Psalam 37
1. Ledavid al-tithar bamereim al-tekanne beosei avlah.
2.Ki hehasir meherah jimalu uhejerek deše jibolun.
3. Betah baJehovah va aseh-tov šehan erec ureh emunah.
4 .Vehitanag al-Jehovah vejiten-leha mišalot libeha.
5 .Govl al-Jehovah darkeha uvetah alav vehu jaseh.
6 .Vehovsi haovr sidkeha umišpateha kasahorajim.
7. Dovm laJehovah vehithovlel lov al-tithar bemasliah darkov beiš oseh mezimovt.
8 .Heref meaf va azov hemah al-tithar ah-leharea.
9 Ki-mereim jikaretun vekovei Jehovah hemah jirešu-arec.
10 Veovd meat ve ein raša vehitbovnanta al-mekomov ve einenu.
11. Va anavim jirešu-arec vehitanegu al-rov šalom.
12. Zomem raša lasadik vehorek alav šinav.
13 Adonai jišak lov ki-rah ki-javo jovmov.
14 Herev patehu rešaim vedarehu kaštam lehapil ani ve evjvn litvovah jišrei-dareh.
15 Harbam tavov velibam vekašetovtam tišavarnah.
16 Tov-meat lasadik mehamovn rešaim rabim.
17. Ki zerovot rešaim tišavarnah vesovmeh sadikim Jehovah.
18 Jovdea Jehovah jemei temimim venahalatam leolam tihjeh.
19. Lo-jevošu be et rah uvimei reavovn jisbau.
20. Ki rešaim jovedu veojevei Jehovah kikar karim kalu veašan kalu.
21. Loveh raša velo ješalem vesadik hovnen venoten.
22. Ki mevorahav jirešu arec umekulalav jikaretu.
23. MeJehovah misadei-gever kovnanu vedarkov jehpas.
24. Ki jipol lo-jutal ki-Jehovah sovmeh jadov.
25. Nar hajiti gam-zakanti velo raiti sadik nezav vezarov mevakeš lahem.
26 Kol-haijom hovnen umalveh vezarov livrahah.
27. Sur mera va aseh-tov ušehon leolam.
28 .Ki Jehovah ohev mišpat velo jazov et-hasidav leolam nišmaru vezera rešaim nihrat.
29. Sadikim jirešu-arec vejiškenu la ad aleiha.
30 Pi-sadik jehgeh hahemah ulešovnov tedaber mišpat.
31. Tovrat elohav belibov lo timad ašurav.
32. Sovfeh raša lasadik umevakeš lahamitov.
33 Jehovah lo-jazvenu vejadov velo jaršienu behišafetov.
34. Kaveh el-Jehovah ušemor darkov virovmimha larešet arec behikaret rešaim tireh.
35 Raiti raša aris umitareh kezrah ranan.
36. Vaija avor vehineh einenu va avakšehu velo nimsa.
37 Šemar tam ureh jašar ki-aharit leiš šalom.
38. Ufošeim nishmedu jahdav aharit rešaim nihratah.
39 .Utešuat sadikim meJehovah mauzam be et sarah.
40. Vaijazerem Jehovah vajfaletem jefaletem merešaim vejovšiem ki-hasu vov.
תהילים לז
1 לְדָוִד ׀ אַל־תִּתְחַר בַּמְּרֵעִים
אַל־תְּקַנֵּא בְּעֹשֵׂי עַוְלָֽה׃
2 כִּי כֶחָצִיר מְהֵרָה יִמָּלוּ
וּכְיֶרֶק דֶּשֶׁא יִבּוֹלֽוּן׃
3 בְּטַח בַּיהֹוָה וַעֲשֵׂה־טוֹב
שְׁכׇן־אֶרֶץ וּרְעֵה אֱמוּנָֽה׃
4 וְהִתְעַנַּג עַל־יְהֹוָה
וְיִֽתֶּן־לְךָ מִשְׁאֲלֹת לִבֶּֽךָ׃
