Psalam 105
1. Hovdu lašem kiru bišmov hovdiu va-amim alilovtav.
2. Širu lov zameru lov jhu behol nifleovtav.
3. Bithalu bešem kadešov jismah lev mevakšei Jehovah.
4. Diršu Jehovah veuzov bakešu fanav tamid.
5 Zihru nifleovtav ašer-asah mofetav umišpetei-fiv.
6. Zera Avraham avdov benei Jakov behirav.
7. Hu Jehovah eloheinu behol ha-arec mišpatav.
8 .Zahar leolam beritov davar sivah le-elef dovr.
9. Ašer karat et-Abraham uševuatov lejišak.
10. Vaijamideha lejakov lehok leJizrael berit olam.
11. Lemor leha eten et-erec kenan hevel nahalathem.
12. Bihjovtam metei mispar kimat vegarim bah.
13. Vaijithalehu migovj el-govj mimamlahah el-am aher.
14 Lo-hiniah adam leašekam vaijovhah aleihem melahim.
15. Al-tigeu vimšihai velinviai al-tareu.
16. Vaijikra rav al ha-arec kol mateh lehem šavar.
17. Šalah lifneihem iš le-eved nimkar josef.
18. Inu vakevel raglavh raglovk basel baah nafšov.
19. Ad-et bo devarov imrat Jehovah serafatehu.
20. Šalah meleh vajatirehu mošel amim vajfatehehu.
21. Samov adon leveitov umošel behol kinjanov.
22. Lesor sarav benafšov uzekenav jehakem.
23. Vaijavo Jizrael misrajim veJakov gar be-erec ham.
24 .Vaijefer et-amov meod vaijasimehu misarav.
25. Hafah libam lisno amov lehitnakel ba-avadav
26. Lah Mošeh avdov Aharon ašer bahar-bov
27. Samu vam divrei otovtav umofetim be-erec ham.
28. Šalah hošeh vaijahših velo maru et-devaravh devarov.
29. Hafah et-meimeihem ledam vaijamet et-degatam.
30. Šaras arsam sefardeim behadrei malheihem.
31. Amar vaijavo arov kinim behol gevulam.
32. Natan gišmeihem barad eš lehavot bearsam.
33 .Vaijah gafnam utenatam vajšaber es gevulam.
34 .Amar vaijavo arbeh vejelek veein mispar.
35. Vaijohal kol-esev bearsam vaijohal peri admatam.
36. Vaijah kol-behor bearsam rešit lehol-ovnam.
37. Vaijovsiem behesef vezahav ve ein bišvatav kovšel.
38. Samah misrajim besetam ki-nafal pahdam aleihem.
39. Paras anan lemasah ve eš lehair lajelah.
40. Ša-al vaijave selav velehem majim jasbiem.
41. Patah sur vaijazuvu majim halehu basijot nahar.
42. Ki zahar et-devar kadešov et-avraham avdov.
43 .Vaijovsi amov vesason berinah et-behirav.
44. Vaijiten lahem arsot govjim va amal leumim jirashu.
45. Bavur jišmeru hukav vetovrotav jinsoru Halelu-Jah.
תהילים קה
1 הוֹדוּ לַיהֹוָה קִרְאוּ בִשְׁמוֹ
הוֹדִיעוּ בָעַמִּים עֲלִילוֹתָֽיו׃
2 שִֽׁירוּ־לוֹ זַמְּרוּ־לוֹ
שִׂיחוּ בְּכׇל־נִפְלְאוֹתָֽיו׃
3 הִֽתְהַלְלוּ בְּשֵׁם קׇדְשׁוֹ
יִשְׂמַח לֵב ׀ מְבַקְשֵׁי יְהֹוָֽה׃
4 דִּרְשׁוּ יְהֹוָה וְעֻזּוֹ
