Psalam 31
1. Lamnaseah mizmor leDavid. beha Jehovah hasiti al-evovšah leovlam besidkateha faleteni.
2. Hateh elai azeneha meherah hatzileni hejeh li lesur maovz leveit mesudot lehovšieni.
3 .Ki-sali umesudati atah uleman meha tanheni utenahaleni.
4.Tovsieni merešet zu tamenu li ki-atah mauzi.
5. Bejadeha afkid ruhi paditah ovti Jehovah el emet
6 .Saneti hašomerim havlei šave va ani el- Jehovah bataheti.
7 .Agilah ve esmehah behasdeha ašer raita et-aneji jadata besarot nafshi.
8 .Velo hisgartani bejad ovjev he emadta vamerhav raglai.
9 .Haneni Jehovah ki sar-li ašešah veha as eini nafši uvitni.
10. Ki halu vejagovn haijai ušenovtai ba anahah kašal ba avoni hohi va asamai ašeshu.
11. Mikol-sorerai hajiti herpah velišahenai meod ufahad limjudai roai bahus nadedu mimeni.
12. Niškahti kemet milev hajti kihli oved.
13. Ki šamati dibat rabim magovr misaviv behivasedam jahad alai lakahat nafši zamamu.
14 .Va ani aleiha vatahti Jehovah amarti elohai atah.
15. Bejadeha itotai hasileni mijad ovjvai umerodefai.
16. Hairah faneiha al-avdeha hovšieni vehasdeha.
17. Jehovah al-evovšah ki keratiha jevošu rešaim jidemu lišovl.
18 .Tealamnah siftei šaker hadoverot al-sadik atak bega avah vavuz.
19Mah rav-tuveha ašer safanta lire eiha palta lahosim bah neged benei adam.
20: Tastirem beseter paneiha meruhsei iš tispenem besukah meriv lešonovt.
21: Baruh Jehovah ki hifli hasdov li beir masor.
22: Vaani amarti vehafezi nigrazti mineged eineiha ahen mata kol tahanunai bešavei eleiha.
23: Ehevu et- Jehovah kol-hasidav emunim noser Jehovah umešalem al-jeter oseh gaavah.
24: Hizku veja ames levavhem kol hamjahalim lašem.
תהילים לא
1 לַמְנַצֵּחַ מִזְמוֹר לְדָוִֽד׃
2 בְּךָֽ־יְהֹוָה חָסִיתִי
אַל־אֵבוֹשָׁה לְעוֹלָם
בְּצִדְקָתְךָ פַלְּטֵֽנִי׃
3 הַטֵּה אֵלַי ׀ אׇזְנְךָ מְהֵרָה הַצִּילֵנִי
הֱיֵה לִי ׀ לְֽצוּר־מָעוֹז לְבֵית מְצוּדוֹת
לְהוֹשִׁיעֵֽנִי׃
4 כִּֽי־סַלְעִי וּמְצֽוּדָתִי אָתָּה
וּלְמַעַן שִׁמְךָ תַּֽנְחֵנִי וּֽתְנַהֲלֵֽנִי׃
5 תּוֹצִיאֵנִי מֵרֶשֶׁת זוּ טָמְנוּ לִי
כִּי־אַתָּה מָעוּזִּֽי׃
6 בְּיָדְךָ אַפְקִיד רוּחִי
פָּדִיתָ אוֹתִי יְהֹוָה
אֵל אֱמֶֽת׃
7 שָׂנֵאתִי הַשֹּׁמְרִים הַבְלֵי־שָׁוְא
וַאֲנִי אֶל־יְהֹוָה בָּטָֽחְתִּי׃
8 אָגִילָה וְאֶשְׂמְחָה בְּחַסְדֶּךָ
אֲשֶׁר רָאִיתָ אֶת־עׇנְיִי
יָדַעְתָּ בְּצָרוֹת נַפְשִֽׁי׃
9 וְלֹא הִסְגַּרְתַּנִי בְּיַד־אוֹיֵב
הֶעֱמַדְתָּ בַמֶּרְחָב רַגְלָֽי׃
10 חׇנֵּנִי יְהֹוָה כִּי צַר לִי
עָשְׁשָׁה בְכַעַס עֵינִי
נַפְשִׁי וּבִטְנִֽי׃
11 כִּי כָלוּ בְיָגוֹן חַיַּי וּשְׁנוֹתַי בַּאֲנָחָה
כָּשַׁל בַּעֲוֺנִי כֹחִי
וַעֲצָמַי עָשֵֽׁשׁוּ׃
12 מִכׇּל־צֹרְרַי הָיִיתִי חֶרְפָּה
וְלִשְׁכֵנַי ׀ מְאֹד
וּפַחַד לִֽמְיֻדָּעָי
רֹאַי בַּחוּץ
נָדְדוּ מִמֶּֽנִּי׃
13 נִשְׁכַּחְתִּי כְּמֵת מִלֵּב
הָיִיתִי כִּכְלִי אֹבֵֽד׃
14 כִּי שָׁמַעְתִּי ׀ דִּבַּת רַבִּים
מָגוֹר מִסָּבִיב
בְּהִוָּסְדָם יַחַד עָלַי
לָקַחַת נַפְשִׁי זָמָֽמוּ׃
15 וַאֲנִי ׀ עָלֶיךָ בָטַחְתִּי יְהֹוָה
אָמַרְתִּי אֱלֹהַי אָֽתָּה׃
16 בְּיָדְךָ עִתֹּתָי
הַצִּילֵנִי מִיַּד־אוֹיְבַי וּמֵֽרֹֽדְפָֽי׃
17 הָאִירָה פָנֶיךָ עַל־עַבְדֶּךָ
הוֹשִׁיעֵנִי בְחַסְדֶּֽךָ׃
18 יְֽהֹוָה אַל־אֵבוֹשָׁה כִּי קְרָאתִיךָ
יֵבֹשׁוּ רְשָׁעִים יִדְּמוּ לִשְׁאֽוֹל׃
19 תֵּאָלַמְנָה שִׂפְתֵי שָׁקֶר
הַדֹּבְרוֹת עַל־צַדִּיק עָתָק
בְּגַאֲוָה וָבֽוּז׃
20 מָה רַֽב־טוּבְךָ אֲשֶׁר־צָפַנְתָּ לִּירֵאֶיךָ
פָּעַלְתָּ לַחֹסִים בָּךְ
נֶגֶד בְּנֵי אָדָֽם׃
21 תַּסְתִּירֵם ׀ בְּסֵתֶר פָּנֶיךָ מֵרֻכְסֵי אִישׁ
תִּצְפְּנֵם בְּסֻכָּה
מֵרִיב לְשֹׁנֽוֹת׃
22 בָּרוּךְ יְהֹוָה
כִּי הִפְלִיא חַסְדּוֹ לִי
בְּעִיר מָצֽוֹר׃
23 וַאֲנִי ׀ אָמַרְתִּי בְחׇפְזִי
נִגְרַזְתִּי מִנֶּגֶד עֵינֶיךָ
אָכֵן שָׁמַעְתָּ קוֹל תַּחֲנוּנַי
בְּשַׁוְּעִי אֵלֶֽיךָ׃
24 אֶהֱבוּ אֶֽת־יְהֹוָה כׇּֽל־חֲסִידָיו
אֱמוּנִים נֹצֵר יְהֹוָה
וּמְשַׁלֵּם עַל־יֶתֶר עֹשֵׂה גַאֲוָֽה׃
25 חִזְקוּ וְיַאֲמֵץ לְבַבְכֶם
כׇּל־הַמְיַחֲלִים לַֽיהֹוָֽה׃