Psalam 135
1. Halelu-Jah halelu et-šem Jehovah halu avdei Jehovah.
2. Omedim beveit Jehovah behasrot beit eloheinu.
3. Halelu-Jah ki tov Jehovah zameru lišmov ki naim.
4. Ki-jakov bahar lov jah jizrael lisgulatov.
5. Ki ani jadati ki-gadol Jehovah va adoneinu mikol elohim.
6. Kol ašer-hafes Jehovah asah bašamajim uva arec baijamim vehol tehomot.
7. Maleh nesiim mikseh ha-arec berakim lamatar asah movse-Ruah meovsrotav.
8. Hikah behovrei misrajim meadam ad-behemah.
9. Šalah otovt umofetim betovhehi misrajim befaroh uvehol-avadav.
10. Hikah govjim rabim veharag melahim asumim.
11. Lesihovn meleh haemori uleovg meleh habašan ulehol mamlehot kenan.
12. Venatan arsam nahalah nahalah lejizrael amov.
13. Jehovah šimha leolam Jehovah zihreha ledor-vador.
14. Ki-jadin Jehovah amov veal-avadav jitneham.
15. Asabei hagovjim kesef vezahav maseh jedei adam.
16. Peh-lahem velo jedaberu einajim lahem velo jiru.
17. Azenajim lahem velo jazinu af ein-ješ ruah befihem.
18. Kemovhem jihju oseihem kol ašer boteah bahem.
19. Beit jizrael barahu et-Jehovah beit aharon barahu et-Jehovah.
20. Beit halevi barahu et-Jehovah jirei Jehovah barahu et-Jehovah.
21. Baruh Jehovah miSijon šohen Jerušalim Halelu-Jah.
תהילים קלה
1 הַלְלוּ יָהּ ׀
הַֽלְלוּ אֶת־שֵׁם יְהֹוָה
הַֽלְלוּ עַבְדֵי יְהֹוָֽה׃
2 שֶׁעֹמְדִים בְּבֵית יְהֹוָה
בְּחַצְרוֹת בֵּית אֱלֹהֵֽינוּ׃
3 הַֽלְלוּ־יָהּ כִּֽי־טוֹב יְהֹוָה
זַמְּרוּ לִשְׁמוֹ כִּי נָעִֽים׃
4 כִּֽי־יַעֲקֹב בָּחַר לוֹ יָהּ
יִשְׂרָאֵל לִסְגֻלָּתֽוֹ׃
5 כִּי אֲנִי יָדַעְתִּי כִּֽי־גָדוֹל יְהֹוָה
וַאֲדֹנֵינוּ מִכׇּל־אֱלֹהִֽים׃
6 כֹּל אֲשֶׁר־חָפֵץ יְהֹוָה עָשָׂה
בַּשָּׁמַיִם וּבָאָרֶץ
בַּיַּמִּים וְכׇל־תְּהֹמֽוֹת׃
7 מַעֲלֶה נְשִׂאִים מִקְצֵה הָאָרֶץ
בְּרָקִים לַמָּטָר עָשָׂה
מֽוֹצֵא־רוּחַ מֵאֽוֹצְרוֹתָֽיו׃
8 שֶׁהִכָּה בְּכוֹרֵי מִצְרָיִם
מֵאָדָם עַד־בְּהֵמָֽה׃
9 שָׁלַח ׀ אוֹתֹת וּמֹפְתִים בְּתוֹכֵכִי מִצְרָיִם
בְּפַרְעֹה וּבְכׇל־עֲבָדָֽיו׃
10 שֶׁהִכָּה גּוֹיִם רַבִּים
וְהָרַג מְלָכִים עֲצוּמִֽים׃
11 לְסִיחוֹן ׀ מֶלֶךְ הָאֱמֹרִי
וּלְעוֹג מֶלֶךְ הַבָּשָׁן
וּלְכֹל מַמְלְכוֹת כְּנָֽעַן׃
12 וְנָתַן אַרְצָם נַחֲלָה
נַחֲלָה לְיִשְׂרָאֵל עַמּֽוֹ׃
13 יְהֹוָה שִׁמְךָ לְעוֹלָם
יְהֹוָה זִכְרְךָ לְדֹר־וָדֹֽר׃
14 כִּֽי־יָדִין יְהֹוָה עַמּוֹ
וְעַל־עֲבָדָיו יִתְנֶחָֽם׃
15 עֲצַבֵּי הַגּוֹיִם כֶּסֶף וְזָהָב
מַעֲשֵׂה יְדֵי אָדָֽם׃
16 פֶּֽה־לָהֶם וְלֹא יְדַבֵּרוּ
עֵינַיִם לָהֶם וְלֹא יִרְאֽוּ׃
17 אׇזְנַיִם לָהֶם וְלֹא יַאֲזִינוּ
אַף אֵין־יֶשׁ־רוּחַ בְּפִיהֶֽם׃
18 כְּמוֹהֶם יִהְיוּ עֹשֵׂיהֶם
כֹּל אֲשֶׁר־בֹּטֵחַ בָּהֶֽם׃
19 בֵּית יִשְׂרָאֵל בָּרְכוּ אֶת־יְהֹוָה
בֵּית אַהֲרֹן בָּרְכוּ אֶת־יְהֹוָֽה׃
20 בֵּית הַלֵּוִי בָּרְכוּ אֶת־יְהֹוָה
יִֽרְאֵי יְהֹוָה בָּרְכוּ אֶת־יְהֹוָֽה׃
21 בָּרוּךְ יְהֹוָה ׀ מִצִּיּוֹן
שֹׁכֵן יְֽרוּשָׁלִָם
הַֽלְלוּ־יָֽהּ׃
.