Ba avur zot gam-anohi aharei šamei emunathem ba adoneinu ješua veha ahavah ašer-ahavtem et-kol-hakedošim.
16. Lo ehdal mehodot ba avurehem behazkiri ethem bitfiltai.
17. Šejiten lahem elohei adoneinu ješua hamašiah avi hakavod et-ruach hahohmah vehehazon lada at oto.
18. Vejaer einei levavhem lema an tedeu mah-hi tohelet keriato umah-ošer kevod nahalato bakedošim.
19. Umah-jitron gedulat gevurato banu hama aminim kefi feulat ozem koho.
20. Ašer pa al bamašiah behair oto min-hametim vajošivenu limino bameromim.
21. Mima al lehol-serarah vešaletan ugevurah umemšalah vehol hanikra vešem lo-vaolam hazeh bilvad ki im-gam baolam haba.
22. Vajašet kol tahat raglav vajiten oto leroš lehol el-haedah.
23. Ašer hi gufo melo šel-hamemale et-hakol bakol.
א
פּוֹלוֹס שְׁלִיחַ יֵשׁוּעַ הַמָּשִׁיחַ בִּרְצוֹן אֱלֹהִים אֶל־הַקְּדשִׁים הַנִּמְצְאִים (בְּאֶפְסוֹס) וּמַאֲמִינִים בַּמָּשִׁיחַ יֵשׁוּעַ׃
2 חֶסֶד לָכֶם וְשָׁלוֹם מֵאֵת הָאֱלֹהִים אָבִינוּ וַאֲדֹנֵינוּ יֵשׁוּעַ הַמָּשִׁיחַ׃
3 בָּרוּךְ הָאֱלֹהִים וַאֲבִי אֲדֹנֵינוּ יֵשׁוּעַ הַמָּשִׁיחַ אֲשֶׁר בֵּרְכָנוּ בְּכָל־בִּרְכַּת רוּחַ בַּמְּרוֹמִים בַּמָּשִׁיחַ׃
4 כַּאֲשֶׁר בָּחַר אֹתָנוּ בוֹ לִפְנֵי מוֹסְדוֹת תֵּבֵל לִהְיוֹת קְדשִׁים וּתְמִימִים לְפָנָיו בְּאַהֲבָה׃
5 יְעָדָנוּ לוֹ לְבָנִים עַל־יְדֵי יֵשׁוּעַ הַמָּשִׁיחַ כִּרְצוֹן חֶפְצוֹ׃
6 לִתְהִלַּת כְּבוֹד חַסְדּוֹ אֲשֶׁר־חָנַן אֹתָנוּ בִּידִידוֹ׃
7 אֲשֶׁר־בּוֹ לָנוּ הַפִּדְיוֹם בְּדָמוֹ וּסְלִיחַת הַפְּשָׁעִים כְּרֹב חַסְדּוֹ׃
8 אֲשֶׁר בָּא עָלֵינוּ בְּשֶׁפַע־חָכְמָה וְהַשְׂכֵּל׃
9 וְהוֹדִיעַ אֹתָנוּ אֶת־סוֹד חֶפְצוֹ כִּרְצוֹנוֹ וַעֲצָתוֹ מֵרֹאשׁ אֲשֶׁר יָעַץ בּוֹ׃
10 עַל־דְּבַר הַנְהָגָתוֹ בִּמְלֹאת הַיָּמִים לְקַבֵּל אֶת־הַכֹּל בַּמָּשִׁיחַ מַה־שֶּׁבַּשָּׁמַיִם וּמַה־שֶּׁבָּאָרֶץ׃
11 וּבוֹ לָקַחְנוּ נַחֲלָתֵנוּ אֲנַחְנוּ הַמְיֻעָדִים לָהּ מִלְּפָנִים בְּמַחֲשֶׁבֶת פֹּעֵל הַכֹּל כַּעֲצַת חֶפְצוֹ׃
12 לִהְיוֹת לִתְהִלַּת כְּבוֹדוֹ אֲנַחְנוּ אֲשֶׁר יִחַלְנוּ אֶל־הַמָּשִׁיחַ מֵאָז׃
13 וַאֲשֶׁר גַּם־אַתֶּם שְׁתוּלִים בּוֹ אַחֲרֵי שָׁמְעֲכֶם דְּבַר הָאֱמֶת אֶת־בְּשׂוֹרַת יְשׁוּעַתְכֶם וַאֲשֶׁר בּוֹ כְּשֶׁהֶאֱמַנְתֶּם גַּם־נֶחְתַּמְתֶּם בְּרוּחַ הַהַבְטָחָה רוּחַ הַקֹּדֶשׁ׃
14 כִּי זֶה עֶרְבוֹן נַחֲלָתֵנוּ לִפְדּוֹת־לוֹ עַם סְגֻלָּה לִתְהִלַּת כְּבוֹדוֹ׃
15 בַּעֲבוּר זֹאת גַּם־אָנֹכִי אַחֲרֵי שָׁמְעִי אֱמוּנַתְכֶם בַּאֲדֹנֵינוּ יֵשׁוּעַ וְהָאַהֲבָה אֲשֶׁר־אֲהַבְתֶּם אֶת־כָּל־הַקְּדשִׁים׃
16 לֹא אֶחְדַּל מֵהוֹדוֹת בַּעֲבוּרְכֶם בְּהַזְכִּירִי אֶתְכֶם בִּתְפִלּתַי׃
17 שֶׁיִּתֵּן לָכֶם אֱלֹהֵי אֲדֹנֵינוּ יֵשׁוּעַ הַמָּשִׁיחַ אֲבִי הַכָּבוֹד אֶת־רוּחַ הַחָכְמָה וְהֶחָזוֹן לָדַעַת אֹתוֹ׃
18 וְיָאֵר עֵינֵי לְבַבְכֶם לְמַעַן תֵּדְעוּ מַה־הִיא תּוֹחֶלֶת קְרִיאָתוֹ וּמָה־עשֶׁר כְּבוֹד נַחֲלָתוֹ בַּקְּדשִׁים׃
19 וּמַה־יִּתְרוֹן גְּדֻלַּת גְּבוּרָתוֹ בָּנוּ הַמַּאֲמִינִים כְּפִי פְעֻלַּת עֹצֶם כֹּחוֹ׃
20 אֲשֶׁר פָּעַל בַּמָּשִׁיחַ בְּהָעִיר אֹתוֹ מִן־הַמֵּתִים וַיּוֹשִׁיבֶנּוּ לִימִינוֹ בַּמְּרוֹמִים׃
21 מִמַּעַל לְכָל־שְׂרָרָה וְשָׁלְטָן וּגְבוּרָה וּמֶמְשָׁלָה וְכֹל הַנִּקְרָא בְשֵׁם לֹא־בָעוֹלָם הַזֶּה בִּלְבַד כִּי אִם־גַּם בָּעוֹלָם הַבָּא׃
22 וַיָּשֶׁת כֹּל תַּחַת רַגְלָיו וַיִּתֵּן אֹתוֹ לְרֹאשׁ לְכֹל אֶל־הָעֵדָה׃
23 אֲשֶׁר הִיא גּוּפוֹ מְלוֹא שֶׁל־הַמְמַלֵּא אֶת־הַכֹּל בַּכֹּל׃
2
1. Gam-ethem ašer metim hejitem befišeihem vehatoteihem.
2. Ašer hithalahtem bahem kedor haolam hazeh kirzon sar memšelet ha avir vehu haruah hapoel kaet bivnei hameri.
3. Vegam-anahnu hulanu betoham halahnu lefanim beta avot habasar la asot hefzei vesarenu umahševoteinu vanehi venei-rogez betivenu kišar benei adam.
