AUDIO Abraham Šmuelof http://www.aoal.org/hebrew_audiobible.htm#Zephaniah
Prevod Link http://biblija.biblija-govori.hr/sve.htm
Zephaniah, 1-3 Sefanija צפניה
Sefanija 1
1. Devar-Jehovah ašer hajah el-sefanjah ben-kuši ven gedaljah, ben-amarjah ben hizkijah bimei jošijahu ven amovn meleh jehudah.
2. Asof asef kol meal penei ha-adamah neum- Jehovah.
3. Asef adam uvehemah asef ovf-hašamajim udegei haijam, vehamahšelot et-harešaim vehihrati et ha-adam meal penei ha-adamah neum- Jehovah.
4 .Venatiti jadi al-jehudah, veal kol jovšvei jerušalim vehihrati min hamakom hazeh et-šear habal, et-šem hakemarim im hakohanim.
5. Ve-et hamištahavim al hagagovt lisva hašamajim ve-et hamištahavim hanišbaim lašem, vehanišbaim bemalkam.
6 .Ve-et hanesovgim meaharei Jehovah va-ašer lo vikšu et- Jehovah velo derašuhu.
7 .Has mipenei adonai Jehovah ki karov jom Jehovah, ki-hehin Jehovah zevah hikdiš keruav.
8. Vehajah bejom zevah Jehovah, ufakadti al-hasarim veal benei hameleh veal kol halovešim malbuš naheri.
9. Ufakadti al kol-hadovleg al-hamiftan baijovm hahu hamalim beit adoneihem hamas umirmah.
10. Vehajah vaijom hahu neum- Jehovah kol seakah mišar hadagim, vilalah min hamišneh vešever gadol mehagevaot.
11. Heililu joševei hamahteš ki nidmah kol am kenan, nihretu kol-netilei hasef.
12. Vehajah baet hahi, ahapes et-jerušalim banerot ufakadti al-hanašim hakofeim al-šimreihem, haomerim bilvavam, lo-jeitiv Jehovah velo jarea.
13. Vehajah heilam limšisah, uvateihem lišmamah uvanu vatim velo ješevu, venateu heramim, velo jištu et-jeinam.
14 .Karov jom- Jehovah hagadol, karov umaher meod kol jom Jehovah, mar soreah šam gibor.
15. Jovm evrah haijom hahu jom sarah umesukah jovm šoah umešovah, jovm hošeh va-afelah, jom anan va-arafel.
16. Jom šofar uteruah al hearim habesurot, veal hapinot hagevohot.
17. Vahaseroti la-adam vehalehu kaivrim, ki lašem hatau vešupah damam keafar, ulehumam kagelalim.
18. Gam-kaspam gam-zehavam lo juhal lehasilam bejom evrat Jehovah, uve-eš kinatov, teahel kol ha-arec ki halah ah nivhalah jaseh, et kol joševei ha-arec.
Sefanija 2 Zefaniah 2
1. Hitkovšu vakovšu hagovj lo nihsaf.
2. Beterem ledet hok, kemos avar jovm beterem lo-javov aleihem harovn af- Jehovah, beterem lo-javov aleihem, jovm af-Jehovah.
3. Bakešu et-Jehovah kol anvei ha-arec, ašer mišpatov palu bakešu sedek bakešu anavah, ulai tisateru, bejom af-Jehovah.
4 .Ki azah azuvah tihjeh, veaškelovn lišmamah ašdod basahorajim jegarešuha, ve-ekrovn teaker.
5 .Hovj joševei hevel haijam govj keretim devar- Jehovah aleihem kenan erec pelištim, veha avadtih me-ein jovšev.
6. Vehajetah hevel haijam nevot kerot roim vegidrot son.
7. Vehajah hevel lišerit beit jehudah aleihem jirun bevatei aškelovn baerev jirbasun, ki jifkedem Jehovah eloheihem vešav ševutamh ševitam.
8. Šamati herpat movav, vegidufei benei amovn ašer herefu et-ami, vaijagdilu al gevulam.
9. Lahen hai ani neum Jehovah sevaot elohei jizrael ki-movav kisdom tihjeh uvenei amovn ka-amorah, mimšak harul umihreh melh ušemamah ad-ovlam šerit ami jevazum, vejeter govjh govjik jinhalum.
