Psalam 89
1. Maskil le eitan haezrahi. hasdei Jehovah olam aširah ledor vador ovdia emunateha befi.
2. Ki-amarti olam hesed jibaneh šamajim tahin emunateha vahem.
3. Karati verit livhiri nišbati ledavid avdi.
4. Ad-olam ahin zareha uvaniti ledor vador kisaha selah.
5. Vejovdu šamajim pilaha Jehovah af-emunateha bikhal kedošim.
6. Ki mi vašahak jaroh laJehovah jidmeh laJehovah bivnei elim.
7. El na-arac besovd kedošim rabah venovra al-kol sevivav.
8. Jehovah elohei sebaot mi-hamovha hasin jah ve-emunateha sevivovteiha.
9. Atah movšel begeut haijam besov galav atah tešabehem.
10 .Atah dikita hehalal rahav bizrova uzeha pizarta ovjveiha.
11. Leha majim af leha-arec tevel umeloah atah jesadtam.
12. Safon vejamin atah veratam tavor vehermon bešimha jeranenu.
13. Leha zerova im-gevurah taoz jadeha tarum jemineha.
14. Sedek umišpat mehon kiseha hesed ve emet jekademu faneiha.
15. Ašrei ham jovdei teruah Jehovah beor-paneiha jehalehun.
16. Bešimha jegilun kol-haijom uvesidkateha jarumu.
17. Ki-tiferet uzamov atah uvirsoneha tarimh tarumk karnenu.
18. Ki laJehovah maginnenu velikdovš Jizrael malkenu.
19. Az dibarta-vehazon lahasideiha vatomer šiviti ezer al-gibor harimovti vahur meam.
20. Masati david avdi bešemen kadeši mešahtiv.
21. Ašer jadi tikovn imov af-zerovi teamesenu.
22. Lo-jaši ovjev bov uven avlah lo jeanenu.
23. Vehatovti mipanav sarav umesanav egovf.
24. Ve-emunati vehasdi imov uvišmi tarum karnov.
25. Vesamti vaijam jadov uvaneharovt jeminov.
26. Hu jikraeni abi atah eli vesur ješuati.
27. Af-ani behovr etenehu eljon lemalhei-arec.
28. Leolam ešmovr hešmar lovk hasdi uveriti ne-emenet lov.
29. Vesamti lad zarov vehisov kimei šamajim.
30. Im-jazvu vanav tovrati uvemišpatai lo jelehun.
31. Im-hukotai jehallelu umisvotai lo jišmoru.
32. Ufakadti veševet pišam uvingaim avonam.
33. Vehasdi lo-afir meimov velo ašaker be emunati.
34. Lo-ahalel beriti umovsa fatai lo ašaneh.
35 Ahat nišbati vekadeši im-ledavid ahazev.
36. Zarov leolam jihjeh vehisov hašemeš negdi.
37. Kejareah jikon olam veed bašahak neman selah.
38. Veatah zanahta vatimas hitabarta im-mešiheha.
39. Neartah berit avdeha hilalta la-arec nizrov.
40. Parasta hol-gederotav samta mivsarav mehitah.
41. Suhu kol-overei dareh hajah herpah lišhenav.
42. Harimovta jemin sarav hismahta kol-ovjvav.
43. Af-tašiv sur harbov velo hakeimotov bamilhamah.
44. Hišbata miteharov vehisov la-arec migartah.
45. Hiksarta jemei alumav he etita alav bušah selah.
46. Ad-mah Jehovah tisater lanesah tivar kemov-eš hamateha.
47 Zehar-ani meh haled al-mahša ve barata hol-benei adam.
48 .Mi gever jihjeh velo jireh-mavet jemalet nafšov mijad-šeol selah.
