8
1.Mi jitenha keah li, jovnek šedei imi emsa aha vahus ešakeha gam lo-javuzu li.
2.Enhagaha aviaha el-beit imi telamedeni aškeha mijajin harekah, measis rimoni.
3.Semolov tahat roši, viminov tehabekeni.
4.Hišbati ethem benovt jerušalim mah tairu umah teoreru etha ahavah ad šetehpas.
5.Mi zot olah min-hamidbar mitrapeket aldovdah tahat hatapuah ovrartiha mah hibelatha imeha, šamah hibelah jeladatha.
6.Simeni hahovtam al-libeha kahovtam al-zeroveha ki-azah hamavet ahavah, kašah hišovl kinah rešafeiha rišpei eš šalhevetjah.
7.Majim rabim lo juhelu lehabovt et-ha ahavah, uneharovt lo jištefuha im-jiten iš et-kol hovn beitov ba ahavah, bovz javuzu lov.
8.Ahovt lanu ketanah, vešadajim ein lah mah-na aseh la ahotenu, baijovm šeijedubar-bah.
9.Im-hovmah hi, nivneh aleiha tirat kasef veim delet hi nasur aleiha luah arec.
10.Ani hovmah, vešadai kamigdalovt as hajiti ve einav kemovcet šalovm.
11.Kerem hajah lišlomoh beval hamovn natan et-hakerem lanoterim iš javi befirjov elef kasef.
12.Karmi šeli lefanai haelef leha šelomoh umatajim lenoterim et-pirjov.
13.Haijovševet baganim haverim makšivim lekovleh hašmini.
14.Berah dovdi udemeh-leha lisvi ov leofer haijalim, al harei vesamim.
שיר השירים ח
1 מִי יִתֶּנְךָ כְּאָח לִי יוֹנֵק שְׁדֵי אִמִּי אֶֽמְצָאֲךָ בַחוּץ אֶשָּׁקְךָ גַּם לֹא־יָבֻּזוּ לִֽי׃
2 אֶנְהָֽגְךָ אֲבִֽיאֲךָ אֶל־בֵּית אִמִּי תְּלַמְּדֵנִי אַשְׁקְךָ מִיַּיִן הָרֶקַח מֵעֲסִיס רִמֹּנִֽי׃
3 שְׂמֹאלוֹ תַּחַת רֹאשִׁי וִֽימִינוֹ תְּחַבְּקֵֽנִי׃
4 הִשְׁבַּעְתִּי אֶתְכֶם בְּנוֹת יְרוּשָׁלִָם מַה־תָּעִירוּ ׀ וּֽמַה־תְּעֹרְרוּ אֶת־הָאַהֲבָה עַד שֶׁתֶּחְפָּֽץ׃
5 מִי זֹאת עֹלָה מִן־הַמִּדְבָּר מִתְרַפֶּקֶת עַל־דּוֹדָהּ תַּחַת הַתַּפּוּחַ עֽוֹרַרְתִּיךָ שָׁמָּה חִבְּלַתְךָ אִמֶּךָ שָׁמָּה חִבְּלָה יְלָדַֽתְךָ׃
6 שִׂימֵנִי כַֽחוֹתָם עַל־לִבֶּךָ כַּֽחוֹתָם עַל־זְרוֹעֶךָ כִּֽי־עַזָּה כַמָּוֶת אַהֲבָה קָשָׁה כִשְׁאוֹל קִנְאָה רְשָׁפֶיהָ רִשְׁפֵּי אֵשׁ שַׁלְהֶבֶתְיָֽה׃
7 מַיִם רַבִּים לֹא יֽוּכְלוּ לְכַבּוֹת אֶת־הָֽאַהֲבָה וּנְהָרוֹת לֹא יִשְׁטְפוּהָ אִם־יִתֵּן אִישׁ אֶת־כׇּל־הוֹן בֵּיתוֹ בָּאַהֲבָה בּוֹז יָבוּזוּ לֽוֹ׃
8 אָחוֹת לָנוּ קְטַנָּה וְשָׁדַיִם אֵין לָהּ מַֽה־נַּעֲשֶׂה לַאֲחֹתֵנוּ בַּיּוֹם שֶׁיְּדֻבַּר־בָּֽהּ׃
9 אִם־חוֹמָה הִיא נִבְנֶה עָלֶיהָ טִירַת כָּסֶף וְאִם־דֶּלֶת הִיא נָצוּר עָלֶיהָ לוּחַ אָֽרֶז׃
10 אֲנִי חוֹמָה וְשָׁדַי כַּמִּגְדָּלוֹת אָז הָיִיתִי בְעֵינָיו כְּמוֹצְאֵת שָׁלֽוֹם׃
11 כֶּרֶם הָיָה לִשְׁלֹמֹה בְּבַעַל הָמוֹן נָתַן אֶת־הַכֶּרֶם לַנֹּטְרִים אִישׁ יָבִא בְּפִרְיוֹ אֶלֶף כָּֽסֶף׃
12 כַּרְמִי שֶׁלִּי לְפָנָי הָאֶלֶף לְךָ שְׁלֹמֹה וּמָאתַיִם לְנֹטְרִים אֶת־פִּרְיֽוֹ׃
13 הַיּוֹשֶׁבֶת בַּגַּנִּים חֲבֵרִים מַקְשִׁיבִים לְקוֹלֵךְ הַשְׁמִיעִֽנִי׃
14 בְּרַח ׀ דּוֹדִי וּֽדְמֵה־לְךָ לִצְבִי אוֹ לְעֹפֶר הָֽאַיָּלִים עַל הָרֵי בְשָׂמִֽים׃