Psalam 145
1. Tehilah ledavid arovmimha elovhai hameleh va avarahah meha leolam vaed.
2. Behol-jom avaraheka va ahalah meha leolam vaed.
3 Gadol Jehovah umehulal meod veligdulatov ein heker.
4. Dor ledor ješabah maseiha ugevuroteiha jagidu.
5. Hadar kevovd hovdeha vedivrei nifleovteiha asihah.
6. Ve ezuz novroteiha jomeru ugeduloteihah ugedulatehak asaperenah.
7. Zeher rav-tuveha jabiu vesidkateha jeranenu.
8. Hanun verahum Jehovah ereh apajim ugedal hased.
9 Tov-Jehovah lakol verahamav al-kol masav.
10. Jovduha Jehovah kol-maseiha vahasideiha jevarahuhah.
11. Kevovd malhuteha jomeru ugevurateha jedaberu.
12. Lehovdia livnei ha adam gevurotav uhevovd hadar malhutov.
13. Malhuteha malhut kol-olamim umemšelteha behol-dovr vadovr.
14. Sovmeh Jehovah lehol hanofelim vezovkef lehol hakefufim.
15. Einei-hol eleiha jesaberu veatah novten lahem et-ahelam beitov.
16. Povteah et-jadeha umasbia lehol-hai rasovn.
17. Sadik Jehovah behol derahav vehasid behol-masav.
18. Karov Jehovah lehol koreav lehol ašer jikrauhu ve emet.
19. Reson jereav jaseh ve et-šavatam jišma vejovšiem.
20. Šovmer Jehovah et-kol-ohavav ve et kol-harešaim jašmid.
21. Tehilat Jehovah jedaber-pi vivareh kol-basar šem kadešov leolam vaed.
תהילים קמה
1 תְּהִלָּה לְדָוִד
אֲרוֹמִמְךָ אֱלוֹהַי הַמֶּלֶךְ
וַאֲבָרְכָה שִׁמְךָ לְעוֹלָם וָעֶֽד׃
2 בְּכָל־יוֹם אֲבָֽרְכֶךָּ
וַאֲהַֽלְלָה שִׁמְךָ לְעוֹלָם וָעֶֽד׃
3 גָּדוֹל יְהֹוָה וּמְהֻלָּל מְאֹד
וְלִגְדֻלָּתוֹ אֵין חֵֽקֶר׃
4 דּוֹר לְדוֹר יְשַׁבַּח מַעֲשֶׂיךָ
וּגְבוּרֹתֶיךָ יַגִּֽידוּ׃
5 הֲדַר כְּבוֹד הוֹדֶךָ
וְדִבְרֵי נִפְלְאֹתֶיךָ אָשִֽׂיחָה׃
6 וֶעֱזוּז נֽוֹרְאֹתֶיךָ יֹאמֵרוּ
וגדלותיך וּגְדֻלָּתְךָ אֲסַפְּרֶֽנָּה׃
7 זֵכֶר רַב־טוּבְךָ יַבִּיעוּ
וְצִדְקָתְךָ יְרַנֵּֽנוּ׃
8 חַנּוּן וְרַחוּם יְהֹוָה
אֶרֶךְ אַפַּיִם וּגְדׇל־חָֽסֶד׃
9 טוֹב־יְהֹוָה לַכֹּל
וְרַחֲמָיו עַל־כׇּל־מַעֲשָֽׂיו׃
10 יוֹדוּךָ יְהֹוָה כׇּל־מַעֲשֶׂיךָ
וַחֲסִידֶיךָ יְבָרְכֽוּכָה׃
11 כְּבוֹד מַלְכוּתְךָ יֹאמֵרוּ
וּגְבוּרָתְךָ יְדַבֵּֽרוּ׃
12 לְהוֹדִיעַ ׀ לִבְנֵי הָאָדָם גְּבוּרֹתָיו
וּכְבוֹד הֲדַר מַלְכוּתֽוֹ׃
13 מַֽלְכוּתְךָ מַלְכוּת כׇּל־עֹלָמִים
וּמֶֽמְשַׁלְתְּךָ בְּכׇל־דּוֹר וָדֹֽר׃
14 סוֹמֵךְ יְהֹוָה לְכׇל־הַנֹּפְלִים
וְזוֹקֵף לְכׇל־הַכְּפוּפִֽים׃
15 עֵֽינֵי־כֹל אֵלֶיךָ יְשַׂבֵּרוּ
וְאַתָּה נֽוֹתֵן־לָהֶם אֶת־אׇכְלָם בְּעִתּֽוֹ׃
16 פּוֹתֵחַ אֶת־יָדֶךָ
וּמַשְׂבִּיעַ לְכׇל־חַי רָצֽוֹן׃
17 צַדִּיק יְהֹוָה בְּכׇל־דְּרָכָיו
וְחָסִיד בְּכׇל־מַעֲשָֽׂיו׃
18 קָרוֹב יְהֹוָה לְכׇל־קֹרְאָיו
לְכֹל אֲשֶׁר יִקְרָאֻהוּ בֶֽאֱמֶֽת׃
19 רְצוֹן־יְרֵאָיו יַעֲשֶׂה
וְֽאֶת־שַׁוְעָתָם יִשְׁמַע וְיוֹשִׁיעֵֽם׃
20 שׁוֹמֵר יְהֹוָה אֶת־כׇּל־אֹהֲבָיו
וְאֵת כׇּל־הָרְשָׁעִים יַשְׁמִֽיד׃
21 תְּהִלַּת יְהֹוָה יְֽדַבֶּר פִּי
וִיבָרֵךְ כׇּל־בָּשָׂר שֵׁם קׇדְשׁוֹ לְעוֹלָם וָעֶֽד׃
.