10. Zot lahem tahat geovnam ki herefu vaijagdilu, al-am Jehovah sevaovt.
11. Novra Jehovah aleihem, ki razah, et kol elohei ha-arec vejištahavu lov iš mimekovmov, kol ijei hagovjim.
12. Gam atem kušim, halei harbi hemah.
13. Vejet jadov al-safovn, viabed et-ašur vejasem et-nineveh lišmamah, sijah kamidbar.
14 .Veravesu vetovhah adarim kol hajtov govj, gam kat gam kipod, behaftoreiha jalinu kovl ješovrer bahalovn horev basaf, ki arzah erah.
15. Zot hair halizah haijovševet lavetah, haomerah bilvavah, ani veafsi ovd eih hajetah lešamah marbes lahaijah, kol over aleiha, jišrok jania jadov.
Sefanija 3 Zepaniah 3
1. Hovj moreah venigalah hair haijovnah.
2. Lo šameah bekovl, lo lakehah musar baJehovah lo vatahah, el-eloheiha lo karevah.
3. Sareiha vekirbah, arajovt šoagim šofeteiha zevei erev, lo garemu laboker.
4. Nevieiha pohazim, anšei bogedovt kohaneiha hilelu-kodeš, hamesu tovrah.
5 . Jehovah sadik bekirbah, lo jaseh avlah baboker baboker mišpatov jiten laovr lo nedar, velo-jovdea aval bošet.
6. Hihrati govjim našamu pinovtam, heheravti husovtam mibeli over nisdu areihem mibeli-iš me-ein jovšev.
7 .Amarti ah-tirei ovti tikhi musar, velo jikaret meovnah, kol ašer-pakadti aleiha ahen hiškimu hišhitu, kol alilovtam.
8. Lahen haku li neum Jehovah, lejom kumi lead ki mišpati le-esof govjim lekavesi mamlahot lišpoh aleihem zami kol haron api, ki be-eš kinati, teahel kol ha-arec.
9. Ki az ehpoh el-amim safah verurah likro hulam bešem Jehovah, leavedov šehem ehad.
10. Mever lenaharei huš atarai bat-pusai, jovilun minhati.
11. Baijovm hahu lo tevovši mikol alilotajih, ašer pašate bi ki-az asir mikirbeh alizei gavateh, velo tovsifi legavehah ovd behar kadeši.
12. Vehišarti vekirbeh, am ani vadal vehasu bešem Jehovah.
13. Šerit jizrael lo-jasu avlah velo jedaberu hazav, velo jimase befihem lešovn tarmit ki-hemah jiru veravesu ve-ein maharid.
14. Rani bat-sijovn, hariu jisrael simhi vealezi behol lev, bat jerušalim.
15 .Hesir Jehovah mišpatajih, pinah ojeveh meleh jizrael Jehovah bekirbeh, lo-tirei ra ovd.
16 .Baijovm hahu, jeamer lirušalim al-tirai sijovn al-jirpu jadajih.
17. Jehovah elohajih bekirbeh gibovr jovšia jasis alajih besimhah jahariš beahavatov, jagil alajih berinah.
18 .Nugei mimoved asafti mimeh haiu maset aleiha herpah.
19 .Hini oseh et-kol meanajih baet hahi vehovšati et-hasoleah vehanidahah akabes, vesamtim lithilah ulešem, behol ha-arec bašetam.
20. Baet hahi avi ethem, uvaet kabesi ethem ki-eten ethem leJehovah velithilah behol amei ha-arec, bešuvi et ševuteihem le-eineihem amar Jehovah.
