Psalam 3
1. Mizmor leDavid bevarehov mipenei abšalovm benov. Jehovah mah-rabu sarai rabim kamim alai.
2 .Rabim omerim lenafši ein ješuatah lov velohim selah.
3 .Veatah Jehovah magen ba-adi kevovdi umerim roši.
4. Kovli el- Jehovah ekra vaijaneni mehar kadešov selah.
5. Ani šahavti vaišanah hekisovti ki Jehovah jismeheni.
6. Lo-ira merivot am ašer saviv šatu alai.
7. Kumah Jehovah hovšieni elohai ki-hikita et-kol ojevai lehi šinei rešaim šibarta.
8. LaJehovah hajšuah al-ameha virhateha selah
תהילים ג
1 מִזְמוֹר לְדָוִד
בְּבׇרְחוֹ מִפְּנֵי ׀ אַבְשָׁלוֹם בְּנֽוֹ׃
2 יְהֹוָה מָה־רַבּוּ צָרָי
רַבִּים קָמִים עָלָֽי׃
3 רַבִּים אֹמְרִים לְנַפְשִׁי
אֵין יְֽשׁוּעָתָה לּוֹ בֵאלֹהִים סֶֽלָה׃
4 וְאַתָּה יְהֹוָה מָגֵן בַּעֲדִי
כְּבוֹדִי וּמֵרִים רֹאשִֽׁי׃
5 קוֹלִי אֶל־יְהֹוָה אֶקְרָא
וַיַּעֲנֵנִי מֵהַר קׇדְשׁוֹ סֶֽלָה׃
6 אֲנִי שָׁכַבְתִּי וָאִישָׁנָה
הֱקִיצוֹתִי כִּי יְהֹוָה יִסְמְכֵֽנִי׃
7 לֹֽא־אִירָא מֵרִבְבוֹת עָם
אֲשֶׁר סָבִיב שָׁתוּ עָלָֽי׃
8 קוּמָה יְהֹוָה ׀ הוֹשִׁיעֵנִי אֱלֹהַי
כִּֽי־הִכִּיתָ אֶת־כׇּל־אֹיְבַי לֶחִי
שִׁנֵּי רְשָׁעִים שִׁבַּֽרְתָּ׃
9 לַֽיהֹוָה הַיְשׁוּעָה
עַֽל־עַמְּךָ בִרְכָתֶךָ סֶּֽלָה׃