Psalam 17
1. Tefilah leDavid šimah Jehovah sedek hakšivah rinati ha-azinah tefilati belo siftei mirmah.
2. Milefaneiha mišpati jese eineiha tehezeinah meišarim.
3. Bahanta libi pakadta lajlah seraftani val timsa zamoti bal javar-pi.
4. Lifulot adam bidvar sefateiha ani marti arehot paris.
5. Tamoh ašurai bemagelovteiha bal-namovtu feamai.
6 .Ani keratiha hi-taneni el hat azeneha li šema imrati.
7. Hafleh hasadeiha movšia hovsim mimitkomim bimineha.
8. Mereni keišon bat ajin besel kenafeiha tastireni.
9. Mipenei rešaim zu šaduni ojevai benefeš jakifu alai.
10. Helbamov sageru pimov diberu vegeut.
11. Ašureinu atah sevavunih sevavunu keineihem jašitu lintot ba-arec.
12. Dimjonov kearjeh jihsof litrovf vehihfir jošev bemistarim.
13. Kumah Jehovah kademah fanav hahriehu paletah nafši meraša harbeha.
14. Mimtim jadeha Jehovah mimtim meheled helkam bahaijim usefinehah usefunehak temale
vitnam jisbeu vanim vehinihu jitram leovleihem.
15. Ani besedek ehezeh faneiha esbeah vehakis temunateha.
תהילים יז
1 תְּפִלָּה לְדָוִד
שִׁמְעָה יְהֹוָה ׀ צֶדֶק
הַקְשִׁיבָה רִנָּתִי
הַאֲזִינָה תְפִלָּתִי
בְּלֹא שִׂפְתֵי מִרְמָֽה׃
2 מִלְּפָנֶיךָ מִשְׁפָּטִי יֵצֵא
עֵינֶיךָ תֶּחֱזֶינָה מֵישָׁרִֽים׃
3 בָּחַנְתָּ לִבִּי ׀ פָּקַדְתָּ לַּיְלָה
צְרַפְתַּנִי בַל־תִּמְצָא
זַמֹּתִי בַּל־יַעֲבׇר־פִּֽי׃
4 לִפְעֻלּוֹת אָדָם בִּדְבַר שְׂפָתֶיךָ
אֲנִי שָׁמַרְתִּי אׇרְחוֹת פָּרִֽיץ׃
5 תָּמֹךְ אֲשֻׁרַי בְּמַעְגְּלוֹתֶיךָ
בַּל־נָמוֹטּוּ פְעָמָֽי׃
6 אֲנִֽי־קְרָאתִיךָ כִֽי־תַעֲנֵנִי אֵל
הַֽט־אׇזְנְךָ לִי שְׁמַע אִמְרָתִֽי׃
7 הַפְלֵה חֲסָדֶיךָ מוֹשִׁיעַ חוֹסִים
מִמִּתְקוֹמְמִים בִּֽימִינֶֽךָ׃
8 שׇׁמְרֵנִי כְּאִישׁוֹן בַּת־עָיִן
בְּצֵל כְּנָפֶיךָ תַּסְתִּירֵֽנִי׃
9 מִפְּנֵי רְשָׁעִים זוּ שַׁדּוּנִי
אֹיְבַי בְּנֶפֶשׁ יַקִּיפוּ עָלָֽי׃
10 חֶלְבָּמוֹ סָּגְרוּ
פִּימוֹ דִּבְּרוּ בְגֵאֽוּת׃
11 אַשֻּׁרֵינוּ עַתָּה סבבוני סְבָבוּנוּ
עֵינֵיהֶם יָשִׁיתוּ לִנְטוֹת בָּאָֽרֶץ׃
12 דִּמְיֹנוֹ כְּאַרְיֵה יִכְסוֹף לִטְרֹף
וְכִכְפִיר יֹשֵׁב בְּמִסְתָּרִֽים׃
13 קוּמָה יְהֹוָה
קַדְּמָה פָנָיו הַכְרִיעֵהוּ
פַּלְּטָה נַפְשִׁי מֵרָשָׁע חַרְבֶּֽךָ׃
14 מִמְתִֽים יָדְךָ ׀ יְהֹוָה
מִֽמְתִים מֵחֶלֶד
חֶלְקָם בַּֽחַיִּים
וצפינך וּֽצְפוּנְךָ תְּמַלֵּא בִטְנָם
יִשְׂבְּעוּ בָנִים
וְהִנִּיחוּ יִתְרָם לְעוֹלְלֵיהֶֽם׃
15 אֲנִי בְּצֶדֶק אֶחֱזֶה פָנֶיךָ
אֶשְׂבְּעָה בְהָקִיץ תְּמוּנָתֶֽךָ׃