​https://www.youtube.com/watch?v=6Dqj3PhORK4&feature=youtu.be

Psalam 104 Tehilim
תהילים קד
Barahi nafši et Jehovah elohai gadalta Meod hovd vehadar lavašeta.
Oteh ovr kasalmah novteh majim kajriah.
Hamkareh vamajim alijovtav hasam avim Rehuvov hamhaleh al kanfei Ruah.
Oseh malahav ruhot mešaretav eš lohet.
Jasad erec al mehovneiha bal timovt olam vaed
Tehovm kallevuš kisitov al harim jamdu majim.
Min garateha jenusun min kol ramha jehafezun.
Jalu harim jeredu vekaovt el mekovm zeh jasadta lahem.
Gevul meta bal javorun bal ješuvun lehasot haArec.
Hamšaleah majanim banehalim bein harim jehalehun.
Jašku kol hajtov sadai jišberu feraim tsemam.
Aleihem ovf hašamajim jiškon mibein ofajim jittenu kol.
Maškeh harim mealijovtav miperi maseiha tisba haArec.
Masmiah hasir labehemah vesev lavodat ha adam lehovsi lehem min haArec.
Vejajin jesamah levav enovš lehašil panim mišamen velehem levav enovš jisad.
Jisbeu asei Jehovah arzei levanon ašer nata.
Ašerša siporim jekanenu hasidah berovšim beitah.
Harim hagevohim laijelim selaim mahseh lašfanim.
Asah jareah lemovadim meš jada mevovov.
Tašet hošeh vihi lajelah bov tirmos kol hajtov jar.
Hakefirim šoagim lataref ulevakeš mel ahelam.
Tizrah hašemeš jeasefun vel meovnotam jirbasun.
Jese adam lefaolov velavodatov adei arev
Mah rabu maseiha Jehovah kulam behahemah asita maleah haArec kinjaneha.
Zeh haijam gadovl urehav jadajim šam remes vein mispar haijovt ketanot im-gedolovt.
Onijovt jehalehun livjatan zeh jasarta lesahek bov.
Kulam eleiha jesaberun latet ahelam beitov.
Titen lahem jilkotun tiftah jadeha jisbeun tov.
Tastir paneiha jibahelun tosef ruham jigvaun vel afaram ješuvun.
Tešalah ruhaha jibareun utehadeš penei adamah.
Jehi hevovd Jehovah leovlam jismah Jehovah bemasav.
Hamabit laArec vatirad jiga beharim veješanu.
Aširah lašem behaijai azamerah lelohai beovdi.
Jerav alav sihi anohi esmah bašem
Jitamu hataim min haArec urešaim ovd einam barahi nafši et Jehovah halelu jah.

תהילים קד

1 בָּרְכִי נַפְשִׁי אֶת־יְהֹוָה
יְהֹוָה אֱלֹהַי גָּדַלְתָּ מְּאֹד
הוֹד וְהָדָר לָבָֽשְׁתָּ׃

2 עֹֽטֶה־אוֹר כַּשַּׂלְמָה
נוֹטֶה שָׁמַיִם כַּיְרִיעָֽה׃

3 הַמְקָרֶה בַמַּיִם עֲֽלִיּוֹתָיו
הַשָּׂם־עָבִים רְכוּבוֹ
הַֽמְהַלֵּךְ עַל־כַּנְפֵי־רֽוּחַ׃

4 עֹשֶׂה מַלְאָכָיו רוּחוֹת
מְשָׁרְתָיו אֵשׁ לֹהֵֽט׃

5 יָֽסַד־אֶרֶץ עַל־מְכוֹנֶיהָ
בַּל־תִּמּוֹט עוֹלָם וָעֶֽד׃

6 תְּהוֹם כַּלְּבוּשׁ כִּסִּיתוֹ
עַל־הָרִים יַעַמְדוּ מָֽיִם׃

7 מִן־גַּעֲרָתְךָ יְנוּסוּן
מִן־קוֹל רַֽעַמְךָ יֵחָפֵזֽוּן׃

8 יַעֲלוּ הָרִים יֵרְדוּ בְקָעוֹת
אֶל־מְקוֹם זֶה ׀ יָסַדְתָּ לָהֶֽם׃

9 גְּֽבוּל־שַׂמְתָּ בַּל־יַעֲבֹרוּן
בַּל־יְשֻׁבוּן לְכַסּוֹת הָאָֽרֶץ׃

10 הַֽמְשַׁלֵּחַ מַעְיָנִים בַּנְּחָלִים
בֵּין הָרִים יְהַלֵּכֽוּן׃

11 יַשְׁקוּ כׇּל־חַיְתוֹ שָׂדָי
יִשְׁבְּרוּ פְרָאִים צְמָאָֽם׃

12 עֲלֵיהֶם עוֹף־הַשָּׁמַיִם יִשְׁכּוֹן
מִבֵּין עֳפָאיִם יִתְּנוּ־קֽוֹל׃

13 מַשְׁקֶה הָרִים מֵעֲלִיּוֹתָיו
מִפְּרִי מַעֲשֶׂיךָ תִּשְׂבַּע הָאָֽרֶץ׃

14 מַצְמִיחַ חָצִיר ׀ לַבְּהֵמָה
וְעֵשֶׂב לַעֲבֹדַת הָאָדָם
לְהוֹצִיא לֶחֶם מִן־הָאָֽרֶץ׃

