Psalam 73
1. Mizmor leAsaf ah tov leJizrael elohim levarei levav.
2. Va ani kimat nat? hnataiu kraglai keajin šupehah hšupehuk ašurai.
3. Ki-kineti bahovlim šelom rešaim ereh.
4. Ki ein harsubot lemovtam uvari ulam.
5 Ba amal enovš einemov veim adam lo jenugau.
6. Lahen anakatmov gaavah jatafšijthamas lamov.
7. Jasa mehelev einemov averu maskijot levav.
8. Jamiku vidaberu vera ošek mimarovm jedaberu.
9. Šatu vašamajim pihem ulešovnam tihalah ba-arec.
10. Lahen jašivh jašuv kamov halom umei male jimasu lamov.
11. Veameru eihah jada-el veješ deah ve eljon.
12. Hineh-eleh rešaim vešalvei olam hisgu-hajil.
13. Ah-rik zikiti levavi vaerhas benikajon kapai.
14. Vaehi nagua kol-haijom vetovhahti labekarim.
15. Im-amarti asaperah hemov hineh dor baneiha vagadeti.
16. Vaahaševah ladat zot amal hih hu kveinai.
17. Ad-avov el mikdešei -el avinah leaharitam.
18 .Ah bahalakovt tašit lamov hipaltam lemašuovt.
19. Eih haiu lešamah heraga safu tamu min-balahovt.
20 .Kahalom mehakis Adonai bair salmam tivzeh.
21. Ki jithames levavi vehiljovtai eštovnan.
22. Va-ani va ar velo eda behemot hajiti imah.
23. Va ani tamid imah ahazta bejad jemini.
24 .Ba asateha tanheni veahar kavovd tikaheni.
25. Mi-li vašamajim veimeha lo hafasti va-arec.
26. Kalah šeri ulevavi sur-levavi veheki elohim leolam.
27. Ki-hineh rehekeiha jovedu hismatah kol zovneh mimeka.
28. Va ani kiravat elohim li-tov šati badonai Jehovah mahsi lesaper kol-malahovteiha.
תהילים עג
1 מִזְמוֹר לְאָסָף
אַךְ טוֹב לְיִשְׂרָאֵל אֱלֹהִים
לְבָרֵי לֵבָֽב׃
2 וַאֲנִי כִּמְעַט נטוי נָטָיוּ רַגְלָי
כְּאַיִן שפכה שֻׁפְּכוּ אֲשֻׁרָֽי׃
3 כִּֽי־קִנֵּאתִי בַּהוֹלְלִים
שְׁלוֹם רְשָׁעִים אֶרְאֶֽה׃
4 כִּי אֵין חַרְצֻבּוֹת לְמוֹתָם
וּבָרִיא אוּלָֽם׃
5 בַּעֲמַל אֱנוֹשׁ אֵינֵמוֹ
וְעִם־אָדָם לֹא יְנֻגָּֽעוּ׃
6 לָכֵן עֲנָקַתְמוֹ גַאֲוָה
יַעֲטָף־שִׁית חָמָס לָֽמוֹ׃
7 יָצָא מֵחֵלֶב עֵינֵמוֹ
עָבְרוּ מַשְׂכִּיּוֹת לֵבָֽב׃
8 יָמִיקוּ ׀ וִידַבְּרוּ בְרָע עֹשֶׁק
מִמָּרוֹם יְדַבֵּֽרוּ׃
9 שַׁתּוּ בַשָּׁמַיִם פִּיהֶם
וּלְשׁוֹנָם תִּהֲלַךְ בָּאָֽרֶץ׃
10 לָכֵן ׀ ישיב יָשׁוּב עַמּוֹ הֲלֹם
וּמֵי מָלֵא יִמָּצוּ לָֽמוֹ׃
11 וְֽאָמְרוּ אֵיכָה יָדַֽע־אֵל
וְיֵשׁ דֵּעָה בְעֶלְיֽוֹן׃
12 הִנֵּה־אֵלֶּה רְשָׁעִים
וְשַׁלְוֵי עוֹלָם הִשְׂגּוּ־חָֽיִל׃
13 אַךְ־רִיק זִכִּיתִי לְבָבִי
וָאֶרְחַץ בְּנִקָּיוֹן כַּפָּֽי׃
14 וָאֱהִי נָגוּעַ כׇּל־הַיּוֹם
וְתוֹכַחְתִּי לַבְּקָרִֽים׃
15 אִם־אָמַרְתִּי אֲסַפְּרָה כְמוֹ
הִנֵּה דוֹר בָּנֶיךָ בָגָֽדְתִּי׃
16 וָאֲחַשְּׁבָה לָדַעַת זֹאת
עָמָל היא הוּא בְעֵינָֽי׃
17 עַד־אָבוֹא אֶל־מִקְדְּשֵׁי־אֵל
אָבִינָה לְאַחֲרִיתָֽם׃
18 אַךְ בַּחֲלָקוֹת תָּשִׁית לָמוֹ
הִפַּלְתָּם לְמַשּׁוּאֽוֹת׃
19 אֵיךְ הָיוּ לְשַׁמָּה כְרָגַע
סָפוּ תַמּוּ מִן־בַּלָּהֽוֹת׃
20 כַּחֲלוֹם מֵהָקִיץ
אֲדֹנָי בָּעִיר ׀ צַלְמָם תִּבְזֶֽה׃
21 כִּי יִתְחַמֵּץ לְבָבִי
וְכִלְיוֹתַי אֶשְׁתּוֹנָֽן׃
22 וַאֲנִי־בַעַר וְלֹא אֵדָע
בְּהֵמוֹת הָיִיתִי עִמָּֽךְ׃
23 וַאֲנִי תָמִיד עִמָּךְ
אָחַזְתָּ בְּיַד־יְמִינִֽי׃
24 בַּעֲצָתְךָ תַנְחֵנִי
וְאַחַר כָּבוֹד תִּקָּחֵֽנִי׃
25 מִי־לִי בַשָּׁמָיִם
וְעִמְּךָ לֹֽא־חָפַצְתִּי בָאָֽרֶץ׃
26 כָּלָה שְׁאֵרִי וּלְבָבִי
צוּר־לְבָבִי וְחֶלְקִי
אֱלֹהִים לְעוֹלָֽם׃
27 כִּֽי־הִנֵּה רְחֵקֶיךָ יֹאבֵדוּ
הִצְמַתָּה כׇּל־זוֹנֶה מִמֶּֽךָּ׃
28 וַאֲנִי ׀ קִרְבַת אֱלֹהִים לִי טוֹב
שַׁתִּי ׀ בַּאדֹנָי יֱהֹוִה מַחְסִי
לְסַפֵּר כׇּל־מַלְאֲכוֹתֶֽיךָ׃