צפניה א
1 דְּבַר־יְהֹוָה ׀ אֲשֶׁר הָיָה אֶל־צְפַנְיָה בֶּן־כּוּשִׁי בֶן־גְּדַלְיָה בֶּן־אֲמַרְיָה בֶּן־חִזְקִיָּה בִּימֵי יֹאשִׁיָּהוּ בֶן־אָמוֹן מֶלֶךְ יְהוּדָֽה׃
2 אָסֹף אָסֵף כֹּל מֵעַל פְּנֵי הָאֲדָמָה נְאֻם־יְהֹוָֽה׃
3 אָסֵף אָדָם וּבְהֵמָה אָסֵף עוֹף־הַשָּׁמַיִם וּדְגֵי הַיָּם וְהַמַּכְשֵׁלוֹת אֶת־הָרְשָׁעִים וְהִכְרַתִּי אֶת־הָאָדָם מֵעַל פְּנֵי הָאֲדָמָה נְאֻם־יְהֹוָֽה׃
4 וְנָטִיתִי יָדִי עַל־יְהוּדָה וְעַל כׇּל־יוֹשְׁבֵי יְרוּשָׁלִָם וְהִכְרַתִּי מִן־הַמָּקוֹם הַזֶּה אֶת־שְׁאָר הַבַּעַל אֶת־שֵׁם הַכְּמָרִים עִם־הַכֹּהֲנִֽים׃
5 וְאֶת־הַמִּשְׁתַּחֲוִים עַל־הַגַּגּוֹת לִצְבָא הַשָּׁמָיִם וְאֶת־הַמִּֽשְׁתַּחֲוִים הַנִּשְׁבָּעִים לַֽיהֹוָה וְהַנִּשְׁבָּעִים בְּמַלְכָּֽם׃
6 וְאֶת־הַנְּסוֹגִים מֵאַחֲרֵי יְהֹוָה וַאֲשֶׁר לֹא־בִקְשׁוּ אֶת־יְהֹוָה וְלֹא דְרָשֻֽׁהוּ׃
7 הַס מִפְּנֵי אֲדֹנָי יֱהֹוִה כִּי קָרוֹב יוֹם יְהֹוָה כִּֽי־הֵכִין יְהֹוָה זֶבַח הִקְדִּישׁ קְרֻאָֽיו׃
8 וְהָיָה בְּיוֹם זֶבַח יְהֹוָה וּפָקַדְתִּי עַל־הַשָּׂרִים וְעַל־בְּנֵי הַמֶּלֶךְ וְעַל כׇּל־הַלֹּבְשִׁים מַלְבּוּשׁ נׇכְרִֽי׃
9 וּפָקַדְתִּי עַל כׇּל־הַדּוֹלֵג עַל־הַמִּפְתָּן בַּיּוֹם הַהוּא הַֽמְמַלְאִים בֵּית אֲדֹנֵיהֶם חָמָס וּמִרְמָֽה׃
10 וְהָיָה בַיּוֹם הַהוּא נְאֻם־יְהֹוָה קוֹל צְעָקָה מִשַּׁעַר הַדָּגִים וִֽילָלָה מִן־הַמִּשְׁנֶה וְשֶׁבֶר גָּדוֹל מֵהַגְּבָעֽוֹת׃
11 הֵילִילוּ יֹֽשְׁבֵי הַמַּכְתֵּשׁ כִּי נִדְמָה כׇּל־עַם כְּנַעַן נִכְרְתוּ כׇּל־נְטִילֵי כָֽסֶף׃
12 וְהָיָה בָּעֵת הַהִיא אֲחַפֵּשׂ אֶת־יְרוּשָׁלִַם בַּנֵּרוֹת וּפָקַדְתִּי עַל־הָאֲנָשִׁים הַקֹּֽפְאִים עַל־שִׁמְרֵיהֶם הָאֹֽמְרִים בִּלְבָבָם לֹא־יֵיטִיב יְהֹוָה וְלֹא יָרֵֽעַ׃
13 וְהָיָה חֵילָם לִמְשִׁסָּה וּבָתֵּיהֶם לִשְׁמָמָה וּבָנוּ בָתִּים וְלֹא יֵשֵׁבוּ וְנָטְעוּ כְרָמִים וְלֹא יִשְׁתּוּ אֶת־יֵינָֽם׃
14 קָרוֹב יוֹם־יְהֹוָה הַגָּדוֹל קָרוֹב וּמַהֵר מְאֹד קוֹל יוֹם יְהֹוָה מַר צֹרֵחַ שָׁם גִּבּֽוֹר׃
15 יוֹם עֶבְרָה הַיּוֹם הַהוּא יוֹם צָרָה וּמְצוּקָה יוֹם שֹׁאָה וּמְשׁוֹאָה יוֹם חֹשֶׁךְ וַאֲפֵלָה יוֹם עָנָן וַעֲרָפֶֽל׃
16 יוֹם שׁוֹפָר וּתְרוּעָה עַל הֶעָרִים הַבְּצֻרוֹת וְעַל הַפִּנּוֹת הַגְּבֹהֽוֹת׃
17 וַהֲצֵרֹתִי לָאָדָם וְהָֽלְכוּ כַּֽעִוְרִים כִּי לַֽיהֹוָה חָטָאוּ וְשֻׁפַּךְ דָּמָם כֶּעָפָר וּלְחֻמָם כַּגְּלָלִֽים׃
18 גַּם־כַּסְפָּם גַּם־זְהָבָם לֹא־יוּכַל לְהַצִּילָם בְּיוֹם עֶבְרַת יְהֹוָה וּבְאֵשׁ קִנְאָתוֹ תֵּאָכֵל כׇּל־הָאָרֶץ כִּֽי־כָלָה אַךְ־נִבְהָלָה יַעֲשֶׂה אֵת כׇּל־יֹשְׁבֵי הָאָֽרֶץ׃
.