49. Aijeh hasadeiha harišonim adonai nišbata ledavid be emunateha.
50. Zehor adonai herpat avadeiha seti veheiki kol-rabim Amim.
51. Ašer herefu ovjveiha Jehovah ašer herefu ikevot mešiheha.
52. Baruh Jehovah leolam amen veamen.
תהילים פט
1 מַשְׂכִּיל לְאֵיתָן הָאֶזְרָחִֽי׃
2 חַֽסְדֵי יְהֹוָה עוֹלָם אָשִׁירָה
לְדֹר וָדֹר ׀ אוֹדִיעַ אֱמוּנָתְךָ בְּפִֽי׃
3 כִּֽי־אָמַרְתִּי עוֹלָם חֶסֶד יִבָּנֶה
שָׁמַיִם ׀ תָּכִן אֱמוּנָתְךָ בָהֶֽם׃
4 כָּרַתִּי בְרִית לִבְחִירִי
נִשְׁבַּעְתִּי לְדָוִד עַבְדִּֽי׃
5 עַד־עוֹלָם אָכִין זַרְעֶךָ
וּבָנִיתִי לְדֹר־וָדוֹר כִּסְאֲךָ סֶֽלָה׃
6 וְיוֹדוּ שָׁמַיִם פִּלְאֲךָ יְהֹוָה
אַף־אֱמוּנָתְךָ בִּקְהַל קְדֹשִֽׁים׃
7 כִּי מִי בַשַּׁחַק יַעֲרֹךְ לַיהֹוָה
יִדְמֶה לַיהֹוָה בִּבְנֵי אֵלִֽים׃
8 אֵל נַעֲרָץ בְּסוֹד־קְדֹשִׁים רַבָּה
וְנוֹרָא עַל־כׇּל־סְבִיבָֽיו׃
9 יְהֹוָה ׀ אֱלֹהֵי צְבָאוֹת
מִֽי־כָמוֹךָֽ חֲסִין ׀ יָהּ
וֶאֱמוּנָתְךָ סְבִיבוֹתֶֽיךָ׃
10 אַתָּה מוֹשֵׁל בְּגֵאוּת הַיָּם
בְּשׂוֹא גַלָּיו אַתָּה תְשַׁבְּחֵֽם׃
11 אַתָּה דִכִּאתָ כֶחָלָל רָהַב
בִּזְרוֹעַ עֻזְּךָ פִּזַּרְתָּ אוֹיְבֶֽיךָ׃
12 לְךָ שָׁמַיִם אַף־לְךָ אָרֶץ
תֵּבֵל וּמְלֹאָהּ אַתָּה יְסַדְתָּֽם׃
13 צָפוֹן וְיָמִין אַתָּה בְרָאתָם
תָּבוֹר וְחֶרְמוֹן בְּשִׁמְךָ יְרַנֵּֽנוּ׃
14 לְךָ זְרוֹעַ עִם־גְּבוּרָה
תָּעֹז יָדְךָ תָּרוּם יְמִינֶֽךָ׃
15 צֶדֶק וּמִשְׁפָּט מְכוֹן כִּסְאֶךָ
חֶסֶד וֶאֱמֶת יְֽקַדְּמוּ פָנֶֽיךָ׃
16 אַשְׁרֵי הָעָם יֹדְעֵי תְרוּעָה
יְהֹוָה בְּֽאוֹר־פָּנֶיךָ יְהַלֵּכֽוּן׃
17 בְּשִׁמְךָ יְגִילוּן כׇּל־הַיּוֹם
וּבְצִדְקָתְךָ יָרֽוּמוּ׃
18 כִּי־תִפְאֶרֶת עֻזָּמוֹ אָתָּה
וּבִרְצוֹנְךָ תרים תָּרוּם קַרְנֵֽינוּ׃
19 כִּי לַיהֹוָה מָגִנֵּנוּ
וְלִקְדוֹשׁ יִשְׂרָאֵל מַלְכֵּֽנוּ׃
20 אָז דִּבַּרְתָּֽ בְחָזוֹן לַחֲסִידֶיךָ
וַתֹּאמֶר שִׁוִּיתִי עֵזֶר עַל־גִּבּוֹר
הֲרִימוֹתִי בָחוּר מֵעָֽם׃
21 מָצָאתִי דָּוִד עַבְדִּי
בְּשֶׁמֶן קׇדְשִׁי מְשַׁחְתִּֽיו׃
22 אֲשֶׁר יָדִי תִּכּוֹן עִמּוֹ
אַף־זְרוֹעִי תְאַמְּצֶֽנּוּ׃
23 לֹא־יַשִּׁיא אוֹיֵב בּוֹ
וּבֶן־עַוְלָה לֹא יְעַנֶּֽנּוּ׃
