Psalam 35
1. Ledavid rivah Jehovah et-jerivai leham et-lohamai.
2 .Hahazek magen vesinah vekumah be ezrati.
3 .Veharek hanit usegor likrat rodefai emor lenafši ješuateh ani.
4. Jevošu vejikalemu mevakšei nafši jisogu ahovr vejahperu hoševei rati.
5. Jihju kemos lifnei-Ruah umalah Jehovah dovheh.
6. Jehi-darkam hošeh vahalak lakot umalah Jehovah rodefam.
7. Ki-hinam tamenu-li šahat rištam hinam haferu lenafši.
8. Tevovehu šovah lo-jeda verištov ašer-taman tilkedov bešovah jipal-bah.
9. Venafši tagil baJehovah tasis bišuatov.
10 .Kol asmovtai tomarnah Jehovah mi hamovha masil ani mehazak mimenu veani ve evjon migozelov.
11 Jekumun edei hamas ašer lo-jadati jišaluni.
12. Ješalemuni rah tahat tovah šehovl lenafši.
13. Va ani bahalovtam levuši sak ineiti vasovm nafši utefilati al-heiki tašuv.
14. Kerea-keah li hithalaheti kavel-em koder šahovti.
15. Uvesali samehu venesafu nesfu alai nehim velo jadati kareu velo-damu.
16 .Behanfei lagei maovg harok alai šineimov.
17. Adonai kamah tireh hašivah nafši mišoeihem mikefirim jehidati.
18 .Ovdha bekahal rav beam asum ahaleka.
19 .Al-jismehu-li ojevai šeker soneai hinam jikresu-ajin.
20. Ki lo šalom jedaberu veal rigei -erec divrei mirmot jahašovun.
21. Vaijarhivu alai pihem ameru heah heah ratah eineinu.
22. Raitah Jehovah al-teheraš Adonai al-tirhak mimeni.
23. Hairah vehakisah lemišpati elohai vadonai lerivi.
24 .Šafeteni hesidkeha Jehovah elohai veal-jismehu-li.
25. Al-jomeru velibam heah nafšenu al-jomeru bilanuhu.
26. Jevošu vejahperu jahdav semehei rati jilbešu-vošet uhelimah hamagdilim alai.
27. Jaronu vejismehu hafesei sidki vejomeru tamid jigdal Jehovah hehafes šelom avdov.
28 Ulešovni tehgeh sidkeha kol-haijom tehilateha.
תהילים לה
1 לְדָוִד ׀
רִיבָה יְהֹוָה אֶת־יְרִיבַי
לְחַם אֶת־לֹחֲמָֽי׃
2 הַחֲזֵק מָגֵן וְצִנָּה
וְקוּמָה בְּעֶזְרָתִֽי׃
3 וְהָרֵק חֲנִית וּסְגֹר לִקְרַאת רֹדְפָי
אֱמֹר לְנַפְשִׁי יְֽשֻׁעָתֵךְ אָֽנִי׃
