Psalam 81
1. Lamnaseah al-hagitit leAsaf. harninu lelohim uzenu hariu lelohei Jakov.
2. Seu zimrah utenu-tof kinor naim im-navel.
3. Ziku vahodeš šofar bakeseh lejovm hagenu.
4 Ki hok leJizrael hu mišpat lelohei Jakov.
5. Edut bihovsef samov besetov al-erec misrajim sefat lo-jadati ešma.
6 .Hasirovti misevel šihmov kapav midud tavorenah.
7. Basarah karata va ahaleseka enha beseter ram evhaneha al-mei merivah selah.
8. Šema ami veaidah bah Jizrael im-tishma-li.
9. Lo-jihjeh veha el zar velo tištahaveh le-el nehar.
10. Anohi Jehovah eloheiha hamalha me-erec misrajim harhev piha va-amalehu.
11. Velo-šama ami lekovli veJizrael lo-avah li.
12. Va ašalehehu bišrirut libam jelehu bemovasovteihem.
13. Lu ami šomea li jisrael bidrahai jehallehu.
14. Kimat ovjveihem ahnia veal sareihem ašiv jadi.
15. Mesanei Jehovah jehahašu-lov vihi itam leolam.
16. Vaijahilehu mehelev hitah umisur devaš asbieha.
תהילים פא
1 לַמְנַצֵּחַ ׀ עַֽל־הַגִּתִּית לְאָסָֽף׃
2 הַרְנִינוּ לֵאלֹהִים עוּזֵּנוּ
הָרִיעוּ לֵאלֹהֵי יַעֲקֹֽב׃
3 שְֽׂאוּ־זִמְרָה וּתְנוּ־תֹף
כִּנּוֹר נָעִים עִם־נָֽבֶל׃
4 תִּקְעוּ בַחֹדֶשׁ שׁוֹפָר
בַּכֵּסֶה לְיוֹם חַגֵּֽנוּ׃
5 כִּי חֹק לְיִשְׂרָאֵל הוּא
מִשְׁפָּט לֵאלֹהֵי יַעֲקֹֽב׃
6 עֵדוּת ׀ בִּיהוֹסֵף שָׂמוֹ
בְּצֵאתוֹ עַל־אֶרֶץ מִצְרָיִם
שְׂפַת לֹא־יָדַעְתִּי אֶשְׁמָֽע׃
7 הֲסִירוֹתִי מִסֵּבֶל שִׁכְמוֹ
כַּפָּיו מִדּוּד תַּעֲבֹֽרְנָה׃
8 בַּצָּרָה קָרָאתָ וָאֲחַלְּצֶךָּ
אֶעֶנְךָ בְּסֵתֶר רַעַם
אֶבְחׇנְךָ עַל־מֵי מְרִיבָה סֶֽלָה׃
9 שְׁמַע עַמִּי וְאָעִידָה בָּךְ
יִשְׂרָאֵל אִם־תִּֽשְׁמַֽע־לִֽי׃
10 לֹא־יִהְיֶה בְךָ אֵל זָר
וְלֹא תִשְׁתַּחֲוֶה לְאֵל נֵכָֽר׃
11 אָֽנֹכִי ׀ יְהֹוָה אֱלֹהֶיךָ
הַֽמַּעַלְךָ מֵאֶרֶץ מִצְרָיִם
הַרְחֶב־פִּיךָ וַאֲמַלְאֵֽהוּ׃
12 וְלֹֽא־שָׁמַע עַמִּי לְקוֹלִי
וְיִשְׂרָאֵל לֹא־אָבָה לִֽי׃
13 וָאֲשַׁלְּחֵהוּ בִּשְׁרִירוּת לִבָּם
יֵלְכוּ בְּֽמוֹעֲצוֹתֵיהֶֽם׃
14 לוּ עַמִּי שֹׁמֵעַֽ לִי
יִשְׂרָאֵל בִּדְרָכַי יְהַלֵּֽכוּ׃
15 כִּמְעַט אוֹיְבֵיהֶם אַכְנִיעַ
וְעַל צָרֵיהֶם אָשִׁיב יָדִֽי׃
16 מְשַׂנְאֵי יְהֹוָה יְכַחֲשׁוּ־לוֹ
וִיהִי עִתָּם לְעוֹלָֽם׃
17 וַֽיַּאֲכִילֵהוּ מֵחֵלֶב חִטָּה
וּמִצּוּר דְּבַשׁ אַשְׂבִּיעֶֽךָ׃
.