Psalam 86
1. Tefilah leDavid hateh- Jehovah azeneha aneni ki-ani ve evjon ani.
2. Šamerah nafši ki-hasid ani hovša avdeha atah elohai habovteah eleiha.
3. Haneni adonai ki eleiha ekra kol-haijom.
4 .Meah nefeš avdeha ki Eleiha Adonai nafši esa.
5.Ki-atah adonai tov vesalah verav hesed lehol koreiha.
6 .Ha azinah Jehovah tefilati vehakšivah bekol tahanunovtai.
7. Bejom sarati ekraeka ki taneni.
8. Ein-kamovha vaElohim adonai ve-ein kemaseiha.
9. Kol-govjim ašer asita javovu vejištahavu lefaneiha adonai vihabedu lišmeha.
10. Ki-gadol atah veoseh niflaot atah elohim levadeha.
11. Hovreni Jehovah darkeha ahaleh ba amiteha jahed levavi lejirah šemeha.
12 Ovdha adonai elohai behol levavi va-ahabedah šimha leolam.
13 .Ki-hasdeha gadol alai vehisalta nafši mišeol tahtijah.
14. Elohim zedim kamu-alai va adat arisim bikšu nafši velo samuha lenegdam.
15. Veatah adonai el-rahum vehanun ereh apajim verav-hesed ve emet.
16. Peneh elai vehaneni tenah uzeha leavdeha vehovšiah leven amateha.
17. Aseh-imi ovt letovah vejiru soneai vejevošu ki-atah Jehovah azartani venihamtani.
תהילים פו
1 תְּפִלָּה לְדָוִד
הַטֵּֽה־יְהֹוָה אׇזְנְךָ עֲנֵנִי
כִּֽי־עָנִי וְאֶבְיוֹן אָֽנִי׃
2 שָׁמְרָה נַפְשִׁי כִּֽי־חָסִיד אָנִי
הוֹשַׁע עַבְדְּךָ אַתָּה אֱלֹהַי
הַבּוֹטֵחַ אֵלֶֽיךָ׃
3 חׇנֵּנִי אֲדֹנָי
כִּי אֵלֶיךָ אֶקְרָא כׇּל־הַיּֽוֹם׃
4 שַׂמֵּחַ נֶפֶשׁ עַבְדֶּךָ
כִּי אֵלֶיךָ אֲדֹנָי נַפְשִׁי אֶשָּֽׂא׃
5 כִּֽי־אַתָּה אֲדֹנָי טוֹב וְסַלָּח
וְרַב־חֶסֶד לְכׇל־קֹֽרְאֶֽיךָ׃
6 הַאֲזִינָה יְהֹוָה תְּפִלָּתִי
וְהַקְשִׁיבָה בְּקוֹל תַּחֲנוּנוֹתָֽי׃
7 בְּיוֹם צָרָתִי אֶקְרָאֶךָּ
כִּי תַעֲנֵֽנִי׃
8 אֵין־כָּמוֹךָ בָאֱלֹהִים ׀ אֲדֹנָי
וְאֵין כְּֽמַעֲשֶֽׂיךָ׃
9 כׇּל־גּוֹיִם ׀ אֲשֶׁר עָשִׂיתָ
יָבוֹאוּ ׀ וְיִשְׁתַּֽחֲווּ לְפָנֶיךָ אֲדֹנָי
וִיכַבְּדוּ לִשְׁמֶֽךָ׃
10 כִּֽי־גָדוֹל אַתָּה וְעֹשֵׂה נִפְלָאוֹת
אַתָּה אֱלֹהִים לְבַדֶּֽךָ׃
11 הוֹרֵנִי יְהֹוָה ׀ דַּרְכֶּךָ
אֲהַלֵּךְ בַּאֲמִתֶּךָ
יַחֵד לְבָבִי לְיִרְאָה שְׁמֶֽךָ׃
12 אוֹדְךָ ׀ אֲדֹנָי אֱלֹהַי בְּכׇל־לְבָבִי
וַאֲכַבְּדָה שִׁמְךָ לְעוֹלָֽם׃
13 כִּֽי־חַסְדְּךָ גָּדוֹל עָלָי
וְהִצַּלְתָּ נַפְשִׁי מִשְּׁאוֹל תַּחְתִּיָּֽה׃
14 אֱלֹהִים ׀ זֵדִים קָֽמוּ־עָלַי
וַעֲדַת עָרִיצִים בִּקְשׁוּ נַפְשִׁי
וְלֹא שָׂמוּךָ לְנֶגְדָּֽם׃
15 וְאַתָּה אֲדֹנָי אֵל־רַחוּם וְחַנּוּן
אֶרֶךְ אַפַּיִם וְרַב־חֶסֶד וֶאֱמֶֽת׃
16 פְּנֵה אֵלַי וְחָנֵּנִי
תְּנָֽה־עֻזְּךָ לְעַבְדֶּךָ
וְהוֹשִׁיעָה לְבֶן־אֲמָתֶֽךָ׃
17 עֲשֵֽׂה־עִמִּי אוֹת לְטוֹבָה
וְיִרְאוּ שֹׂנְאַי וְיֵבֹשׁוּ
כִּֽי־אַתָּה יְהֹוָה עֲזַרְתַּנִי וְנִחַמְתָּֽנִי׃
.