5 גּוֹל עַל־יְהֹוָה דַּרְכֶּךָ
וּבְטַח עָלָיו וְהוּא יַעֲשֶֽׂה׃
6 וְהוֹצִיא כָאוֹר צִדְקֶךָ
וּמִשְׁפָּטֶךָ כַּֽצׇּהֳרָֽיִם׃
7 דּוֹם ׀ לַיהֹוָה וְהִתְחוֹלֵֽל לוֹ
אַל־תִּתְחַר בְּמַצְלִיחַ דַּרְכּוֹ
בְּאִישׁ עֹשֶׂה מְזִמּֽוֹת׃
8 הֶרֶף מֵאַף וַעֲזֹב חֵמָה
אַל־תִּתְחַר אַךְ־לְהָרֵֽעַ׃
9 כִּֽי־מְרֵעִים יִכָּרֵתוּן
וְקֹוֵי יְהֹוָה הֵמָּה יִֽירְשׁוּ־אָֽרֶץ׃
10 וְעוֹד מְעַט וְאֵין רָשָׁע
וְהִתְבּוֹנַנְתָּ עַל־מְקוֹמוֹ וְאֵינֶֽנּוּ׃
11 וַעֲנָוִים יִֽירְשׁוּ־אָרֶץ
וְהִֽתְעַנְּגוּ עַל־רֹב שָׁלֽוֹם׃
12 זֹמֵם רָשָׁע לַצַּדִּיק
וְחֹרֵק עָלָיו שִׁנָּֽיו׃
13 אֲדֹנָי יִשְׂחַק־לוֹ
כִּי־רָאָה כִּֽי־יָבֹא יוֹמֽוֹ׃
14 חֶרֶב ׀ פָּתְחוּ רְשָׁעִים וְדָרְכוּ קַשְׁתָּם
לְהַפִּיל עָנִי וְאֶבְיוֹן
לִטְבוֹחַ יִשְׁרֵי־דָֽרֶךְ׃
15 חַרְבָּם תָּבוֹא בְלִבָּם
וְקַשְּׁתוֹתָם תִּשָּׁבַֽרְנָה׃
16 טוֹב־מְעַט לַצַּדִּיק
מֵהֲמוֹן רְשָׁעִים רַבִּֽים׃
17 כִּי זְרוֹעוֹת רְשָׁעִים תִּשָּׁבַרְנָה
וְסוֹמֵךְ צַדִּיקִים יְהֹוָֽה׃
18 יוֹדֵעַ יְהֹוָה יְמֵי תְמִימִם
וְנַחֲלָתָם לְעוֹלָם תִּהְיֶֽה׃
19 לֹֽא־יֵבֹשׁוּ בְּעֵת רָעָה
וּבִימֵי רְעָבוֹן יִשְׂבָּֽעוּ׃
20 כִּי רְשָׁעִים ׀ יֹאבֵדוּ
וְאֹיְבֵי יְהֹוָה כִּיקַר כָּרִים
כָּלוּ בֶעָשָׁן כָּֽלוּ׃
21 לֹוֶה רָשָׁע וְלֹא יְשַׁלֵּם
וְצַדִּיק חוֹנֵן וְנוֹתֵֽן׃
22 כִּי מְבֹרָכָיו יִירְשׁוּ אָרֶץ
וּמְקֻלָּלָיו יִכָּרֵֽתוּ׃
23 מֵיְהֹוָה מִֽצְעֲדֵי־גֶבֶר כּוֹנָנוּ
וְדַרְכּוֹ יֶחְפָּֽץ׃
24 כִּֽי־יִפֹּל לֹֽא־יוּטָל
כִּֽי־יְהֹוָה סוֹמֵךְ יָדֽוֹ׃
25 נַעַר ׀ הָיִיתִי גַּם־זָקַנְתִּי
וְֽלֹא־רָאִיתִי צַדִּיק נֶעֱזָב
וְזַרְעוֹ מְבַקֶּשׁ־לָֽחֶם׃
26 כׇּל־הַיּוֹם חוֹנֵן וּמַלְוֶה
וְזַרְעוֹ לִבְרָכָֽה׃
27 סוּר מֵרָע וַעֲשֵׂה־טוֹב
וּשְׁכֹן לְעוֹלָֽם׃
28 כִּי יְהֹוָה ׀ אֹהֵב מִשְׁפָּט
וְלֹא־יַעֲזֹב אֶת־חֲסִידָיו לְעוֹלָם נִשְׁמָרוּ
וְזֶרַע רְשָׁעִים נִכְרָֽת׃
29 צַדִּיקִים יִֽירְשׁוּ־אָרֶץ
וְיִשְׁכְּנוּ לָעַד עָלֶֽיהָ׃
30 פִּֽי־צַדִּיק יֶהְגֶּה חׇכְמָה
וּלְשׁוֹנוֹ תְּדַבֵּר מִשְׁפָּֽט׃
31 תּוֹרַת אֱלֹהָיו בְּלִבּוֹ
לֹא תִמְעַד אֲשֻׁרָֽיו׃
32 צוֹפֶה רָשָׁע לַצַּדִּיק
וּמְבַקֵּשׁ לַהֲמִיתֽוֹ׃
33 יְהֹוָה לֹא־יַעַזְבֶנּוּ בְיָדוֹ
וְלֹא יַרְשִׁיעֶנּוּ בְּהִשָּׁפְטֽוֹ׃
34 קַוֵּה אֶל־יְהֹוָה ׀ וּשְׁמֹר דַּרְכּוֹ
וִֽירוֹמִמְךָ לָרֶשֶׁת אָרֶץ
בְּהִכָּרֵת רְשָׁעִים תִּרְאֶֽה׃
35 רָאִיתִי רָשָׁע עָרִיץ
וּמִתְעָרֶה כְּאֶזְרָח רַעֲנָֽן׃
36 וַֽיַּעֲבֹר וְהִנֵּה אֵינֶנּוּ
וָאֲבַקְשֵׁהוּ וְלֹא נִמְצָֽא׃
37 שְׁמׇר־תָּם וּרְאֵה יָשָׁר
כִּֽי־אַחֲרִית לְאִישׁ שָׁלֽוֹם׃
38 וּֽפֹשְׁעִים נִשְׁמְדוּ יַחְדָּו
אַחֲרִית רְשָׁעִים נִכְרָֽתָה׃
39 וּתְשׁוּעַת צַדִּיקִים מֵיְהֹוָה
מָעוּזָּם בְּעֵת צָרָֽה׃
40 וַיַּעְזְרֵם יְהֹוָה וַֽיְפַלְּטֵם
יְפַלְּטֵם מֵרְשָׁעִים וְיוֹשִׁיעֵם
כִּי־חָסוּ בֽוֹ׃