צפניה ב
1 הִֽתְקוֹשְׁשׁוּ וָקוֹשּׁוּ הַגּוֹי לֹא נִכְסָֽף׃
2 בְּטֶרֶם לֶדֶת חֹק כְּמֹץ עָבַר יוֹם בְּטֶרֶם ׀ לֹא־יָבוֹא עֲלֵיכֶם חֲרוֹן אַף־יְהֹוָה בְּטֶרֶם לֹא־יָבוֹא עֲלֵיכֶם יוֹם אַף־יְהֹוָֽה׃
3 בַּקְּשׁוּ אֶת־יְהֹוָה כׇּל־עַנְוֵי הָאָרֶץ אֲשֶׁר מִשְׁפָּטוֹ פָּעָלוּ בַּקְּשׁוּ־צֶדֶק בַּקְּשׁוּ עֲנָוָה אוּלַי תִּסָּתְרוּ בְּיוֹם אַף־יְהֹוָֽה׃
4 כִּי עַזָּה עֲזוּבָה תִֽהְיֶה וְאַשְׁקְלוֹן לִשְׁמָמָה אַשְׁדּוֹד בַּֽצׇּהֳרַיִם יְגָרְשׁוּהָ וְעֶקְרוֹן תֵּעָקֵֽר׃
5 הוֹי יֹשְׁבֵי חֶבֶל הַיָּם גּוֹי כְּרֵתִים דְּבַר־יְהֹוָה עֲלֵיכֶם כְּנַעַן אֶרֶץ פְּלִשְׁתִּים וְהַאֲבַדְתִּיךְ מֵאֵין יוֹשֵֽׁב׃
6 וְֽהָיְתָה חֶבֶל הַיָּם נְוֺת כְּרֹת רֹעִים וְגִדְרוֹת צֹֽאן׃
7 וְהָיָה חֶבֶל לִשְׁאֵרִית בֵּית יְהוּדָה עֲלֵיהֶם יִרְעוּן בְּבָתֵּי אַשְׁקְלוֹן בָּעֶרֶב יִרְבָּצוּן כִּי יִפְקְדֵם יְהֹוָה אֱלֹהֵיהֶם וְשָׁב שבותם שְׁבִיתָֽם׃
8 שָׁמַעְתִּי חֶרְפַּת מוֹאָב וְגִדֻּפֵי בְּנֵי עַמּוֹן אֲשֶׁר חֵֽרְפוּ אֶת־עַמִּי וַיַּגְדִּילוּ עַל־גְּבוּלָֽם׃
9 לָכֵן חַי־אָנִי נְאֻם יְהֹוָה צְבָאוֹת אֱלֹהֵי יִשְׂרָאֵל כִּי־מוֹאָב כִּסְדֹם תִּֽהְיֶה וּבְנֵי עַמּוֹן כַּעֲמֹרָה מִמְשַׁק חָרוּל וּמִכְרֵה־מֶלַח וּשְׁמָמָה עַד־עוֹלָם שְׁאֵרִית עַמִּי יְבָזּוּם וְיֶתֶר גּוֹיִ יִנְחָלֽוּם׃
10 זֹאת לָהֶם תַּחַת גְּאוֹנָם כִּי חֵֽרְפוּ וַיַּגְדִּלוּ עַל־עַם יְהֹוָה צְבָאֽוֹת׃
11 נוֹרָא יְהֹוָה עֲלֵיהֶם כִּי רָזָה אֵת כׇּל־אֱלֹהֵי הָאָרֶץ וְיִשְׁתַּֽחֲווּ־לוֹ אִישׁ מִמְּקוֹמוֹ כֹּל אִיֵּי הַגּוֹיִֽם׃
12 גַּם־אַתֶּם כּוּשִׁים חַֽלְלֵי חַרְבִּי הֵֽמָּה׃