בַּקְּשׁוּ פָנָיו תָּמִֽיד׃
5 זִכְרוּ נִפְלְאוֹתָיו אֲשֶׁר־עָשָׂה
מֹפְתָיו וּמִשְׁפְּטֵי־פִֽיו׃
6 זֶרַע אַבְרָהָם עַבְדּוֹ
בְּנֵי יַעֲקֹב בְּחִירָֽיו׃
7 הוּא יְהֹוָה אֱלֹהֵינוּ
בְּכׇל־הָאָרֶץ מִשְׁפָּטָֽיו׃
8 זָכַר לְעוֹלָם בְּרִיתוֹ
דָּבָר צִוָּה לְאֶלֶף דּֽוֹר׃
9 אֲשֶׁר כָּרַת אֶת־אַבְרָהָם
וּשְׁבוּעָתוֹ לְיִשְׂחָֽק׃
10 וַיַּעֲמִידֶהָ לְיַעֲקֹב לְחֹק
לְיִשְׂרָאֵל בְּרִית עוֹלָֽם׃
11 לֵאמֹר לְךָ אֶתֵּן אֶת־אֶֽרֶץ־כְּנָעַן
חֶבֶל נַחֲלַתְכֶֽם׃
12 בִּֽהְיוֹתָם מְתֵי מִסְפָּר
כִּמְעַט וְגָרִים בָּֽהּ׃
13 וַיִּֽתְהַלְּכוּ מִגּוֹי אֶל־גּוֹי
מִמַּמְלָכָה אֶל־עַם אַחֵֽר׃
14 לֹא־הִנִּיחַ אָדָם לְעׇשְׁקָם
וַיּוֹכַח עֲלֵיהֶם מְלָכִֽים׃
15 אַֽל־תִּגְּעוּ בִמְשִׁיחָי
וְלִנְבִיאַי אַל־תָּרֵֽעוּ׃
16 וַיִּקְרָא רָעָב עַל־הָאָרֶץ
כׇּֽל־מַטֵּה־לֶחֶם שָׁבָֽר׃
17 שָׁלַח לִפְנֵיהֶם אִישׁ
לְעֶבֶד נִמְכַּר יוֹסֵֽף׃
18 עִנּוּ בַכֶּבֶל רגליו רַגְלוֹ
בַּרְזֶל בָּאָה נַפְשֽׁוֹ׃
19 עַד־עֵת בֹּא־דְבָרוֹ
אִמְרַת יְהֹוָה צְרָפָֽתְהוּ׃
20 שָׁלַח מֶלֶךְ וַיַתִּירֵהוּ
מֹשֵׁל עַמִּים וַֽיְפַתְּחֵֽהוּ׃
21 שָׂמוֹ אָדוֹן לְבֵיתוֹ
וּמֹשֵׁל בְּכׇל־קִנְיָנֽוֹ׃
22 לֶאְסֹר שָׂרָיו בְּנַפְשׁוֹ
וּזְקֵנָיו יְחַכֵּֽם׃
23 וַיָּבֹא יִשְׂרָאֵל מִצְרָיִם
וְיַעֲקֹב גָּר בְּאֶֽרֶץ־חָֽם׃
24 וַיֶּפֶר אֶת־עַמּוֹ מְאֹד
וַיַּעֲצִמֵהוּ מִצָּרָֽיו׃
25 הָפַךְ לִבָּם לִשְׂנֹא עַמּוֹ
לְהִתְנַכֵּל בַּעֲבָדָֽיו׃
26 שָׁלַח מֹשֶׁה עַבְדּוֹ
אַהֲרֹן אֲשֶׁר בָּחַר־בּֽוֹ׃
27 שָֽׂמוּ־בָם דִּבְרֵי אֹתוֹתָיו
וּמֹפְתִים בְּאֶרֶץ חָֽם׃
28 שָׁלַֽח חֹשֶׁךְ וַיַּחְשִׁךְ
וְלֹֽא־מָרוּ אֶת־דְּבָרֽוֹ דבריו׃
29 הָפַךְ אֶת־מֵימֵיהֶם לְדָם
וַיָּמֶת אֶת־דְּגָתָֽם׃
30 שָׁרַץ אַרְצָם צְפַרְדְּעִים
בְּחַדְרֵי מַלְכֵיהֶֽם׃
31 אָמַר וַיָּבֹא עָרֹב
כִּנִּים בְּכׇל־גְּבוּלָֽם׃
32 נָתַן גִּשְׁמֵיהֶם בָּרָד
אֵשׁ לֶהָבוֹת בְּאַרְצָֽם׃
33 וַיַּךְ גַּפְנָם וּתְאֵנָתָם
וַיְשַׁבֵּר עֵץ גְּבוּלָֽם׃
34 אָמַר וַיָּבֹא אַרְבֶּה
וְיֶלֶק וְאֵין מִסְפָּֽר׃
35 וַיֹּאכַל כׇּל־עֵשֶׂב בְּאַרְצָם
וַיֹּאכַל פְּרִי אַדְמָתָֽם׃
36 וַיַּךְ כׇּל־בְּכוֹר בְּאַרְצָם
רֵאשִׁית לְכׇל־אוֹנָֽם׃
37 וַֽיּוֹצִיאֵם בְּכֶסֶף וְזָהָב
וְאֵין בִּשְׁבָטָיו כּוֹשֵֽׁל׃
38 שָׂמַח מִצְרַיִם בְּצֵאתָם
כִּֽי־נָפַל פַּחְדָּם עֲלֵיהֶֽם׃
39 פָּרַשׂ עָנָן לְמָסָךְ
וְאֵשׁ לְהָאִיר לָֽיְלָה׃
40 שָׁאַל וַיָּבֵא שְׂלָו
וְלֶחֶם שָׁמַיִם יַשְׂבִּיעֵֽם׃
41 פָּתַח צוּר וַיָּזוּבוּ מָיִם
הָלְכוּ בַּצִּיּוֹת נָהָֽר׃
42 כִּֽי־זָכַר אֶת־דְּבַר קׇדְשׁוֹ
אֶֽת־אַבְרָהָם עַבְדּֽוֹ׃
43 וַיּוֹצִא עַמּוֹ בְשָׂשׂוֹן
בְּרִנָּה אֶת־בְּחִירָֽיו׃
44 וַיִּתֵּן לָהֶם אַרְצוֹת גּוֹיִם
וַעֲמַל לְאֻמִּים יִירָֽשׁוּ׃
45 בַּעֲבוּר ׀ יִשְׁמְרוּ חֻקָּיו
וְתוֹרֹתָיו יִנְצֹרוּ
הַֽלְלוּ־יָֽהּ׃
.