Psalam 109
1. Lamnaseah ledavid mizmor elohei tehilati al-teheraš.
2. Ki fi raša ufi-mirmah alai patahu diberu itti lešon šaker.
3. Vedivrei sinah sevavuni vaijilahamuni hinam.
4. Tahat ahavati jistenuni va ani tefilah.
5. Vaijasimu alai rah tahat tovah vesinah tahat ahavati.
6. Hafked alav raša vesatan jamod al-jeminov.
7. Behišafetov jeseraša utefilatov tihjeh lahatah.
8. Jihju-jamav meatim pekudatov jikah aher.
9. Jihju-vanav jetovmim veištov almanah.
10. Venova januu vanav vešielu vedarešu meharevovteihem.
11. Jenakeš novšeh lehol ašer-lov vejavozu zarim jegiov.
12 Al-jehi lov Mošeh hased veal jehi hovnen litovmav.
13 Jehi-aharitov lehahrit bedovr aher jimah šemam.
14. Jizaher avon avotav el-Jehovah vehatat imov al-timah.
15. Jihju neged-Jehovah tamid vejahret meres zihram.
16. Jan ašer lo zahar asot hased vaijirdof iš-ani ve evjovn veniheh levav lemovtet.
17. Vaijehav kelalah vatevovehu velo-hafes bivrahah vatirhak mimenu.
18. Vaijilbaš kelalah kemadov vatavo hamajim bekirbov vehašemen beasmovtav.
19. Tehi-lov keveged jateh ulemezah tamid jahgereha.
20. Zot peulat tenai met Jehovah vehadoverim ra al-nafši.
21. Veatah Jehovah adonai aseh-iti leman šemeha ki-tov hasdeha hasileni.
22. Ki-ani veevjon anohi velibi halal bekirbi.
23. Kesel-kintovtov nehelaheti ninarti karbeh.
24. Birkai kašelu misom uvesari kahaš mišamen.
25. Vaani hajiti herpah lahem jiruni jeniun rošam.
26. Azereni Jehovah elohai hovšieni hehasdeha.
27. Vejedeu ki-jadeha zot atah Jehovah asitah.
28. Jekalu-hemah veatah tevareh kamu vaijevošu veavdeha jismah.
29. Jilbešu sovtnai kelimah vejaatu hamil bašetam.
30. Ovdeh Jehovah meod befi uvetovh rabim ahalenu.
31. Ki-jamod limin evjovn lehovšia mišofetei nafšov.
תהילים קט
1 לַמְנַצֵּחַ לְדָוִד מִזְמוֹר
אֱלֹהֵי תְהִלָּתִי
אַֽל־תֶּחֱרַֽשׁ׃
2 כִּי פִי רָשָׁע
וּֽפִי־מִרְמָה עָלַי פָּתָחוּ
דִּבְּרוּ אִתִּי לְשׁוֹן שָֽׁקֶר׃
3 וְדִבְרֵי שִׂנְאָה סְבָבוּנִי
וַיִּֽלָּחֲמוּנִי חִנָּֽם׃
