Psalam 78
1. Maskil leAsaf ha azinah ami tovrati hatu azenehem leimrei-fi.
2. Eftehah vemašal pi abiah hidovt mini-kedem.
3. Ašer manu vanedaem va avovteinu siperu-lanu.
4. Lo nehahed mibeneihem ledor aharon mesaperim tehilot Jehovah ve ezuzov venifleovtav ašer asah.
5. Vaijakem edut beJakov vetovrah sam beJizrael ašer sivah et-avovteinu lehovdiam livneihem.
6. Leman jedeu dor aharon banim jivaledu jakumu visaperu livneihem.
7. Vejasimu velohim kislam velo jiškehu maalei-el umisvotav jinsoru.
8. Velo jihju kavovtam dovr sovrer umoreh dovr lo-hehin libov velo nemnah et-el ruhov.
9. Benei efrajim novškei rovmei-kašet hafehu bejom kerav.
10. Lo meru berit elohim uvetovratov meanu lalehet.
11. Vaijiškehu alilovtav venifleovtav ašer heram.
12. Neged avovtam asah fele be-erec misrajim sedeh soan.
13. Baka jam vaijavirem vaijasev majim kemov-ned.
14. Vaijanhem beanan jovmam vehol-hallajlah beovr eš.
15. Jevaka surim bamidbar vaijaške kithomot rabah.
16. Vaijovsi novzlim misala vaijovred kaneharovt majim.
17. Vaijovsifu ovd lahato-lov lamrot eljovn basijah.
18. Vajnasu-el bilvavam lišal ohel lenafšam.
19 .Vajdaberu belohim ameru hajuhal el laroh lehan bamidbar.
21. Lahen šama Jehovah vaijitabar ve eš nisekah veJakov vegam-af alah veJizrael.
22. Ki lo heminu belohim velo vatehu bišuatov.
23. Vajsav šehakim mimal vedaltei šamajim patah.
24. Vaijamter aleihem man le ehol udeganša majim natan lamov.
25. Lehem abirim ahal iš seidah šalah lahem lasova.
26. Jasa kadim bašamajim vajnaheg beuzov teiman.
27. Vaijamter aleihem keafar šer uhehol jamim ovf kanaf.
28 .Vaijapel bekerev mahanehu saviv lemiškenotav.
29. Vaijohelu vaijisbeu meod vetaavatam javi lahem.
30. Lo-zaru mitavatam ovd ahelam befihem.
31. Veaf elohim alah vahem vaijaharog bemišmaneihem uvahurei Jizrael hihria.
32. Behol-zot hateu-ovd velo heeminu benifleovtav.
33. Vajhal-bahevel jemeihem ušenovtam babehalah.
34. Im-haragam uderašuhu vešavu vešiharu-el.
35. Vaijizkeru ki-elohim suram ve el eljon goalam.
36. Vajfatuhu befihem uvilšovnam jehazevu-lov.
37. Velibam lo-nahovn imov velo nemnu bivritov.
38 .Vehu rahum jehaper avon velo jašhit vehirbah lehašiv apov velo jair kol-hamatov.
39. Vaijizkor ki-vasar hemah Ruah hovleh velo jašuv
40. Kamah jamruhu vamidbar jaasivuhu bišimon.
41. Vaijašuvu vajnasu el ukedoš Jizrael hitvu.
42. Lo-zaheru et-jadov jovm ašer padam mini-sar.
43 .Ašer-sam bemisrajim otovtav umovftav bisdeh-soan.
44. Vaijahafoh ledam jeoreihem venozeleihem bal-jištaiun.
45. Ješalah bahem arov vaijohelem usefardea vatašhitem.
46 .Vaijiten lehasil jevulam vigiam larbeh.