4. Aval-haelohim hamale rahamim berov ahavato ašer ahav otanu.
5. Aharei hejotenu metim bapešaim hehejanu im-hamašiah bahesed nošatem.
6. Vajirenu ito af-hošivanu bameromim bamašiah ješua.
7. Leharot badorot habaim et-gedulat ošer hasdo betovato aleinu bamashiah ješua.
8. Ki-vahesed nošatem al-jedei haemunah velo mijedhem hajetah zot ki-matat elohim hi.
9. Lo mitoh hama asim šel jithalel iš.
10. Ki-foal elohim anahnu nivraim bamašiah ješua lema asim tovim ašer hehin haelohim mikedem lema an nithaleh bahem.
11. Al-ken zihru ki-atem mitehilah hagojim babasar hanikraim arelim befi hanikraim benei hamilah šehi ma aseh jadajim babasar.
12. Ki-atem baet hahi hejitem beli mašiah zarim meadat jizrael venaherim livritot hahavtahah be ein tikvah uve ein lahem elohim baolam.
13. Veatah beješua hamašiah atem harehokim meaz hejitem kerovim bedam hamašiah.
14. Ki hu šelomenu ašer asah hašenajim ehad veharas mehizat hagader.
15. Bevatelo haeivah bivsaro et-torat hamizvot vehahukot livro venafšo et-hašenajim leadam ehad hadaš vaja as šalom.
16. Vajrazeh et-šeneihem beguf ehad lelohim al-jedei zelivato bahamito venafšo et-haeivah.
17. Vajavo vajvaser lahem šalom šalom larahok velakarov.
18. Ki al-jado ješ lišneinu mavo beruah ehad el-avinu.
19. Lahen einhem od gerim vetošavim ki-venei-iram šel-hakedošim uvenei beit elohim atem.
20. Benujim al-jesod hašelihim vehanevi im vejyešua hamašiah hu even hapinah.
21. Ašer hubar-bo jahad habinjan kulo ad ašer-jigbah leheihal kodeš lJehovah.
22. Uvo nivnim gam-atem lihjot miškan elohim baruah.
ב
גַּם־אֶתְכֶם אֲשֶׁר מֵתִים הֱיִיתֶם בְּפִשְׁעֵיכֶם וְחַטֹּאתֵיכֶם׃
2 אֲשֶׁר הִתְהַלַּכְתֶּם בָּהֶם כְּדוֹר הָעוֹלָם הַזֶּה כִּרְצוֹן שַׂר מֶמְשֶׁלֶת הָאֲוִיר וְהוּא הָרוּחַ הַפֹּעֵל כָּעֵת בִּבְנֵי הַמֶּרִי׃
3 וְגַם־אֲנַחְנוּ כֻלָּנוּ בְּתוֹכָם הָלַכְנוּ לְפָנִים בְּתַאֲוֹת הַבָּשָׂר לַעֲשׂוֹת חֶפְצֵי בְשָׂרֵנוּ וּמַחְשְׁבוֹתֵינוּ וַנְּהִי בְנֵי־רֹגֶז בְּטִבְעֵנוּ כִּשְׁאָר בְּנֵי אָדָם׃
4 אֲבָל־הָאֱלֹהִים הַמָּלֵא רַחֲמִים בְּרֹב אַהֲבָתוֹ אֲשֶׁר אָהַב אֹתָנוּ׃
5 אַחֲרֵי הֱיוֹתֵנוּ מֵתִים בַּפְּשָׁעִים הֶחֱיָנוּ עִם־הַמָּשִׁיחַ בַּחֶסֶד נוֹשַׁעְתֶּם׃
6 וַיְעִירֵנוּ אִתּוֹ אַף־הוֹשִׁיבָנוּ בַּמְּרוֹמִים בַּמָּשִׁיחַ יֵשׁוּעַ׃
7 לְהַרְאוֹת בַּדֹּרוֹת הַבָּאִים אֶת־גְּדֻלַּת עשֶׁר חַסְדּוֹ בְּטוֹבָתוֹ עָלֵינוּ בַּמָּשִׁיחַ יֵשׁוּעַ׃
8 כִּי־בַחֶסֶד נוֹשַׁעְתֶּם עַל־יְדֵי הָאֱמוּנָה וְלֹא מִיֶּדְכֶם הָיְתָה זֹּאת כִּי־מַתַּת אֱלֹהִים הִיא׃
9 לֹא מִתּוֹךְ הַמַּעֲשִׂים שֶׁלּא יִתְהַלֵּל אִישׁ׃
10 כִּי־פֹעַל אֱלֹהִים אֲנַחְנוּ נִבְרָאִים בַּמָּשִׁיחַ יֵשׁוּעַ לְמַעֲשִׂים טוֹבִים אֲשֶׁר הֵכִין הָאֱלֹהִים מִקֶּדֶם לְמַעַן נִתְהַלֵּךְ בָּהֶם׃
11 עַל־כֵּן זִכְרוּ כִּי־אַתֶּם מִתְּחִלָּה הַגּוֹיִם בַּבָּשָׂר הַנִּקְרָאִים עֲרֵלִים בְּפִי הַנִּקְרָאִים בְּנֵי הַמִּילָה שֶׁהִיא מַעֲשֵׂה יָדַיִם בַּבָּשָׂר׃
12 כִּי־אַתֶּם בָּעֵת הַהִיא הֱיִיתֶם בְּלִי מָשִׁיחַ זָרִים מֵעֲדַת יִשְׂרָאֵל וְנָכְרִים לִבְרִיתוֹת הַהַבְטָחָה בְּאֵין תִּקְוָה וּבְאֵין לָכֶם אֱלֹהִים בָּעוֹלָם׃
13 וְעַתָּה בְּיֵשׁוּעַ הַמָּשִׁיחַ אַתֶּם הָרְחוֹקִים מֵאָז הֱיִיתֶם קְרוֹבִים בְּדַם הַמָּשִׁיחַ׃
14 כִּי הוּא שְׁלוֹמֵנוּ אֲשֶׁר עָשָׂה הַשְּׁנַיִם אֶחָד וְהָרַס מְחִיצַת הַגָּדֵר׃
15 בְּבַטְּלוֹ הָאֵיבָה בִּבְשָׂרוֹ אֶת־תּוֹרַת הַמִּצְוֹת וְהַחֻקּוֹת לִבְרֹא בְנַפְשׁוֹ אֶת־הַשְּׁנַיִם לְאָדָם אֶחָד חָדָשׁ וַיַּעַשׂ שָׁלוֹם׃
16 וַיְרַצֶּה אֶת־שְׁנֵיהֶם בְּגוּף אֶחָד לֵאלֹהִים עַל־יְדֵי צְלִיבָתוֹ בַּהֲמִיתוֹ בְנַפְשׁוֹ אֶת־הָאֵיבָה׃
17 וַיָּבֹא וַיְבַשֵׂר לָכֶם שָׁלוֹם שָׁלוֹם לָרָחוֹק וְלַקָּרוֹב׃
18 כִּי עַל־יָדוֹ יֵשׁ לִשְׁנֵינוּ מָבוֹא בְּרוּחַ אֶחָד אֶל־אָבִינוּ׃
19 לָכֵן אֵינְכֶם עוֹד גֵּרִים וְתוֹשָׁבִים כִּי־בְנֵי־עִירָם שֶׁל־הַקְּדשִׁים וּבְנֵי בֵּית אֱלֹהִים אַתֶּם׃
20 בְּנוּיִם עַל־יְסוֹד הַשְּׁלִיחִים וְהַנְּבִיאִים וְיֵשׁוּעַ הַמָּשִׁיחַ הוּא אֶבֶן הַפִּנָּה׃
21 אֲשֶׁר חֻבַּר־בּוֹ יַחַד הַבִּנְיָן כֻּלּוֹ עַד אֲשֶׁר־יִגְבַּהּ לְהֵיכַל קֹדֶשׁ לַיהוָֹה׃
