Psalam 22
1. Lamnaseah al-aijelet hašahar mizmor leDavid eli eli lamah azavtani rahovk
mišuati divrei šagati.
2. Elohai ekra jovmam velo taneh velajlah velo-dumijah li.
3 .Veatah kadovš jovšev tehilot jizrael.
4 .Beha batehu avoteinu batehu vatefaletemov.
5. Eleiha zaku venimlatu beha vatehu velo-vošu.
6 .Veanohi tovlat velo-iš herpat adam uvez am.
7. Kol-roai jaligu li jaftiru vesafah janiu roš.
8. Gol el- Jehovah jefaletehu jasilehu ki hafes bov.
9. Ki atah gohi mibaten mavtihi al-šedei imi.
10. Aleiha hašelahti merahem mibeten imi eli atah.
11. Al-tirhak mimeni ki-sarah kerovah ki-ein ovzer.
12 Sevavuni parim rabim abirei vašan kiteruni.
13. Pasu alai pihem arjeh toref vešoeg.
14. Kamajim nišpahti vehitparedu kol-asmovtai hajah libi kadovnag names
betovh meai.
15 Javeš kaheres kohi ulešovni mudbak malkovhai velafar mavet tišpeteni.
16 Ki sevavuni kelavim adat mereim hikifuni kari jadai veraglai.
17. Asaper kol-asmovtai hemah jabitu jiru-vi
18. Jehaleku vegadai lahem veal-levuši japilu govral.
19. Veatah Jehovah al tirhak ejaluti le ezrati hušah.
20. Hasilah meherev nafši mijad kelev jehidati.
21. Hovšieni mipi arjeh umikarnei remim anitani.
22. Asaperah šimha lehai betovh kahal ahaleka
23. Jirei Jehovah haluhu kol-zera jakov kabeduhu veguru mimenu kol-zera
jizrael.
24. Ki lo-vazah velo šikas enut ani velo histir panav mimenu uvešaveov elav
šamea.
25. Meiteha tehilati bekahal rav nedarai ašalem neged jereav.
26. Johelu anavim vejisbau jehalu Jehovah dorešav jehi levavhem lad.
27. Jizkeru vejašuvu el-Jehovah kol afsei arec vejištahavu lefaneiha kol
mišpehovt govjim. 28. Ki laJehovah hameluhah umošel bagovjim.
29. Ahelu vaijištahavu kol dišnei erec lefanav jihreu kol jovrdei afar venafšov lo
hijah.30. Zera javdenu jesupar ladonai ladovr
31. Javou vejagidu sidkatov leam novlad ki asah.
תהילים כב
1 לַמְנַצֵּחַ עַל־אַיֶּלֶת הַשַּׁחַר
מִזְמוֹר לְדָוִֽד׃
2 אֵלִי אֵלִי לָמָה עֲזַבְתָּנִי
רָחוֹק מִֽישׁוּעָתִי דִּבְרֵי שַׁאֲגָתִֽי׃
3 אֱֽלֹהַי אֶקְרָא יוֹמָם וְלֹא תַעֲנֶה
וְלַיְלָה וְֽלֹא־דֻֽמִיָּה לִֽי׃
4 וְאַתָּה קָדוֹשׁ