13 וְיֵט יָדוֹ עַל־צָפוֹן וִֽיאַבֵּד אֶת־אַשּׁוּר וְיָשֵׂם אֶת־נִֽינְוֵה לִשְׁמָמָה צִיָּה כַּמִּדְבָּֽר׃
14 וְרָבְצוּ בְתוֹכָהּ עֲדָרִים כׇּל־חַיְתוֹ־גוֹי גַּם־קָאַת גַּם־קִפֹּד בְּכַפְתֹּרֶיהָ יָלִינוּ קוֹל יְשׁוֹרֵר בַּֽחַלּוֹן חֹרֶב בַּסַּף כִּי אַרְזָה עֵרָֽה׃
15 זֹאת הָעִיר הָעַלִּיזָה הַיּוֹשֶׁבֶת לָבֶטַח הָאֹֽמְרָה בִּלְבָבָהּ אֲנִי וְאַפְסִי עוֹד אֵיךְ ׀ הָיְתָה לְשַׁמָּה מַרְבֵּץ לַֽחַיָּה כֹּל עוֹבֵר עָלֶיהָ יִשְׁרֹק יָנִיעַ יָדֽוֹ׃
.
צפניה ג
1 הוֹי מֹרְאָה וְנִגְאָלָה הָעִיר הַיּוֹנָֽה׃
2 לֹא שָֽׁמְעָה בְּקוֹל לֹא לָקְחָה מוּסָר בַּֽיהֹוָה לֹא בָטָחָה אֶל־אֱלֹהֶיהָ לֹא קָרֵֽבָה׃
3 שָׂרֶיהָ בְקִרְבָּהּ אֲרָיוֹת שֹׁאֲגִים שֹׁפְטֶיהָ זְאֵבֵי עֶרֶב לֹא גָרְמוּ לַבֹּֽקֶר׃
4 נְבִיאֶיהָ פֹּֽחֲזִים אַנְשֵׁי בֹּֽגְדוֹת כֹּהֲנֶיהָ חִלְּלוּ־קֹדֶשׁ חָמְסוּ תּוֹרָֽה׃
5 יְהֹוָה צַדִּיק בְּקִרְבָּהּ לֹא יַעֲשֶׂה עַוְלָה בַּבֹּקֶר בַּבֹּקֶר מִשְׁפָּטוֹ יִתֵּן לָאוֹר לֹא נֶעְדָּר וְלֹא־יוֹדֵעַ עַוָּל בֹּֽשֶׁת׃
6 הִכְרַתִּי גוֹיִם נָשַׁמּוּ פִּנּוֹתָם הֶחֱרַבְתִּי חוּצוֹתָם מִבְּלִי עוֹבֵר נִצְדּוּ עָרֵיהֶם מִבְּלִי־אִישׁ מֵאֵין יוֹשֵֽׁב׃
7 אָמַרְתִּי אַךְ־תִּֽירְאִי אוֹתִי תִּקְחִי מוּסָר וְלֹֽא־יִכָּרֵת מְעוֹנָהּ כֹּל אֲשֶׁר־פָּקַדְתִּי עָלֶיהָ אָכֵן הִשְׁכִּימוּ הִשְׁחִיתוּ כֹּל עֲלִילוֹתָֽם׃
8 לָכֵן חַכּוּ־לִי נְאֻם־יְהֹוָה לְיוֹם קוּמִי לְעַד כִּי מִשְׁפָּטִי לֶאֱסֹף גּוֹיִם לְקׇבְצִי מַמְלָכוֹת לִשְׁפֹּךְ עֲלֵיהֶם זַעְמִי כֹּל חֲרוֹן אַפִּי כִּי בְּאֵשׁ קִנְאָתִי תֵּאָכֵל כׇּל־הָאָֽרֶץ׃
