Psalam 103
1. Ledavid barahi nafši et-Jehovah vehol keravai et-šem Kadešov.
2. Barahi nafši et-Jehovah veal tiškehi kol gemulav.
3. Hasoleah lehol avonehi harofe lehol tahaluajehi.
4. Hagovel mišahat haijajehi hamaterehi hesed verahamim.
5. Hamasbija batov edjeh tithadeš kanešer neurajehi.
6. Oseh sedakot Jehovah umišpatim lehol-ašukim.
7. Jovdia derahav leMošeh livnei Jizrael alilovtav.
8. Rahum vehanun Jehovah ereh apajim verav hased.
9. Lo-lanesah jariv velo leovlam jitor.
10. Lo hahataeinu asah lanu velo ha-avonoteinu gamal aleinu.
11. Ki higvohah majim al-ha arec gavar hasdov al-jereav.
12. Kirhok mizrah mimarav hirhik mimenu et-pešaeinu.
13. Kerahem av al-banim riham Jehovah al-jereav.
14. Ki-hu jada jisrenu zahur ki-afar anahenu.
15. Enovš kehasir jamav kesis hasadeh ken jasis.
16. Ki ruah averah-bov ve einenu velo jakirenu ovd mekovmov.
17. Vehesed Jehovah meolam vead ovlam al-jereav vesidkatov livnei vanim.
18. Lešomerei veritov ulezoherei fikudav la asovtam.
19. Jehovah bašamajim hehin kisov umalhutov bakol mashalah.
20. Barahu Jehovah malahav giborei hoah osei devarov lišmoa bekovl devarov.
21. Barahu Jehovah kol-sevav mešaretav osei resovnov.
22. Barahu Jehovah kol-masav behol mekomot memšaltov barahi nafši et-Jehovah.
תהילים קג
1 לְדָוִד ׀ בָּרְכִי נַפְשִׁי אֶת־יְהֹוָה
וְכׇל־קְרָבַי אֶת־שֵׁם קׇדְשֽׁוֹ׃
2 בָּרְכִי נַפְשִׁי אֶת־יְהֹוָה
וְאַל־תִּשְׁכְּחִי כׇּל־גְּמוּלָֽיו׃
3 הַסֹּלֵחַ לְכׇל־עֲוֺנֵכִי
הָרֹפֵא לְכׇל־תַּחֲלוּאָֽיְכִי׃
4 הַגּוֹאֵל מִשַּׁחַת חַיָּיְכִי
הַֽמְעַטְּרֵכִי חֶסֶד וְרַחֲמִֽים׃
5 הַמַּשְׂבִּיעַ בַּטּוֹב עֶדְיֵךְ
תִּתְחַדֵּשׁ כַּנֶּשֶׁר נְעוּרָֽיְכִי׃
6 עֹשֵׂה צְדָקוֹת יְהֹוָה
וּמִשְׁפָּטִים לְכׇל־עֲשׁוּקִֽים׃
7 יוֹדִיעַ דְּרָכָיו לְמֹשֶׁה
לִבְנֵי יִשְׂרָאֵל עֲלִילוֹתָֽיו׃
8 רַחוּם וְחַנּוּן יְהֹוָה
אֶרֶךְ אַפַּיִם וְרַב־חָֽסֶד׃
9 לֹא־לָנֶצַח יָרִיב
וְלֹא לְעוֹלָם יִטּֽוֹר׃
10 לֹא כַחֲטָאֵינוּ עָשָׂה לָנוּ
וְלֹא כַעֲוֺנֹתֵינוּ גָּמַל עָלֵֽינוּ׃
11 כִּי כִגְבֹהַּ שָׁמַיִם עַל־הָאָרֶץ
גָּבַר חַסְדּוֹ עַל־יְרֵאָֽיו׃
12 כִּרְחֹק מִזְרָח מִֽמַּעֲרָב
הִֽרְחִיק מִמֶּנּוּ אֶת־פְּשָׁעֵֽינוּ׃
13 כְּרַחֵם אָב עַל־בָּנִים
רִחַם יְהֹוָה עַל־יְרֵאָֽיו׃
14 כִּי־הוּא יָדַע יִצְרֵנוּ
זָכוּר כִּי־עָפָר אֲנָֽחְנוּ׃
15 אֱנוֹשׁ כֶּחָצִיר יָמָיו
כְּצִיץ הַשָּׂדֶה כֵּן יָצִֽיץ׃
16 כִּי רוּחַ עָֽבְרָה־בּוֹ וְאֵינֶנּוּ
וְלֹֽא־יַכִּירֶנּוּ עוֹד מְקוֹמֽוֹ׃
17 וְחֶסֶד יְהֹוָה ׀ מֵעוֹלָם וְעַד־עוֹלָם
עַל־יְרֵאָיו
וְצִדְקָתוֹ לִבְנֵי בָנִֽים׃
18 לְשֹׁמְרֵי בְרִיתוֹ
וּלְזֹכְרֵי פִקֻּדָיו לַעֲשׂוֹתָֽם׃
19 יְֽהֹוָה בַּשָּׁמַיִם הֵכִין כִּסְאוֹ
וּמַלְכוּתוֹ בַּכֹּל מָשָֽׁלָה׃
20 בָּרְכוּ יְהֹוָה מַלְאָכָיו
גִּבֹּרֵי כֹחַ עֹשֵׂי דְבָרוֹ
לִשְׁמֹעַ בְּקוֹל דְּבָרֽוֹ׃
21 בָּרְכוּ יְהֹוָה כׇּל־צְבָאָיו
מְשָׁרְתָיו עֹשֵׂי רְצוֹנֽוֹ׃
22 בָּרְכוּ יְהֹוָה ׀ כׇּֽל־מַעֲשָׂיו
בְּכׇל־מְקֹמוֹת מֶמְשַׁלְתּוֹ
בָּרְכִי נַפְשִׁי אֶת־יְהֹוָֽה׃
.