יוֹשֵׁב תְּהִלּוֹת יִשְׂרָאֵֽל׃
5 בְּךָ בָּטְחוּ אֲבֹתֵינוּ
בָּטְחוּ וַֽתְּפַלְּטֵֽמוֹ׃
6 אֵלֶיךָ זָעֲקוּ וְנִמְלָטוּ
בְּךָ בָטְחוּ וְלֹא־בֽוֹשׁוּ׃
7 וְאָנֹכִי תוֹלַעַת וְלֹא־אִישׁ
חֶרְפַּת אָדָם וּבְזוּי עָֽם׃
8 כׇּל־רֹאַי יַלְעִגוּ לִי
יַפְטִירוּ בְשָׂפָה יָנִיעוּ רֹֽאשׁ׃
9 גֹּל אֶל־יְהֹוָה יְפַלְּטֵהוּ
יַצִּילֵהוּ כִּי חָפֵֽץ בּֽוֹ׃
10 כִּֽי־אַתָּה גֹחִי מִבָּטֶן
מַבְטִיחִי עַל־שְׁדֵי אִמִּֽי׃
11 עָלֶיךָ הׇשְׁלַכְתִּי מֵרָחֶם
מִבֶּטֶן אִמִּי אֵלִי אָֽתָּה׃
12 אַל־תִּרְחַק מִמֶּנִּי כִּי־צָרָה קְרוֹבָה
כִּי־אֵין עוֹזֵֽר׃
13 סְבָבוּנִי פָּרִים רַבִּים
אַבִּירֵי בָשָׁן כִּתְּרֽוּנִי׃
14 פָּצוּ עָלַי פִּיהֶם
אַרְיֵה טֹרֵף וְשֹׁאֵֽג׃
15 כַּמַּיִם נִשְׁפַּכְתִּי
וְהִתְפָּֽרְדוּ כׇּֽל־עַצְמוֹתָי
הָיָה לִבִּי כַּדּוֹנָג
נָמֵס בְּתוֹךְ מֵעָֽי׃
16 יָבֵשׁ כַּחֶרֶשׂ ׀ כֹּחִי
וּלְשׁוֹנִי מֻדְבָּק מַלְקוֹחָי
וְֽלַעֲפַר־מָוֶת תִּשְׁפְּתֵֽנִי׃
17 כִּי סְבָבוּנִי כְּלָבִים
עֲדַת מְרֵעִים הִקִּיפוּנִי
כָּאֲרִי יָדַי וְרַגְלָֽי׃
18 אֲסַפֵּר כׇּל־עַצְמוֹתָי
הֵמָּה יַבִּיטוּ יִרְאוּ־בִֽי׃
19 יְחַלְּקוּ בְגָדַי לָהֶם
וְעַל־לְבוּשִׁי יַפִּילוּ גוֹרָֽל׃
20 וְאַתָּה יְהֹוָה אַל־תִּרְחָק
אֱיָלוּתִי לְעֶזְרָתִי חֽוּשָׁה׃
21 הַצִּילָה מֵחֶרֶב נַפְשִׁי
מִיַּד־כֶּלֶב יְחִידָתִֽי׃
22 הוֹשִׁיעֵנִי מִפִּי אַרְיֵה
וּמִקַּרְנֵי רֵמִים עֲנִיתָֽנִי׃
23 אֲסַפְּרָה שִׁמְךָ לְאֶחָי
בְּתוֹךְ קָהָל אֲהַלְלֶֽךָּ׃
24 יִרְאֵי יְהֹוָה ׀ הַֽלְלוּהוּ
כׇּל־זֶרַע יַעֲקֹב כַּבְּדוּהוּ
וְגוּרוּ מִמֶּנּוּ כׇּל־זֶרַע יִשְׂרָאֵֽל׃
25 כִּי לֹֽא־בָזָה וְלֹא שִׁקַּץ
עֱנוּת עָנִי
וְלֹא־הִסְתִּיר פָּנָיו מִמֶּנּוּ
וּֽבְשַׁוְּעוֹ אֵלָיו שָׁמֵֽעַ׃
26 מֵאִתְּךָ תְּֽהִלָּתִי
בְּקָהָל רָב
נְדָרַי אֲשַׁלֵּם נֶגֶד יְרֵאָֽיו׃
27 יֹאכְלוּ עֲנָוִים ׀ וְיִשְׂבָּעוּ
יְהַֽלְלוּ יְהֹוָה דֹּרְשָׁיו
יְחִי לְבַבְכֶם לָעַֽד׃
28 יִזְכְּרוּ ׀ וְיָשֻׁבוּ אֶל־יְהֹוָה
כׇּל־אַפְסֵי־אָרֶץ
וְיִֽשְׁתַּחֲווּ לְפָנֶיךָ
כׇּֽל־מִשְׁפְּחוֹת גּוֹיִֽם׃
29 כִּי לַיהֹוָה הַמְּלוּכָה
וּמֹשֵׁל בַּגּוֹיִֽם׃
30 אָכְלוּ וַיִּֽשְׁתַּחֲווּ ׀ כׇּֽל־דִּשְׁנֵי־אֶרֶץ
לְפָנָיו יִכְרְעוּ כׇּל־יוֹרְדֵי עָפָר
וְנַפְשׁוֹ לֹא חִיָּֽה׃
31 זֶרַע יַֽעַבְדֶנּוּ
יְסֻפַּר לַֽאדֹנָי לַדּֽוֹר׃
32 יָבֹאוּ וְיַגִּידוּ צִדְקָתוֹ
לְעַם נוֹלָד כִּי עָשָֽׂה׃