22 וּבוֹ נִבְנִים גַּם־אַתֶּם לִהְיוֹת מִשְׁכַּן אֱלֹהִים בָּרוּחַ׃
3
1. Ba avur zot ani folos asir hamašiah lema anhem hagojim.
2. Ki-omnam šematem hanhagat hesed haelohim ašer-nitan li aleihem.
3. Ki vehazon gilah-li hasod ašer katavti lahem bimat milin.
4. Uvekareahem tuhelu lehakir et-binati besod hamašiah.
5. Ašer badorot harišonim lo noda livnei adam ka ašer niglah atah lišlihav hakedošim velinviav baruah.
6. Šejihju hagojim gam-hem nohalim uveguf ehad vehavrei hahavtahah bamašiah ješua al-jedei habesrah.
7. Ašer hajiti lah limšaret bematenat hesed elohim hanetunah li kefi peulat gevurato.
8. Li ani zeir hazeirim šebehol-hakedošim nitan hahesed hazeh levaser bagojim et-ošer hamašiah ašer rav hu le ein heker.
9. Ulehair einei hol lirot mah-hanhagat hasod hanistar midorot olam belohim jozer hakol (al-jedei ješua hamašiah).
10. Lema an ašer tivada atah al-jedei haedah lasarim velašalitim ašer bameromim hahemat elohim hamafliah deraheiha.
11. Al-pi azat olamim ašer ja atz bamašiah ješua adoneinu.
12. Ašer bo pithon peh lanu umavo bevithah al-jad emunato.
13. Al-ken avakeš šel tehatu bezarotai lema anhem ki-hi tifartehem.
14. Ba avur zot ehreah al-birkai lifnei avi adoneinu ješua hamašiah.
15. Ašer nikra šemo al kol-mišpahah šebašamajim vešeba arec.
16. Latet lahem lefi-ošer kevodo šejithazek bigvurah al-jedei ruho ha adam hapenimi.
17. Šejiškon hamašiah bilvavhem al-jedei haemunah vihjitem mašrišim umejusadim beahavah.
18. Lema an tuhelu lehavin kehol-hakedošim meh harohav vehaoreh vehaomek vehagovah.
19. Vidatem et-ahavat hamašiah hana alah al-kol-da at venimletem et-kol-melo haelohim.
20. Vehajahol leharbot gemulav aleinu joter mikol-mišaloteinu umahševoteinu lefi hakoah hapoel bekirbenu.
21. Lo hakavod bekerev hakahal bamašiah ješua ledor vador ad-olemei olamim amen.
ג
בַּעֲבוּר זֹאת אֲנִי פוֹלוֹס אֲסִיר הַמָּשִׁיחַ לְמַעַנְכֶם הַגּוֹיִם׃
2 כִּי־אָמְנָם שְׁמַעְתֶּם הַנְהָגַת חֶסֶד הָאֱלֹהִים אֲשֶׁר־נִתַּן לִי אֲלֵיכֶם׃
3 כִּי בֶחָזוֹן גִּלָּה־לִי הַסּוֹד אֲשֶׁר כָּתַבְתִּי לָכֶם בִּמְעַט מִלִּין׃
4 וּבְקָרְאֲכֶם תּוּכְלוּ לְהַכִּיר אֶת־בִּינָתִי בְּסוֹד הַמָּשִׁיחַ׃
5 אֲשֶׁר בַּדּוֹרֹת הָרִאשֹׁנִים לֹא נוֹדַע לִבְנֵי אָדָם כַּאֲשֶׁר נִגְלָה עַתָּה לִשְׁלִיחָיו הַקְּדשִׁים וְלִנְבִיאָיו בָּרוּחַ׃
6 שֶׁיִּהְיוּ הַגּוֹיִם גַּם־הֵם נֹחֲלִים וּבְגוּף אֶחָד וְחַבְרֵי הַהַבְטָחָה בַּמָּשִׁיחַ יֵשׁוּעַ עַל־יְדֵי הַבְּשׂרָה׃
7 אֲשֶׁר הָיִיתִי לָהּ לִמְשָׁרֵת בְּמַתְּנַת חֶסֶד אֱלֹהִים הַנְּתוּנָה לִי כְּפִי פְּעֻלַּת גְּבוּרָתוֹ׃
8 לִי אֲנִי צְעִיר הַצְּעִירִים שֶׁבְּכָל־הַקְּדשִׁים נִתַּן הַחֶסֶד הַזֶּה לְבַשֵׂר בַּגּוֹיִם אֶת־עשֶׁר הַמָּשִׁיחַ אֲשֶׁר רַב הוּא לְאֵין חֵקֶר׃
9 וּלְהָאִיר עֵינֵי כֹל לִרְאוֹת מַה־הַנְהָגַת הַסּוֹד הַנִּסְתָּר מִדֹּרֹת עוֹלָם בֵּאלֹהִים יוֹצֵר הַכֹּל (עַל־יְדֵי יֵשׁוּעַ הַמָּשִׁיחַ)׃
10 לְמַעַן אֲשֶׁר תִּוָּדַע עַתָּה עַל־יְדֵי הָעֵדָה לַשָׂרִים וְלַשַּׁלִּיטִים אֲשֶׁר בַּמְּרוֹמִים חָכְמַת אֱלֹהִים הַמַּפְלִיאָה דְּרָכֶיהָ׃
11 עַל־פִּי עֲצַת עוֹלָמִים אֲשֶׁר יָעַץ בַּמָּשִׁיחַ יֵשׁוּעַ אֲדֹנֵינוּ׃
12 אֲשֶׁר בּוֹ פִּתְחוֹן פֶּה לָנוּ וּמָבוֹא בְּבִטְחָה עַל־יַד אֱמוּנָתוֹ׃
13 עַל־כֵּן אֲבַקֵּשׁ שֶׁלּא תֵחַתּוּ בְּצָרוֹתַי לְמַעַנְכֶם כִּי־הִיא תִּפְאַרְתְּכֶם׃
14 בַּעֲבוּר זֹאת אֶכְרְעָה עַל־בִּרְכָּי לִפְנֵי אֲבִי אֲדֹנֵינוּ יֵשׁוּעַ הַמָּשִׁיחַ׃
15 אֲשֶׁר נִקְרָא שְׁמוֹ עַל כָּל־מִשְׁפָּחָה שֶׁבַּשָּׁמַיִם וְשֶׁבָּאָרֶץ׃
16 לָתֵת לָכֶם לְפִי־עשֶׁר כְּבוֹדוֹ שֶׁיִּתְחַזֵּק בִּגְבוּרָה עַל־יְדֵי רוּחוֹ הָאָדָם הַפְּנִימִי׃
17 שֶׁיִּשְׁכֹּן הַמָּשִׁיחַ בִּלְבַבְכֶם עַל־יְדֵי הָאֱמוּנָה וִהְיִיתֶם מַשְׁרִישִׁים וּמְיֻסָּדִים בְּאַהֲבָה׃
18 לְמַעַן תּוּכְלוּ לְהָבִין כְּכָל־הַקְּדשִׁים מֶה הָרֹחַב וְהָאֹרֶךְ וְהָעֹמֶק וְהַגֹּבַהּ׃
19 וִידַעְתֶּם אֶת־אַהֲבַת הַמָּשִׁיחַ הַנַּעֲלָה עַל־כָּל־דָּעַת וְנִמְלֵאתֶם אֶת־כָּל־מְלוֹא הָאֱלֹהִים׃
20 וְהַיָּכֹל לְהַרְבּוֹת גְּמוּלָיו עָלֵינוּ יוֹתֵר מִכָּל־מִשְׁאֲלוֹתֵינוּ וּמַחְשְׁבוֹתֵינוּ לְפִי הַכֹּחַ הַפֹּעֵל בְּקִרְבֵּנוּ׃
21 לוֹ הַכָּבוֹד בְּקֶרֶב הַקָּהָל בַּמָּשִׁיחַ יֵשׁוּעַ לְדֹר וָדֹר עַד־עוֹלְמֵי עוֹלָמִים אָמֵן׃
4
1. Al-ken azhirhem ani ha asur ba adon lehithaleh ka ašer ja atah lemišmartehem ašer nikretem lah.
2. Behol-nemihut va anavah uveoreh ruah laset iš et-re ehu beahavah.
3. Vešikdu lišmor et-ahadut haruah ba aguddat hašalom.
4. Guf ehad veruah ehad ka ašer gam-nikretem betikvat mišmartehem haehat.
5. Adon ehad emunah ahat tevilah ehat.
6. El veav ehad lakol šehu al-kol ve et-kol uvetoh kol.
7 .Aval lehol-ehad ve ehad mimenu nitan hehased kemidat matenat hamašiah.
8. Al-ken hu omer alah lamarom šavah ševi vajiten matanot la adam.
9. Vealah šeamar mah-hu im-lo šejarad mikodem letahtijot arec.
10. Hu hajored vehu haoleh lemalah mikol-hašamajim lema an jemale et-hakol.
11. Vehu natan et-eleh šelihim ve et-eleh nevi im ve et-eleh mevasrim ve et-eleh roim umelamedim.
12. Lehašlim et-hakedošim lema aseh ha avodah levinjan guf hamašiah.
13. Ad ki-nagia kulanu leahadut haemunah veda at ben-haelohim keiš ehad šalem lešiur komat melo hamašiah.
14. Velo-nihjeh od jeladim nigrašim venidafim behol-ruah halimud betarmit benei adam umokešotam ašer šatu lehatot.
15. Ki im-nedaber haemet beahavah venigdelah vehol-davar lo lamašiah ašer hu haroš.
16. Ašer mimenu kol-haguf hamurkav umedubak behol-hibur hašimuš kemidat hakoah hanatun lehol-evar ve evar jirbeh vejigdal lehašlamat binjano beahavah.
