Psalam 66
1. Lamnaseah šir mizmor hariu lelohim kol ha-arec.
2. Zameru hevovd-šemov simu havovd tehilatov.
3. Imru lelohim mah-novra maseiha berov uzeha jehahašu leha ojeveiha.
4. Kol ha-arec jištahavu leha vizameru-lah jezameru šimha selah.
5. Lehu ureu mifalovt elohim novra alilah al-benei adam.
6. Hafah jam lejabašah banahar javru veragelm nismehah-bov.
7. Mošel bigvuratov olam einav bagovjim tispeinah hasovrim al- jarimuh jarumuk lamov selah.
8. Barehu amim eloheinu vehašmiu kol tehilatov.
9. Hasam nafšenu bahaijim velo natan lamovt raglenu.
10. Ki-vehantanu Elohim seraftanu kisraf kasef.
11. Havetanu vamesudah samta muakah vemateneinu.
12. Hirkavta enovš lerošenu banu vaeš uvamajim vatovsienu larevajah.
13Avov veiteha veovlot ašalem leha nedarai.
14 .Ašer pasu sefatai vediber-pi basar-li.
15. Olovt mehim aleh lah im-ketoret eilim eseh vakar im atudim selah.
16 Lehu šimu va-asaperah kol jirei Elohim ašer asah lenafši.
17. Elav pi-karati verovmam tahat lešovni.
18 .Aven im-raiti velibi lo jišma Adonai.
19 .Ahen šama elohim hikšiv bekovl tefilati.
20. Baruh Elohim ašer lo-hesir tefilati vehasdov meiti.
תהילים סו
1 לַמְנַצֵּחַ שִׁיר מִזְמוֹר
הָרִיעוּ לֵאלֹהִים כׇּל־הָאָֽרֶץ׃
2 זַמְּרוּ כְבֽוֹד־שְׁמוֹ
שִׂימוּ כָבוֹד תְּהִלָּתֽוֹ׃
3 אִמְרוּ לֵאלֹהִים מַה־נּוֹרָא מַעֲשֶׂיךָ
בְּרֹב עֻזְּךָ יְֽכַחֲשׁוּ לְךָ אֹיְבֶֽיךָ׃
4 כׇּל־הָאָרֶץ ׀ יִשְׁתַּחֲווּ לְךָ וִיזַמְּרוּ־לָךְ
יְזַמְּרוּ שִׁמְךָ סֶֽלָה׃
5 לְכוּ וּרְאוּ מִפְעֲלוֹת אֱלֹהִים
נוֹרָא עֲלִילָה עַל־בְּנֵי אָדָֽם׃
6 הָפַךְ יָם ׀ לְֽיַבָּשָׁה
בַּנָּהָר יַעַבְרוּ בְרָגֶל
שָׁם נִשְׂמְחָה־בּֽוֹ׃
7 מֹשֵׁל בִּגְבוּרָתוֹ ׀ עוֹלָם
עֵינָיו בַּגּוֹיִם תִּצְפֶּינָה
הַסּוֹרְרִים ׀ אַל־יָרוּמוּ ירימו לָמוֹ סֶֽלָה׃
8 בָּרְכוּ עַמִּים ׀ אֱלֹהֵינוּ
וְהַשְׁמִיעוּ קוֹל תְּהִלָּתֽוֹ׃
9 הַשָּׂם נַפְשֵׁנוּ בַּחַיִּים
וְלֹֽא־נָתַן לַמּוֹט רַגְלֵֽנוּ׃
10 כִּֽי־בְחַנְתָּנוּ אֱלֹהִים
צְרַפְתָּנוּ כִּצְרׇף־כָּֽסֶף׃
11 הֲבֵאתָנוּ בַמְּצוּדָה
שַׂמְתָּ מוּעָקָה בְמׇתְנֵֽינוּ׃
12 הִרְכַּבְתָּ אֱנוֹשׁ לְרֹאשֵׁנוּ
בָּֽאנוּ־בָאֵשׁ וּבַמַּיִם
וַתּוֹצִיאֵנוּ לָרְוָיָֽה׃
13 אָבוֹא בֵיתְךָ בְעוֹלוֹת
אֲשַׁלֵּם לְךָ נְדָרָֽי׃
14 אֲשֶׁר־פָּצוּ שְׂפָתָי
וְדִבֶּר־פִּי בַּצַּר־לִֽי׃
15 עֹלוֹת מֵיחִים אַֽעֲלֶה־לָּךְ
עִם־קְטֹרֶת אֵילִים
אֶעֱשֶֽׂה בָקָר עִם־עַתּוּדִים סֶֽלָה׃
16 לְכוּ־שִׁמְעוּ וַאֲסַפְּרָה כׇּל־יִרְאֵי אֱלֹהִים
אֲשֶׁר עָשָׂה לְנַפְשִֽׁי׃
17 אֵלָיו פִּֽי־קָרָאתִי
וְרוֹמַם תַּחַת לְשׁוֹנִֽי׃
18 אָוֶן אִם־רָאִיתִי בְלִבִּי
לֹא יִשְׁמַע ׀ אֲדֹנָֽי׃
19 אָכֵן שָׁמַע אֱלֹהִים
הִקְשִׁיב בְּקוֹל תְּפִלָּתִֽי׃
20 בָּרוּךְ אֱלֹהִים
אֲשֶׁר לֹֽא־הֵסִיר תְּפִלָּתִי וְחַסְדּוֹ מֵאִתִּֽי׃