2

1.Ani havaselet hašaron, šovšanat ha amakim.

2.Kešovšanah bein hahovhim, ken rajati bein habanot.

3.Ketapuah ba asei haija ar, ken dodi bein habanim besilov himadti vejašati, ufirjov matok lehiki.

4.Heviani elbeit haijajin, vediglo alai ahavah.

5.Samehuni ba ašišot, rapeduni batapuhim ki holat ahavah ani.

6.Semolov tahat leroši, viminov tehabekeni.

7.Hišbati ethem benot Jerušalim bizvaot, ov beajlovt hasadeh, imtairu veimteoru et ha-ahavah ad šetehpas.

8.Kol dodi, hinehzeh ba, medaleg alheharim, mekapes alhagevaot. 9.Domeh dodi lizvi, ov leofer ha aijalim hineh zeh omed ahar katelenu, mašgiah minha halonot, mesis min haharakim.

10.Anah dovdi veamar li kumi lah rajati jafati ulehi lah.

11.Kihineh hasetavh hasetav kavar hagešem halaf halah lov.

12.Hanisanim niru va arec, et hazamir higia vekol hator nišma bearsenu.

13.Hate enah hanetah fageiha, vehagefanim semadar natenu reiah, kumi lehi hlah krajati jafati ulehilah.

14.Jonati behagei hasela beseter hamadregah, harini etmarajih, hašmini etkoleh, kikovleh arev umareih naveh.

15.Ehezu šalim, šualim ketanim mehabelim keramim uherameinu semadar.

16. Dodi li va ani lov, haroeh bašovšanim.

17. Ad šeijafuah haijom, venasu haselalim, sov demehleha dodi lisvi ov leofer ha aijalim alharei vater.
 

 

 

שיר השירים ב

1 אֲנִי חֲבַצֶּלֶת הַשָּׁרוֹן שֽׁוֹשַׁנַּת הָעֲמָקִֽים׃

2 כְּשֽׁוֹשַׁנָּה בֵּין הַחוֹחִים כֵּן רַעְיָתִי בֵּין הַבָּנֽוֹת׃

3 כְּתַפּוּחַ בַּעֲצֵי הַיַּעַר כֵּן דּוֹדִי בֵּין הַבָּנִים בְּצִלּוֹ חִמַּדְתִּי וְיָשַׁבְתִּי וּפִרְיוֹ מָתוֹק לְחִכִּֽי׃

4 הֱבִיאַנִי אֶל־בֵּית הַיָּיִן וְדִגְלוֹ עָלַי אַהֲבָֽה׃

5 סַמְּכוּנִי בָּֽאֲשִׁישׁוֹת רַפְּדוּנִי בַּתַּפּוּחִים כִּי־חוֹלַת אַהֲבָה אָֽנִי׃

6 שְׂמֹאלוֹ תַּחַת לְרֹאשִׁי וִימִינוֹ תְּחַבְּקֵֽנִי׃

7 הִשְׁבַּעְתִּי אֶתְכֶם בְּנוֹת יְרוּשָׁלַ‍ִם בִּצְבָאוֹת אוֹ בְּאַיְלוֹת הַשָּׂדֶה אִם־תָּעִירוּ ׀ וְֽאִם־תְּעוֹרְרוּ אֶת־הָאַהֲבָה עַד שֶׁתֶּחְפָּֽץ׃

8  קוֹל דּוֹדִי הִנֵּה־זֶה בָּא מְדַלֵּג עַל־הֶהָרִים מְקַפֵּץ עַל־הַגְּבָעֽוֹת׃

9 דּוֹמֶה דוֹדִי לִצְבִי אוֹ לְעֹפֶר הָֽאַיָּלִים הִנֵּה־זֶה עוֹמֵד אַחַר כׇּתְלֵנוּ מַשְׁגִּיחַ מִן־הַֽחַלֹּנוֹת מֵצִיץ מִן־הַחֲרַכִּֽים׃

10 עָנָה דוֹדִי וְאָמַר לִי קוּמִי לָךְ רַעְיָתִי יָפָתִי וּלְכִי־לָֽךְ׃

11 כִּֽי־הִנֵּה הַסְּתָו עָבָר הַגֶּשֶׁם חָלַף הָלַךְ לֽוֹ׃

12 הַנִּצָּנִים נִרְאוּ בָאָרֶץ עֵת הַזָּמִיר הִגִּיעַ וְקוֹל הַתּוֹר נִשְׁמַע בְּאַרְצֵֽנוּ׃

13 הַתְּאֵנָה חָֽנְטָה פַגֶּיהָ וְהַגְּפָנִים ׀ סְמָדַר נָתְנוּ רֵיחַ קוּמִי לכי לָךְ רַעְיָתִי יָפָתִי וּלְכִי־לָֽךְ׃

14  יוֹנָתִי בְּחַגְוֵי הַסֶּלַע בְּסֵתֶר הַמַּדְרֵגָה הַרְאִינִי אֶת־מַרְאַיִךְ הַשְׁמִיעִנִי אֶת־קוֹלֵךְ כִּי־קוֹלֵךְ עָרֵב וּמַרְאֵיךְ נָאוֶֽה׃

15  אֶֽחֱזוּ־לָנוּ שֻֽׁעָלִים שֻׁעָלִים קְטַנִּים מְחַבְּלִים כְּרָמִים וּכְרָמֵינוּ סְמָדַֽר׃

16 דּוֹדִי לִי וַאֲנִי לוֹ הָרֹעֶה בַּשּׁוֹשַׁנִּֽים׃

17 עַד שֶׁיָּפוּחַ הַיּוֹם וְנָסוּ הַצְּלָלִים סֹב דְּמֵה־לְךָ דוֹדִי לִצְבִי אוֹ לְעֹפֶר הָאַיָּלִים עַל־הָרֵי בָֽתֶר׃