17. Vehineh zot ani omer umeid ba adon ki meatah lo-telehu od kejeter hagojim haholehim behavlei sihlam.
18. Hašuhei hada at umuzarim lehajei elohim mipenei ivaltam ašer bahem ki-tah mehaskil levavam.
19. Ašer hišminu vajitenu et-nafšam lazimah la asot kol-toevah livzoa baza.
20. Veatem lo hen lemadtem et-hamašiah.
21. Im-omnam šematem oto uvo lumadtem kefi haemet ašer beyešua.
22. Lasur midarheihem harišonim velifšot et-ha adam hajašan hanišhat beta avot remijah.
23. Lehithadeš beruah sihlehem.
24. Velilboš et-ha adam hehadaš hanivra kidmut elohim bizdakah ukedušat haemet.
25. Al-ken hasiru mikem et-hašeker vedaberu emet iš et-re ehu ki evarim anahnu iš leahiv.
26. Rigzu veal-tehetau velo tavo hašemeš al-ragezehem.
27. Veal-titenu makom lasatan.
28. Mi šeganav al-josef lignov ki im-jiga uvejadav ja aseh et-hatov lema an jihjeh-lo latet leiš mahsor.
29. Velo-jeze mipihem kol-devar nibul ki im-hatov vehamoil livnot lefi hazoreh lema an jiten hen lešomeav.
30. Velo teazevu et-ruah hakodeš šel-elohim ašer nehtamtem bo lejom hageulah.
31. Kol-merirut vehemah varogez uzeakah vegiduf tasiru mikem im kol-harišah.
32. Vihju tovim iš lere ehu verahamanim venoseim iš lehatat ahiv ka ašer nasa lahem haelohim bamašiah.
ד
עַל־כֵּן אַזְהִירְכֶם אֲנִי הָאָסוּר בָּאָדוֹן לְהִתְהַלֵּךְ כַּאֲשֶׁר יָאֲתָה לְמִשְׁמַרְתְּכֶם אֲשֶׁר נִקְרֵאתֶם לָהּ׃
2 בְּכָל־נְמִיכוּת וַעֲנָוָה וּבְאֹרֶךְ רוּחַ לָשֵׂאת אִישׁ אֶת־רֵעֵהוּ בְּאַהֲבָה׃
3 וְשִׁקְדוּ לִשְׁמֹר אֶת־אַחֲדוּת הָרוּחַ בַּאֲגֻדַּת הַשָּׁלוֹם׃
4 גּוּף אֶחָד וְרוּחַ אֶחָד כַּאֲשֶׁר גַּם־נִקְרֵאתֶם בְּתִקְוַת מִשְׁמַרְתְּכֶם הָאֶחָת׃
5 אָדוֹן אֶחָד אֱמוּנָה אַחַת טְבִילָה אֶחָת׃
6 אֵל וְאָב אֶחָד לַכֹּל שֶׁהוּא עַל־כֹּל וְאֶת־כֹּל וּבְתוֹךְ כֹּל׃
7 אֲבָל לְכָל־אֶחָד וְאֶחָד מִמֶּנּוּ נִתַּן הֶחָסֶד כְּמִדַּת מַתְּנַת הַמָּשִׁיחַ׃
8 עַל־כֵּן הוּא אוֹמֵר עָלָה לַמָּרוֹם שָׁבָה שֶׁבִי וַיִּתֵּן מַתָּנוֹת לָאָדָם׃
9 וְעָלָה שֶׁאָמַר מַה־הוּא אִם־לֹא שֶׁיָּרַד מִקֹּדֶם לְתַחְתִּיּוֹת אָרֶץ׃
10 הוּא הַיֹּרֵד וְהוּא הָעֹלֶה לְמַעְלָה מִכָּל־הַשָּׁמָיִם לְמַעַן יְמַלֵּא אֶת־הַכֹּל׃
11 וְהוּא נָתַן אֶת־אֵלֶּה שְׁלִיחִים וְאֶת־אֵלֶּה נְבִיאִים וְאֶת־אֵלֶּה מְבַשְׂרִים וְאֶת־אֵלֶּה רֹעִים וּמְלַמְּדִים׃
12 לְהַשְׁלִים אֶת־הַקְּדשִׁים לְמַעֲשֵׂה הָעֲבוֹדָה לְבִנְיַן גּוּף הַמָּשִׁיחַ׃
