Psalam 106
1. Halelu-Jah hovdu lašem ki-tov ki leolam hasdov.
2. Mi jemalel gevurot Jehovah jašmia kol tehilatov.
3. Ašrei šomerei mišpat oseh sedakah vehol-et.
4. Zahereni Jehovah birson ameha pakedeni bišuateha.
5 .Lirot betovat behireiha lismoah besimhat govjeha lehithalel im-nahalateha.
6. Hatanu im-avovtenu heevinu hiršaenu.
7. Avovteinu vemisrajim lo-hiskilu nifleovteiha lo zaheru et-rov hasadeiha vaijamru al-jam bejam suf.
8 .Vaijovšiem leman šemov lehovdia et-gevuratov.
9. Vaijigar bejam-suf vaijeherav vaijovlihem batehomot kamidbar.
10. Vaijovšiem mijad sovne vaijigalem mijad ovjev.
11. Vajhasu majim sareihem ehad mehem lo novtar.
12. Vaijaminu vidvarav jaširu tehilatov.
13. Miharu šahehu masav lo-hiku la asatov.
14 .Vaijitavu tavah bamidbar vajnasu-el bišimon.
15. Vaijiten lahem šelatam vajšalah razon benafšam.
16. Vajkanu leMošeh bamahaneh leAharon kedoš Jehovah.
17. Tiftah-erec vativla datan vatehas al-adat aviram.
18. Vativar-eš ba adatam lehavah telahet rešaim.
19. Jasu-egel behorev vaijištahavu lemasehah.
20. Vaijamiru et-kevovdam betavnit vr ohel esev.
21 Hehu el movšiam oseh gedolovt bemisrajim.
22. Niflaot be-erec ham novraovt al jam suf.
23 .Vaijomer lehašmidam lulei mošeh vehirov amad baperes lefanav lehašiv hamatov mehašhit.
24. Vaijimasu be-erec hemdah lo-he eminu lidvarov.
25 .Vaijeragenu veaholeihem lo meu bekovl Jehovah.
26. Vaijisa jadov lahem lehapil ovtam bamidbar.
27. Ulehapil zaram bagovjim ulezarovtam ba-arasot.
28 .Vaijisamedu leval peovr vaijohelu zivhei metim.
29. Vaijahisu bema-aleihem vatifras bam magefah.
30 .Vaijamod pinehas vajfalel vateasar hamagefah.
31. Vatehašev lov lisdakah ledor vador ad-ovlam.
32. Vaijaksifu al-mei merivah vaijera lemošeh ba-avuram.
33. Ki-himru et-ruhov vajvate bisfatav.
34. Lo-hišmidu et-haamim asher amar Jehovah lahem.
35 .Vaijitarevu vagovjim vaijilmedu maaseihem.
36. Vaijavdu et-asabeihem vaijihju lahem lemovkeš.
37. Vaijizbehu et-beneihem ve et-benovteihem lašedim.
38. Vaijišpehu dam naki dam beneihem uvenovteihem ašer zibehu la-asabei henan vatehenaf ha-arec badamim.
39 .Vaijitmeu vemaseihem vaijiznu bema-aleihem.
40 .Vaijihar-af Jehovah beamov vajtaev et-nahalatov.
