Psalam 113 pogl.

 

 

Halelu Jah halelu avdei Jehovah halelu et-šem Jehovah.
Jehi šem Jehovah mevorah meatah vead-ovlam.
Mimizrah-šemeš ad-mevovov mehulal šem Jehovah
Ram al-kol-govjim Jehovah al hašamajim kevovdov.
Mi ka Jehovah eloheinu hamagbihi lašavet.
Hamašpili lirovt bašamajim uvaArec.
Mekimi meafar dal meašpot jarim evjovn.
Lehovšivi im-nedivim im nedivei amov.
Movšivi akeret habajit em-habanim semehah Halelu-Jah.

 

 

 

1 הַלְלוּ יָהּ ׀
הַלְלוּ עַבְדֵי יְהֹוָה
הַֽלְלוּ אֶת־שֵׁם יְהֹוָֽה׃

2 יְהִי שֵׁם יְהֹוָה מְבֹרָךְ
מֵעַתָּה וְעַד־עוֹלָֽם׃

3 מִמִּזְרַח־שֶׁמֶשׁ עַד־מְבוֹאוֹ
מְהֻלָּל שֵׁם יְהֹוָֽה׃

4 רָם עַל־כׇּל־גּוֹיִם ׀ יְהֹוָה
עַל הַשָּׁמַיִם כְּבוֹדֽוֹ׃

5 מִי כַּיהֹוָה אֱלֹהֵינוּ
הַֽמַּגְבִּיהִי לָשָֽׁבֶת׃

6 הַֽמַּשְׁפִּילִי לִרְאוֹת
בַּשָּׁמַיִם וּבָאָֽרֶץ׃

7 מְקִימִי מֵעָפָר דָּל
מֵאַשְׁפֹּת יָרִים אֶבְיֽוֹן׃

8 לְהוֹשִׁיבִי עִם־נְדִיבִים
עִם נְדִיבֵי עַמּֽוֹ׃

9 מֽוֹשִׁיבִי ׀ עֲקֶרֶת הַבַּיִת
אֵֽם־הַבָּנִים שְׂמֵחָה
הַֽלְלוּ־יָֽהּ׃