47. Jaharog babarad gafnam vešikmovtam bahanamal.
48. Vaijasger labarad beiram umikneihem larešafim.
49. Ješalah-bam harovn apov evrah vazaam vesarah mišlahat malahei raim.
50. Jefales nativ leapov lo-hasah mimavet nafšam vehaijatam ladever hisgir.
51. Vaijah kol-behovr bemisrajim rešit ovnim beaholei-ham.
52. Vaijasa kason amov vajnahagem kaeder bamidbar.
53. Vaijanhem lavetah velo fahadu ve et-ovjveihem kisah haijam.
54. Vajviem el-gevul Kadešov har-zeh kanetah jeminov.
55. Vajgareš mipeneihem govjim vaijapilem behevel nahalah vaijašken be aholeihem šivtei Jizrael.
56. Vajnasu vaijamru et-elohim eljovn ve edovtav lo šamaru.
57. Vaijisogu vaijivgedu kavovtam nehpehu kekešet remijah.
58. Vaijahisuhu bevamovtam uvifsileihem jakniuhu.
59. Šama elohim vaijitabar vaijimas meod beJizrael.
60.Vaijitoš miškan šilov ohel šiken ba-adam.
61. Vaijiten laševi uzov vetifartov vejad sar.
62. Vaijasger laherev amov uvenahalatov hitabar.
63. Bahurav ahelah-eš uvetulotav lo hulalu.
64. Kohanav baherev nafalu vealmenotav lo tivkeinah.
65. Vaijikas kejašen Adonai kegibovr mitrovnen mijajin.
66. Vaijah-sarav ahovr herpat ovlam natan lamov.
67. Vaijimas beohel jovsef uveševet efrajim lo vahar.
68 .Vaijivhar et-ševet Jehudah et-har sijon ašer ahev.
69 .Vaijiven kemov ramim mikdašov ke-erec jesadah leolam.
70. Vaijivhar bedavid avdov vaijikahehu mimihleot son.
71. Meahar alovt heviov lirovt beJakov amov uveJizrael nahalatov.
72. Vaijirem ketom levavov uvitvunot kapav janhem.
תהילים עח
1 מַשְׂכִּיל לְאָסָף
הַאֲזִינָה עַמִּי תּוֹרָתִי
הַטּוּ אׇזְנְכֶם לְאִמְרֵי־פִֽי׃
2 אֶפְתְּחָה בְמָשָׁל פִּי
אַבִּיעָה חִידוֹת מִנִּי־קֶֽדֶם׃
