Psalam 7
1. Šigajon leDavid ašer šar laJehovah al-divrei huš ben-jemini. Jehovah elohai beha hasiti hovšieni mikol rodefai vehasileni.
2 Pen jitrof kearjeh nafši porek ve-ein masil.
3. Jehovah elohai im-asiti zot im ješ-avel behapai.
4. Im-gamalti šovlmi ra vahalesah sovri reikam.
5 .Jiradof ovjev nafši vejaseg vejirmos la-arec haijai uhevovdi leafar jašken selah.
6 Kumah Jehovah beapeha hinase beavrovt sovrai veurah elai mišpat sivita.
7. Vadat leumim tesoveka vealeiha lamarom šuvah.
8. Jehovah jadin amim šafeteni Jehovah kesidki uhetumi alai.
9. Jigmar-na ra rešaim utehovnen sadik uvohen libot uhelajovt elohim sadik.
10. Magini al-elohim movšia jišrei-lev.
11. Elohim šovfet sadik vel zoem behol jom.
12. Im-lo jašuv harbov jiltoš kaštov darah vajhovneha.
13. Velov hehin kelei-mavet hisav ledolekim jifal.
14. Hineh jehabel-aven veharah amal vejalad šaker.
15. Bovr karah vaijahperehu vaijipol bešahat jifal
16. Jašuv amalov verošov veal kadekodov hamasov jered.
17. Oovdeh Jehovah kesidkov va-azamerah šem- Jehovah eljon
תהילים ז
1 שִׁגָּיוֹן לְדָוִד
אֲשֶׁר־שָׁר לַֽיהֹוָה
עַל־דִּבְרֵי־כוּשׁ בֶּן־יְמִינִֽי׃
2 יְהֹוָה אֱלֹהַי בְּךָ חָסִיתִי
הוֹשִׁיעֵנִי מִכׇּל־רֹדְפַי וְהַצִּילֵֽנִי׃
3 פֶּן־יִטְרֹף כְּאַרְיֵה נַפְשִׁי
פֹּרֵק וְאֵין מַצִּֽיל׃
4 יְהֹוָה אֱלֹהַי אִם־עָשִׂיתִי זֹאת
אִֽם־יֶשׁ־עָוֶל בְּכַפָּֽי׃
5 אִם־גָּמַלְתִּי שֽׁוֹלְמִי רָע
וָאֲחַלְּצָה צֽוֹרְרִי רֵיקָֽם׃
6 יִרַדֹּֽף אוֹיֵב ׀ נַפְשִׁי וְיַשֵּׂג
וְיִרְמֹס לָאָרֶץ חַיָּי
וּכְבוֹדִי ׀ לֶעָפָר יַשְׁכֵּן סֶֽלָה׃
7 קוּמָה יְהֹוָה ׀ בְּאַפֶּךָ
הִנָּשֵׂא בְּעַבְרוֹת צוֹרְרָי
וְעוּרָה אֵלַי מִשְׁפָּט צִוִּֽיתָ׃
8 וַעֲדַת לְאֻמִּים תְּסֽוֹבְבֶךָּ
וְעָלֶיהָ לַמָּרוֹם שֽׁוּבָה׃
9 יְהֹוָה יָדִין עַמִּים
שׇׁפְטֵנִי יְהֹוָה
כְּצִדְקִי וּכְתֻמִּי עָלָֽי׃
10 יִגְמׇר־נָא רַע ׀ רְשָׁעִים
וּתְכוֹנֵן צַדִּיק
וּבֹחֵן לִבּוֹת וּכְלָיוֹת
אֱלֹהִים צַדִּֽיק׃
11 מָגִנִּי עַל־אֱלֹהִים
מוֹשִׁיעַ יִשְׁרֵי־לֵֽב׃
12 אֱלֹהִים שׁוֹפֵט צַדִּיק
וְאֵל זֹעֵם בְּכׇל־יֽוֹם׃
13 אִם־לֹא יָשׁוּב חַרְבּוֹ יִלְטוֹשׁ
קַשְׁתּוֹ דָרַךְ וַֽיְכוֹנְנֶֽהָ׃
14 וְלוֹ הֵכִין כְּלֵי־מָוֶת
חִצָּיו לְֽדֹלְקִים יִפְעָֽל׃
15 הִנֵּה יְחַבֶּל־אָוֶן
וְהָרָה עָמָל וְיָלַד שָֽׁקֶר׃
16 בּוֹר כָּרָה וַֽיַּחְפְּרֵהוּ
וַיִּפֹּל בְּשַׁחַת יִפְעָֽל׃
17 יָשׁוּב עֲמָלוֹ בְרֹאשׁוֹ
וְעַל קׇדְקֳדוֹ חֲמָסוֹ יֵרֵֽד׃
18 אוֹדֶה יְהֹוָה כְּצִדְקוֹ