24 וְכַתּוֹתִי מִפָּנָיו צָרָיו
וּמְשַׂנְאָיו אֶגּֽוֹף׃
25 וֶאֱֽמוּנָתִי וְחַסְדִּי עִמּוֹ
וּבִשְׁמִי תָּרוּם קַרְנֽוֹ׃
26 וְשַׂמְתִּי בַיָּם יָדוֹ
וּֽבַנְּהָרוֹת יְמִינֽוֹ׃
27 הוּא יִקְרָאֵנִי אָבִי אָתָּה
אֵלִי וְצוּר יְשׁוּעָתִֽי׃
28 אַף־אָנִי בְּכוֹר אֶתְּנֵהוּ
עֶלְיוֹן לְמַלְכֵי־אָֽרֶץ׃
29 לְעוֹלָם אשמור אֶשְׁמׇר־לוֹ חַסְדִּי
וּבְרִיתִי נֶאֱמֶנֶת לֽוֹ׃
30 וְשַׂמְתִּי לָעַד זַרְעוֹ
וְכִסְאוֹ כִּימֵי שָׁמָֽיִם׃
31 אִם־יַעַזְבוּ בָנָיו תּוֹרָתִי
וּבְמִשְׁפָּטַי לֹא יֵלֵכֽוּן׃
32 אִם־חֻקֹּתַי יְחַלֵּלוּ
וּמִצְוֺתַי לֹא יִשְׁמֹֽרוּ׃
33 וּפָקַדְתִּי בְשֵׁבֶט פִּשְׁעָם
וּבִנְגָעִים עֲוֺנָֽם׃
34 וְחַסְדִּי לֹא־אָפִיר מֵעִמּוֹ
וְלֹא־אֲשַׁקֵּר בֶּאֱמוּנָתִֽי׃
35 לֹֽא־אֲחַלֵּל בְּרִיתִי
וּמוֹצָא שְׂפָתַי לֹא אֲשַׁנֶּֽה׃
36 אַחַת נִשְׁבַּעְתִּי בְקׇדְשִׁי
אִֽם־לְדָוִד אֲכַזֵּֽב׃
37 זַרְעוֹ לְעוֹלָם יִהְיֶה
וְכִסְאוֹ כַשֶּׁמֶשׁ נֶגְדִּֽי׃
38 כְּיָרֵחַ יִכּוֹן עוֹלָם
וְעֵד בַּשַּׁחַק נֶאֱמָן סֶֽלָה׃
39 וְאַתָּה זָנַחְתָּ וַתִּמְאָס
הִתְעַבַּרְתָּ עִם־מְשִׁיחֶֽךָ׃
40 נֵאַרְתָּה בְּרִית עַבְדֶּךָ
חִלַּלְתָּ לָאָרֶץ נִזְרֽוֹ׃
41 פָּרַצְתָּ כׇל־גְּדֵרֹתָיו
שַׂמְתָּ מִבְצָרָיו מְחִתָּֽה׃
42 שַׁסֻּהוּ כׇּל־עֹבְרֵי דָרֶךְ
הָיָה חֶרְפָּה לִשְׁכֵנָֽיו׃
43 הֲרִימוֹתָ יְמִין צָרָיו
הִשְׂמַחְתָּ כׇּל־אוֹיְבָֽיו׃
44 אַף־תָּשִׁיב צוּר חַרְבּוֹ
וְלֹא הֲקֵימֹתוֹ בַּמִּלְחָמָֽה׃
45 הִשְׁבַּתָּ מִטְּהָרוֹ
וְכִסְאוֹ לָאָרֶץ מִגַּֽרְתָּה׃
46 הִקְצַרְתָּ יְמֵי עֲלוּמָיו
הֶעֱטִיתָ עָלָיו בּוּשָׁה סֶֽלָה׃
47 עַד־מָה יְהֹוָה תִּסָּתֵר לָנֶצַח
תִּבְעַר כְּמוֹ־אֵשׁ חֲמָתֶֽךָ׃
48 זְכׇר־אֲנִי מֶה־חָלֶד
עַל־מַה־שָּׁוְא בָּרָאתָ כׇל־בְּנֵֽי־אָדָֽם׃
49 מִי גֶבֶר יִֽחְיֶה וְלֹא יִרְאֶה־מָּוֶת
יְמַלֵּט נַפְשׁוֹ מִיַּד־שְׁאוֹל סֶֽלָה׃
50 אַיֵּה ׀ חֲסָדֶיךָ הָרִאשֹׁנִים ׀ אֲדֹנָי
נִשְׁבַּעְתָּ לְדָוִד בֶּאֱמוּנָתֶֽךָ׃
51 זְכֹר אֲדֹנָי חֶרְפַּת עֲבָדֶיךָ
שְׂאֵתִי בְחֵיקִי כׇּל־רַבִּים עַמִּֽים׃
52 אֲשֶׁר חֵרְפוּ אוֹיְבֶיךָ ׀ יְהֹוָה
אֲשֶׁר חֵרְפוּ עִקְּבוֹת מְשִׁיחֶֽךָ׃
53 בָּרוּךְ יְהֹוָה לְעוֹלָם
אָמֵן ׀ וְאָמֵֽן׃