3 אֲשֶׁר שָׁמַעְנוּ וַנֵּדָעֵם
וַאֲבוֹתֵינוּ סִפְּרוּ־לָֽנוּ׃
4 לֹא נְכַחֵד ׀ מִבְּנֵיהֶם
לְדוֹר אַחֲרוֹן
מְֽסַפְּרִים תְּהִלּוֹת יְהֹוָה
וֶעֱזוּזוֹ וְנִפְלְאֹתָיו אֲשֶׁר עָשָֽׂה׃
5 וַיָּקֶם עֵדוּת ׀ בְּֽיַעֲקֹב
וְתוֹרָה שָׂם בְּיִשְׂרָאֵל
אֲשֶׁר צִוָּה אֶת־אֲבוֹתֵינוּ
לְהוֹדִיעָם לִבְנֵיהֶֽם׃
6 לְמַעַן יֵדְעוּ ׀ דּוֹר אַחֲרוֹן בָּנִים יִוָּלֵדוּ
יָקֻמוּ וִיסַפְּרוּ לִבְנֵיהֶֽם׃
7 וְיָשִׂימוּ בֵאלֹהִים כִּסְלָם
וְלֹא יִשְׁכְּחוּ מַעַלְלֵי־אֵל
וּמִצְוֺתָיו יִנְצֹֽרוּ׃
8 וְלֹא יִהְיוּ ׀ כַּאֲבוֹתָם
דּוֹר סוֹרֵר וּמֹרֶה
דּוֹר לֹא־הֵכִין לִבּוֹ
וְלֹֽא־נֶאֶמְנָה אֶת־אֵל רוּחֽוֹ׃
9 בְּֽנֵי־אֶפְרַיִם נוֹשְׁקֵי רֽוֹמֵי־קָשֶׁת
הָפְכוּ בְּיוֹם קְרָֽב׃
10 לֹא שָׁמְרוּ בְּרִית אֱלֹהִים
וּבְתוֹרָתוֹ מֵאֲנוּ לָלֶֽכֶת׃
11 וַיִּשְׁכְּחוּ עֲלִילוֹתָיו
וְנִפְלְאוֹתָיו אֲשֶׁר הֶרְאָֽם׃
12 נֶגֶד אֲבוֹתָם עָשָׂה פֶלֶא
בְּאֶרֶץ מִצְרַיִם שְׂדֵה־צֹֽעַן׃
13 בָּקַע יָם וַיַּעֲבִירֵם
וַֽיַּצֶּב־מַיִם כְּמוֹ־נֵֽד׃
14 וַיַּנְחֵם בֶּעָנָן יוֹמָם
וְכׇל־הַלַּיְלָה בְּאוֹר אֵֽשׁ׃
15 יְבַקַּע צֻרִים בַּמִּדְבָּר
וַיַּשְׁקְ כִּתְהֹמוֹת רַבָּֽה׃
16 וַיּוֹצִא נוֹזְלִים מִסָּלַע
וַיּוֹרֶד כַּנְּהָרוֹת מָֽיִם׃
17 וַיּוֹסִיפוּ עוֹד לַחֲטֹא־לוֹ
לַֽמְרוֹת עֶלְיוֹן בַּצִּיָּֽה׃
18 וַיְנַסּוּ־אֵל בִּלְבָבָם
לִֽשְׁאׇל־אֹכֶל לְנַפְשָֽׁם׃
19 וַֽיְדַבְּרוּ בֵּאלֹהִים
אָמְרוּ הֲיוּכַל אֵל
לַעֲרֹךְ שֻׁלְחָן בַּמִּדְבָּֽר׃
20 הֵן הִכָּה־צוּר ׀ וַיָּזוּבוּ מַיִם
וּנְחָלִים יִשְׁטֹפוּ
הֲגַם־לֶחֶם יוּכַל תֵּת
אִם־יָכִין שְׁאֵר לְעַמּֽוֹ׃
21 לָכֵן ׀ שָׁמַע יְהֹוָה וַֽיִּתְעַבָּר
וְאֵשׁ נִשְּׂקָה בְיַעֲקֹב
וְגַם־אַף עָלָה בְיִשְׂרָאֵֽל׃
22 כִּי לֹא הֶאֱמִינוּ בֵּאלֹהִים
וְלֹא בָטְחוּ בִּישֽׁוּעָתֽוֹ׃
23 וַיְצַו שְׁחָקִים מִמָּעַל
וְדַלְתֵי שָׁמַיִם פָּתָֽח׃
