Psalam 147
1. Halelu-Jah ki tov zamerah eloheinu ki-naim navah tehilah.
2. Bovneh Jerušalim Jehovah nidhei Jizrael jehanes.
3. Harofe lišvurei lev umehabeš leasevotam.
4. Movneh mispar lakovhavim lehulam šemot jikra.
5. Gadol adovneinu verav-koah litvunatov ein mispar.
6. Meovded anavim Jehovah mašpil rešaim adei-arec.
7 .Enu laJehovah betovdah zameru leloheinu vehinor.
8. Hamhaseh šamajim beavim hamehin la-arec matar hamasmiah harim hasir.
9. Novten livhemah lahmah livnei orev ašer jikrau.
10. Lo vigvurat hasus jehpas lo-vešovkei haiš jirseh.
11. Rovseh Jehovah et-jereav et-hamjahalim lehasdov.
12. Šabehi Jerušalim et-Jehovah hali elohajih sijon.
13. Ki-hizak berihei šearajih berah banajih bekirbeh.
14. Hasam gevuleh šalom helev hitim jasbieh.
15. Hašoleah imratov arec ad-meherah jarus devarov.
16. Hanoten šeleg kasamer kefor kaefer jefazer.
17. Mašlih karhov hefitim lifnei karatov mi jamod.
18. Jišlah devarov vejamsem jašev ruhov jizelu majim.
19. Magid devaroh devaravk leJakov hukav umišpatav leJizrael.
20. Lo asah hen lehol-govj umišpatim bal jedaum Halelu-Jah
תהילים קמז
1 הַלְלוּ יָהּ ׀
כִּי־טוֹב זַמְּרָה אֱלֹהֵינוּ
כִּי־נָעִים נָאוָה תְהִלָּֽה׃
2 בּוֹנֵה יְרֽוּשָׁלִַם יְהֹוָה
נִדְחֵי יִשְׂרָאֵל יְכַנֵּֽס׃
3 הָרֹפֵא לִשְׁבוּרֵי לֵב
וּמְחַבֵּשׁ לְעַצְּבוֹתָֽם׃
4 מוֹנֶה מִסְפָּר לַכּוֹכָבִים
לְכֻלָּם שֵׁמוֹת יִקְרָֽא׃
5 גָּדוֹל אֲדוֹנֵינוּ וְרַב־כֹּחַ
לִתְבוּנָתוֹ אֵין מִסְפָּֽר׃
6 מְעוֹדֵד עֲנָוִים יְהֹוָה
מַשְׁפִּיל רְשָׁעִים עֲדֵי־אָֽרֶץ׃
7 עֱנוּ לַֽיהֹוָה בְּתוֹדָה
זַמְּרוּ לֵאלֹהֵינוּ בְכִנּֽוֹר׃
8 הַֽמְכַסֶּה שָׁמַיִם ׀ בְּעָבִים
הַמֵּכִין לָאָרֶץ מָטָר
הַמַּצְמִיחַ הָרִים חָצִֽיר׃
9 נוֹתֵן לִבְהֵמָה לַחְמָהּ
לִבְנֵי עֹרֵב אֲשֶׁר יִקְרָֽאוּ׃
10 לֹא בִגְבוּרַת הַסּוּס יֶחְפָּץ
לֹא־בְשׁוֹקֵי הָאִישׁ יִרְצֶֽה׃
11 רוֹצֶה יְהֹוָה אֶת־יְרֵאָיו
אֶת־הַֽמְיַחֲלִים לְחַסְדּֽוֹ׃
12 שַׁבְּחִי יְרוּשָׁלִַם אֶת־יְהֹוָה
הַֽלְלִי אֱלֹהַיִךְ צִיּֽוֹן׃
13 כִּֽי־חִזַּק בְּרִיחֵי שְׁעָרָיִךְ
בֵּרַךְ בָּנַיִךְ בְּקִרְבֵּֽךְ׃
14 הַשָּׂם־גְּבוּלֵךְ שָׁלוֹם
חֵלֶב חִטִּים יַשְׂבִּיעֵֽךְ׃
15 הַשֹּׁלֵחַ אִמְרָתוֹ אָרֶץ
עַד־מְהֵרָה יָרוּץ דְּבָרֽוֹ׃
16 הַנֹּתֵן שֶׁלֶג כַּצָּמֶר
כְּפוֹר כָּאֵפֶר יְפַזֵּֽר׃
17 מַשְׁלִיךְ קַֽרְחוֹ כְפִתִּים
לִפְנֵי קָרָתוֹ מִי יַעֲמֹֽד׃
18 יִשְׁלַח דְּבָרוֹ וְיַמְסֵם
יַשֵּׁב רוּחוֹ יִזְּלוּ־מָֽיִם׃
19 מַגִּיד דְּבָרָו לְיַעֲקֹב
חֻקָּיו וּמִשְׁפָּטָיו לְיִשְׂרָאֵֽל׃
20 לֹא עָשָׂה כֵן ׀ לְכׇל־גּוֹי
וּמִשְׁפָּטִים בַּל־יְדָעוּם
הַֽלְלוּ־יָֽהּ׃
.