Psalam 34
1. Ledavid bešanotov et-tamov lifnei avimeleh vajgarašehu vaijelah. avarahah et-Jehovah behol-et tamid tehilatov befi.
2. BaJehovah tithalel nafši jišmeu anavim vejismahu.
3.Gadelu laJehovah iti unerovmah šemov jahdav.
4 .Darašti et-Jehovah veanani umikol megurovtai hisilani.
5. Hibitu elav venaharu ufeneihem al-jehparu.
6. Zeh ani kara vaJehovah šamea umikol sarovtav hovšiov.
7. Honeh malah Jehovah saviv lireav vajhalesem.
8. Tamu ureu ki-tov Jehovah ašrei hagever jeheseh-bov.
9. Jeru et-Jehovah kedošav ki-ein mahsovr lireav.
10. Kefirim rašu veraevu vedorešei Jehovah lo-jahseru hol-tov.
11. Lehu vanim šimu-li jirat Jehovah alamedhem.
12. Mi-haiš hehafes haijim ohev jamim lirovt tov.
13 Nlešovnha mera usefateiha midaber mirmah.
14 Sur mera va aseh-tov bakeš šalom veradefehu.
15. Einei Jehovahel-sadikim veazenav el-šavatam.
16. Penei Jehovah beosei ra lehahrit me erec zihram.
17. Saku vaJehovah šamea umikol-sarovtam hisilam.
18. Karov Jehovah lenišberei-lev ve et-dake ei-Ruah jovšia.
19. Rabovt raovt sadik umikulam jasilenu Jehovah.
20 .Šomer kol-asmovtav ahat mehenah lo nišbarah.
21 Temovtet raša rah vesonei sadik ješamu.
22. Povdeh Jehovah Nefeš avadav velo ješemu kol-hahosim bov.
תהילים לד
1 לְדָוִד
בְּשַׁנּוֹתוֹ אֶת־טַעְמוֹ לִפְנֵי אֲבִימֶלֶךְ
וַיְגָרְשֵׁהוּ וַיֵּלַֽךְ׃
2 אֲבָרְכָה אֶת־יְהֹוָה בְּכׇל־עֵת
תָּמִיד תְּֽהִלָּתוֹ בְּפִֽי׃
3 בַּיהֹוָה תִּתְהַלֵּל נַפְשִׁי
יִשְׁמְעוּ עֲנָוִים וְיִשְׂמָֽחוּ׃
4 גַּדְּלוּ לַיהֹוָה אִתִּי
וּנְרוֹמְמָה שְׁמוֹ יַחְדָּֽו׃
5 דָּרַשְׁתִּי אֶת־יְהֹוָה וְעָנָנִי
וּמִכׇּל־מְגוּרוֹתַי הִצִּילָֽנִי׃
6 הִבִּיטוּ אֵלָיו וְנָהָרוּ
וּפְנֵיהֶם אַל־יֶחְפָּֽרוּ׃
7 זֶה עָנִי קָרָא וַיהֹוָה שָׁמֵעַ
וּמִכׇּל־צָרוֹתָיו הוֹשִׁיעֽוֹ׃
8 חֹנֶה מַלְאַךְ־יְהֹוָה סָבִיב לִירֵאָיו
וַֽיְחַלְּצֵֽם׃
9 טַעֲמוּ וּרְאוּ כִּֽי־טוֹב יְהֹוָה
אַֽשְׁרֵי הַגֶּבֶר יֶחֱסֶה־בּֽוֹ׃
10 יְראוּ אֶת־יְהֹוָה קְדֹשָׁיו
כִּי־אֵין מַחְסוֹר לִירֵאָֽיו׃
11 כְּפִירִים רָשׁוּ וְרָעֵבוּ
וְדֹרְשֵׁי יְהֹוָה לֹא־יַחְסְרוּ כׇל־טֽוֹב׃
12 לְֽכוּ־בָנִים שִׁמְעוּ־לִי
יִֽרְאַת יְהֹוָה אֲלַמֶּדְכֶֽם׃
13 מִֽי־הָאִישׁ הֶחָפֵץ חַיִּים
אֹהֵב יָמִים לִרְאוֹת טֽוֹב׃
14 נְצֹר לְשׁוֹנְךָ מֵרָע
וּשְׂפָתֶיךָ מִדַּבֵּר מִרְמָֽה׃
15 סוּר מֵרָע וַעֲשֵׂה־טוֹב
בַּקֵּשׁ שָׁלוֹם וְרׇדְפֵֽהוּ׃
16 עֵינֵי יְהֹוָה אֶל־צַדִּיקִים
וְאׇזְנָיו אֶל־שַׁוְעָתָֽם׃
17 פְּנֵי יְהֹוָה בְּעֹשֵׂי רָע
לְהַכְרִית מֵאֶרֶץ זִכְרָֽם׃
18 צָעֲקוּ וַיהֹוָה שָׁמֵעַ
וּמִכׇּל־צָרוֹתָם הִצִּילָֽם׃
19 קָרוֹב יְהֹוָה לְנִשְׁבְּרֵי־לֵב
וְֽאֶת־דַּכְּאֵי־רוּחַ יוֹשִֽׁיעַ׃
20 רַבּוֹת רָעוֹת צַדִּיק
וּמִכֻּלָּם יַצִּילֶנּוּ יְהֹוָֽה׃
21 שֹׁמֵר כׇּל־עַצְמוֹתָיו
אַחַת מֵהֵנָּה לֹא נִשְׁבָּֽרָה׃
22 תְּמוֹתֵת רָשָׁע רָעָה
וְשֹׂנְאֵי צַדִּיק יֶאְשָֽׁמוּ׃
23 פֹּדֶה יְהֹוָה נֶפֶשׁ עֲבָדָיו
וְלֹא יֶאְשְׁמוּ כׇּֽל־הַחֹסִים בּֽוֹ׃