24 וַיַּמְטֵר עֲלֵיהֶם מָן לֶאֱכֹל
וּדְגַן־שָׁמַיִם נָתַן לָֽמוֹ׃
25 לֶחֶם אַבִּירִים אָכַל אִישׁ
צֵידָה שָׁלַח לָהֶם לָשֹֽׂבַע׃
26 יַסַּע קָדִים בַּשָּׁמָיִם
וַיְנַהֵג בְּעֻזּוֹ תֵימָֽן׃
27 וַיַּמְטֵר עֲלֵיהֶם כֶּעָפָר שְׁאֵר
וּֽכְחוֹל יַמִּים עוֹף כָּנָֽף׃
28 וַיַּפֵּל בְּקֶרֶב מַחֲנֵהוּ
סָבִיב לְמִשְׁכְּנֹתָֽיו׃
29 וַיֹּאכְלוּ וַיִּשְׂבְּעוּ מְאֹד
וְתַאֲוָתָם יָבִא לָהֶֽם׃
30 לֹא־זָרוּ מִתַּאֲוָתָם
עוֹד אׇכְלָם בְּפִיהֶֽם׃
31 וְאַף אֱלֹהִים ׀ עָלָה בָהֶם
וַֽיַּהֲרֹג בְּמִשְׁמַנֵּיהֶם
וּבַחוּרֵי יִשְׂרָאֵל הִכְרִֽיעַ׃
32 בְּכׇל־זֹאת חָֽטְאוּ־עוֹד
וְלֹֽא־הֶאֱמִינוּ בְּנִפְלְאוֹתָֽיו׃
33 וַיְכַל־בַּהֶבֶל יְמֵיהֶם
וּשְׁנוֹתָם בַּבֶּהָלָֽה׃
34 אִם־הֲרָגָם וּדְרָשׁוּהוּ
וְשָׁבוּ וְשִֽׁחֲרוּ־אֵֽל׃
35 וַֽיִּזְכְּרוּ כִּֽי־אֱלֹהִים צוּרָם
וְאֵל עֶלְיוֹן גֹּאֲלָֽם׃
36 וַיְפַתּוּהוּ בְּפִיהֶם
וּבִלְשׁוֹנָם יְכַזְּבוּ־לֽוֹ׃
37 וְלִבָּם לֹא־נָכוֹן עִמּוֹ
וְלֹא נֶאֶמְנוּ בִּבְרִיתֽוֹ׃
38 וְהוּא רַחוּם ׀ יְכַפֵּר עָוֺן וְֽלֹא־יַֽשְׁחִית
וְהִרְבָּה לְהָשִׁיב אַפּוֹ
וְלֹא־יָעִיר כׇּל־חֲמָתֽוֹ׃
39 וַיִּזְכֹּר כִּֽי־בָשָׂר הֵמָּה
רוּחַ הוֹלֵךְ וְלֹא יָשֽׁוּב׃
40 כַּמָּה יַמְרוּהוּ בַמִּדְבָּר
יַעֲצִיבוּהוּ בִּישִׁימֽוֹן׃
41 וַיָּשׁוּבוּ וַיְנַסּוּ אֵל
וּקְדוֹשׁ יִשְׂרָאֵל הִתְוֽוּ׃
42 לֹא־זָכְרוּ אֶת־יָדוֹ
יוֹם אֲֽשֶׁר־פָּדָם מִנִּי־צָֽר׃
43 אֲשֶׁר־שָׂם בְּמִצְרַיִם אֹתוֹתָיו
וּמוֹפְתָיו בִּשְׂדֵה־צֹֽעַן׃
44 וַיַּהֲפֹךְ לְדָם יְאֹרֵיהֶם
וְנֹזְלֵיהֶם בַּל־יִשְׁתָּיֽוּן׃
45 יְשַׁלַּח בָּהֶם עָרֹב וַיֹּאכְלֵם
וּצְפַרְדֵּעַ וַתַּשְׁחִיתֵֽם׃
46 וַיִּתֵּן לֶחָסִיל יְבוּלָם
וִיגִיעָם לָאַרְבֶּֽה׃
47 יַהֲרֹג בַּבָּרָד גַּפְנָם
וְשִׁקְמוֹתָם בַּחֲנָמַֽל׃
48 וַיַּסְגֵּר לַבָּרָד בְּעִירָם
וּמִקְנֵיהֶם לָרְשָׁפִֽים׃
49 יְשַׁלַּח־בָּם ׀ חֲרוֹן אַפּוֹ