41. Vaijitenem bejad govjim vaijimšelu vahem soneeihem.
42. Vaijilhasum ovjveihem vaijikaneu tahat jadam.
43. Peamim rabot jasilem vehemah jamru va-asatam vaijamoku baavonam.
44. Vaijar basar lahem bešamov et-rinatam.
45. Vaijizkor lahem beritov vaijinnahem kerov hasdovh hasadav.
46. Vaijiten ovtam lerahamim lifnei kol-šoveihem.
47. Hovšienu Jehovah eloheinu vekabesenu min-hagovjim lehodot lešem kadešeha lehištabeah bithillateha.
48. Baruh-Jehovah elohei Jizrael min haolam vead haolam veamar kol ham amen Halelu-Jah.
תהילים קו
1 הַלְלוּ יָהּ ׀
הוֹדוּ לַיהֹוָה כִּי־טוֹב
כִּי לְעוֹלָם חַסְדּֽוֹ׃
2 מִי יְמַלֵּל גְּבוּרוֹת יְהֹוָה
יַשְׁמִיעַ כׇּל־תְּהִלָּתֽוֹ׃
3 אַשְׁרֵי שֹׁמְרֵי מִשְׁפָּט
עֹשֵׂה צְדָקָה בְכׇל־עֵֽת׃
4 זׇכְרֵנִי יְהֹוָה בִּרְצוֹן עַמֶּךָ
פׇּקְדֵנִי בִּישׁוּעָתֶֽךָ׃
5 לִרְאוֹת ׀ בְּטוֹבַת בְּחִירֶיךָ
לִשְׂמֹחַ בְּשִׂמְחַת גּוֹיֶךָ
לְהִתְהַלֵּל עִם־נַחֲלָתֶֽךָ׃
6 חָטָאנוּ עִם־אֲבוֹתֵינוּ
הֶעֱוִינוּ הִרְשָֽׁעְנוּ׃
7 אֲבוֹתֵינוּ בְמִצְרַיִם ׀ לֹֽא־הִשְׂכִּילוּ נִפְלְאוֹתֶיךָ
לֹא זָכְרוּ אֶת־רֹב חֲסָדֶיךָ
וַיַּמְרוּ עַל־יָם בְּיַם־סֽוּף׃
8 וַֽיּוֹשִׁיעֵם לְמַעַן שְׁמוֹ
לְהוֹדִיעַ אֶת־גְּבוּרָתֽוֹ׃
9 וַיִּגְעַר בְּיַם־סוּף וַֽיֶּחֱרָב
וַיּוֹלִיכֵם בַּתְּהֹמוֹת כַּמִּדְבָּֽר׃
10 וַֽיּוֹשִׁיעֵם מִיַּד שׂוֹנֵא
וַיִּגְאָלֵם מִיַּד אוֹיֵֽב׃
11 וַיְכַסּוּ־מַיִם צָרֵיהֶם
אֶחָד מֵהֶם לֹא נוֹתָֽר׃
12 וַיַּאֲמִינוּ בִדְבָרָיו
יָשִׁירוּ תְּהִלָּתֽוֹ׃
13 מִהֲרוּ שָׁכְחוּ מַֽעֲשָׂיו
לֹא־חִכּוּ לַעֲצָתֽוֹ׃
14 וַיִּתְאַוּוּ תַאֲוָה בַּמִּדְבָּר
וַיְנַסּוּ־אֵל בִּישִׁימֽוֹן׃
15 וַיִּתֵּן לָהֶם שֶׁאֱלָתָם
וַיְשַׁלַּח רָזוֹן בְּנַפְשָֽׁם׃
16 וַיְקַנְאוּ לְמֹשֶׁה בַּֽמַּחֲנֶה
לְאַהֲרֹן קְדוֹשׁ יְהֹוָֽה׃
17 תִּפְתַּח־אֶרֶץ וַתִּבְלַע דָּתָן
וַתְּכַס עַל־עֲדַת אֲבִירָֽם׃
18 וַתִּבְעַר־אֵשׁ בַּעֲדָתָם
לֶהָבָה תְּלַהֵט רְשָׁעִֽים׃
19 יַעֲשׂוּ־עֵגֶל בְּחֹרֵב
וַיִּשְׁתַּחֲווּ לְמַסֵּכָֽה׃
20 וַיָּמִירוּ אֶת־כְּבוֹדָם
בְּתַבְנִית שׁוֹר אֹכֵל עֵֽשֶׂב׃
21 שָׁכְחוּ אֵל מוֹשִׁיעָם
