Psalam 69
1. Lamnaseah al-šovšanim leDavid. hovšieni elohim ki vau majim ad-nafeš.
2. Tavati biven mesulah ve ein maomad bati vemamakei-majim vešibolet šetafateni.
3. Jagati vekarei nihar gerovni kalu einai mejahel lelohai.
4 .Rabu misarot roši soneai hinam asemu masmitai ojevai šeker ašer lo-gazalti az ašiv.
5. Elohim atah jadata leivalti ve-ašmovtai mimeha lo-nihadu.
6. Al-jevošu vi koveiha adonai Jehovah sebaot al-jikalemu vi mevakšeiha elohei Jizrael.
7. Ki-aleiha nasati herpah kisetah helimah fanai.
8. Muzar hajiti leehai venaheri livnei imi.
9. Ki-kinat beiteha ahalateni veherpovt hovrfeiha nafelu alai.
10 .Vaevkeh vasovm nafši vatehi laharafovt li.
11. Vaetenah levuši sak vaehi lahem lemašal.
12. Jasihu vi joševei šar uneginot šovtei šehar.
13 Vaani tefilati leha Jehovah et rasovn elohim berav hasdeha aneni be-emet jisheha.
14. Hasileni mitit veal etbah inaselah misoneai umima amakei majim.
15. Al-tištefeni šibolet majim veal tivlaeni mesulah veal tetar-alai beer piha.
16. Aneni Jehovah ki-tov hasdeha kerov rahameiha peneh elai.
17. Veal-taster paneiha meavdeha kisar-li maher aneni.
18. Karevah el-nafši gealah leman ojevai pedeni.
19. Atah jadata herpati uvašeti uhelimati negdeha kol-sovrai.
20. Herpah šaverah libi va anušah va akaveh lanud vaajin velam-nahamim velo masati.
21. Vaijitenu bevaruti roš velismai jaškuni homes.
22. Jehi-šulhanam lifneihem lefah velišlovmim lemovkeš.
23. Tehšahnah eineihem mereot umat-eneihem tamid hamad.
24. Šefah-aleihem zameha vaharovn apeha jasigem.
25. Tehi-tiratam nešamah beaholeihem al-jehi jošev.
26 Ki-atah ašer-hikita radafu ve el-mahov halaleiha jesaperu.
27 Tenah-avon al-avonam veal javou besidkateha.
28. Jimahu misefer haijim veim sadikim al-jikatevu.
29. Vani ani vehovev ješuateha elohim tesageveni.
30. Ahalah šem elohim beshir va agadelenu vetovdah.
31. Vetitav laJehovah mišor par makrin mafris.
32. Rau anavim jismahu dorešei elohim vihi levavhem.
33. Ki-šomea el-evjovnim Jehovah ve et-asirav lo vazah.
34. Jehalluhu šamajim va-arec jamim vehol romes bam.
35. Ki elohim jovšia sijon vejivneh arei Jehudah vejaševum virešuha.
36. Vezera avadav jinhaluha veohavei mov jiškenu-vah.
תהילים סט
1 לַמְנַצֵּחַ ׀ עַֽל־שׁוֹשַׁנִּים לְדָוִֽד׃
2 הוֹשִׁיעֵנִי אֱלֹהִים
כִּי בָאוּ מַיִם עַד־נָֽפֶשׁ׃
3 טָבַעְתִּי ׀ בִּיוֵן מְצוּלָה וְאֵין מׇעֳמָד
בָּאתִי בְמַעֲמַקֵּי־מַיִם
וְשִׁבֹּלֶת שְׁטָפָֽתְנִי׃
4 יָגַעְתִּי בְקׇרְאִי נִחַר גְּרוֹנִי
כָּלוּ עֵינַי
