Psalam 38
1. Mizmor leDavid lehazkir. Jehovah al- bekespeha tovhiheni uvahamateha tejasereni.
2. Ki -hiseiha nihatu vi vatinhat alai jadeha.
3. Ein-metom bivsari mipenei zameha ein-šalom ba asamai mipenei hatati.
4 Ki avonotai averu roši kemasa haved jihbedu mimeni.
5 Hivišu namaku haburotai mipenei ivalti.
6 .Naveiti šahoti ad-meod kol haijom koder hilaheti.
7. Ki-hesalai maleu nikleh ve ein metom bivsari.
8. Nefugovti venidkeiti ad-meod agti minahamat libi.
9. Adonai negdeha hol-tavati veanhati mimeha lo-nistarah.
10 .Libi seharhar azavani hohi veovr -einai gam hem ein iti.
11. Ohavai vereai mineged nigi jamodu ukerovai merahok amadu.
12 Vajnakšu mevakšei nafši vedorešei rati diberu havot umirmot kol-haijovm jehgu.
13 .Va ani hehereš lo ešma uheilem lo jiftah-piv.
14. Vaehi keiš ašer lo-šomea ve ein befiv tovhahovt.
15. Ki-leha Jehovah hovhaleti atah taneh adonai elohai.
16. Ki-amarti pen jismehu-li bemovt ragli alai higdilu.
17. Ki-ani lesela nahon umahovi negdi tamid.
18. Ki-avoni agid edag mehatati.
19. Veojevai haijim asemu verabu soneai šaker.
20Umešalemei rah tahat tovah jistenuni tahat redovfi- hradefi tov
21.Al-tazveni Jehovah elohai al-tirhak mimeni.
22Hušah le ezrati adonai tešuati.
תהילים לח
1 מִזְמוֹר לְדָוִד לְהַזְכִּֽיר׃
2 יְֽהֹוָה אַל־בְּקֶצְפְּךָ תוֹכִיחֵנִי
וּֽבַחֲמָתְךָ תְיַסְּרֵֽנִי׃
3 כִּֽי־חִצֶּיךָ נִחֲתוּ בִי
וַתִּנְחַת עָלַי יָדֶֽךָ׃
4 אֵין־מְתֹם בִּבְשָׂרִי מִפְּנֵי זַעְמֶךָ
אֵין־שָׁלוֹם בַּעֲצָמַי מִפְּנֵי חַטָּאתִֽי׃
5 כִּי עֲוֺנֹתַי עָֽבְרוּ רֹאשִׁי
כְּמַשָּׂא כָבֵד יִכְבְּדוּ מִמֶּֽנִּי׃
6 הִבְאִישׁוּ נָמַקּוּ חַבּוּרֹתָי
מִפְּנֵי אִוַּלְתִּֽי׃
7 נַעֲוֵיתִי שַׁחֹתִי עַד־מְאֹד
כׇּל־הַיּוֹם קֹדֵר הִלָּֽכְתִּי׃
8 כִּֽי־כְסָלַי מָלְאוּ נִקְלֶה
וְאֵין מְתֹם בִּבְשָׂרִֽי׃
9 נְפוּגוֹתִי וְנִדְכֵּיתִי עַד־מְאֹד
שָׁאַגְתִּי מִֽנַּהֲמַת לִבִּֽי׃
10 אֲֽדֹנָי נֶגְדְּךָ כׇל־תַּאֲוָתִי
וְאַנְחָתִי מִמְּךָ לֹֽא־נִסְתָּֽרָה׃
11 לִבִּי סְחַרְחַר עֲזָבַנִי כֹחִי
וְֽאוֹר־עֵינַי גַּם־הֵם אֵין אִתִּֽי׃
12 אֹֽהֲבַי ׀ וְרֵעַי מִנֶּגֶד נִגְעִי יַעֲמֹדוּ
וּקְרוֹבַי מֵרָחֹק עָמָֽדוּ׃
13 וַיְנַקְשׁוּ ׀ מְבַקְשֵׁי נַפְשִׁי
וְדֹרְשֵׁי רָעָתִי דִּבְּרוּ הַוּוֹת
וּמִרְמוֹת כׇּל־הַיּוֹם יֶהְגּֽוּ׃
14 וַאֲנִי כְחֵרֵשׁ לֹא אֶשְׁמָע
וּכְאִלֵּם לֹא יִפְתַּח־פִּֽיו׃
15 וָאֱהִי כְּאִישׁ אֲשֶׁר לֹֽא־שֹׁמֵעַ
וְאֵין בְּפִיו תּוֹכָחֽוֹת׃
16 כִּֽי־לְךָ יְהֹוָה הוֹחָלְתִּי
אַתָּה תַעֲנֶה אֲדֹנָי אֱלֹהָֽי׃
17 כִּֽי־אָמַרְתִּי פֶּן־יִשְׂמְחוּ־לִי
בְּמוֹט רַגְלִי עָלַי הִגְדִּֽילוּ׃
18 כִּֽי־אֲנִי לְצֶלַע נָכוֹן
וּמַכְאוֹבִי נֶגְדִּי תָמִֽיד׃
19 כִּֽי־עֲוֺנִי אַגִּיד
אֶדְאַג מֵחַטָּאתִֽי׃
20 וְֽאֹיְבַי חַיִּים עָצֵמוּ
וְרַבּוּ שֹׂנְאַי שָֽׁקֶר׃
21 וּמְשַׁלְּמֵי רָעָה תַּחַת טוֹבָה
יִשְׂטְנוּנִי תַּחַת רדופי רָֽדְפִי־טֽוֹב׃
22 אַל־תַּעַזְבֵנִי יְהֹוָה
אֱלֹהַי אַל־תִּרְחַק מִמֶּֽנִּי׃
23 חוּשָׁה לְעֶזְרָתִי
אֲדֹנָי תְּשׁוּעָתִֽי׃