Psalam 90
1. Tefilah leMošeh iš-haelohim adonai maon atah hajita lanu bedor-vador.
2. Beterem harim juladu vatehovlel erec vetevel umeolam ad-olam atah el.
3. Tašev enovš ad-daka vatomer šuvu venei adam.
4. Ki elef šanim be-eineiha kejom etmol ki javor veašmurah valajelah.
5. Zeramtam šenah jihju baboker kehasir jahalof.
6. Baboker jasis vehalaf laerev jemovlel vejaveš.
7. Ki-halinu veapeha uvahamateha nivhalenu.
8. Šatah šatah kavonoteinu lenegdeha alumenu limovr paneiha.
9. Ki hol-jameinu panu ve-evrateha kilinu šaneinu hemov hegeh.
10 .Jemei-šenovteinu vahem šivim šanah veim bigvurot šemovnim šanah verahebam amal va aven ki-gaz hiš vanaufah.
11. Mi-jovdea oz apeha uhejirateha evrateha.
12 .Limnot jameinu ken hovda venavi levav hahemah.
13. Šuvah Jehovah ad-matai vehinahem al-avadeiha.
14. Sabenu vaboker hasdeha uneranenah venismehah behol jameinu.
15 .Mehenu kimovt initanu novt rainu rah.
16. Jeraeh el-avadeiha faoleha vahadareha al-beneihem.
17 Vihi noam Adonai Eloheinu aleinu umaseh jadeinu kovnah aleinu umaseh jadeinu kovnnehu
תהילים צ
1 תְּפִלָּה לְמֹשֶׁה אִֽישׁ־הָאֱלֹהִים
אֲֽדֹנָי מָעוֹן אַתָּה הָיִיתָ לָּנוּ
בְּדֹר וָדֹֽר׃
2 בְּטֶרֶם ׀ הָרִים יֻלָּדוּ
וַתְּחוֹלֵֽל אֶרֶץ וְתֵבֵל
וּֽמֵעוֹלָם עַד־עוֹלָם אַתָּה אֵֽל׃
3 תָּשֵׁב אֱנוֹשׁ עַד־דַּכָּא
וַתֹּאמֶר שׁוּבוּ בְנֵֽי־אָדָֽם׃
4 כִּי אֶלֶף שָׁנִים בְּֽעֵינֶיךָ
כְּיוֹם אֶתְמוֹל כִּי יַֽעֲבֹר
וְאַשְׁמוּרָה בַלָּֽיְלָה׃
5 זְרַמְתָּם שֵׁנָה יִהְיוּ
בַּבֹּקֶר כֶּחָצִיר יַחֲלֹֽף׃
6 בַּבֹּקֶר יָצִיץ וְחָלָף
לָעֶרֶב יְמוֹלֵל וְיָבֵֽשׁ׃
7 כִּֽי־כָלִינוּ בְאַפֶּךָ
וּֽבַחֲמָתְךָ נִבְהָֽלְנוּ׃
8 שַׁתָּ עֲוֺנֹתֵינוּ לְנֶגְדֶּךָ
עֲלֻמֵנוּ לִמְאוֹר פָּנֶֽיךָ׃
9 כִּי כׇל־יָמֵינוּ פָּנוּ בְעֶבְרָתֶךָ
כִּלִּינוּ שָׁנֵינוּ כְמוֹ־הֶֽגֶה׃
10 יְמֵֽי־שְׁנוֹתֵינוּ בָהֶם שִׁבְעִים שָׁנָה
וְאִם בִּגְבוּרֹת ׀ שְׁמוֹנִים שָׁנָה
וְרׇהְבָּם עָמָל וָאָוֶן
כִּי־גָז חִישׁ וַנָּעֻֽפָה׃
11 מִֽי־יוֹדֵעַ עֹז אַפֶּךָ
וּכְיִרְאָתְךָ עֶבְרָתֶֽךָ׃
12 לִמְנוֹת יָמֵינוּ כֵּן הוֹדַע
וְנָבִא לְבַב חׇכְמָֽה׃
13 שׁוּבָה יְהֹוָה עַד־מָתָי
וְהִנָּחֵם עַל־עֲבָדֶֽיךָ׃
14 שַׂבְּעֵנוּ בַבֹּקֶר חַסְדֶּךָ
וּֽנְרַנְּנָה וְנִשְׂמְחָה בְּכׇל־יָמֵֽינוּ׃
15 שַׂמְּחֵנוּ כִּימוֹת עִנִּיתָנוּ
שְׁנוֹת רָאִינוּ רָעָֽה׃
16 יֵרָאֶה אֶל־עֲבָדֶיךָ פׇעֳלֶךָ
וַהֲדָרְךָ עַל־בְּנֵיהֶֽם׃
17 וִיהִי ׀ נֹעַם אֲדֹנָי אֱלֹהֵינוּ עָלֵינוּ
וּמַעֲשֵׂה יָדֵינוּ כּוֹנְנָה עָלֵינוּ
וּֽמַעֲשֵׂה יָדֵינוּ כּוֹנְנֵֽהוּ׃