עֹשֶׂה גְדֹלוֹת בְּמִצְרָֽיִם׃
22 נִפְלָאוֹת בְּאֶרֶץ חָם
נוֹרָאוֹת עַל־יַם־סֽוּף׃
23 וַיֹּאמֶר לְֽהַשְׁמִידָם
לוּלֵי מֹשֶׁה בְחִירוֹ
עָמַד בַּפֶּרֶץ לְפָנָיו
לְהָשִׁיב חֲמָתוֹ מֵהַשְׁחִֽית׃
24 וַֽיִּמְאֲסוּ בְּאֶרֶץ חֶמְדָּה
לֹא־הֶאֱמִינוּ לִדְבָרֽוֹ׃
25 וַיֵּרָגְנוּ בְאׇהֳלֵיהֶם
לֹא שָׁמְעוּ בְּקוֹל יְהֹוָֽה׃
26 וַיִּשָּׂא יָדוֹ לָהֶם
לְהַפִּיל אוֹתָם בַּמִּדְבָּֽר׃
27 וּלְהַפִּיל זַרְעָם בַּגּוֹיִם
וּלְזָרוֹתָם בָּאֲרָצֽוֹת׃
28 וַיִּצָּמְדוּ לְבַעַל פְּעוֹר
וַיֹּאכְלוּ זִבְחֵי מֵתִֽים׃
29 וַיַּכְעִיסוּ בְּמַעַלְלֵיהֶם
וַתִּפְרׇץ־בָּם מַגֵּפָֽה׃
30 וַיַּעֲמֹד פִּֽינְחָס וַיְפַלֵּל
וַתֵּעָצַר הַמַּגֵּפָֽה׃
31 וַתֵּחָשֶׁב לוֹ לִצְדָקָה
לְדֹר וָדֹר עַד־עוֹלָֽם׃
32 וַיַּקְצִיפוּ עַל־מֵי מְרִיבָה
וַיֵּרַע לְמֹשֶׁה בַּעֲבוּרָֽם׃
33 כִּי־הִמְרוּ אֶת־רוּחוֹ
וַיְבַטֵּא בִּשְׂפָתָֽיו׃
34 לֹֽא־הִשְׁמִידוּ אֶת־הָעַמִּים
אֲשֶׁר אָמַר יְהֹוָה לָהֶֽם׃
35 וַיִּתְעָרְבוּ בַגּוֹיִם
וַֽיִּלְמְדוּ מַעֲשֵׂיהֶֽם׃
36 וַיַּעַבְדוּ אֶת־עֲצַבֵּיהֶם
וַיִּהְיוּ לָהֶם לְמוֹקֵֽשׁ׃
37 וַיִּזְבְּחוּ אֶת־בְּנֵיהֶם וְאֶת־בְּנוֹתֵיהֶם
לַשֵּׁדִֽים׃
38 וַיִּשְׁפְּכוּ דָם נָקִי
דַּם־בְּנֵיהֶם וּֽבְנוֹתֵיהֶם
אֲשֶׁר זִבְּחוּ לַעֲצַבֵּי כְנָעַן
וַתֶּחֱנַף הָאָרֶץ בַּדָּמִֽים׃
39 וַיִּטְמְאוּ בְמַעֲשֵׂיהֶם
וַיִּזְנוּ בְּמַעַלְלֵיהֶֽם׃
40 וַיִּֽחַר־אַף יְהֹוָה בְּעַמּוֹ
וַיְתָעֵב אֶת־נַחֲלָתֽוֹ׃
41 וַיִּתְּנֵם בְּיַד־גּוֹיִם
וַֽיִּמְשְׁלוּ בָהֶם שֹׂנְאֵיהֶֽם׃
42 וַיִּלְחָצוּם אוֹיְבֵיהֶם
וַיִּכָּנְעוּ תַּחַת יָדָֽם׃
43 פְּעָמִים רַבּוֹת יַצִּילֵם
וְהֵמָּה יַמְרוּ בַעֲצָתָם
וַיָּמֹכּוּ בַּעֲוֺנָֽם׃
44 וַיַּרְא בַּצַּר לָהֶם
בְּשׇׁמְעוֹ אֶת־רִנָּתָֽם׃
45 וַיִּזְכֹּר לָהֶם בְּרִיתוֹ
וַיִּנָּחֵם כְּרֹב חֲסָדָֽו׃
46 וַיִּתֵּן אוֹתָם לְרַחֲמִים
לִפְנֵי כׇּל־שׁוֹבֵיהֶֽם׃
47 הוֹשִׁיעֵנוּ ׀ יְהֹוָה אֱלֹהֵינוּ
וְקַבְּצֵנוּ מִֽן־הַגּוֹיִם
לְהֹדוֹת לְשֵׁם קׇדְשֶׁךָ
לְהִשְׁתַּבֵּחַ בִּתְהִלָּתֶֽךָ׃
48 בָּרֽוּךְ יְהֹוָה אֱלֹהֵי יִשְׂרָאֵל
מִן־הָעוֹלָם ׀ וְעַד הָעוֹלָם
וְאָמַר כׇּל־הָעָם אָמֵן
הַֽלְלוּ־יָֽהּ׃
.
.