Šir mizmovr leasaf elohim al domi lah al-teheraš veal-tiškot el.
Ki-hineh ovjveiha jehemaiun umesaneiha naseu roš.
Al-ameha jarimu sovd vejitja acu al cefuneiha.
Ameru lehu venahidem migovj velo jizaher šem-jizrael ovd.
Ki novacu lev jahdav aleiha berit jihrotu.
Aholei edovm vejišmelim movav vehagrim.
Geval veamovn vamalek pelešet im-joševei covr.
Gam-ašur nilvah imam haiu zerova livnei-lovt selah.
Aseh lahem kemidjan kesisera hejavin benahal kišovn.
Nišmedu ve eindor haiu domen la adamah.
Šitemov nedivemov keorev vehizev uhezevah uhecalmuna kol nesihemov.
Ašer ameru nirašah lanu et neovt elohim.
Elohai šitemov hagalgal kekaš lignei ruah.
Keš tivar-jar uhelehavah telahet harim.
Ken tirdefem besa areha uvesufateha tevahalem.
Male feneihem kalovn vivakšu šimha Jehovah.
Jevošu vejibahalu adei ad vejahperu vejovedu.
Vejedeu ki atah šimha Jehovah levadeha eljovn al kol ha-arec.
תהילים פג
1 שִׁיר מִזְמוֹר לְאָסָֽף׃
2 אֱלֹהִים אַל־דֳּמִי־לָךְ
אַל־תֶּחֱרַשׁ וְאַל־תִּשְׁקֹט אֵֽל׃
3 כִּֽי־הִנֵּה אוֹיְבֶיךָ יֶהֱמָיוּן
וּמְשַׂנְאֶיךָ נָשְׂאוּ רֹֽאשׁ׃
4 עַֽל־עַמְּךָ יַעֲרִימוּ סוֹד
וְיִתְיָעֲצוּ עַל־צְפוּנֶֽיךָ׃
5 אָמְרוּ לְכוּ וְנַכְחִידֵם מִגּוֹי
וְלֹֽא־יִזָּכֵר שֵֽׁם־יִשְׂרָאֵל עֽוֹד׃
6 כִּי נוֹעֲצוּ לֵב יַחְדָּו
עָלֶיךָ בְּרִית יִכְרֹֽתוּ׃
7 אׇהֳלֵי אֱדוֹם וְיִשְׁמְעֵאלִים
מוֹאָב וְהַגְרִֽים׃
8 גְּבָל וְעַמּוֹן וַעֲמָלֵק
פְּלֶשֶׁת עִם־יֹשְׁבֵי צֽוֹר׃
9 גַּם־אַשּׁוּר נִלְוָה עִמָּם
הָיֽוּ זְרוֹעַ לִבְנֵי־לוֹט סֶֽלָה׃
10 עֲשֵֽׂה־לָהֶם כְּמִדְיָן
כְּֽסִיסְרָא כְיָבִין בְּנַחַל קִישֽׁוֹן׃
11 נִשְׁמְדוּ בְֽעֵין־דֹּאר
הָיוּ דֹּמֶן לָאֲדָמָֽה׃
12 שִׁיתֵמוֹ נְדִיבֵימוֹ כְּעֹרֵב וְכִזְאֵב
וּֽכְזֶבַח וּכְצַלְמֻנָּע כׇּל־נְסִיכֵֽימוֹ׃
13 אֲשֶׁר אָמְרוּ נִירְשָׁה לָּנוּ
אֵת נְאוֹת אֱלֹהִֽים׃
14 אֱֽלֹהַי שִׁיתֵמוֹ כַגַּלְגַּל
כְּקַשׁ לִפְנֵי־רֽוּחַ׃
15 כְּאֵשׁ תִּבְעַר־יָעַר
וּכְלֶהָבָה תְּלַהֵט הָרִֽים׃
16 כֵּן תִּרְדְּפֵם בְּסַעֲרֶךָ
וּבְסוּפָתְךָ תְבַהֲלֵֽם׃
17 מַלֵּא פְנֵיהֶם קָלוֹן
וִיבַקְשׁוּ שִׁמְךָ יְהֹוָֽה׃
18 יֵבֹשׁוּ וְיִבָּהֲלוּ עֲדֵי־עַד
וְֽיַחְפְּרוּ וְיֹאבֵֽדוּ׃
19 וְֽיֵדְעוּ כִּֽי־אַתָּה שִׁמְךָ יְהֹוָה לְבַדֶּךָ
עֶלְיוֹן עַל־כׇּל־הָאָֽרֶץ׃
.