4 יֵבֹשׁוּ וְיִכָּלְמוּ מְבַקְשֵׁי נַפְשִׁי
יִסֹּגוּ אָחוֹר וְיַחְפְּרוּ
חֹשְׁבֵי רָֽעָתִֽי׃
5 יִֽהְיוּ כְּמֹץ לִפְנֵי־רוּחַ
וּמַלְאַךְ יְהֹוָה דּוֹחֶֽה׃
6 יְֽהִי־דַרְכָּם
חֹשֶׁךְ וַחֲלַקְלַקֹּת
וּמַלְאַךְ יְהֹוָה רֹדְפָֽם׃
7 כִּֽי־חִנָּם טָֽמְנוּ־לִי שַׁחַת רִשְׁתָּם
חִנָּם חָפְרוּ לְנַפְשִֽׁי׃
8 תְּבוֹאֵהוּ שׁוֹאָה לֹֽא־יֵדָע
וְרִשְׁתּוֹ אֲשֶׁר־טָמַן תִּלְכְּדוֹ
בְּשׁוֹאָה יִפׇּל־בָּֽהּ׃
9 וְנַפְשִׁי תָּגִיל בַּיהֹוָה
תָּשִׂישׂ בִּישׁוּעָתֽוֹ׃
10 כׇּל עַצְמוֹתַי ׀ תֹּאמַרְנָה
יְהֹוָה מִי כָמוֹךָ
מַצִּיל עָנִי מֵחָזָק מִמֶּנּוּ
וְעָנִי וְאֶבְיוֹן מִגֹּֽזְלֽוֹ׃
11 יְקוּמוּן עֵדֵי חָמָס
אֲשֶׁר לֹֽא־יָדַעְתִּי יִשְׁאָלֽוּנִי׃
12 יְשַׁלְּמוּנִי רָעָה תַּחַת טוֹבָה
שְׁכוֹל לְנַפְשִֽׁי׃
13 וַאֲנִי ׀ בַּחֲלוֹתָם לְבוּשִׁי שָׂק
עִנֵּיתִי בַצּוֹם נַפְשִׁי
וּתְפִלָּתִי עַל־חֵיקִי תָשֽׁוּב׃
14 כְּרֵעַ־כְּאָח לִי הִתְהַלָּכְתִּי
כַּאֲבֶל־אֵם קֹדֵר שַׁחֽוֹתִי׃
15 וּבְצַלְעִי שָׂמְחוּ וְֽנֶאֱסָפוּ
נֶאֶסְפוּ עָלַי נֵכִים וְלֹא יָדַעְתִּי
קָרְעוּ וְלֹא־דָֽמּוּ׃
16 בְּחַנְפֵי לַעֲגֵי מָעוֹג
חָרֹק עָלַי שִׁנֵּֽימוֹ׃
17 אֲדֹנָי כַּמָּה תִּרְאֶה
הָשִׁיבָה נַפְשִׁי מִשֹּׁאֵיהֶם
מִכְּפִירִים יְחִידָתִֽי׃
18 אוֹדְךָ בְּקָהָל רָב
בְּעַם עָצוּם אֲהַלְלֶֽךָּ׃
19 אַֽל־יִשְׂמְחוּ־לִי אֹיְבַי שֶׁקֶר
שֹׂנְאַי חִנָּם יִקְרְצוּ־עָֽיִן׃
20 כִּי לֹא שָׁלוֹם יְדַבֵּרוּ
וְעַל רִגְעֵי־אֶרֶץ
דִּבְרֵי מִרְמוֹת יַחֲשֹׁבֽוּן׃
21 וַיַּרְחִיבוּ עָלַי פִּיהֶם
אָמְרוּ הֶאָח ׀ הֶאָח
רָֽאֲתָה עֵינֵֽנוּ׃
22 רָאִיתָה יְהֹוָה אַֽל־תֶּחֱרַשׁ
אֲדֹנָי אַל־תִּרְחַק מִמֶּֽנִּי׃
23 הָעִירָה וְהָקִיצָה לְמִשְׁפָּטִי
אֱלֹהַי וַאדֹנָי לְרִיבִֽי׃
24 שׇׁפְטֵנִי כְצִדְקְךָ יְהֹוָה אֱלֹהָי
וְאַל־יִשְׂמְחוּ־לִֽי׃
25 אַל־יֹאמְרוּ בְלִבָּם הֶאָח נַפְשֵׁנוּ
אַל־יֹאמְרוּ בִּֽלַּעֲנֽוּהוּ׃
26 יֵבֹשׁוּ וְיַחְפְּרוּ ׀ יַחְדָּו שְׂמֵחֵי רָעָתִי
יִֽלְבְּשׁוּ־בֹשֶׁת וּכְלִמָּה
הַֽמַּגְדִּילִים עָלָֽי׃
27 יָרֹנּוּ וְיִשְׂמְחוּ חֲפֵצֵי צִדְקִי
וְיֹאמְרוּ תָמִיד יִגְדַּל יְהֹוָה
הֶחָפֵץ שְׁלוֹם עַבְדּֽוֹ׃
28 וּלְשׁוֹנִי תֶּהְגֶּה צִדְקֶךָ
כׇּל־הַיּוֹם תְּהִלָּתֶֽךָ׃