Psalam 88
1. Šir mizmor livnei Korah lanaseah al-mahalat leanot maskil leheiman haezrahi. Jehovah elohei ješuati jom sakti valajlah negdeha.
2. Tavov lefaneiha tefilati hateh azeneha lerinati.
3. Ki-saveah veraovt nafši vehaijai lišovl higiu.
4. Nehšavti im-jovrdei vovr hajiti kegever ein-ejal.
5. Bametim hafeši kemov halalim šohevei kever ašer lo zehartam ovd vehemah mijadeha nigzaru.
6 .Tani bevor tahtijovt bemahašakim bimsolovt.
7. Alai samehah hamateha vehol mišbareiha inita selah.
8. Hirhakta mejudai mimeni šatani tovevot lamov kalu velo ese.
9. Eini davah mini oni keratiha Jehovah behol-jom šitahti eleiha hapai.
10. Halametim taseh-pele im-refaim jakumu jovduha selah.
11. Hajsupar bakever hasdeha emunateha bavadon.
12. Hajivada bahošeh pileha vesidkateha be-erec nešijah
13. Va-ani eleiha Jehovah šivati uvaboker tefilati tekademeka.
14 .Lamah Jehovah tiznah nafši tastir paneiha mimeni.
15. Ani ani vegovea minoar nasati emeiha afunah.
16. Alai averu harovneiha biuteiha simetutuni.
17. Sabuni hamajim kol-haijom hikifu alai jahad.
18. Hirhakta mimeni ohev varea mejudai mahšah.
תהילים פח
1 שִׁיר מִזְמוֹר לִבְנֵי קֹרַח
לַמְנַצֵּחַ עַל־מָחֲלַת לְעַנּוֹת
מַשְׂכִּיל לְהֵימָן הָאֶזְרָחִֽי׃
2 יְהֹוָה אֱלֹהֵי יְשׁוּעָתִי
יוֹם־צָעַקְתִּי בַלַּיְלָה נֶגְדֶּֽךָ׃
3 תָּבוֹא לְפָנֶיךָ תְּפִלָּתִי
הַטֵּה אׇזְנְךָ לְרִנָּתִֽי׃
4 כִּֽי־שָׂבְעָה בְרָעוֹת נַפְשִׁי
וְחַיַּי לִשְׁאוֹל הִגִּֽיעוּ׃
5 נֶחְשַׁבְתִּי עִם־יוֹרְדֵי בוֹר
הָיִיתִי כְּגֶבֶר אֵֽין־אֱיָֽל׃
6 בַּמֵּתִים חׇפְשִׁי
כְּמוֹ חֲלָלִים ׀ שֹׁכְבֵי קֶבֶר
אֲשֶׁר לֹא זְכַרְתָּם עוֹד
וְהֵמָּה מִיָּדְךָ נִגְזָֽרוּ׃
7 שַׁתַּנִי בְּבוֹר תַּחְתִּיּוֹת
בְּמַחֲשַׁכִּים בִּמְצֹלֽוֹת׃
8 עָלַי סָמְכָה חֲמָתֶךָ
וְכׇל־מִשְׁבָּרֶיךָ עִנִּיתָ סֶּֽלָה׃
9 הִרְחַקְתָּ מְיֻדָּעַי מִמֶּנִּי
שַׁתַּנִי תוֹעֵבוֹת לָמוֹ
כָּלֻא וְלֹא אֵצֵֽא׃
10 עֵינִי דָאֲבָה מִנִּי עֹנִי
קְרָאתִיךָ יְהֹוָה בְּכׇל־יוֹם
שִׁטַּחְתִּי אֵלֶיךָ כַפָּֽי׃
11 הֲלַמֵּתִים תַּעֲשֶׂה־פֶּלֶא
אִם־רְפָאִים יָקוּמוּ ׀ יוֹדוּךָ סֶּֽלָה׃
12 הַיְסֻפַּר בַּקֶּבֶר חַסְדֶּךָ
אֱמוּנָתְךָ בָּאֲבַדּֽוֹן׃
13 הֲיִוָּדַע בַּחֹשֶׁךְ פִּלְאֶךָ
וְצִדְקָתְךָ בְּאֶרֶץ נְשִׁיָּֽה׃
14 וַאֲנִי ׀ אֵלֶיךָ יְהֹוָה שִׁוַּעְתִּי
וּבַבֹּקֶר תְּֽפִלָּתִי תְקַדְּמֶֽךָּ׃
15 לָמָה יְהֹוָה תִּזְנַח נַפְשִׁי
תַּסְתִּיר פָּנֶיךָ מִמֶּֽנִּי׃
16 עָנִי אֲנִי וְגֹוֵעַ מִנֹּעַר
נָשָׂאתִי אֵמֶיךָ אָפֽוּנָה׃
17 עָלַי עָבְרוּ חֲרוֹנֶיךָ
בִּעוּתֶיךָ צִמְּתוּתֻֽנִי׃
18 סַבּוּנִי כַמַּיִם כׇּל־הַיּוֹם
הִקִּיפוּ עָלַי יָֽחַד׃
19 הִרְחַקְתָּ מִמֶּנִּי אֹהֵב וָרֵעַ
מְֽיֻדָּעַי מַחְשָֽׁךְ׃