4 תַּֽחַת־אַהֲבָתִי יִשְׂטְנוּנִי
וַאֲנִי תְפִלָּֽה׃
5 וַיָּשִׂימוּ עָלַי רָעָה תַּחַת טוֹבָה
וְשִׂנְאָה תַּחַת אַהֲבָתִֽי׃
6 הַפְקֵד עָלָיו רָשָׁע
וְשָׂטָן יַעֲמֹד עַל־יְמִינֽוֹ׃
7 בְּהִשָּׁפְטוֹ יֵצֵא רָשָׁע
וּתְפִלָּתוֹ תִּֽהְיֶה לַחֲטָאָֽה׃
8 יִֽהְיוּ־יָמָיו מְעַטִּים
פְּקֻדָּתוֹ יִקַּח אַחֵֽר׃
9 יִֽהְיוּ־בָנָיו יְתוֹמִים
וְאִשְׁתּוֹ אַלְמָנָֽה׃
10 וְנוֹעַ יָנוּעוּ בָנָיו וְשִׁאֵלוּ
וְדָרְשׁוּ מֵחׇרְבֽוֹתֵיהֶֽם׃
11 יְנַקֵּשׁ נוֹשֶׁה לְכׇל־אֲשֶׁר־לוֹ
וְיָבֹזּוּ זָרִים יְגִיעֽוֹ׃
12 אַל־יְהִי־לוֹ מֹשֵׁךְ חָסֶד
וְֽאַל־יְהִי חוֹנֵן לִֽיתוֹמָֽיו׃
13 יְהִֽי־אַחֲרִיתוֹ לְהַכְרִית
בְּדוֹר אַחֵר יִמַּח שְׁמָֽם׃
14 יִזָּכֵר ׀ עֲוֺן אֲבֹתָיו אֶל־יְהֹוָה
וְחַטַּאת אִמּוֹ אַל־תִּמָּֽח׃
15 יִהְיוּ נֶגֶד־יְהֹוָה תָּמִיד
וְיַכְרֵת מֵאֶרֶץ זִכְרָֽם׃
16 יַעַן אֲשֶׁר ׀ לֹא זָכַר עֲשׂוֹת חָסֶד
וַיִּרְדֹּף אִישׁ־עָנִי וְאֶבְיוֹן
וְנִכְאֵה לֵבָב לְמוֹתֵֽת׃
17 וַיֶּאֱהַב קְלָלָה וַתְּבוֹאֵהוּ
וְֽלֹא־חָפֵץ בִּבְרָכָה וַתִּרְחַק מִמֶּֽנּוּ׃
18 וַיִּלְבַּשׁ קְלָלָה כְּמַדּוֹ
וַתָּבֹא כַמַּיִם בְּקִרְבּוֹ
וְכַשֶּׁמֶן בְּעַצְמוֹתָֽיו׃
19 תְּהִי־לוֹ כְּבֶגֶד יַעְטֶה
וּלְמֵזַח תָּמִיד יַחְגְּרֶֽהָ׃
20 זֹאת פְּעֻלַּת שֹׂטְנַי מֵאֵת יְהֹוָה
וְהַדֹּבְרִים רָע עַל־נַפְשִֽׁי׃
21 וְאַתָּה ׀ יֱהֹוִה אֲדֹנָי
עֲֽשֵׂה־אִתִּי לְמַעַן שְׁמֶךָ
כִּי־טוֹב חַסְדְּךָ הַצִּילֵֽנִי׃
22 כִּי־עָנִי וְאֶבְיוֹן אָנֹכִי
וְלִבִּי חָלַל בְּקִרְבִּֽי׃
23 כְּצֵל־כִּנְטוֹתוֹ נֶהֱלָכְתִּי
נִנְעַרְתִּי כָּאַרְבֶּֽה׃
24 בִּרְכַּי כָּשְׁלוּ מִצּוֹם
וּבְשָׂרִי כָּחַשׁ מִשָּֽׁמֶן׃
25 וַאֲנִי ׀ הָיִיתִי חֶרְפָּה לָהֶם
יִרְאוּנִי יְנִיעוּן רֹאשָֽׁם׃
26 עׇזְרֵנִי יְהֹוָה אֱלֹהָי
הוֹשִׁיעֵנִי כְחַסְדֶּֽךָ׃
27 וְֽיֵדְעוּ כִּי־יָדְךָ זֹּאת
אַתָּה יְהֹוָה עֲשִׂיתָֽהּ׃
28 יְקַֽלְלוּ־הֵמָּה וְאַתָּה תְבָרֵךְ
קָמוּ ׀ וַיֵּבֹשׁוּ וְֽעַבְדְּךָ יִשְׂמָֽח׃
29 יִלְבְּשׁוּ שׂוֹטְנַי כְּלִמָּה
וְיַעֲטוּ כַמְעִיל בׇּשְׁתָּֽם׃
30 אוֹדֶה יְהֹוָה מְאֹד בְּפִי
וּבְתוֹךְ רַבִּים אֲהַלְלֶֽנּוּ׃
31 כִּֽי־יַעֲמֹד לִימִין אֶבְיוֹן
לְהוֹשִׁיעַ מִשֹּׁפְטֵי נַפְשֽׁוֹ׃