מְיַחֵל לֵאלֹהָֽי׃
5 רַבּוּ ׀ מִשַּׂעֲרוֹת רֹאשִׁי שֹׂנְאַי חִנָּם
עָצְמוּ מַצְמִיתַי אֹיְבַי שֶׁקֶר
אֲשֶׁר לֹֽא־גָזַלְתִּי אָז אָשִֽׁיב׃
6 אֱֽלֹהִים אַתָּה יָדַעְתָּ לְאִוַּלְתִּי
וְאַשְׁמוֹתַי מִמְּךָ לֹֽא־נִכְחָֽדוּ׃
7 אַל־יֵבֹשׁוּ בִי ׀ קֹוֶיךָ
אֲדֹנָי יֱהֹוִה צְבָאוֹת
אַל־יִכָּלְמֽוּ בִי מְבַקְשֶׁיךָ
אֱלֹהֵי יִשְׂרָאֵֽל׃
8 כִּֽי־עָלֶיךָ נָשָׂאתִי חֶרְפָּה
כִּסְּתָה כְלִמָּה פָנָֽי׃
9 מוּזָר הָיִיתִי לְאֶחָי
וְנׇכְרִי לִבְנֵי אִמִּֽי׃
10 כִּֽי־קִנְאַת בֵּיתְךָ אֲכָלָתְנִי
וְחֶרְפּוֹת חוֹרְפֶיךָ נָפְלוּ עָלָֽי׃
11 וָאֶבְכֶּה בַצּוֹם נַפְשִׁי
וַתְּהִי לַחֲרָפוֹת לִֽי׃
12 וָאֶתְּנָה לְבוּשִׁי שָׂק
וָאֱהִי לָהֶם לְמָשָֽׁל׃
13 יָשִׂיחוּ בִי יֹשְׁבֵי שָׁעַר
וּנְגִינוֹת שׁוֹתֵי שֵׁכָֽר׃
14 וַאֲנִי תְפִלָּֽתִי־לְךָ ׀ יְהֹוָה עֵת רָצוֹן
אֱלֹהִים בְּרׇב־חַסְדֶּךָ
עֲנֵנִי בֶּאֱמֶת יִשְׁעֶֽךָ׃
15 הַצִּילֵנִי מִטִּיט וְאַל־אֶטְבָּעָה
אִנָּצְלָה מִשֹּׂנְאַי וּמִמַּעֲמַקֵּי מָֽיִם׃
16 אַל־תִּשְׁטְפֵנִי ׀ שִׁבֹּלֶת מַיִם
וְאַל־תִּבְלָעֵנִי מְצוּלָה
וְאַל־תֶּאְטַר־עָלַי בְּאֵר פִּֽיהָ׃
17 עֲנֵנִי יְהֹוָה כִּי־טוֹב חַסְדֶּךָ
כְּרֹב רַחֲמֶיךָ פְּנֵה אֵלָֽי׃
18 וְאַל־תַּסְתֵּר פָּנֶיךָ מֵעַבְדֶּךָ
כִּי־צַר־לִי מַהֵר עֲנֵֽנִי׃
19 קׇרְבָה אֶל־נַפְשִׁי גְאָלָהּ
לְמַעַן אֹיְבַי פְּדֵֽנִי׃
20 אַתָּה יָדַעְתָּ חֶרְפָּתִי וּבׇשְׁתִּי וּכְלִמָּתִי
נֶגְדְּךָ כׇּל־צוֹרְרָֽי׃
21 חֶרְפָּה ׀ שָׁבְרָה לִבִּי וָאָנוּשָׁה
וָאֲקַוֶּה לָנוּד וָאַיִן
וְלַמְנַחֲמִים וְלֹא מָצָֽאתִי׃
22 וַיִּתְּנוּ בְּבָרוּתִי רֹאשׁ
וְלִצְמָאִי יַשְׁקוּנִי חֹֽמֶץ׃
23 יְהִי־שֻׁלְחָנָם לִפְנֵיהֶם לְפָח
וְלִשְׁלוֹמִים לְמוֹקֵֽשׁ׃
24 תֶּחְשַׁכְנָה עֵינֵיהֶם מֵרְאוֹת
וּמׇתְנֵיהֶם תָּמִיד הַמְעַֽד׃
25 שְׁפׇךְ־עֲלֵיהֶם זַעְמֶךָ
וַחֲרוֹן אַפְּךָ יַשִּׂיגֵֽם׃
26 תְּהִי־טִירָתָם נְשַׁמָּה
בְּאׇהֳלֵיהֶם אַל־יְהִי יֹשֵֽׁב׃
27 כִּי־אַתָּה אֲשֶׁר־הִכִּיתָ רָדָפוּ
וְאֶל־מַכְאוֹב חֲלָלֶיךָ יְסַפֵּֽרוּ׃
28 תְּֽנָה־עָוֺן עַל־עֲוֺנָם
וְאַל־יָבֹאוּ בְּצִדְקָתֶֽךָ׃
29 יִמָּחוּ מִסֵּפֶר חַיִּים
וְעִם צַדִּיקִים אַל־יִכָּתֵֽבוּ׃
30 וַאֲנִי עָנִי וְכוֹאֵב
יְשׁוּעָתְךָ אֱלֹהִים תְּשַׂגְּבֵֽנִי׃
31 אֲהַלְלָה שֵׁם־אֱלֹהִים בְּשִׁיר
וַאֲגַדְּלֶנּוּ בְתוֹדָֽה׃
32 וְתִיטַב לַיהֹוָה מִשּׁוֹר פָּר
מַקְרִן מַפְרִֽיס׃
33 רָאוּ עֲנָוִים יִשְׂמָחוּ
דֹּרְשֵׁי אֱלֹהִים וִיחִי לְבַבְכֶֽם׃
34 כִּי־שֹׁמֵעַ אֶל־אֶבְיוֹנִים יְהֹוָה
וְאֶת־אֲסִירָיו לֹא בָזָֽה׃
35 יְֽהַלְלוּהוּ שָׁמַיִם וָאָרֶץ
יַמִּים וְֽכׇל־רֹמֵשׂ בָּֽם׃
36 כִּי אֱלֹהִים ׀ יוֹשִׁיעַ צִיּוֹן
וְיִבְנֶה עָרֵי יְהוּדָה
וְיָשְׁבוּ שָׁם וִירֵשֽׁוּהָ׃
37 וְזֶרַע עֲבָדָיו יִנְחָלוּהָ
וְאֹהֲבֵי שְׁמוֹ יִשְׁכְּנוּ־בָֽהּ׃