Psalam 25
1. Ledavid eleiha Jehovah nafši esa.
2. Elohai beha vatahti al-evovšah al-jalsu ojevai li.
3. Gam kol-koveiha lo jevošu jevošu habovgdim reikam.
4Deraheiha Jehovah hovdieni orehovteiha lamedeni.
5. Hadriheni va amiteha velamedeni ki-atah elohei jiši ovtha kiviti kol-haijom.
6. Zehor-rahameiha Jehovah vahasadeiha ki meovlam hemah.
7. Hatovt neurai ufešaai al-tizkor kehasdeha zehar-li-atah leman tuveha Jehovah.
8 .Tov-vejašar Jehovah al-ken jovreh hataim badareh.
9. Jajreh anavim bamišpat vilamed anavim darkov.
10. Kol-arehovt Jehovah hesed ve emet lenoserei veritov ve edotav.
11. Lema an-šimha Jehovah vesalahta la avoni ki rav hu.
12. Mi-zeh haiš jere Jehovah jovrenu bedereh jivhar
13 .Nafšov betov talin vezarov jiraš arec.
14Sovd Jehovah lireav uveritov lehovdiam.
15 .Einai tamid el-Jehovah ki hu-jovsi merešet raglai
16Peneh-elai vehaneni ki-jahid veani ani
17. Sarovt levavi hirhivu mimesukovtai hovsieni.
18. Reh aneji va amali vesa lehol-hatovtai.
19. Reh-ovjvai ki-rabu vesinat hamas seneuni.
20. Šamerah nafši vehasileni al-evovš ki-hasiti vah.
21. Tom vajošer jiseruni ki kivitiha.
22. Pedeh elohim et-jizrael mikol sarovtav.
תהילים כה
1 לְדָוִד
אֵלֶיךָ יְהֹוָה נַפְשִׁי אֶשָּֽׂא׃
2 אֱֽלֹהַי בְּךָ בָטַחְתִּי אַל־אֵבוֹשָׁה
אַל־יַעַלְצוּ אוֹיְבַי לִֽי׃
3 גַּם כָּל־קֹוֶיךָ לֹא יֵבֹשׁוּ
יֵבֹשׁוּ הַבּוֹגְדִים רֵיקָֽם׃
4 דְּרָכֶיךָ יְהֹוָה הוֹדִיעֵנִי
אֹרְחוֹתֶיךָ לַמְּדֵֽנִי׃
5 הַדְרִיכֵנִי בַאֲמִתֶּךָ ׀ וְֽלַמְּדֵנִי
כִּֽי־אַתָּה אֱלֹהֵי יִשְׁעִי
אוֹתְךָ קִוִּיתִי כׇּל־הַיּֽוֹם׃
6 זְכֹר־רַחֲמֶיךָ יְהֹוָה וַחֲסָדֶיךָ
כִּי מֵעוֹלָם הֵֽמָּה׃
7 חַטֹּאות נְעוּרַי ׀ וּפְשָׁעַי אַל־תִּזְכֹּר
כְּחַסְדְּךָ זְכׇר־לִי־אַתָּה
לְמַעַן טוּבְךָ יְהֹוָֽה׃
8 טוֹב־וְיָשָׁר יְהֹוָה
עַל־כֵּן יוֹרֶה חַטָּאִים בַּדָּֽרֶךְ׃
9 יַדְרֵךְ עֲנָוִים בַּמִּשְׁפָּט
וִילַמֵּד עֲנָוִים דַּרְכּֽוֹ׃
10 כׇּל־אׇרְחוֹת יְהֹוָה חֶסֶד וֶאֱמֶת
לְנֹצְרֵי בְרִיתוֹ וְעֵדֹתָֽיו׃
11 לְמַֽעַן־שִׁמְךָ יְהֹוָה
וְֽסָלַחְתָּ לַעֲוֺנִי כִּי רַב־הֽוּא׃
12 מִי־זֶה הָאִישׁ יְרֵא יְהֹוָה
יוֹרֶנּוּ בְּדֶרֶךְ יִבְחָֽר׃
13 נַפְשׁוֹ בְּטוֹב תָּלִין
וְזַרְעוֹ יִירַשׁ אָֽרֶץ׃
14 סוֹד יְהֹוָה לִירֵאָיו
וּבְרִיתוֹ לְהוֹדִיעָֽם׃
15 עֵינַי תָּמִיד אֶל־יְהֹוָה
כִּי הֽוּא־יוֹצִיא מֵרֶשֶׁת רַגְלָֽי׃
16 פְּנֵה־אֵלַי וְחׇנֵּנִי
כִּֽי־יָחִיד וְעָנִי אָֽנִי׃
17 צָרוֹת לְבָבִי הִרְחִיבוּ
מִמְּצוּקוֹתַי הוֹצִיאֵֽנִי׃
18 רְאֵה עׇנְיִי וַעֲמָלִי
וְשָׂא לְכׇל־חַטֹּאותָֽי׃
19 רְאֵֽה־אֹיְבַי כִּי־רָבּוּ
וְשִׂנְאַת חָמָס שְׂנֵאֽוּנִי׃
20 שׇׁמְרָה נַפְשִׁי וְהַצִּילֵנִי
אַל־אֵבוֹשׁ כִּֽי־חָסִיתִי בָֽךְ׃
21 תֹּם־וָיֹשֶׁר יִצְּרוּנִי
כִּי קִוִּיתִֽיךָ׃
22 פְּדֵה אֱלֹהִים אֶת־יִשְׂרָאֵל
מִכֹּל צָרוֹתָֽיו׃