13 עַד כִּי־נַגִּיעַ כֻּלָּנוּ לְאַחֲדוּת הָאֱמוּנָה וְדַעַת בֶּן־הָאֱלֹהִים כְּאִישׁ אֶחָד שָׁלֵם לְשִׁעוּר קוֹמַת מְלוֹא הַמָּשִׁיחַ׃
14 וְלֹא־נִהְיֶה עוֹד יְלָדִים נִגְרָשִׁים וְנִדָּפִים בְּכָל־רוּחַ הַלִּמּוּד בְּתַרְמִית בְּנֵי אָדָם וּמֹקְשׁוֹתָם אֲשֶׁר שָׁתוּ לְהַתְעוֹת׃ 15
כִּי אִם־נְדַבֵּר הָאֱמֶת בְּאַהֲבָה וְנִגְדְּלָה בְכָל־דָּבָר לוֹ לַמָּשִׁיחַ אֲשֶׁר הוּא הָרֹאשׁ׃
16 אֲשֶׁר מִמֶּנּוּ כָּל־הַגּוּף הַמֻּרְכָּב וּמְדֻבָּק בְּכָל־חִבּוּר הַשִּׁמּוּשׁ כְּמִדַּת הַכֹּחַ הַנָּתוּן לְכָל־אֵבָר וְאֵבָר יִרְבֶּה וְיִגְדַּל לְהַשְׁלָמַת בִּנְיָנוֹ בְּאַהֲבָה׃
17 וְהִנֵּה זֹאת אֲנִי אֹמֵר וּמֵעִיד בָּאָדוֹן כִּי מֵעַתָּה לֹא־תֵלְכוּ עוֹד כְּיֶתֶר הַגּוֹיִם הַהֹלְכִים בְּהַבְלֵי שִׂכְלָם׃
18 חֲשֻׁכֵי הַדַּעַת וּמוּזָרִים לְחַיֵּי אֱלֹהִים מִפְּנֵי אִוַּלְתָּם אֲשֶׁר בָּהֶם כִּי־טַח מֵהַשְׂכִּיל לְבָבָם׃
19 אֲשֶׁר הִשְׁמִינוּ וַיִּתְּנוּ אֶת־נַפְשָׁם לַזִּמָּה לַעֲשׂוֹת כָּל־תּוֹעֵבָה לִבְצֹעַ בָּצַע׃
20 וְאַתֶּם לֹא כֵן לְמַדְתֶּם אֶת־הַמָּשִׁיחַ׃
21 אִם־אָמְנָם שְׁמַעְתֶּם אֹתוֹ וּבוֹ לֻמַּדְתֶּם כְּפִי הָאֱמֶת אֲשֶׁר בְּיֵשׁוּעַ׃
22 לָסוּר מִדַּרְכֵיכֶם הָרִאשֹׁנִים וְלִפְשֹׁט אֶת־הָאָדָם הַיָּשָׁן הַנִּשְׁחָת בְּתַאֲוֹת רְמִיָּה׃
23 לְהִתְחַדֵּשׁ בְּרוּחַ שִׂכְלְכֶם׃
24 וְלִלְבּשׁ אֶת־הָאָדָם הֶחָדָשׁ הַנִּבְרָא כִּדְמוּת אֱלֹהִים בִּצְדָקָה וּקְדֻשַּׁת הָאֱמֶת׃
25 עַל־כֵּן הָסִירוּ מִכֶּם אֶת־הַשֶּׁקֶר וְדַבְּרוּ אֱמֶת אִישׁ אֶת־רֵעֵהוּ כִּי אֵבָרִים אֲנַחְנוּ אִישׁ לְאָחִיו׃
26 רִגְזוּ וְאַל־תֶּחֱטָאוּ וְלֹא תָבֹא הַשֶּׁמֶשׁ עַל־רָגְזְכֶם׃
27 וְאַל־תִּתְּנוּ מָקוֹם לַשָׂטָן׃
28 מִי שֶׁגָּנַב אַל־יֹסֶף לִגְנֹב כִּי אִם־יִיגַע וּבְיָדָיו יַעֲשֶׂה אֶת־הַטּוֹב לְמַעַן יִהְיֶה־לּוֹ לָתֵת לְאִישׁ מַחְסוֹר׃
29 וְלֹא־יֵצֵא מִפִּיכֶם כָּל־דְּבַר נִבּוּל כִּי אִם־הַטּוֹב וְהַמּוֹעִיל לִבְנוֹת לְפִי הַצֹּרֶךְ לְמַעַן יִתֵּן חֵן לְשֹׁמְעָיו׃
30 וְלֹא תְעַצְּבוּ אֶת־רוּחַ הַקֹּדֶשׁ שֶׁל־אֱלֹהִים אֲשֶׁר נֶחְתַּמְתֶּם בּוֹ לְיוֹם הַגְּאֻלָּה׃
31 כָּל־מְרִירוּת וְחֵמָה וָרֹגֶז וּצְעָקָה וְגִדּוּף תָּסִירוּ מִכֶּם עִם כָּל־הָרִשְׁעָה׃
32 וִהְיוּ טוֹבִים אִישׁ לְרֵעֵהוּ וְרַחֲמָנִים וְנֹשְׂאִים אִישׁ לְחַטַּאת אָחִיו כַּאֲשֶׁר נָשָׂא לָכֶם הָאֱלֹהִים בַּמָּשִׁיחַ׃
5
1. Uvehen lehu bedarhei haelohim kevanim havivim.
2. Vehithalehu beahavah ka ašer gam-hamašiah ahav otanu vehikriv et-nafšo ba adenu lekareban vazevah lelohim lereiah nihoah.