15 וְיַיִן ׀ יְשַׂמַּח לְֽבַב־אֱנוֹשׁ
לְהַצְהִיל פָּנִים מִשָּׁמֶן
וְלֶחֶם לְֽבַב־אֱנוֹשׁ יִסְעָֽד׃

16 יִשְׂבְּעוּ עֲצֵי יְהֹוָה
אַֽרְזֵי לְבָנוֹן אֲשֶׁר נָטָֽע׃

17 אֲשֶׁר־שָׁם צִפֳּרִים יְקַנֵּנוּ
חֲסִידָה בְּרוֹשִׁים בֵּיתָֽהּ׃

18 הָרִים הַגְּבֹהִים לַיְּעֵלִים
סְלָעִים מַחְסֶה לַֽשְׁפַנִּֽים׃

19 עָשָׂה יָרֵחַ לְמוֹעֲדִים
שֶׁמֶשׁ יָדַע מְבוֹאֽוֹ׃

20 תָּֽשֶׁת־חֹשֶׁךְ וִיהִי לָיְלָה
בּוֹ־תִרְמֹשׂ כׇּל־חַיְתוֹ־יָֽעַר׃

21 הַכְּפִירִים שֹׁאֲגִים לַטָּרֶף
וּלְבַקֵּשׁ מֵאֵל אׇכְלָֽם׃

22 תִּזְרַח הַשֶּׁמֶשׁ יֵאָסֵפוּן
וְאֶל־מְעוֹנֹתָם יִרְבָּצֽוּן׃

23 יֵצֵא אָדָם לְפׇעֳלוֹ
וְֽלַעֲבֹדָתוֹ עֲדֵי־עָֽרֶב׃

24 מָה־רַבּוּ מַעֲשֶׂיךָ ׀ יְֽהֹוָה
כֻּלָּם בְּחׇכְמָה עָשִׂיתָ
מָלְאָה הָאָרֶץ קִנְיָנֶֽךָ׃

25 זֶה ׀ הַיָּם גָּדוֹל וּרְחַב יָדָיִם
שָֽׁם־רֶמֶשׂ וְאֵין מִסְפָּר
חַיּוֹת קְטַנּוֹת עִם־גְּדֹלֽוֹת׃

26 שָׁם אֳנִיּוֹת יְהַלֵּכוּן
לִוְיָתָן זֶֽה־יָצַרְתָּ לְשַֽׂחֶק־בּֽוֹ׃

27 כֻּלָּם אֵלֶיךָ יְשַׂבֵּרוּן
לָתֵת אׇכְלָם בְּעִתּֽוֹ׃

28 תִּתֵּן לָהֶם יִלְקֹטוּן
תִּפְתַּח יָדְךָ יִשְׂבְּעוּן טֽוֹב׃

29 תַּסְתִּיר פָּנֶיךָ יִֽבָּהֵלוּן
תֹּסֵף רוּחָם יִגְוָעוּן
וְֽאֶל־עֲפָרָם יְשׁוּבֽוּן׃

30 תְּשַׁלַּח רוּחֲךָ יִבָּרֵאוּן
וּתְחַדֵּשׁ פְּנֵי אֲדָמָֽה׃

31 יְהִי כְבוֹד יְהֹוָה לְעוֹלָם
יִשְׂמַח יְהֹוָה בְּמַעֲשָֽׂיו׃

32 הַמַּבִּיט לָאָרֶץ וַתִּרְעָד
יִגַּע בֶּהָרִים וְֽיֶעֱשָֽׁנוּ׃

33 אָשִׁירָה לַיהֹוָה בְּחַיָּי
אֲזַמְּרָה לֵאלֹהַי בְּעוֹדִֽי׃

34 יֶעֱרַב עָלָיו שִׂיחִי
אָנֹכִי אֶשְׂמַח בַּיהֹוָֽה׃

35 יִתַּמּוּ חַטָּאִים ׀ מִן־הָאָרֶץ
וּרְשָׁעִים ׀ עוֹד אֵינָם
בָּרְכִי נַפְשִׁי אֶת־יְהֹוָה
הַֽלְלוּ־יָֽהּ׃