עֶבְרָה וָזַעַם וְצָרָה
מִשְׁלַחַת מַלְאֲכֵי רָעִֽים׃
50 יְפַלֵּס נָתִיב לְאַפּוֹ
לֹא־חָשַׂךְ מִמָּוֶת נַפְשָׁם
וְחַיָּתָם לַדֶּבֶר הִסְגִּֽיר׃
51 וַיַּךְ כׇּל־בְּכוֹר בְּמִצְרָיִם
רֵאשִׁית אוֹנִים בְּאׇהֳלֵי־חָֽם׃
52 וַיַּסַּע כַּצֹּאן עַמּוֹ
וַֽיְנַהֲגֵם כַּעֵדֶר בַּמִּדְבָּֽר׃
53 וַיַּנְחֵם לָבֶטַח וְלֹא פָחָדוּ
וְאֶת־אוֹיְבֵיהֶם כִּסָּה הַיָּֽם׃
54 וַיְבִיאֵם אֶל־גְּבוּל קׇדְשׁוֹ
הַר־זֶה קָנְתָה יְמִינֽוֹ׃
55 וַיְגָרֶשׁ מִפְּנֵיהֶם ׀ גּוֹיִם
וַֽיַּפִּילֵם בְּחֶבֶל נַחֲלָה
וַיַּשְׁכֵּן בְּאׇהֳלֵיהֶם שִׁבְטֵי יִשְׂרָאֵֽל׃
56 וַיְנַסּוּ וַיַּמְרוּ אֶת־אֱלֹהִים עֶלְיוֹן
וְעֵדוֹתָיו לֹא שָׁמָֽרוּ׃
57 וַיִּסֹּגוּ וַֽיִּבְגְּדוּ כַּאֲבוֹתָם
נֶהְפְּכוּ כְּקֶשֶׁת רְמִיָּֽה׃
58 וַיַּכְעִיסוּהוּ בְּבָמוֹתָם
וּבִפְסִילֵיהֶם יַקְנִיאֽוּהוּ׃
59 שָׁמַע אֱלֹהִים וַֽיִּתְעַבָּר
וַיִּמְאַס מְאֹד בְּיִשְׂרָאֵֽל׃
60 וַיִּטֹּשׁ מִשְׁכַּן שִׁלוֹ
אֹהֶל שִׁכֵּן בָּֽאָדָֽם׃
61 וַיִּתֵּן לַשְּׁבִי עֻזּוֹ
וְֽתִפְאַרְתּוֹ בְיַד־צָֽר׃
62 וַיַּסְגֵּר לַחֶרֶב עַמּוֹ
וּבְנַחֲלָתוֹ הִתְעַבָּֽר׃
63 בַּחוּרָיו אָכְלָה־אֵשׁ
וּבְתוּלֹתָיו לֹא הוּלָּֽלוּ׃
64 כֹּהֲנָיו בַּחֶרֶב נָפָלוּ
וְאַלְמְנֹתָיו לֹא תִבְכֶּֽינָה׃
65 וַיִּקַץ כְּיָשֵׁן ׀ אֲדֹנָי
כְּגִבּוֹר מִתְרוֹנֵן מִיָּֽיִן׃
66 וַיַּךְ־צָרָיו אָחוֹר
חֶרְפַּת עוֹלָם נָתַן לָֽמוֹ׃
67 וַיִּמְאַס בְּאֹהֶל יוֹסֵף
וּֽבְשֵׁבֶט אֶפְרַיִם לֹא בָחָֽר׃
68 וַיִּבְחַר אֶת־שֵׁבֶט יְהוּדָה
אֶֽת־הַר צִיּוֹן אֲשֶׁר אָהֵֽב׃
69 וַיִּבֶן כְּמוֹ־רָמִים מִקְדָּשׁוֹ
כְּאֶרֶץ יְסָדָהּ לְעוֹלָֽם׃
70 וַיִּבְחַר בְּדָוִד עַבְדּוֹ
וַיִּקָּחֵהוּ מִֽמִּכְלְאֹת צֹֽאן׃
71 מֵאַחַר עָלוֹת הֱבִיאוֹ
לִרְעוֹת בְּיַֽעֲקֹב עַמּוֹ
וּבְיִשְׂרָאֵל נַחֲלָתֽוֹ׃
72 וַיִּרְעֵם כְּתֹם לְבָבוֹ
וּבִתְבוּנוֹת כַּפָּיו יַנְחֵֽם׃
.