Psalam 72
1. Lišlomoh elohim mišpateiha lemeleh ten vesidkateha leven meleh.
2. Jadin ameha vesedek va anijeiha vemišpat.
3. Jisu harim šalom lam ugevaovt bisdakah.
4. Jišpot anijei-am jovšia livnei evjon vidake ovšek.
5. Jirauha im-šameš velifnei jareah dor dovrim.
6. Jered kematar al-gez kirvivim zarzif arec.
7. Jifrah bejamav sadik verov lovm ad-beli jareah.
8. Vejerede mijam ad-jam uminahar ad-afsei-arec.
9 Lefanav jihreu sijim veojevav afar jelahehu.
10. Malhei taršiš veijim minhah jašivu malhei ševa useva eškar jakrivu.
11 .Vejištahavu-lov hol-melahim kol govjim ja-avduhu.
12. Ki-jasil evjon mešavea veani veein ozer lov.
13 .Jahos al dal ve-evjon venafšot evjovnim jovšia.
14. Mitovh umehamas jigal nafšam vejeikar damam be einav.
15. Vihi vejiten-lov mizehav ševa vejitpalel ba-adov tamid kol haijom jevarahenhu.
16. Jehi fisat bar ba-arec beroš harim jiraš kalevanon pirjov vejasisu meir kesev ha-arec.
17. Jehi šemov leolam lifnei -šemeš janinh jinovnk šemov vejitbarehu vov kol govjim jeašeruhu.
18. Baruh Jehovah elohim elohei Jizrael oseh niflaovt levadov.
19. Uvaruh šem kevovdov leolam vejimale hevovdov et kol ha-arec amen veamen.
20 .Kalu tefilot david ben-jišai.
תהילים עב
1 לִשְׁלֹמֹה ׀
אֱֽלֹהִים מִשְׁפָּטֶיךָ לְמֶלֶךְ תֵּן
וְצִדְקָתְךָ לְבֶן־מֶֽלֶךְ׃
2 יָדִין עַמְּךָ בְצֶדֶק
וַעֲנִיֶּיךָ בְמִשְׁפָּֽט׃
3 יִשְׂאוּ הָרִים שָׁלוֹם לָעָם
וּגְבָעוֹת בִּצְדָקָֽה׃
4 יִשְׁפֹּט ׀ עֲֽנִיֵּי־עָם
יוֹשִׁיעַ לִבְנֵי אֶבְיוֹן
וִידַכֵּא עוֹשֵֽׁק׃
5 יִירָאוּךָ עִם־שָׁמֶשׁ
וְלִפְנֵי יָרֵחַ דּוֹר דּוֹרִֽים׃
6 יֵרֵד כְּמָטָר עַל־גֵּז
כִּרְבִיבִים זַרְזִיף אָֽרֶץ׃
7 יִֽפְרַח־בְּיָמָיו צַדִּיק
וְרֹב שָׁלוֹם עַד־בְּלִי יָרֵֽחַ׃
8 וְיֵרְדְּ מִיָּם עַד־יָם
וּמִנָּהָר עַד־אַפְסֵי־אָֽרֶץ׃
9 לְפָנָיו יִכְרְעוּ צִיִּים
וְאֹיְבָיו עָפָר יְלַחֵֽכוּ׃
10 מַלְכֵי תַרְשִׁישׁ וְאִיִּים
מִנְחָה יָשִׁיבוּ
מַלְכֵי שְׁבָא וּסְבָא
אֶשְׁכָּר יַקְרִֽיבוּ׃
11 וְיִשְׁתַּחֲווּ־לוֹ כׇל־מְלָכִים
כׇּל־גּוֹיִם יַעַבְדֽוּהוּ׃
12 כִּֽי־יַצִּיל אֶבְיוֹן מְשַׁוֵּעַ
וְעָנִי וְֽאֵין־עֹזֵר לֽוֹ׃
13 יָחֹס עַל־דַּל וְאֶבְיוֹן
וְנַפְשׁוֹת אֶבְיוֹנִים יוֹשִֽׁיעַ׃
14 מִתּוֹךְ וּמֵחָמָס יִגְאַל נַפְשָׁם
וְיֵיקַר דָּמָם בְּעֵינָֽיו׃
15 וִיחִי וְיִתֶּן־לוֹ מִזְּהַב שְׁבָא
וְיִתְפַּלֵּל בַּעֲדוֹ תָמִיד
כׇּל־הַיּוֹם יְבָרְכֶֽנְהוּ׃
16 יְהִי פִסַּת־בַּר ׀ בָּאָרֶץ בְּרֹאשׁ הָרִים
יִרְעַשׁ כַּלְּבָנוֹן פִּרְיוֹ
וְיָצִיצוּ מֵעִיר כְּעֵשֶׂב הָאָֽרֶץ׃
17 יְהִי שְׁמוֹ לְֽעוֹלָם
לִפְנֵי־שֶׁמֶשׁ ינין יִנּוֹן שְׁמוֹ
וְיִתְבָּרְכוּ בוֹ
כׇּל־גּוֹיִם יְאַשְּׁרֽוּהוּ׃
18 בָּרוּךְ ׀ יְהֹוָה אֱלֹהִים אֱלֹהֵי יִשְׂרָאֵל
עֹשֵׂה נִפְלָאוֹת לְבַדּֽוֹ׃
19 וּבָרוּךְ ׀ שֵׁם כְּבוֹדוֹ לְעוֹלָם
וְיִמָּלֵא כְבוֹדוֹ אֶת־כֹּל הָאָרֶץ
אָמֵן ׀ וְאָמֵֽן׃
20 כָּלּוּ תְפִלּוֹת
דָּוִד בֶּן־יִשָֽׁי׃