3. Aval zenut vehol-tumah veahavat beza bal-jizaher beineihem ka ašer naveh lakedošim.
4. Gam-lo nibul peh vedivrei sihlut lizanut mah-šel hehogen ki im-kol todah.
5. Ki-zot jadoa tedeu ki hol-zoneh vetame veohev beza ašer keoved elilim ein-lo helek venahalah bemalhut hamašiah vehaelohim.
6. Al-jasi iš ethem bedivrei rik ki viglal-eleh haron elohim javo al-benei hameri.
7. Al-ken al-jehi helkehem imahem.
8. Ki milefanim hejitem hošeh veatah hinehem or ba adoneinu hithalehu-na kivnei or.
9. Ki-feri haor kol-ma asei hesed vezedek ve emet.
10. Livhon meh-harazui be einei adoneinu.
11. Veal-tištatefu bema asei hahošeh ašer lo-ja asu feri ki im-hoheah tohihu otam.
12. Ki mah-šehem osim baseter herpah lesaper.
13. Aval kol-zot jeguleh kešejuhach al-jedei haor ki hol-hanigleh or hu.
14. Al-ken hu omer urah hajašen vekumah min-hametim vejaer leha hamašiah.
15. Veatah reu vehizaharu šel tithalehu kakesilim ki im-kahahamim.
16. Mokirim haša ah ki hajamim raim hemah.
17. Al-ken al-tihju hasrei da at ki im-mevinim lada at mah rezon adoneinu.
18. Veal-tištakeru mijajin hamevi lidei ferizut ki im-himaleu ruah.
19. Utehi sihathem iš et-re ehu tehilot vetišbahot veširot ruhanijot širu vezameru lJehovah bilvavhem.
20. Vehodu behol-et al-hakol lelohim avinu bešem adoneinu ješua hamašiah.
21. Hikaneu iš leahiv bejirat elohim.
22. Hanašim hikananah leva aleihen kemo la adoneinu.
23. Ki haiš hu-roš haišah ka ašer hamašiah hu roš haedah vehu mošia šel-haguf.
24. Aval ka ašer tikana haedah lamašiah af ken-hanašim leva aleihen lehol-davar.
25. Ha anašim ehevu et-nešeihem ka ašer gam-hamašiah ahav et-haedah vajiten et-nafšo ba adah.
26. Lema an kadešah bidvaro aharei ašer-tiharah birhizat hamajim.
27. Lahakimah behavod lo le edah ašer ein-bah ketem vakemet uhedomeh ki im-lema an tihjeh kedošah utemimah.
28. Ken ha anašim hajavim le ehov et-nešeihem kegufam ki haohev et-išto ohev et-azmo.
29. Ki meolam lo-sane iš et-besaro ki im-zan umehalkel oto ka ašer gam-ha adon et-adato.
30. Ki-evarei gufo anahenu mibesaro umeazamav.
31. Al-ken ja azav-iš et-aviv ve et-imo vedavak beišto vehaju šeneihem levasar ehad.
32. Gadol hasod hazeh va ani poter oto bamašiah vehaedah.
33. Veulam gam-atem kol-iš mikem je ehav et-išto kenafšo vehaišah hi tizaher vetira et-balah.
ה
וּבְכֵן לְכוּ בְּדַרְכֵי הָאֱלֹהִים כְּבָנִים חֲבִיבִים׃
2 וְהִתְהַלְּכוּ בְּאַהֲבָה כַּאֲשֶׁר גַּם־הַמָּשִׁיחַ אָהַב אֹתָנוּ וְהִקְרִיב אֶת־נַפְשׁוֹ בַּעֲדֵנוּ לְקָרְבָּן וָזֶבַח לֵאלֹהִים לְרֵיחַ נִיחוֹחַ׃
3 אֲבָל זְנוּת וְכָל־טֻמְאָה וְאַהֲבַת בֶּצַע בַּל־יִזָּכֵר בֵּינֵיכֶם כַּאֲשֶׁר נָאוֶה לַקְּדשִׁים׃
4 גַּם־לֹא נִבּוּל פֶּה וְדִבְרֵי סִכְלוּת לִיצָנוּת מַה־שֶּׁלּא כְהֹגֶן כִּי אִם־קוֹל תּוֹדָה׃
5 כִּי־זֹאת יָדֹעַ תֵּדְעוּ כִּי כָל־זֹנֶה וְטָמֵא וְאֹהֵב בֶּצַע אֲשֶׁר כְּעֹבֵד אֱלִילִים אֵין־לוֹ חֵלֶק וְנַחֲלָה בְּמַלְכוּת הַמָּשִׁיחַ וְהָאֱלֹהִים׃
6 אַל־יַשִׂיא אִישׁ אֶתְכֶם בְּדִבְרֵי רִיק כִּי בִגְלַל־אֵלֶּה חֲרוֹן אֱלֹהִים יָבֹא עַל־בְּנֵי הַמֶּרִי׃
7 עַל־כֵּן אַל־יְהִי חֶלְקְכֶם עִמָּהֶם׃
8 כִּי מִלְּפָנִים הֱיִיתֶם חשֶׁךְ וְעַתָּה הִנְּכֶם אוֹר בַּאֲדֹנֵינוּ הִתְהַלְּכוּ־נָא כִּבְנֵי אוֹר׃
9 כִּי־פְרִי הָאוֹר כָּל־מַעֲשֵׂי חֶסֶד וְצֶדֶק וֶאֱמֶת׃
10 לִבְחֹן מֶה־הָרָצוּי בְּעֵינֵי אֲדֹנֵינוּ׃
11 וְאַל־תִּשְׁתַּתְּפוּ בְּמַעֲשֵׂי הַחשֶׁך אֲשֶׁר לֹא־יַעֲשׂוּ פֶרִי כִּי אִם־הוֹכֵחַ תּוֹכִיחוּ אוֹתָם׃
12 כִּי מַה־שֶּׁהֵם עֹשִׂים בַּסֵּתֶר חֶרְפָּה לְסַפֵּר׃
13 אֲבָל כָּל־זֹאת יְגֻלֶּה כְּשֶׁיּוּכַח עַל־יְדֵי הָאוֹר כִּי כָל־הַנִּגְלֶה אוֹר הוּא׃
14 עַל־כֵּן הוּא אוֹמֵר עוּרָה הַיָּשֵׁן וְקוּמָה מִן־הַמֵּתִים וְיָאֵר לְךָ הַמָּשִׁיחַ׃
15 וְעַתָּה רְאוּ וְהִזָּהֲרוּ שֶׁלּא תִתְהַלְּכוּ כַּכְּסִילִים כִּי אִם־כַּחֲכָמִים׃
