Psalam 39
1. Lamnaseah liditunh lidutunk mizmor leDavid. amarti ešmerah derahai mehatov vilšovni ešmerah lefi mahsovm beod raša lenegdi
2 Nelamti dumijah hehešeiti mitov uhevi nekar
3 Ham libi bekirbi bahagigi tivar-eš dibarti bilšovni.
4. Hovdieni Jehovah kisi umidat jamai mah-hi edeah meh hadel ani.
5. Hineh tefahovt natatah jamai veheldi heajin negdeha ah kol-hevel kol-adam nisav selah.
6. Ah-beselem jithaleh-iš ah-hevel jehemaiun jisbor velo jeda mi-osefam.
7 .Veatah mah-kiviti adonai tovhalti leha hi.
8. Mikol-pešai hasileni herpat naval al-tesimeni.
9 .Nelamti lo eftah-pi ki atah asita.
10 .Haser mealai nigeha mitigrat jadeha ani haliti.
11. Betovhahovt al-avon jisarta iš vatemes kaš hamudov ah hevel kol-adam selah.
12. Šimah-tefilati Jehovah vešavati hazinah el-dimati al-teheraš ki ger anohi imah tovšav kehol avovtai
13. Haša mimeni veavligah beterem eleh ve eineni.
תהילים לט
1 לַמְנַצֵּחַ לידיתון לִֽידוּתוּן
מִזְמוֹר לְדָוִֽד׃
2 אָמַרְתִּי אֶשְׁמְרָה דְרָכַי מֵחֲטוֹא בִלְשׁוֹנִי
אֶשְׁמְרָה לְפִי מַחְסוֹם
בְּעֹד רָשָׁע לְנֶגְדִּֽי׃
3 נֶאֱלַמְתִּי דוּמִיָּה הֶחֱשֵׁיתִי מִטּוֹב
וּכְאֵבִי נֶעְכָּֽר׃
4 חַם־לִבִּי ׀ בְּקִרְבִּי
בַּהֲגִיגִי תִבְעַר־אֵשׁ
דִּבַּרְתִּי בִּלְשׁוֹנִֽי׃
5 הוֹדִיעֵנִי יְהֹוָה ׀ קִצִּי
וּמִדַּת יָמַי מַה־הִיא
אֵדְעָה מֶֽה־חָדֵל אָֽנִי׃
6 הִנֵּה טְפָחוֹת ׀ נָתַתָּה יָמַי
וְחֶלְדִּי כְאַיִן נֶגְדֶּךָ
אַךְ כׇּֽל־הֶבֶל כׇּל־אָדָם נִצָּב סֶֽלָה׃
7 אַךְ־בְּצֶלֶם ׀ יִֽתְהַלֶּךְ־אִישׁ
אַךְ־הֶבֶל יֶהֱמָיוּן
יִצְבֹּר וְֽלֹא־יֵדַע מִֽי־אֹסְפָֽם׃
8 וְעַתָּה מַה־קִּוִּיתִי אֲדֹנָי
תּוֹחַלְתִּי לְךָ הִֽיא׃
9 מִכׇּל־פְּשָׁעַי הַצִּילֵנִי
חֶרְפַּת נָבָל אַל־תְּשִׂימֵֽנִי׃
10 נֶאֱלַמְתִּי לֹא אֶפְתַּח־פִּי
כִּי אַתָּה עָשִֽׂיתָ׃
11 הָסֵר מֵעָלַי נִגְעֶךָ
מִתִּגְרַת יָדְךָ אֲנִי כָלִֽיתִי׃
12 בְּֽתוֹכָחוֹת עַל־עָוֺן ׀ יִסַּרְתָּ אִישׁ
וַתֶּמֶס כָּעָשׁ חֲמוּדוֹ
אַךְ הֶבֶל כׇּל־אָדָם סֶֽלָה׃
13 שִׁמְעָֽה תְפִלָּתִי ׀ יְהֹוָה וְשַׁוְעָתִי ׀ הַאֲזִינָה
אֶֽל־דִּמְעָתִי אַֽל־תֶּחֱרַשׁ
כִּי גֵר אָנֹכִי עִמָּךְ
תּוֹשָׁב כְּכׇל־אֲבוֹתָֽי׃
14 הָשַׁע מִמֶּנִּי וְאַבְלִיגָה
בְּטֶרֶם אֵלֵךְ וְאֵינֶֽנִּי׃