Psalam 94
1. El-nekamot Jehovah el nekamot hovfija.
2. Hinase šofet ha-arec Jehovah gemul al-geim.
3. Ad-matai rešaim Jehovah ad-matai rešaim jalozu.
4. Jabiu jedaberu atak jitameru kol poalei aven.
5. Ameha Jehovah jedakeu venahalateha jeanu.
6. Almanah veger jaharogu vitovmim jerasehu.
7. Vaijomeru lo jireh-jah velo javin elohei Jakov.
8. Binu boarim bam uhesilim matai taskilu.
9. Hanota ozen halo jišma im-joser ajin halo jabit.
10. Hajoser govjim halo jovhiah hamlamed adam dat.
11. Jehovah jodea mahševot adam ki-hemah havel.
12 Ašrei hagever ašer tejaserenu jah umitovrateha telamedenu.
13. Lehaškit lov mimei ra ad jikareh laraša šahat.
14. Ki lo-jitoš Jehovah amov venahalatov lo jazov.
15. Ki-ad-sedek jašuv mišpat veaharav kol jišrei-lev.
16. Mi-jakum li im mereim mi jitjasev li im-poalei aven.
17. Lulei Jehovah ezratah li kimat šahenah dumah nafši.
18. Im-amarti matah ragli hasdeha Jehovah jisadeni.
19. Berov sarapai bekirbi tanhumeiha ješašu nafši.
20. Hajhavereha kise havot joser amal alei hok.
21. Jagovdu al-nefeš sadik vedam naki jaršiu.
22. Vajhi Jehovah li lemisgav velohai lesur mahsi
23. Vaijašev aleihem et-ovnam uveraatam jasmitem jasmitem Jehovah eloheinu
תהילים צד
1 אֵל־נְקָמוֹת יְהֹוָה
אֵל נְקָמוֹת הוֹפִֽיעַ׃
2 הִנָּשֵׂא שֹׁפֵט הָאָרֶץ
הָשֵׁב גְּמוּל עַל־גֵּאִֽים׃
3 עַד־מָתַי רְשָׁעִים ׀ יְהֹוָה
עַד־מָתַי רְשָׁעִים יַעֲלֹֽזוּ׃
4 יַבִּיעוּ יְדַבְּרוּ עָתָק
יִתְאַמְּרוּ כׇּל־פֹּעֲלֵי אָֽוֶן׃
5 עַמְּךָ יְהֹוָה יְדַכְּאוּ
וְֽנַחֲלָתְךָ יְעַנּֽוּ׃
6 אַלְמָנָה וְגֵר יַהֲרֹגוּ
וִיתוֹמִים יְרַצֵּֽחוּ׃
7 וַיֹּאמְרוּ לֹא יִרְאֶה־יָּהּ
וְלֹא־יָבִין אֱלֹהֵי יַעֲקֹֽב׃
8 בִּינוּ בֹּעֲרִים בָּעָם
וּכְסִילִים מָתַי תַּשְׂכִּֽילוּ׃
9 הֲנֹטַֽע אֹזֶן הֲלֹא יִשְׁמָע
אִֽם־יֹצֵֽר עַיִן הֲלֹא יַבִּֽיט׃
10 הֲיֹסֵר גּוֹיִם הֲלֹא יוֹכִיחַ
הַֽמְלַמֵּד אָדָם דָּֽעַת׃
11 יְֽהֹוָה יֹדֵעַ מַחְשְׁבוֹת אָדָם
כִּי־הֵמָּה הָֽבֶל׃
12 אַשְׁרֵי ׀ הַגֶּבֶר אֲשֶׁר־תְּיַסְּרֶנּוּ יָּהּ
וּֽמִתּוֹרָתְךָ תְלַמְּדֶֽנּוּ׃
13 לְהַשְׁקִיט לוֹ מִימֵי רָע
עַד יִכָּרֶה לָרָשָׁע שָֽׁחַת׃
14 כִּי ׀ לֹא־יִטֹּשׁ יְהֹוָה עַמּוֹ
וְנַחֲלָתוֹ לֹא יַעֲזֹֽב׃
15 כִּֽי־עַד־צֶדֶק יָשׁוּב מִשְׁפָּט
וְאַחֲרָיו כׇּל־יִשְׁרֵי־לֵֽב׃
16 מִֽי־יָקוּם לִי עִם־מְרֵעִים
מִי־יִתְיַצֵּב לִי עִם־פֹּעֲלֵי אָֽוֶן׃
17 לוּלֵי יְהֹוָה עֶזְרָתָה לִּי
כִּמְעַט ׀ שָׁכְנָה דוּמָה נַפְשִֽׁי׃
18 אִם־אָמַרְתִּי מָטָה רַגְלִי
חַסְדְּךָ יְהֹוָה יִסְעָדֵֽנִי׃
19 בְּרֹב שַׂרְעַפַּי בְּקִרְבִּי
תַּנְחוּמֶיךָ יְֽשַׁעַשְׁעוּ נַפְשִֽׁי׃
20 הַֽיְחׇבְרְךָ כִּסֵּא הַוּוֹת
יֹצֵר עָמָל עֲלֵי־חֹֽק׃
21 יָגוֹדּוּ עַל־נֶפֶשׁ צַדִּיק
וְדָם נָקִי יַרְשִֽׁיעוּ׃
22 וַיְהִי יְהֹוָה לִי לְמִשְׂגָּב
וֵאלֹהַי לְצוּר מַחְסִֽי׃
23 וַיָּשֶׁב עֲלֵיהֶם ׀ אֶת־אוֹנָם
וּבְרָעָתָם יַצְמִיתֵם
יַצְמִיתֵם יְהֹוָה אֱלֹהֵֽינוּ׃
.