16 מוֹקִירִים הַשָּׁעָה כִּי הַיָּמִים רָעִים הֵמָּה׃
17 עַל־כֵּן אַל־תִּהְיוּ חַסְרֵי דָעַת כִּי אִם־מְבִינִים לָדַעַת מָה רְצוֹן אֲדֹנֵינוּ׃
18 וְאַל־תִּשְׁתַּכְּרוּ מִיַּיִן הַמֵּבִיא לִידֵי פְרִיצוּת כִּי אִם־הִמָּלְאוּ רוּחַ׃
19 וּתְהִי שִׂיחַתְכֶם אִישׁ אֶת־רֵעֵהוּ תְּהִלּוֹת וְתִשְׁבָּחוֹת וְשִׁירוֹת רוּחָנִיּוֹת שִׁירוּ וְזַמְּרוּ לַאדֹנָי בִּלְבַבְכֶם׃
20 וְהוֹדוּ בְּכָל־עֵת עַל־הַכֹּל לֵאלֹהִים אָבִינוּ בְּשֵׁם אֲדֹנֵינוּ יֵשׁוּעַ הַמָּשִׁיחַ׃
21 הִכָּנְעוּ אִישׁ לְאָחִיו בְּיִרְאַת אֱלֹהִים׃
22 הַנָּשִׁים הִכָּנַעְנָה לְבַעֲלֵיכֶן כְּמוֹ לַאֲדֹנֵינוּ׃
23 כִּי הָאִישׁ הוּא־רֹאשׁ הָאִשָּׁה כַּאֲשֶׁר הַמָּשִׁיחַ הוּא רֹאשׁ הָעֵדָה וְהוּא מוֹשִׁיעַ שֶׁל־הַגּוּף׃
24 אֲבָל כַּאֲשֶׁר תִּכָּנַע הָעֵדָה לַמָּשִׁיחַ אַף כֵּן־הַנָּשִׁים לְבַעֲלֵיהֶן לְכָל־דָּבָר׃
25 הָאֲנָשִׁים אֶהֱבוּ אֶת־נְשֵׁיכֶם כַּאֲשֶׁר גַּם־הַמָּשִׁיחַ אָהַב אֶת־הָעֵדָה וַיִּתֵּן אֶת־נַפְשׁוֹ בַּעֲדָהּ׃
26 לְמַעַן קַדְּשָׁהּ בִּדְבָרוֹ אַחֲרֵי אֲשֶׁר־טִהֲרָהּ בִּרְחִיצַת הַמָּיִם׃
27 לַהֲקִימָהּ בְּכָבוֹד לוֹ לְעֵדָה אֲשֶׁר אֵין־בָּהּ כֶּתֶם וָקֶמֶט וּכְדוֹמֶה כִּי אִם־לְמַעַן תִּהְיֶה קְדוֹשָׁה וּתְמִימָה׃
28 כֵּן הָאֲנָשִׁים חַיָּבִים לֶאֱהֹב אֶת־נְשֵׁיהֶם כְּגוּפָם כִּי הָאֹהֵב אֶת־אִשְׁתּוֹ אֹהֵב אֶת־עַצְמוֹ׃
29 כִּי מֵעוֹלָם לֹא־שָׂנֵא אִישׁ אֶת־בְּשָׂרוֹ כִּי אִם־זָן וּמְכַלְכֵּל אֹתוֹ כַּאֲשֶׁר גַּם־הָאָדוֹן אֶת־עֲדָתוֹ׃
30 כִּי־אֵבָרֵי גוּפוֹ אֲנָחְנוּ מִבְּשָׂרוֹ וּמֵעֲצָמָיו׃
31 עַל־כֵּן יַעֲזָב־אִישׁ אֶת־אָבִיו וְאֶת־אִמּוֹ וְדָבַק בְּאִשְׁתּוֹ וְהָיוּ שְׁנֵיהֶם לְבָשָׂר אֶחָד׃
32 גָּדוֹל הַסּוֹד הַזֶּה וַאֲנִי פּוֹתֵר אֹתוֹ בַּמָּשִׁיחַ וְהָעֵדָה׃
33 וְאוּלָם גַּם־אַתֶּם כָּל־אִישׁ מִכֶּם יֶאֱהַב אֶת־אִשְׁתּוֹ כְּנַפְשׁוֹ וְהָאִשָּׁה הִיא תִזָּהֵר וְתִירָא אֶת־בַּעְלָהּ׃
6
1. Šimu banim el-horeihem ba adoneinu ki-orah jšer hu.
2. Kabed et-aviha ve et-imeha zot hi hamizvah harišonah šematan seharah bezidah.
3. Lema an jitav lah ulema an ja arihun jameiha al-ha adamah.
4. Ve atem ha avot al-tahisu et-beneihem vegadelu otam bemusar adoneinu uvetohahto.
5. Šimu avadim el-adoneihem min-habasar bejirah varetet uvetam-levavhem kišmoa lamašiah.
6. Lo va avodah šehi lemareh einajim kimvakšim limzo hen be einei venei-adam ki im-keavdei hamašiah haosim rezon haelohim behol-nafšam.
7. La avod benefeš hafezah et-ha adon velo venei adam.
8. Vidatem ki kol-davar tov ašer asah ha adam ješalemenu lo adoneinu bein šehu-eved uvein šehu ven-horin.
9. Veatem ha adonim kahah ta asu gam-lahem hidlu migear-bam vidatem ki gam-aleihem ješ adon bašamajim ve ein lefanav mas fanim.
10. Sof davar ehai hizku va adoneinu uveoz gevurato.
11. Livšu kelei-nešek elohim lema an tuhelu amod neged nihlei hasatan.
12. Ki lo im-basar vadam milhamah lanu ki im-sarim vešalitim im-hamošelim beheškat haolam hazeh im-haruhot haraot ašer bameromim.
13. Al-ken ehezu bihlei-nešek elohim lema an tuhelu lakum bajom hara ulemale zeva ahem vela amod.
14. Imdu-na hagurei haemet bemateneihem ulevušim širjon hazedek.
15. Veragleihem mun alot lihjot muhanim livsorat hašalom.
16. Veal-kol-eleh tifsu et-magen haemunah ašer tuhelu lehabot bo et-hizei haraša hadolekim.
17. Ukehu et-kova haješuah veherev haruah šehi devar haelohim.
18. Vehatmidu vehol-et bitfilah vetahanunim baruah vešikdu vehitamezu lehatir jahad bead kol-hakedošim.
19. Vegam-ba adi lema an jinaten-li hadavar befithi fi legalot be omez lev et-sod habesorah ašer ani melizah bemoserot.
20. Lema an adaber bah ka ašer mutal alai ledaber velo ehat.
21. Ulema an ašer tedeu gam-atem et-korotai ve et-ma asai hineh tuhikos ha ah hehaviv vehamšaret hane eman ba adoneinu jagid lahem hakol.
