Psalam 50
1. Mizmor leasaf el elohim Jehovah diber vaijikra Arec mimizraše-meš ad-mevov.
2. Misijon mihlal-jofi elohim hovfia.
3. Javo eloheinu veal jeheraš eš-lefanav tohel usevivav nisarah meod.
4. Jikra el-hašamajim meal ve el-haArec ladin amov.
5. Isfu-li hasidai koretei veriti alei zavah.
6. Vaijagidu šamajim sidkov ki-elohim šofet hu selah.
7. Šimah ami va adaberah jizrael veaidah bah elohim eloheiha anohi.
8. Lo al-zevaheiha ovhiheha veovloteiha lenegdi tamid
9. Lo-ekah mibeiteha far mimihleoteiha atudim
10. Ki-li hol-hajtov jar behemot beharei-alef.
11. Jadati kol-ovf harim veziz dai imadi.
12. Im erav lo-omar lah ki-li tevel umeloah.
13. Haovhal besar abirim vedam atudim ešteh.
14 .Zevah lelohim tovdah veshalem le eljovn nedareiha.
15. Ukeraeni bejom sarah ahaleša utehabedeni.
16. Velaraša amar elohim mah leha lesaper hukai vatisa veriti alei-fiha.
17. Veatah saneta musar vatašleh devarai ahareiha.
18. Im-raita ganav vatires imov veim menafim helkeha.
19. Piha šalahta verah ulešovnha tasmid mirmah.
20 .Teshev beahiha tedaber beven imehatiten-dofi.
21 .Eleh asita veheherašti dimita hejot ehjeh hamovha ovhihaha ve erhah le eineiha.
22 .Binu-na zot šohehei elovhah pen etrof ve ein masil.
23. Zoveah tovdah jehabedaneni vesam dereh arenu beješa elohim.
תהילים נ
1 מִזְמוֹר לְאָסָף
אֵל ׀ אֱֽלֹהִים יְֽהֹוָה
דִּבֶּר וַיִּקְרָא־אָרֶץ
מִמִּזְרַח־שֶׁמֶשׁ עַד־מְבֹאֽוֹ׃
2 מִצִּיּוֹן מִכְלַל־יֹפִי
אֱלֹהִים הוֹפִֽיעַ׃
3 יָבֹא אֱלֹהֵינוּ וְֽאַל־יֶחֱרַשׁ
אֵשׁ־לְפָנָיו תֹּאכֵל
וּסְבִיבָיו נִשְׂעֲרָה מְאֹֽד׃
4 יִקְרָא אֶל־הַשָּׁמַיִם מֵעָל
וְאֶל־הָאָרֶץ לָדִין עַמּֽוֹ׃
5 אִסְפוּ־לִי חֲסִידָי
כֹּרְתֵי בְרִיתִי עֲלֵי־זָֽבַח׃
6 וַיַּגִּידוּ שָׁמַיִם צִדְקוֹ
כִּֽי־אֱלֹהִים ׀ שֹׁפֵט הוּא סֶֽלָה׃
7 שִׁמְעָה עַמִּי ׀ וַאֲדַבֵּרָה
יִשְׂרָאֵל וְאָעִידָה בָּךְ
אֱלֹהִים אֱלֹהֶיךָ אָנֹֽכִי׃
8 לֹא עַל־זְבָחֶיךָ אוֹכִיחֶךָ
וְעוֹלֹתֶיךָ לְנֶגְדִּי תָמִֽיד׃
9 לֹא־אֶקַּח מִבֵּיתְךָ פָר
מִמִּכְלְאֹתֶיךָ עַתּוּדִֽים׃
10 כִּי־לִי כׇל־חַיְתוֹ־יָעַר
בְּהֵמוֹת בְּהַרְרֵי־אָֽלֶף׃
11 יָדַעְתִּי כׇּל־עוֹף הָרִים
וְזִיז שָׂדַי עִמָּדִֽי׃
12 אִם־אֶרְעַב לֹא־אֹמַר לָךְ
כִּי־לִי תֵבֵל וּמְלֹאָֽהּ׃
13 הַאוֹכַל בְּשַׂר אַבִּירִים
וְדַם עַתּוּדִים אֶשְׁתֶּֽה׃
14 זְבַח לֵאלֹהִים תּוֹדָה
וְשַׁלֵּם לְעֶלְיוֹן נְדָרֶֽיךָ׃
15 וּקְרָאֵנִי בְּיוֹם צָרָה
אֲחַלֶּצְךָ וּֽתְכַבְּדֵֽנִי׃
16 וְלָרָשָׁע ׀ אָמַר אֱלֹהִים
מַה־לְּךָ לְסַפֵּר חֻקָּי
וַתִּשָּׂא בְרִיתִי עֲלֵי־פִֽיךָ׃
17 וְאַתָּה שָׂנֵאתָ מוּסָר
וַתַּשְׁלֵךְ דְּבָרַי אַחֲרֶֽיךָ׃
18 אִם־רָאִיתָ גַנָּב וַתִּרֶץ עִמּוֹ
וְעִם מְנָאֲפִים חֶלְקֶֽךָ׃
19 פִּיךָ שָׁלַחְתָּ בְרָעָה
וּלְשׁוֹנְךָ תַּצְמִיד מִרְמָֽה׃
20 תֵּשֵׁב בְּאָחִיךָ תְדַבֵּר
בְּבֶֽן־אִמְּךָ תִּתֶּן־דֹּֽפִי׃
21 אֵלֶּה עָשִׂיתָ ׀ וְֽהֶחֱרַשְׁתִּי
דִּמִּיתָ הֱיֽוֹת־אֶהְיֶה כָמוֹךָ
אוֹכִיחֲךָ וְאֶעֶרְכָה לְעֵינֶֽיךָ׃
22 בִּינוּ־נָא זֹאת שֹׁכְחֵי אֱלוֹהַּ
פֶּן־אֶטְרֹף וְאֵין מַצִּֽיל׃
23 זֹבֵחַ תּוֹדָה יְֽכַבְּדָנְנִי
וְשָׂם דֶּרֶךְ
אַרְאֶנּוּ בְּיֵשַׁע אֱלֹהִֽים׃