9 כִּֽי־אָז אֶהְפֹּךְ אֶל־עַמִּים שָׂפָה בְרוּרָה לִקְרֹא כֻלָּם בְּשֵׁם יְהֹוָה לְעׇבְדוֹ שְׁכֶם אֶחָֽד׃
10 מֵעֵבֶר לְנַהֲרֵי־כוּשׁ עֲתָרַי בַּת־פּוּצַי יוֹבִלוּן מִנְחָתִֽי׃
11 בַּיּוֹם הַהוּא לֹא תֵבוֹשִׁי מִכֹּל עֲלִילֹתַיִךְ אֲשֶׁר פָּשַׁעַתְּ בִּי כִּי־אָז ׀ אָסִיר מִקִּרְבֵּךְ עַלִּיזֵי גַּאֲוָתֵךְ וְלֹא־תוֹסִפִי לְגׇבְהָה עוֹד בְּהַר קׇדְשִֽׁי׃
12 וְהִשְׁאַרְתִּי בְקִרְבֵּךְ עַם עָנִי וָדָל וְחָסוּ בְּשֵׁם יְהֹוָֽה׃
13 שְׁאֵרִית יִשְׂרָאֵל לֹֽא־יַעֲשׂוּ עַוְלָה וְלֹֽא־יְדַבְּרוּ כָזָב וְלֹֽא־יִמָּצֵא בְּפִיהֶם לְשׁוֹן תַּרְמִית כִּֽי־הֵמָּה יִרְעוּ וְרָבְצוּ וְאֵין מַחֲרִֽיד׃
14 רָנִּי בַּת־צִיּוֹן הָרִיעוּ יִשְׂרָאֵל שִׂמְחִי וְעׇלְזִי בְּכׇל־לֵב בַּת יְרוּשָׁלִָֽם׃
15 הֵסִיר יְהֹוָה מִשְׁפָּטַיִךְ פִּנָּה אֹֽיְבֵךְ מֶלֶךְ יִשְׂרָאֵל ׀ יְהֹוָה בְּקִרְבֵּךְ לֹא־תִֽירְאִי רָע עֽוֹד׃
16 בַּיּוֹם הַהוּא יֵאָמֵר לִירֽוּשָׁלִַם אַל־תִּירָאִי צִיּוֹן אַל־יִרְפּוּ יָדָֽיִךְ׃
17 יְהֹוָה אֱלֹהַיִךְ בְּקִרְבֵּךְ גִּבּוֹר יוֹשִׁיעַ יָשִׂישׂ עָלַיִךְ בְּשִׂמְחָה יַֽחֲרִישׁ בְּאַהֲבָתוֹ יָגִיל עָלַיִךְ בְּרִנָּֽה׃
18 נוּגֵי מִמּוֹעֵד אָסַפְתִּי מִמֵּךְ הָיוּ מַשְׂאֵת עָלֶיהָ חֶרְפָּֽה׃
19 הִנְנִי עֹשֶׂה אֶת־כׇּל־מְעַנַּיִךְ בָּעֵת הַהִיא וְהוֹשַׁעְתִּי אֶת־הַצֹּלֵעָה וְהַנִּדָּחָה אֲקַבֵּץ וְשַׂמְתִּים לִתְהִלָּה וּלְשֵׁם בְּכׇל־הָאָרֶץ בׇּשְׁתָּֽם׃
20 בָּעֵת הַהִיא אָבִיא אֶתְכֶם וּבָעֵת קַבְּצִי אֶתְכֶם כִּֽי־אֶתֵּן אֶתְכֶם לְשֵׁם וְלִתְהִלָּה בְּכֹל עַמֵּי הָאָרֶץ בְּשׁוּבִי אֶת־שְׁבוּתֵיכֶם לְעֵינֵיכֶם אָמַר יְהֹוָֽה׃
.