22. Ašer lazot šelahtihu aleihem lehodiahem et-koroteinu ulema an jenahem et-levavhem.
23. Hašalom la ahim veha ahavah im-haeunah me et haelohim ha av ume et ha adon ješua hamašiah.
24. Hahesed im-kol-haohavim et-adoneinu ješua hamašiah beahavah ašer lo-tihleh amen.
ו
שִׁמְעוּ בָּנִים אֶל־הוֹרֵיכֶם בַּאֲדֹנֵינוּ כִּי־אֹרַח ישֶׁר הוּא׃
2 כַּבֵּד אֶת־אָבִיךָ וְאֶת־אִמֶּךָ זֹאת הִיא הַמִּצְוָה הָרִאשׁוֹנָה שֶׁמַּתַּן שְׂכָרָהּ בְּצִדָּהּ׃
3 לְמַעַן יִיטַב לָךְ וּלְמַעַן יַאֲרִיכֻן יָמֶיךָ עַל־הָאֲדָמָה׃
4 וְאַתֶּם הָאָבוֹת אַל־תַּכְעִיסוּ אֶת־בְּנֵיכֶם וְגַדְּלוּ אֹתָם בְּמוּסַר אֲדֹנֵינוּ וּבְתוֹכַחְתּוֹ׃
5 שִׁמְעוּ עֲבָדִים אֶל־אֲדֹנֵיכֶם מִן־הַבָּשָׂר בְּיִרְאָה וָרֶתֶת וּבְתָם־לְבַבְכֶם כִּשְׁמֹעַ לַמָּשִׁיחַ׃
6 לֹא בַעֲבֹדָה שֶׁהִיא לְמַרְאֵה עֵינַיִם כִּמְבַקְשִׁים לִמְצֹא חֵן בְּעֵינֵי בְנֵי־אָדָם כִּי אִם־כְּעַבְדֵי הַמָּשִׁיחַ הָעֹשִׂים רְצוֹן הָאֱלֹהִים בְּכָל־נַפְשָׁם׃
7 לַעֲבֹד בְּנֶפֶשׁ חֲפֵצָה אֶת־הָאָדוֹן וְלֹא בְנֵי אָדָם׃
8 וִידַעְתֶּם כִּי כָּל־דָּבָר טוֹב אֲשֶׁר עָשָׂה הָאָדָם יְשַׁלְּמֶנּוּ לוֹ אֲדֹנֵינוּ בֵּין שֶׁהוּא־עֶבֶד וּבֵין שֶׁהוּא בֶן־חוֹרִין׃
9 וְאַתֶּם הָאֲדֹנִים כָּכָה תַעֲשׂוּ גַּם־לָהֶם חִדְלוּ מִגְּעָר־בָּם וִידַעְתֶּם כִּי גַם־עֲלֵיכֶם יֵשׁ אָדוֹן בַּשָּׁמַיִם וְאֵין לְפָנָיו מַשּׂא פָנִים׃
10 סוֹף דָּבָר אֶחָי חִזְקוּ בַאֲדֹנֵינוּ וּבְעֹז גְּבוּרָתוֹ׃
11 לִבְשׁוּ כְּלֵי־נֶשֶׁק אֱלֹהִים לְמַעַן תּוּכְלוּ עֲמֹד נֶגֶד נִכְלֵי הַשָׂטָן׃
12 כִּי לֹא עִם־בָּשָׂר וָדָם מִלְחָמָה לָנוּ כִּי עִם־שָׂרִים וְשַׁלִּיטִים עִם־הַמּשְׁלִים בְּחֶשְׁכַּת הָעוֹלָם הַזֶּה עִם־הָרוּחוֹת הָרָעוֹת אֲשֶׁר בַּמְּרוֹמִים׃
13 עַל־כֵּן אֶחֱזוּ בִּכְלֵי־נֶשֶׁק אֱלֹהִים לְמַעַן תּוּכְלוּ לָקוּם בַּיּוֹם הָרָע וּלְמַלֵּא צְבָאֲכֶם וְלַעֲמוֹד׃
14 עִמְדוּ־נָא חֲגוּרֵי הָאֱמֶת בְּמָתְנֵיכֶם וּלְבוּשִׁים שִׁרְיוֹן הַצֶּדֶק׃
15 וְרַגְלֵיכֶם מֻנְעָלוֹת לִהְיוֹת מוּכָנִים לִבְשׂוֹרַת הַשָּׁלוֹם׃
16 וְעַל־כָּל־אֵלֶּה תִּפְשׂוּ אֶת־מָגֵן הָאֱמוּנָה אֲשֶׁר תּוּכְלוּ לְכַבּוֹת בּוֹ אֶת־חִצֵּי הָרָשָׁע הַדֹּלְקִים׃
17 וּקְחוּ אֶת־כּוֹבַע הַיְשׁוּעָה וְחֶרֶב הָרוּחַ שֶׁהִיא דְּבַר הָאֱלֹהִים׃
18 וְהַתְמִידוּ בְכָל־עֵת בִּתְפִלָּה וְתַחֲנוּנִים בָּרוּחַ וְשִׁקְדוּ וְהִתְאַמְּצוּ לְהַעְתִּיר יַחַד בְּעַד כָּל־הַקְּדשִׁים׃
19 וְגַם־בַּעֲדִי לְמַעַן יִנָּתֶן־לִי הַדָּבָר בְּפִתְחִי פִי לְגַלּוֹת בְּאֹמֶץ לֵב אֶת־סוֹד הַבְּשׂוֹרָה אֲשֶׁר אֲנִי מְלִיצָהּ בְּמוֹסֵרוֹת׃
20 לְמַעַן אֲדַבֵּר בָּהּ כַּאֲשֶׁר מֻטָּל עָלַי לְדַבֵּר וְלֹא אֵחָת׃
21 וּלְמַעַן אֲשֶׁר תֵּדְעוּ גַם־אַתֶּם אֶת־קֹרֹתַי וְאֶת־מַעֲשָׂי הִנֵּה טוּכִיקוֹס הָאָח הֶחָבִיב וְהַמְשָׁרֵת הַנֶּאֱמָן בַּאֲדֹנֵינוּ יַגִּיד לָכֶם הַכֹּל׃
22 אֲשֶׁר לָזֹאת שְׁלַחְתִּיהוּ אֲלֵיכֶם לְהוֹדִיעֲכֶם אֶת־קֹרֹתֵינוּ וּלְמַעַן יְנַחֵם אֶת־לְבַבְכֶם׃
23 הַשָּׁלוֹם לָאַחִים וְהָאַהֲבָה עִם־הָאֱמוּנָה מֵאֵת הָאֱלֹהִים הָאָב וּמֵאֵת הָאָדוֹן יֵשׁוּעַ הַמָּשִׁיחַ׃
24 הַחֶסֶד עִם־כָּל־הָאֹהֲבִים אֶת־אֲדֹנֵינוּ יֵשׁוּעַ הַמָּשִׁיחַ בְּאַהֲבָה אֲשֶׁר לֹא־תִכְלֶה אָמֵן׃
Ephesia.