Psalam 44
1. Lamnaseah livnei-Korah maskil. elohim beazeneinu šamanu avovteinu siperu lanu poal palta vimeihem bimei kedem.
2. Atah jadeha govjim hovrašta vatitaem tara leumim vatešalehem.
3. Ki lo veharbam jarešu arec uzerovam lo-hovšiah lamov ki-jemineha uzerovaha veor paneiha ki resitam.
4. Atah-hu malki elohim saveh ješuovt jakov.
5. Beha sareinu nenageah bešimha navus kameinu.
6. Ki lo vekašti evtah veharbi lo tovšieni.
7. Ki hovšatanu misareinu umesaneinu hevišovta.
8 .Belohim hilalnu hol-haijom vešimha leolam novdeh selah.
9. Af-zanahta vatahlimenu velo-tese besivovteinu.
10. Tešivenu ahovr mini-sar umesaneinu šasu lamov.
11.Titenenu keson mahol uvagovjim zeritanu.
12. Timkor ameha velo-hovn velo ribita bimhireihem.
13Tesimenu herpah lišheneinu la ag vakeles lisivoteinu
14. Tesimenu mašal bagovjim menovd-roš bal -umim.
15. Kol-haijom kelimati negdi uvošet panai kisateni.
16. Mikol meharef umegadef mipenei ovjev umitnakem.
17. Kol-zot batnu velo šehahanuha veloši karnu bivriteha.
18 Lo-nasovg ahovr libenu vatet ašureinu mini areheha.
19.Ki dikitanu bimkovm tanim vatehas aleinu vesalmavet.
20 Imša-hahnu šem eloheinu vanifros kapeinu le el zar
21. Halo elohim jahakar-zot ki-hu jodea talumovt lev.
22. Ki-aleiha horagnu hol-haijom nehšavnu keson tivhah.
23. Urah lamah tišan Adonai hakisah al-tiznah lanesah.
24. Lamah-faneiha tastir tiškah anejenu velahasenu.
25. Ki šahah leafar nafšenu davekah lares bitnenu.
26. Kumah ezratah lanu ufedenu leman hasdeha.
תהילים מד
1 לַמְנַצֵּחַ ׀ לִבְנֵי־קֹרַח מַשְׂכִּֽיל׃
2 אֱלֹהִים ׀ בְּאׇזְנֵינוּ שָׁמַעְנוּ
אֲבוֹתֵינוּ סִפְּרוּ־לָנוּ
פֹּעַל פָּעַלְתָּ בִימֵיהֶם בִּימֵי קֶֽדֶם׃
3 אַתָּה ׀ יָדְךָ גּוֹיִם הוֹרַשְׁתָּ וַתִּטָּעֵם
תָּרַע לְאֻמִּים וַֽתְּשַׁלְּחֵֽם׃
4 כִּי לֹא בְחַרְבָּם יָרְשׁוּ אָרֶץ
וּזְרוֹעָם לֹא־הוֹשִׁיעָה לָּמוֹ
כִּֽי־יְמִינְךָ וּזְרוֹעֲךָ וְאוֹר פָּנֶיךָ
כִּי רְצִיתָֽם׃
5 אַתָּה־הוּא מַלְכִּי אֱלֹהִים
צַוֵּה יְשׁוּעוֹת יַעֲקֹֽב׃
6 בְּךָ צָרֵינוּ נְנַגֵּחַ
בְּשִׁמְךָ נָבוּס קָמֵֽינוּ׃
7 כִּי לֹא בְקַשְׁתִּי אֶבְטָח
וְחַרְבִּי לֹא תוֹשִׁיעֵֽנִי׃
8 כִּי הוֹשַׁעְתָּנוּ מִצָּרֵינוּ
וּמְשַׂנְאֵינוּ הֱבִישֽׁוֹתָ׃
9 בֵּאלֹהִים הִלַּלְנוּ כׇל־הַיּוֹם
וְשִׁמְךָ ׀ לְעוֹלָם נוֹדֶה סֶֽלָה׃
10 אַף־זָנַחְתָּ וַתַּכְלִימֵנוּ
וְלֹא־תֵצֵא בְּצִבְאוֹתֵֽינוּ׃
11 תְּשִׁיבֵנוּ אָחוֹר מִנִּי־צָר
וּמְשַׂנְאֵינוּ שָׁסוּ לָֽמוֹ׃
12 תִּתְּנֵנוּ כְּצֹאן מַאֲכָל
וּבַגּוֹיִם זֵרִיתָֽנוּ׃
13 תִּמְכֹּֽר־עַמְּךָ בְלֹא־הוֹן
וְלֹֽא־רִבִּיתָ בִּמְחִירֵיהֶֽם׃
14 תְּשִׂימֵנוּ חֶרְפָּה לִשְׁכֵנֵינוּ
לַעַג וָקֶלֶס לִסְבִיבוֹתֵֽינוּ׃
15 תְּשִׂימֵנוּ מָשָׁל בַּגּוֹיִם
מְנֽוֹד־רֹאשׁ בַּלְאֻמִּֽים׃
16 כׇּל־הַיּוֹם כְּלִמָּתִי נֶגְדִּי
וּבֹשֶׁת פָּנַי כִּסָּֽתְנִי׃
17 מִקּוֹל מְחָרֵף וּמְגַדֵּף
מִפְּנֵי אוֹיֵב וּמִתְנַקֵּֽם׃
18 כׇּל־זֹאת בָּאַתְנוּ וְלֹא שְׁכַחֲנוּךָ
וְלֹֽא־שִׁקַּרְנוּ בִּבְרִיתֶֽךָ׃
19 לֹא־נָסוֹג אָחוֹר לִבֵּנוּ
וַתֵּט אֲשֻׁרֵינוּ מִנִּי אׇרְחֶֽךָ׃
20 כִּי דִכִּיתָנוּ בִּמְקוֹם תַּנִּים
וַתְּכַס עָלֵינוּ בְצַלְמָֽוֶת׃
21 אִם־שָׁכַחְנוּ שֵׁם אֱלֹהֵינוּ
וַנִּפְרֹשׂ כַּפֵּינוּ לְאֵל זָֽר׃
22 הֲלֹא אֱלֹהִים יַחֲקׇר־זֹאת
כִּי־הוּא יֹדֵעַ תַּעֲלֻמוֹת לֵֽב׃
23 כִּֽי־עָלֶיךָ הֹרַגְנוּ כׇל־הַיּוֹם
נֶחְשַׁבְנוּ כְּצֹאן טִבְחָֽה׃
24 עוּרָה ׀ לָמָּה תִישַׁן ׀ אֲדֹנָי
הָקִיצָה אַל־תִּזְנַח לָנֶֽצַח׃
25 לָֽמָּה־פָנֶיךָ תַסְתִּיר
תִּשְׁכַּח עׇנְיֵנוּ וְֽלַחֲצֵֽנוּ׃
26 כִּי שָׁחָה לֶעָפָר נַפְשֵׁנוּ
דָּבְקָה לָאָרֶץ בִּטְנֵֽנוּ׃
27 קוּמָֽה עֶזְרָתָה לָּנוּ
וּפְדֵנוּ לְמַעַן חַסְדֶּֽךָ׃